Панджшер провинциясында Талибан согушкерлери. Архив

Путин: Афганистанга тажрыйбалуу согушкерлер тартылууда, чек араларды бекемдөө керек

397
(жаңыланган 00:20 14.10.2021)
Владимир Путин Афганистандагы абал жөнөкөй эмес экенин эске салып, чектеш мамлекеттерди сак болууга үндөдү.

БИШКЕК, 14-окт. — Sputnik. Ирак жана Сириядагы террорчулар Афганистанга тартылып жатканына байланыштуу чек араларда көзөмөлдү күчөтүү керек. Анткени алар КМШ өлкөлөрүндө абалды курчутууга аракет кылышы мүмкүн. Бул тууралуу Россия президенти Владимир Путиндин сөзүнө таянып РИА Новости жазды.

"Ирак, Сириядан Афганистанга согушуу үчүн тажрыйбасы мол террорчулар барып жатат. Алар чектеш мамлекеттерде абалды курчутуп, керек болсо кулачын жаюуга аракет кылышы ыктымал. Андыктан чек араны катуу көзөмөлдөп, күч органдарынын ишин координациялоо керек. Зарыл болгон учурда биргелешкен атайын операцияларды өткөрсөк болот”, — деди Путин.

Белгилей кетсек, Афганистандагы кырдаал Америка өз аскерлерин чыгарып кете баштаган соң кескин курчуган. Август айынын башында "Талибан"* кыймылы Афганистандын аскер күчтөрүнө чабуулун активдештирип, 15-августта Кабулду басып алган. Ошол эле күнү Афганистандын президенти Ашраф Гани "кандуу булоондун алдын алыш үчүн" өлкөдөн чыгып кеткендигин билдирген. Ал эми 16-августка караган түнү "Талибандын"* саясий кеңсесинин өкүлү Мухаммед Наим Афганистандагы согуш аяктагандыгын жар салган.

Сентябрь ичи талибдер убактылуу өкмөттүн курамын бекитип, чет мамлекеттерден расмий өкүлдөрдү кабыл алып сүйлөшүүлөрдү жүргүздү.

* — Кыргызстанда жана башка мамлекеттерде тыюу салынган уюм

397
Белгилер:
Афганистан, Россия, терроризм, Владимир Путин, чек ара
Тема:
Афган бийлиги менен талибдердин тиреши (266)
Тема боюнча
АКШ Афганистанга гуманитардык жардам жеткирмей болду
Аялдардын укугун коргогула! БУУнун башкы катчысы талибдерге кайрылды
Путин РФтин 2060-жылы көмүртек нейтралдуулугуна жетүү планын айтты
Лейлек районунун кириши. Архив

Шайлоого аралашкан. Лейлектин акими кызматтан четтеп, Исфана мэри сөгүш алды

88
(жаңыланган 14:48 27.10.2021)
Министрлер кабинетинин төрагасы мындан ары аким же министр бир талапкердин кызыкчылыгына иштесе экинчи жумушка алынбай тургандай берене менен кетерин эскертти.

БИШКЕК, 27-окт. — Sputnik. Шайлоого аралашканы үчүн Баткен облусундагы Лейлек районунун акими Алмазбек Рахманкулов жумуштан четтетилди. Бул туурасында министрлер кабинетинин төрагасы Акылбек Жапаров парламентте билдирди.

Ал президенттин "добуш сатып алгандар да, сатылгандар дагы жазалант" деген принципиалдуу позициясы бар экенин белгиледи.

"Бүгүн Лейлектин акими шайлоо бүткөнгө чейин жумуштан четтетилди. Исфана мэрине катуу сөгүш жарыяланды. Мындан ары кайсы бир аким же министр талапкерге же партияга үндөй турган болсо, "ишенимди жоготту" деген берене менен экинчи ирет жумушка алынбай тургандай кылып кызматтан алабыз", — деди Жапаров.

Ошондой эле ал кырдаалды президент Садыр Жапаров өзү көзөмөлдөп жатканын, эгер укук коргоо органдары жакшы иштеп, мыйзам бузгандарды кармап келсе сый акы берилерин кошумчалады.

