Ант берген атминер. Архивдик сүрөт

Ветеринар, орус тилчи... Өкмөттүн жаңы мүчөлөрүнүн жаш курагы, билими

2336
(жаңыланган 19:33 13.10.2021)
Министрлер кабинетинин жаңы курамы түзүлүп, Жогорку Кеңеш аны колдоп берди. Sputnik Кыргызстан маалымат агенттиги Акылбек Жапаров баштаган министрлердин жаш курагы жана билимине кызыкты.

Өкмөт мүчөлөрүнүн арасында өтө деле жаштары жок. Эң кичүүсү 34 жаштагы маданият, маалымат, спорт жана жаштар саясаты министри Азамат Жаманкулов жана 36 жаштагы юстиция министри Аяз Баетов. Калганы орто жаштагылар. Ал эми билими боюнча аткаминерлер арасында ветеринары, мугалими, экономисти дагы бар.

Акылбек Жапаров, министрлер кабинетинин төрагасы, президенттин администрация жетекчиси 

Заместитель председателя кабинета министров, министр экономики и финансов КР Акылбек Жапаров
© Фото / пресс-служба Жогорку Кенеша
Акылбек Жапаров быйыл 14-сентябрда 57 жашка чыкты

Акылбек Жапаров быйыл 14-сентябрда 57 жашка чыкты. Ал Фрунзенин политехникалык институтунан инженер-куруучу кесибине ээ болсо, Бишкектин каржы-экономикалык академиясында "каржы жана салык системалары" адистигин аяктаган. Экономика илимдеринин доктору.

Арзыбек Кожошев, министрлер кабинетинин төрагасынын биринчи орун басары 

Бывший министр экономики КР Арзыбек Кожошев
© Sputnik / Табылды Кадырбеков
Арзыбек Кожошев 53 жашта

Арзыбек Кожошев 53 жашта. 1994-жылы Ош мамлекеттик педагогикалык институтун, 2000-жылы Кыргыз мамлекеттик улуттук университетин бүтүргөн.

Азиз Аалиев, министрлер кабинетинин төрагасынын орун басары (экономика сектору) 

Председатель правления Российско-Кыргызского Фонда развития (РКФР) Азиз Аалиев
© Фото / пресс-служба РКФР
Азиз Аалиев 49 жашта

Азиз Аалиев 49 жашта. Министр Москвадагы Тимирязев атындагы айыл чарба академиясынын экономика факультетин аяктаган. Исламабаддагы (Пакистан) заманбап тилдер боюнча улуттук институтта англис тили боюнча атайын курстардан сабак алган.

Эдил Байсалов, министрлер кабинетинин төрагасынын орун басары (социалдык блок) 

Посол Кыргызстана в Великобритании Эдиль Байсалов
© Пресс-служба президента КР / Султан Досалиев
Эдил Байсалов 44 жашта

Эдил Байсалов 44 жашта. Ал мектептер аралык алмашуу программасы менен Түркияда, АКШда окуп келген. Мындан сырткары, Кыргызстандагы Америка университетинде "бизнести башкаруу" адистиги боюнча билим алган.

Камчыбек Ташиев, министрлер кабинетинин төрагасынын орун басары, Улуттук коопсуздук мамлекеттик комитетинин төрагасы 

Председатель Государственного комитета национальной безопасности Камчыбек Ташиев во время принесения присяги в зале заседаний Жогорку Кенеша. 4 февраля 2021 года
© Sputnik / Табылды Кадырбеков
Ташиев быйыл 53 жаштын чайын ичүүдө

Ташиев быйыл 53 жаштын чайын ичүүдө. Атайын органдын төрагасы Томск мамлекеттик университетинин инженер, химик-технолог адистигин аяктаган. Кыргыз улуттук университетин да бүтүргөн.

Данияр Амангелдиев, экономика жана коммерция министри 

Заместитель министра экономики и финансов Данияр Амангельдиев
© Фото / пресс-служба инистерства экономики и финансов КР
Данияр Амангелдиев 39 жашта

Данияр Амангелдиев 39 жашта. Жусуп Баласагын атындагы Кыргыз улуттук университетинин экономика факультетинде "бухгалтердик эсеп жана аудит" адистигин аяктаган.

Алмаз Бакетаев, финансы министри

Вице-мэр Бишкека Алмаз Бакетаев во время брифинга мэрии. 12 мая 2020 года
© Фото / Республиканский штаб КР по борьбе с COVID-19
Финансы министри 50 жашта

Жаңы дайындалган финансы министри 50 жашта. Фрунзе политехникалык институтун, 1995-жылы Кыргыз мамлекеттик улуттук университетинин Кадрларды кайра даярдоо жана квалификациясын жогорулатуу институтун аяктаган.

