Президенттин кеңешчиси Равшан Сабиров. Архивдик сүрөт

Равшан Сабиров президенттин кеңешчиси кызматынан бошотулду

158
Сабиров "Кыргыз Республикасынын Жогорку Кеңешинин депутаттарын шайлоо жөнүндө" конституциялык мыйзамдын 21-беренесинин 2-бөлүгүнүн 1-пунктуна ылайык иштен кетти.

БИШКЕК, 12-окт. — Sputnik. Президенттин кеңешчиси Равшан Сабиров ээлеген кызматынан бошотулду. Бул тууралуу өлкө башчынын маалымат кызматы билдирди.

Тийиштүү жарлыкка Садыр Жапаров кол койгон.

Маалыматка караганда, Сабиров 28-ноябрда өтө турган парламенттик шайлоого катыша турганына байланыштуу кызматын тапшырды.

158
Белгилер:
президент, Садыр Жапаров, Равшанбек Сабиров, кеңешчи, шайлоо
Тема боюнча
Президент Алмамбет Шыкмаматовду кызматтан бошотту
Түркиянын президенти Режеп Тайип Эрдоган

10 элчинин чыры. Эрдоган дипломаттар боюнча кризис чечилгенин билдирди

13
(жаңыланган 10:10 26.10.2021)
Эрдоган элчилерге Түркиянын суверенитетин бутага алган деген кине такты. Ал кимде-ким өлкөнүн көз карандысыздыгын урматтабаса Түркиядан кете берсе болорун айткан.

БИШКЕК, 26-окт. — Sputnik. Түркиянын президенти Режеп Тайип Эрдоган 10 элчини персона нон-грата деп жарыялаган кырдаал элчиликтердин Түркиянын ишине кийлигишпестиги боюнча билдирүүсүнөн соң чечилди деп айткан. Бул туурасында РИА Новости кабарлады.

Дүйшөмбү күнү АКШнын жана башка бир катар мамлекеттердин элчиликтери Вена конвенциясына ылайык, өлкөнүн ички иштерине кийлигишпей турганын айтып, билдирүү менен чыккан.

"Бир катар мамлекеттердин элчилери биздин өлкөнүн суверенитетин бутага алышкан. Мындай билдирүү биздин сотторду, жактоочуларды мазактоо. Түркия соту көз каранды эмес жана эч кимдин буйругун аткарбайт. Андыктан мындай мазактоого жооп кылуу биздин милдетибиз. Кандайдыр бир кризис жараталы деген жокпуз, өлкөбүздүн намысын, кызыкчылыгын, укугун коргодук. Элчилердин бүгүнкү билдирүүсүнөн кийин кырдаал башка жакка өзгөрдү", — деген Эрдоган.

Анын айтымына караганда, ал элчилердин "мындан ары Түркия боюнча билдирүүлөрүндө сак жана дыкат болоруна ишеним артат".

"Кимде-ким биздин өлкөнүн көз карандысыздыгын урматтабаса, титулдарына, артыкчылыктарына карабай, өлкөдөн чыгып кетсе болот", — деген Түркия президенти.

Эске салсак, буга чейин Канада, Франция, Финляндия, Дания, Германия, Нидерланд, Жаңы Зеландия, Норвегия, Швеция жана АКШ мамлекеттеринин элчиликтери түрк бийлигин укук коргоочу Осман Каваланы бошотууга чакырган.

Түркиянын ТИМи бул өлкөлөрдүн элчилеринин чакырыгын тастыктап, дипломатиялык мамилелер боюнча Вена конвенциясын сактоо зарылдыгын эскерткен.

Осман Кавала — Anadolu Kültür AŞ маданий фондунун негиздөөчүсү, түрк жана армян калкынын ортосундагы элдештирүү жана күрд маселесин тынчтык жолу менен чечүү сыяктуу эл аралык маанидеги этникалык жана диний азчылыктардын долбоорлорун колдойт.

2013-жылы Стамбулдун Гези паркындагы нааразылык акцияларында өкмөттү кулатуу аракетине катышкан деп айыпталган Каваланы 2020-жылдын февралында Түркиянын соту актаган. Ошол эле күнү Стамбулдун прокуратурасы аны камакка алуу боюнча жаңы ордер чыгарган. Кавалага бул жолу 2016-жылы июлда Түркияда мамлекеттик төңкөрүш жасоо аракетине катыштыгы бар деген айып тагылууда.

