Министрлер кабинетинин төрагалыгына талапкерлиги сунушталган Акылбек Жапаров. Архив

Акылбек Жапаров: биздин муундагы саясатчыларга акыркы мүмкүнчүлүк берилүүдө

316
Жапаров мындай мүмкүнчүлүктү 100 пайыз колдонуу үчүн бардык күчүн жумшоого парламенттин трибунасынан сөз берди.

БИШКЕК, 13-окт. — Sputnik. Министрлер кабинетинин төрагалыгына талапкерлиги сунушталган Акылбек Жапаров парламентте баяндама жасап жатып, ага акыркы мүмкүнчүлүк берилип жатканын билдирди.

"Мен жана биздин муундагы саясатчылар 30 жылда өлкөбүздө болуп жаткан окуяларга жооптуубуз. Бирок азыркы биздин муундагы саясатчылар үчүн дагы бир, балким, акыркы жолу мүмкүнчүлүк берилип жаткандыр. Мен мындай мүмкүнчүлүктү 100 пайызга колдонуу үчүн бардык күчүмдү жумшайм деп сиздерге сөз бере алам", — деди Жапаров.

Аны менен катар ал жогорку кызматка дайындоого ишеним көрсөткөнү үчүн президентке ыраазычылыгын билдирди.

316
Белгилер:
Акылбек Жапаров, мүмкүнчүлүк, саясатчы, иштөө
Тема боюнча
Жазында бардык туристтик аймактардын жолу оңдолот. Акылбек Жапаровдун убадасы
Жапаров: маянасын көбөйтүп, кыздарды мугалимге турмушка чыккыдай кылабыз
Лейлек районунун кириши. Архив

Шайлоого аралашкан. Лейлектин акими кызматтан четтеп, Исфана мэри сөгүш алды

21
(жаңыланган 14:48 27.10.2021)
Министрлер кабинетинин төрагасы мындан ары аким же министр бир талапкердин кызыкчылыгына иштесе экинчи жумушка алынбай тургандай берене менен кетерин эскертти.

БИШКЕК, 27-окт. — Sputnik. Шайлоого аралашканы үчүн Баткен облусундагы Лейлек районунун акими Алмазбек Рахманкулов жумуштан четтетилди. Бул туурасында министрлер кабинетинин төрагасы Акылбек Жапаров парламентте билдирди.

Ал президенттин "добуш сатып алгандар да, сатылгандар дагы жазалант" деген принципиалдуу позициясы бар экенин белгиледи.

"Бүгүн Лейлектин акими шайлоо бүткөнгө чейин жумуштан четтетилди. Исфана мэрине катуу сөгүш жарыяланды. Мындан ары кайсы бир аким же министр талапкерге же партияга үндөй турган болсо, "ишенимди жоготту" деген берене менен экинчи ирет жумушка алынбай тургандай кылып кызматтан алабыз", — деди Жапаров.

Ошондой эле ал кырдаалды президент Садыр Жапаров өзү көзөмөлдөп жатканын, эгер укук коргоо органдары жакшы иштеп, мыйзам бузгандарды кармап келсе сый акы берилерин кошумчалады.

21
Белгилер:
Лейлек району, аким, кызмат, четтетүү, шайлоо
Тема боюнча
Жапаров Бажы кызматынын жаңы жетекчиси кандай милдет менен дайындалганын айтты
Шаардык кеңеш шайлаган Нарындын мэрин БШК кызматтан алып койду. Себеби
Маданият, маалымат, спорт жана жаштар саясаты министринин орун басары Чыңгыз Эсенгул уулу

Чыңгыз Эсенгул уулу маданият министрине орун басар болду

20
(жаңыланган 14:29 27.10.2021)
Эсенгул уулу 2016-2020-жылдар аралыгында өкмөттө иштеген. Эми ал министрдин орун басары катары маалыматтык саясатты көзөмөлдөйт.

БИШКЕК, 27-окт. — Sputnik. Чыңгыз Эсенгул уулу маданият, маалымат, спорт жана жаштар саясаты министринин орун басары кызматына дайындалды. Бул тууралуу министрликтин маалымат кызматы билдирди.

Аны жамаатка президенттин аппаратынын саясий жана экономикалык изилдөөлөр бөлүмүнүн башчысы Алмаз Исанов тааныштырды.

Жаңы дайындалган жетекчи министрдин орун басары катары маалыматтык саясатты көзөмөлдөйт. Буга чейин бул милдетти аркалап келген Ильяз Балташев кызматтан алынган.

Эсенгул уулу 2016-жылы ошол кездеги премьер-министр Сооронбай Жээнбековдун маалымат катчысы болуп эмгектенген. 2017-жылдан тарта өкмөттүн маалымат кызматынын жетекчиси болуп иштеген. 2020-жылдын октябрь айындагы окуялардан улам премьер-министр Кубатбек Боронов кызматын тапшыргандан кийин Эсенгул уулу да жумуштан кеткен.

Чыңгыз Эсенгул уулу Коомдук телерадиоберүү корпорациясында (КТРК), Транспорт жана коммуникация, Тышкы иштер министрликтеринин маалымат кызматында иштеп келген.

20
Белгилер:
Кыргызстан, дайындоо, министр, орун басары, Чыңгыз Эсенгул уулу
Тема боюнча
Россия менен АКШда окуган. Экономика министринин жаңы орун басары дайындалды
Нарын шаарына 31 жаштагы Арслан Сталбек уулу мэр болду