Аяз Баетов, юстиция министри

Министр юстиции Аяз Баетов во время принесения присяги на заседании Жогорку Кенеша. 13 октября 2021 года
© Фото / пресс-служба Жогорку Кенеша
Аяз Баетов, юстиция министри

Аяз Баетов 36 жашта. 2006-жылы Жусуп Баласагын атындагы Кыргыз улуттук университетинин юридика факультетин бүтүргөн.

Азамат Жаманкулов, маданият, маалымат спорт жана жаштар саясаты министри 

Министр культуры, информации и туризма КР Азамат Жаманкулов на открытии Центра российской литературы и культуры в Нацбиблиотеке в Бишкеке
© Sputnik / Бакыт Смаилов
Азамат Жаманкулов 34 жашта

Азамат Жаманкулов 34 жашта. 2008-жылы Кыргыз-түрк "Манас" университетин "ишканадагы менеджмент", 2011-жылы Кыргызстан эл аралык университетин "финансы" адистиги боюнча аяктаган.

Кудайберген Базарбаев, эмгек, социалдык камсыздандыруу жана миграция министри 

Присяга министров Кыргызстана
© Sputnik / Табылды Кадырбеков
Кудайберген Базарбаев 63 жашта

Кудайберген Базарбаев 63 жашта. Кыргыз мамлекеттик университетин "француз тили" адистиги боюнча аяктаган.

Руслан Казакбаев, тышкы иштер министри 

Министр иностранных дел КР Руслан Казакбаев во время пресс-конференции по итогам встречи с министром иностранных дел РФ Сергеем Лавровым в Москве
© Фото / Пресс-служба МИД РФ
Ордун сактап калган Руслан Казакбаев 54 жашта

Ордун сактап калган Руслан Казакбаев 54 жашта. 1991-жылы Фрунзенин политехникалык институтун, 2002-жылы Кыргыз улуттук университетинин юридика факультетин, ал эми 2004-жылы Тышкы иштер министрлигинин алдындагы Дипломатиялык академияны аяктаган.

Эркинбек Осоев, транспорт жана коммуникация министри 

Назначенный министром транспорта и коммуникаций Кыргызстана Эркинбек Осоев (в центре)
© Фото / пресс-служба Минтранскома
Транспорт министрлигин башкара турчу Осоев 45 жашта

Транспорт министрлигин башкара турчу Осоев 45 жашта. Ал Кыргыз тоо-металлургиялык институтун аяктаган. Кесиби боюнча инженер-эколог.

Аскарбек Жаныбеков, айыл, суу чарба жана аймактарды өнүктүрүү министри 

Министр сельского и водного хозяйства и развития регионов Аскар Жаныбеков во время принесения присяги в зале заседаний Жогорку Кенеша. 4 февраля 2021 года
© Sputnik / Табылды Кадырбеков
Аскар Жаныбеков 57 жашта

Аскар Жаныбеков 57 жашта. Ал Кыргыз айыл чарба институтунда агроном-мелиоратор адистиги боюнча билим алган. Мындан сырткары, Жусуп Баласагын атындагы Кыргыз улуттук университетинин юриспруденция, Касым Тыныстанов атындагы Ысык-Көл мамлекеттик университетинде ветеринар адистиги боюнча окуган.

Доскул Бекмурзаев, энергетика министри 

Замминистра труда, миграции и молодежи Кыргызстана Доскул Бекмурзаев
© Sputnik / Табылды Кадырбеков
Доскул Бекмурзаев 48 жашта

Энергетика министри 48 жашта. Кыргыз техникалык университетин бүтүргөн. Кесиби боюнча инженер. Мындан сырткары, ал Тышкы иштер министрлигинин алдындагы Дипломатиялык академияны аяктаган.

Алымкадыр Бейшеналиев, саламаттык сактоо министри 

Министр здравоохранения и социального развития Алымкадыр Бейшеналиев во время принесения присяги в зале заседаний Жогорку Кенеша. 4 февраля 2021 года
© Sputnik / Табылды Кадырбеков
Саламаттык сактоо министри быйыл 61ге толот

Саламаттык сактоо министри быйыл 61ге толот. Ал Кыргыз мамлекеттик медициналык институтунун "дарылоо иши" адистигин аяктаган. Андан соң ошол эле окуу жайдын клиникалык ординатурасында билим алган. 1989-жылы кандидаттык, 2000-жылы докторлук диссертациясын коргогон.

