Талибан делегациясын мүчөлөрү Москвадагы эл аралык сүйлөшүүлөрдө

Москвага талибдердин делегациясы келди

163
(жаңыланган 15:25 20.10.2021)
Жолугушууда Афганистандагы бийлик алмашкандан кийинки аскердик-саясий абал, гуманитардык колдоо жана министрлер кабинетинин түзүлүшү боюнча негизги маселелер талкууланат.

БИШКЕК, 20-окт. – Sputnik. Россиянын борборуна талибдердин делегациясы келди. Шаарда Афганистан боюнча сүйлөшүүлөр "Москва форматы" боюнча жүргүзүлөт. Бул тууралуу РИА Новости жазды.

Коноктор сапарынын алкагында эки тараптуу жолугушууларды дагы жүргүзмөкчү. Негизги тема боюнча консультациялар менен форумдарга региондогу 10 мамлекеттин делегаттары, Россиянын тышкы иштер министри Сергей Лавров жана Афганистандын азыркы өкмөтүнүн төрагасынын орун басары Абдул Салам Ханафи катышат.

"Жолугушууда Афганистандагы бийлик алмашкандан кийинки аскердик-саясий абал, гуманитардык колдоо жана министрлер кабинетинин түзүлүшү боюнча негизги маселелер талкууланат", — деп айтылат маалыматта.

Талибдер өкмөттүн курамын сентябрдын башында эле жарыялаганы менен көптөгөн мамлекеттер алардын берген убадасына карабастан афган бийлиги өлкөдөгү бардык этникалык көпчүлүктүн жана саясий күчтөрдүн жүзү катары эсептелбей турганын айтып келишет.

Август айында америкалыктар аскер күчүн өлкөдөн чыгара баштаганда бийликти "Талибан"* кыймылы басып алган. Бул нерсе өлкөдө гуманитардык, экономикалык жана саясий кризисти жаратты. Коңшу өлкөлөргө качкындар агыла баштады.

* — Кыргызстан, Россия жана башка бир катар өлкөлөрдө тыюу салынган уюм

163
Белгилер:
Россия, Афганистан, 'Талибан' кыймылы, жолугушуу, Сергей Лавров, Москва
Тема:
Афган бийлиги менен талибдердин тиреши (281)
Тема боюнча
Батыш карызын төлөөдөн баш тартууда. Талибдерди таануу керекпи же жокпу?
Афган делегациясы Өзбекстанга келип, сүйлөшүүлөр башталды
Россиянын президенти Владимир Путин. Архив

Путин Жапаровду парламенттик шайлоонун ийгиликтүү өтүшү менен куттуктады

152
(жаңыланган 00:10 04.12.2021)
Телефон менен сүйлөшүүдө Путин Садыр Жапаровду келе жаткан туулган күнү менен да куттуктап кеткен.

БИШКЕК, 3-дек. — Sputnik. Мамлекет башчы Садыр Жапаров менен Россиянын президенти Владимир Путин телефон аркылуу сүйлөштү. Бул тууралуу президенттин маалымат кызматы кабарлады.

Билдирмеге караганда, 2022-жылы Кыргызстан Евразиялык экономикалык биримдикке төрагалык кылат. Телефон аркылуу сүйлөшүүдө президенттер кызматташууну өнүктүрүүнү талкуулашты.

Сүйлөшүүдө Жапаров элдин эрки менен өткөн парламенттик шайлоо тууралуу айтып берип, Россияга шайлоолорго байкоочу катары активдүү катышып, мекендештердин добуш берүүсүн уюштуруудагы көмөгү үчүн ыраазычылык билдирген. Ошондой эле "Спутник-лайт"  вакцинасынын кезектеги партиясын жеткиргендиги үчүн рахматын айткан.