13
Белгилер:
Түркия, Режеп Тайип Эрдоган, элчи, дипломат
Тема боюнча
Эрдоган 10 өлкөнүн элчилерин Түркиядан чыгарууну буйруду. Себеби
Путин менен Эрдоган бири-бирине эмне үчүн зарыл? Жолугушуунун жыйынтыгы
Москвадагы талибдердин делегациясы

Москва талибдерден афган элине либералдуу мамиле күтөрүн айтты

109
(жаңыланган 19:12 25.10.2021)
Кабуловдун айтымында, аймактык өлкөлөр өкмөттү түзүүдө талибдерден "чечкиндүүрөөк жана батыл кадамдарды" күтүп жатат.

БИШКЕК, 26-окт. — Sputnik. Талибдерде ("Талибан"*) инклюзивдик өкмөттү түзүү боюнча кандайдыр бир мөөнөт боюнча алкак, чектөө жок. Бул тууралуу РФтин Афганистан боюнча атайын өкүлү, ТИМдин Азия департаментинин экинчи директору Замир Кабулов билдиргенин РИА Новости жазды.

"Жок, эч кандай мөөнөт коюлган эмес. Бул "Москва форматынын" милдети да эмес болчу. Биз талибдерге алардын мындан аркы иши жана анын графигин тагуу үчүн чогулган жокпуз, андай эмес", — деген Кабулов "Россия сегодня" эл аралык маалымат агенттигинде журналисттерге брифинг өткөрүп жатып.

Диломаттын айтымында, аймактык өлкөлөр өкмөттү түзүүдө талибдер "чечкиндүү жана батыл кадамдарды" жасайт деген пикирде.

Кабулов, андан сырткары, Москва талибдерден элге карата либералдуу мамиле кылууну күтө тургандыгын айтты.

"...Жаңы бийликтен биз көбүрөөк либерализмдин жаралышын, ооба, өзүнүн маданий-диний салттарына таянышын, бирок либерализмдин көбүрөөк болушун күтүп жатабыз", — деди Кабулов.

Буга чейин да аталган темада кеп кылган Кабулов Москвадан талибдерге дүйнөлүк коомчулуктун пикирине кулак төшөп, ири алдыда элдин үнүн угуу боюнча айткандарын билдирген.

* — Кыргызстан, Россия жана башка бир катар өлкөлөрдө тыюу салынган уюм

109
Белгилер:
Афганистан, Россия, ТИМ, санкциялар, 'Талибан' кыймылы, Замир Кабулов
Тема:
Афган бийлиги менен талибдердин тиреши
Тема боюнча
Бишкекте КМШнын коопсуздук кызматынын өкүлдөрү жолукту. Эмне талкууланды
Москвага талибдердин делегациясы келди
Бокс боюнча Азия чемпиону Азат Үсөналиев

Үсөналиев: Париж Олимпиадасына катышууга болгон күчүмдү жумшайм

0
Бокс боюнча Азия чемпиону Азат Үсөналиев 2024-жылы Парижде өтө турган XXXIII жайкы Олимпиада оюндарына катышууга үмүтү чоң экендигин айтты.

Бокс боюнча Токио Олимпиадасына тандап алуунун эрежеси пандемияга байланыштуу өзгөрүп, тиешелүү упай жетпей ири турнирге катыша албай калдым. Бул тууралуу Азат Үсөналиев Sputnik Кыргызстан радиосунун эфиринде айтып берди.

Үсөналиев: Париж Олимпиадасына катышууга болгон күчүмдү жумшайм

Ал тажрыйбаны арттыруу максатында окуу-машыгуулардын санын көбөйтүп жана сапатын жакшыртуу зарыл экенин белгилеген.

"Буга чейинки тажрыйбамды колдонуп, дагы бир олимпиадалык циклде күчүмдү сыноону чечтим. Негизи Олимпиадага катышуу үчүн боксто эки квалификациялык мелдеш бар. Тилекке каршы, мен бирөөнө катышып, экинчисине барарда пандемияга байланыштуу упай менен эсептөө эрежесин киргизишти. 2017-жылы дүйнө чемпионатына катыша албай калганым үчүн беш упай жетпей Токио Олимпиадасынан кол жууп калдым. Эгерде биринчиликке катышканымда 15 упай берилмек. Менин ордума филиппиндик боксчу катышып, Токиодо экинчи орунду камсыз кылды. Эми келе жаткан Париж Олимпиадасына жакшы даярданып, лицензия алам деп ишенип турам", — деди Үсөналиев.

Ошондой эле спортчу боксту өнүктүрүү үчүн аймактарда бокс залдарын ачып, жаш таланттарга көңүл буруу зарылдыгын кошумчалады.

Подкасттын толук вариантын видеодон көрүңүз:

0
Белгилер:
Азат Үсөналиев, спорт, бокс, олимпиада, Париж
Тема боюнча
Чемпионго 100 миң доллар! Дүйнө чемпионатына барчу КР боксчулары аныкталды