УКМК төрагасы Камчыбек Ташиев. Архив

Тойго барганым достошуп алгандык эмес. Ташиев менен Бекешевдин айтышкан видеосу

275
(жаңыланган 15:03 13.10.2021)
УКМК төрагасы бирөө менен тойго барса эле достошуп алганын түшүндүрбөй турганын айтып, мыйзам бузса баары жазаланарын билдирди.

БИШКЕК, 13-окт. — Sputnik. Жогорку Кеңештин депутаты Дастан Бекешев УКМК төрагасы Камчыбек Ташиев коррупционер Райым Матраимов менен тойго барып жүргөнүн сындап, “өзүңүз башкаларга кандай үлгү көрсөтүп жатасыз?” деп сурады.

Белгилей кетсек, өткөн жумада Ош жана Бишкек шаарларынын экс-мэри Таалайбек Сарыбашов уулун үйлөнтүп, борбор калаада той берген. Ал жерде Ташиев менен Матраимов чогуу жүргөн кадрлар тараган.

“Мен бир жылдан бери биринчи жолу тойго бардым. Күнүгө барып жаткан жокмун. Эгер мени тойдон көргөндөр болсо айтсын. Куран окутууга барам, а тойго бир гана жолу бардым. Ал тойдо, биринчиден, Райым Матраимов менен бир столдо отурган жокмун, экинчиден, сүйлөп коюп эле чыгып кеткем. Үчүнчүдөн, бир отурган чакта деле жаман болмок эмес деп ойлойм. Себеби ал башкалардан айырмаланып 2 миллиард сом төлөдү. Эгер андан мыйзам бузуу аныкталса, дагы төлөйт. Эч ким аны калкалабайт”, — деди Ташиев.

Ошондой эле ал Бекешевди негизсиз сындарды айтып, чукулай берүүнү токтотуп, мамлекетти өнүктүрө турган сунуштарды берүүгө чакырды.

УКМК төрагасы Камчыбек Ташиев. Архив
© Фото / Пресс-служба правительства/ Алишер Алиев
“Ким коррупцияга аралашса мени менен кошо тойго, куран окутууга барганына карабай баарын жазалайбыз. Анын ичинде сизди дагы. Эгер мыйзам бузсаңыз азыр менин жанымда отурганыңызга карабай жазалайбыз. Мен бирөө менен тойго барсам эле достошуп алды дегенди түшүндүрбөйт. Муну билип коюңуздар”, — деди Ташиев.

Ошондой эле жаштар жөн эле отуруп сындагандардан эмес, коррупция, уюшкан кылмыштуу топтор менен күрөшкөндөрдөн үлгү аларын кошумчалады.

275
Белгилер:
Камчыбек Ташиев, той, жазалоо, Райымбек Матраимов, Дастан Бекешев
Тема боюнча
Акылбек Жапаров: биздин муундагы саясатчыларга акыркы мүмкүнчүлүк берилүүдө
Россиянын президенти Владимир Путин

Путин: коммунисттер менен улутчулдарга бирдей кароо такыр туура эмес

68
(жаңыланган 01:00 22.10.2021)
Россиянын башчысы экинчи дүйнөлүк согушка байланыштуу маселелерди талашууга аргументтери бар экенин айтты.

БИШКЕК, 22-окт. — Sputnik. Коммунисттер менен улутчулдарды бирдей кароо такыр туура эмес. Бул тууралуу Россиянын президенти Владимир Путин Эл аралык “Валдай” дискуссиялык клубунун жыйынында билдирди.

Путин тарыхый эстеликтер тууралуу сөз болгондо экинчи дүйнөлүк согушка байланыштуу маселелерди талашууга аргументтери бар экенин айтты.

“Бизде 1917-жылдан 1990-жылга чейинки өлкөнүн башкаруучуларына көптөгөн дооматыбыз бар. Бул кадыр эсе көрүнүш. Бирок экинчи дүйнөлүк согуштун алдында коммунисттер менен улутчулдарды бир жерге коюп, жоопкерчилигин 50\50 пайыздан бөлүп кароо такыр орунсуз”, — деди Россия лидери.