Өз кезегинде Путин Жапаровду шайлоону ийгиликтүү өткөрүшү менен куттуктап, Кыргызстан элинин бакубаттуулугу үчүн өлкөнүн мындан аркы социалдык-экономикалык өнүгүүсүн каалаган. Ошондой эле Жапаровду келе жаткан туулган күнү менен куттуктаган. Өлкө лидерлери тараптар ортосундагы активдүү диалогду союздаштык жана стратегиялык өнөктөштүктүн негизинде улантуу чечимин бекемдешти.

152
Белгилер:
Кыргызстан, Россия, Садыр Жапаров, Владимир Путин, сүйлөшүүлөр
Тема:
Жогорку Кеңешке жаңы тартип менен болчу шайлоо
Тема боюнча
Садыр Жапаров: БШК бийлик кысым кылганын айтса, отставкага кетем
Бюллетендердин 99%ы кол менен саналып бүттү. Кайсы партиялар өттү
Шайлоо участогу. Архив

Бюллетендердин 99%ы кол менен саналып бүттү. Кайсы партиялар өттү

487
(жаңыланган 22:08 03.12.2021)
Саат 21:42ге карата 2 470 шайлоо тилкесинин протоколдорунун маалыматы саналып бүттү. Бул элдин 99 пайызынын тандоосу ачыкталганын түшүндүрөт.

БИШКЕК, 3-дек. — Sputnik. БШК парламенттик шайлоодо берилген добуштардын 99,04 пайызын кол менен санап бүттү. Бул тууралуу Боршайкомдун бюллетендерди эсептөөнү онлайн режиминде көрсөткөн newess.shailoo.gov.kg порталында маалымдалат.

Бюллетендерди кол менен саноо 28-ноябрда башталган.

Саат 21:42ге карата 2 470 шайлоо тилкесинин протоколдорунун маалыматтары толук каралып бүттү.

Азырынча беш пайыздык чектен өтө алган партиялар:

Кыргызстанда парламенттик шайлоо 28-ноябрда өтүп, АСУнун алдын ала жыйынтыгы чыккан. Партия тизмеси боюнча беш пайыздык босогодон алты партия өткөн. Бир мандаттуу округ боюнча да алдын ала жыйынтык белгилүү болду.

487
Белгилер:
Кыргызстан, парламенттик шайлоо, добуш, саноо, бюллетень
Тема:
2021-жылкы парламенттик шайлоонун жыйынтыгы
Тема боюнча
УКМКга барган Келдибеков шайлоо таза өткөнүнө ынанганын билдирди. Видео
Садыр Жапаров: БШК бийлик кысым кылганын айтса, отставкага кетем
Кимге мандат берилет? Бир мандаттуу округдарда добуштар кол менен саналып бүттү
Работа вулканологов в районе БТТИ на Камчатке

Кегетидеги Көл-Төргө чыккан кореялык турист көз жумду

0
(жаңыланган 20:43 04.12.2021)
Чет өлкөлүк туристтин эч-учун жоготуп жыгылганы боюнча маалымат Өзгөчө кырдаалдар министрлигине түшкөн.

БИШКЕК, 4-дек. — Sputnik. Чүй районундагы Кегети капчыгайынын жогору жагында жайгашкан Көл-Төр көлүнө чыккан Түштүк Кореянын жараны каза болгонун ӨКМ билдирди.

Маалыматта чет элдик турист 70 жашта экени айтылат. Анын белгисиз себептерден улам эс-учун жоготуп жыгылганы тууралуу кабар ӨКМдин 112 кызматына саат 13.22лер чамасында түшкөн.

Жерине тартылган Токмок шаарынын төрт куткаруучусу сөөктү түшүрүп, ИИМ кызматкерлерине өткөрүп беришкен.

0
Белгилер:
Чүй облусу, Кегети капчыгайы, Көл-Төр, сөөк, ӨКМ, ИИМ, турист
Тема боюнча
Ысык-Көлдө 15 күн мурда жоголгон турист кыздын сөөгү табылды. Сүрөттөр