Болотбек Купешов, билим берүү жана илим министри 

Представитель торгово-промышленной палаты Болот Купешов
© Sputnik / Асель Акматалиева
Болотбек Купешов 62 жашта

Болотбек Купешов 62 жашта. Кыргыз мамлекеттик университетинин "орус тили жана адабияты" адистигин аяктаган.

Бактыбек Бекболотов, коргоо министри

Бактыбек Бекболотов 57 жашта. Аскерге барып келгенден кийин Ленинград шаарындагы жогорку артиллериялык командалык училищени аяктаган.

Улан Ниязбеков, ички иштер министри 

Министр внутренних дел Улан Ниязбеков во время принесения присяги в зале заседаний Жогорку Кенеша. 4 февраля 2021 года
© Sputnik / Табылды Кадырбеков
Улан Ниязбеков 46 жашта

Улан Ниязбеков 46 жашта. Ал Жусуп Баласагын атындагы Кыргыз улуттук университетинин юридика факультетин аяктаган.

Бообек Ажыкеев, өзгөчө кырдаалдар министри

Министр чрезвычайных ситуаций КР Бообек Ажикеев в рабочем кабинете
Ажикеев 56 жашта

Ажикеев 56 жашта. Эки жогорку билими бар. Бири — инженер-куруучу кесиби, экинчиси — "бухгалтердик эсеп жана аудит" адистиги.

Динара Кутманова, экология жана климат боюнча мамлекеттик комитеттин төрайымы

Эколог с 30-летним стажем, президент общественного фонда Эко-мониторинг Динара Кутманова
© Sputnik / Табылды Кадырбеков
Динара Кутманова 60 жашта

Динара Кутманова 60 жашта. Москвада Менделеев атындагы химиялык технология институтун инженер-технолог адистиги боюнча аяктаган. 2010-жылы Кыргыз мамлекеттик юридикалык академиясынан юриспруденция адистигине ээ болгон. Экологиялык укук боюнча юридика илимдеринин кандидаты.

2336
Белгилер:
Министрлер кабинети, өкмөт, мүчө, аткаминер, министр, билим, жаш курак
Тема боюнча
Президент жаңы өкмөттүн курамын бекитти
Жогорку Кеңеш министрлер кабинетинин жаңы курамын жактырды
Москвадагы талибдердин делегациясы

Москва талибдерден афган элине либералдуу мамиле күтөрүн айтты

95
(жаңыланган 19:12 25.10.2021)
Кабуловдун айтымында, аймактык өлкөлөр өкмөттү түзүүдө талибдерден "чечкиндүүрөөк жана батыл кадамдарды" күтүп жатат.

БИШКЕК, 26-окт. — Sputnik. Талибдерде ("Талибан"*) инклюзивдик өкмөттү түзүү боюнча кандайдыр бир мөөнөт боюнча алкак, чектөө жок. Бул тууралуу РФтин Афганистан боюнча атайын өкүлү, ТИМдин Азия департаментинин экинчи директору Замир Кабулов билдиргенин РИА Новости жазды.

"Жок, эч кандай мөөнөт коюлган эмес. Бул "Москва форматынын" милдети да эмес болчу. Биз талибдерге алардын мындан аркы иши жана анын графигин тагуу үчүн чогулган жокпуз, андай эмес", — деген Кабулов "Россия сегодня" эл аралык маалымат агенттигинде журналисттерге брифинг өткөрүп жатып.

Диломаттын айтымында, аймактык өлкөлөр өкмөттү түзүүдө талибдер "чечкиндүү жана батыл кадамдарды" жасайт деген пикирде.

Кабулов, андан сырткары, Москва талибдерден элге карата либералдуу мамиле кылууну күтө тургандыгын айтты.

"...Жаңы бийликтен биз көбүрөөк либерализмдин жаралышын, ооба, өзүнүн маданий-диний салттарына таянышын, бирок либерализмдин көбүрөөк болушун күтүп жатабыз", — деди Кабулов.

Буга чейин да аталган темада кеп кылган Кабулов Москвадан талибдерге дүйнөлүк коомчулуктун пикирине кулак төшөп, ири алдыда элдин үнүн угуу боюнча айткандарын билдирген.