Путин бул сөздөрдү СССРдин мураскери аталган Россиянын башчысы жана орус жараны болгону үчүн гана айтып жатпаганын белгиледи.

“Мен муну изилдөөчү катары айтып жатам. Архивде жаткан документтерди окуп чыктым”, — деди Россиянын башчысы.

Анын айтымында, анын арасында лагерлер жана репрессия сыяктуу Сталин жөнүндө көп нерсени эстесе болот.

“Бирок мен документтерден анын резолюцияларын көрдүм. Совет өкмөтү экинчи дүйнөлүк согуштун башталышына жол бербөө үчүн күрөшкөн”, — деди Путин.

Ошондой эле ал тарыхты бурмалоо аракети ар дайым болушу мүмкүн экенин, бирок жок дегенде документтерди окуп коюуга чакырды.

68
Белгилер:
Владимир Путин, тарых, улутчул, коммунист
Тема боюнча
Путин Афганистандын экономикасын калыбына келтирүү үчүн көмөктөшүүгө чакырды
Россиянын президенти Владимир Путин

Путин Афганистандын экономикасын калыбына келтирүү үчүн көмөктөшүүгө чакырды

88
(жаңыланган 23:58 21.10.2021)
Россия лидери баңгизатты өндүрүү жана сатуу Афганистанда негизги көйгөйдү жаратып жатканын белгиледи.

БИШКЕК, 21-окт. — Sputnik. Россиянын президенти Владимир Путин Афганистандын экономикасын калыбына келтирүү үчүн жардам берүү керектигин билдирди.
Ал бүгүн Валдай форумунда сүйлөп жатат.

“Кырдаал өз убагында жана тийиштүү темп менен жөнгө салынышы үчүн, албетте, Афганистандын экономикасын калыбына келтирүүгө жардам берүү керек”, — деди Путин.

Россия лидери баңгизатты өндүрүү жана сатуу өлкөдө негизги көйгөйдү жаратып жатканын белгиледи.

“Бирок акчалары жок болсо, алар кайда барат. Социалдык маселелерин кантип каржылайт?” — деди Путин.

88
Белгилер:
Владимир Путин, Афганистан, экономика, жардам берүү
Тема боюнча
Путин: азык-түлүккө болгон кризис дүйнөдө мындан ары да курчушу мүмкүн
Электростанциядагы жарылуудан улам Кабул толугу менен жарыксыз калды
Афганистан: "Москва форматындагы" сүйлөшүүгө Кыргызстандан Абдуразаков катышууда
Төө-Ашууда автоунаа. Архив

Төө-Ашуу менен Суусамырда сак болгула! Милиция айдоочуларга кайрылды

0
(жаңыланган 10:00 22.10.2021)
Кайгуул кызматы айдоочуларды ашууларда ылдамдыкты өтө жогорулатпай, каршы тилкеге чыкпоого чакырды.

БИШКЕК, 22-окт. — Sputnik. Чүй облустук милициясынын Жол кыймылы коопсуздугун камсыздоо башкармалыгы аба ырайы бузулгандыгына байланыштуу айдоочуларды Суусамыр өрөөнү менен Төө-Ашуудан өтүүдө сак болууга чакырды.

Билдирмеге караганда, кайгуул кызматынын өкүлдөрү аталган аймактарда жол тазалоо иштерин көзөмөлдөп, коопсуздукту камсыз кылууда.

"Айдоочулар өтө сак болуп, автоунаалар арасындагы аралыкты сактап, ылдамдыкты жогорулатпай, каршы тилкеге чыкпашы керек!" — деп жазылган маалыматта.

Буга чейин ӨКМ 22-23-октябрда өлкөнүн көпчүлүк аймактарында аба ырайы кескин өзгөрүп, жаан, кээ бир жерлерге кар жаай турганын эскерткен.

0
Белгилер:
Төө-Ашуу, Суусамыр, ашуу, кар, эскертүү, айдоочу
Тема боюнча
Автоунааны кышка даярдоодо биринчи эмнелер маанилүү. Эксперттин кеңеши