88
Белгилер:
Лейлек району, аким, кызмат, четтетүү, шайлоо
Тема боюнча
Жапаров Бажы кызматынын жаңы жетекчиси кандай милдет менен дайындалганын айтты
Шаардык кеңеш шайлаган Нарындын мэрин БШК кызматтан алып койду. Себеби
Маданият, маалымат, спорт жана жаштар саясаты министринин орун басары Чыңгыз Эсенгул уулу

Чыңгыз Эсенгул уулу маданият министрине орун басар болду

39
(жаңыланган 14:29 27.10.2021)
Эсенгул уулу 2016-2020-жылдар аралыгында өкмөттө иштеген. Эми ал министрдин орун басары катары маалыматтык саясатты көзөмөлдөйт.

БИШКЕК, 27-окт. — Sputnik. Чыңгыз Эсенгул уулу маданият, маалымат, спорт жана жаштар саясаты министринин орун басары кызматына дайындалды. Бул тууралуу министрликтин маалымат кызматы билдирди.

Аны жамаатка президенттин аппаратынын саясий жана экономикалык изилдөөлөр бөлүмүнүн башчысы Алмаз Исанов тааныштырды.

Жаңы дайындалган жетекчи министрдин орун басары катары маалыматтык саясатты көзөмөлдөйт. Буга чейин бул милдетти аркалап келген Ильяз Балташев кызматтан алынган.

Эсенгул уулу 2016-жылы ошол кездеги премьер-министр Сооронбай Жээнбековдун маалымат катчысы болуп эмгектенген. 2017-жылдан тарта өкмөттүн маалымат кызматынын жетекчиси болуп иштеген. 2020-жылдын октябрь айындагы окуялардан улам премьер-министр Кубатбек Боронов кызматын тапшыргандан кийин Эсенгул уулу да жумуштан кеткен.

Чыңгыз Эсенгул уулу Коомдук телерадиоберүү корпорациясында (КТРК), Транспорт жана коммуникация, Тышкы иштер министрликтеринин маалымат кызматында иштеп келген.

39
Белгилер:
Кыргызстан, дайындоо, министр, орун басары, Чыңгыз Эсенгул уулу
Тема боюнча
Россия менен АКШда окуган. Экономика министринин жаңы орун басары дайындалды
Нарын шаарына 31 жаштагы Арслан Сталбек уулу мэр болду
Бай киши. Иллюстративдик сүрөт

Акылбек Жапаров Кыргызстандагы бай менен кедейлердин санын айтты

15
(жаңыланган 15:38 27.10.2021)
Өкмөт бай жана жана орто жашаган 1,2 миллион салык төлөөчүнүн эсебинен 200 миң жакыр үй-бүлөнү багары айтылды.

БИШКЕК, 27-окт. — Sputnik. Жогорку Кеңештин депутаты Таабалды Тиллаев Кыргызстанды өнүктүрүү саясаты тууралуу сурады. Учурда парламентте 2022-жылга карата Республикалык бюджеттин долбоору каралып жатат.

Министрлер кабинетинин төрагасы Акылбек Жапаров өлкөнү өнүктүрүү саясаты так аныкталып бүткөнүн белгиледи.

"Кыргызстандын ченеми боюнча 200 миң бай үй-бүлө бар. Бир миллионго жакын орто катмар, 200 миң үй-бүлө кедей жашайт. Мындан кийин өкмөт колунда жоктогуларга түз жардам берет. 200 миңге жакын жакыр үй-бүлөнү, 200 миңдей майып жана жетим-жесирлерди багып алабыз. Ошондо өкмөт бир миллион элди багууну мойнуна алат. Калган орто катмар бирдиктүү салык, байлар өзүнчө тариф менен кымбатыраак төлөйт. Машиналарынын, үйлөрүнүн салыгын көбөйтөбүз. 1,2 миллион салык төлөөчү үй-бүлөнүн эсебинен 200 миң үй-бүлөнү тың багып алабыз", — деди Жапаров.

Аны менен катар ишкерлерге жеңилдетилген, пайызсыз насыялар берилип, машинаны от алдырып жүргүзгөндөн кийин салык сурай тургандай принцип сакталарын белгиледи.

Ошондой эле ал түрмөлөрдө жана ооруканалардагы шарттар да жакшыртыларын кошумчалады.

15
Белгилер:
Акылбек Жапаров, шайлоо, бюджет, бай, кедей
Тема боюнча
Жапаров: жаңы схема беш айда 746 млрд. сом көмүскөгө кетип жатканын аныктады
Пенсия менен жөлөк пул 6300 сомдон жогору болот. Президенттин талабы