* — Кыргызстан, Россия жана башка бир катар өлкөлөрдө тыюу салынган уюм

95
Белгилер:
Афганистан, Россия, ТИМ, санкциялар, 'Талибан' кыймылы, Замир Кабулов
Тема:
Афган бийлиги менен талибдердин тиреши
Тема боюнча
Бишкекте КМШнын коопсуздук кызматынын өкүлдөрү жолукту. Эмне талкууланды
Москвага талибдердин делегациясы келди
Нарындын мэри Арслан Сталбек уулу

Шаардык кеңеш шайлаган Нарындын мэрин БШК кызматтан алып койду. Себеби

191
(жаңыланган 18:38 25.10.2021)
Жаңы мыйзам күчүнө киргенине байланыштуу шаардык кеңеште өткөн шайлоонун жыйынтыгын БШК тааныган жок.

БИШКЕК, 25-окт. — Sputnik. Борбордук шайлоо комиссиясы Нарын шаарынын мэри тандалган шайлоонун жыйынтыгын жокко чыгарды. Бул тууралуу БШКдан билдирди.

Белгилей кетсек, 22-октябрда Нарын шаардык кеңешинин депутаттары Арслан Сталбек уулун калаа мэри кылып шайлаган.

БШК ошол эле күнү шайлоонун жыйынтыгын жокко чыгарганын билдирди. Буга "Жергиликтүү мамлекеттик администрация жана жергиликтүү өз алдынча башкаруу жөнүндө" мыйзамы күчүнө киргени себеп болгону белгиленет.

Аталган мыйзамга президент Садыр Жапаров 21-октябрда кол койгон. Ага ылайык, облустук жана республикалык маанидеги шаарлардын мэри президент тарабынан дайындалат.

191
Белгилер:
Нарын шаары, мэр, БШК, шайлоо, жыйынтык, кызматтан алуу
Тема боюнча
Салык кызматынын төрагасына жаңы орун басар дайындалды
Жапаров мэр, акимдерди өзү дайындамай болду, акимдин укуругу узарды. Жаңы мыйзам
Россия-казак чек арасындагы өткөрмө бекетте чек арачы. Архив

Россияга товарларды Казакстан аркылуу ташуу. Жаңы эреже макулдашылды

0
(жаңыланган 23:13 25.10.2021)
Эрежеге ылайык, Кыргызстандан Казакстанга же Россияга барып, кайра келчү транзиттик жүк ташуучу унааларга казак тарап көзөмөл-кароо иш-чараларын жүргүзбөйт.

БИШКЕК, 25-окт. — Sputnik. Кыргызстан менен Казакстан Россияга коңшу мамлекет (Казакстан) аркылуу товар жөнөтүү боюнча жаңы эрежени сүйлөштү.

Экономика жана коммерция министрлигинин маалыматына караганда, 22-октябрда Кыргызстандан Казакстан менен Россияга барган жана ал жактан келген товар менен автоунааларга мониторинг жүргүзүү боюнча пилоттук долбоорду өткөрүү тартибине кол коюлган.

Министрдин орун басары Эльдар Алишеров бизнес-ассоциациялардын өкүлдөрү жана жүк ташуучулар менен жолугуп, бул эрежеде эл аралык жүк ташууда электрондук идентификаторлорду (навигациялык пломба) колдонуу каралгандыгын белгилеген.

Эрежеге ылайык, Кыргызстандан Казакстанга же Россияга барып, кайра келчү транзиттик жүк ташуучу унааларга казак тарап көзөмөл-кароо иш-чараларын жүргүзбөйт.

"Ошол эле учурда ата-мекендик экспортчулар сөзсүз түрдө экспорттук операция боюнча эсеп-фактураларын (ЭСФ) алып жүрүшү керек. Эгерде чек арадан өтөрдө ЭСФ жок болсо, Казакстандын Финансы министрлиги жүк ташуучу автоунааларды кайра Кыргызстанга жиберүүгө укуктуу", — деп жазылган маалыматта.

Казак тарап өлкө аймагына автоунааларды киргизүүдө жүк ташуучу унааларды текшербей эле аларга навигациялык пломбаларды орнотуп коёру кошумчаланды. Алишеровдун айтымында, Кыргызстандан Казакстанга барчу жүк ташуучу автоунаалар эреже бузса, барчу жерине жеткенде кошумча көзөмөлдөн өтөт.

0
Белгилер:
Кыргызстан, Казакстан, жүк ташуучу унаа, Россия, эреже
Тема боюнча
Кошумча нарк салыгы былтыркыдан 10 млрд. сомго арбын чогулду. Себеби
Тартыштык 9,1 миллиард сом. Кыргызстандын 2022-жылга карата бюджетинин божомолу