Аткаминерлер. Архив

Партиялык система менен 1046 киши депутат болууну мелжеп жатат. Статистика

272
(жаңыланган 17:30 20.10.2021)
Партиялардын тизмесине кирген талапкерлердин 669у эркек, 377си аялдар. Ден соолугунан мүмкүнчүлүгү чектелген жарандар — 46, башка улуттун өкүлдөрү 189 киши болду.

БИШКЕК, 20-окт. — Sputnik. Парламенттик шайлоого катышуу үчүн 21 саясий партия 1 046 талапкерди көрсөттү. Бул туурасында Борбордук шайлоо комиссиясы (БШК) билдирди.

Аталган партиялардын тизмесине кирген талапкерлердин 669у эркек, 377си аялдар. Ден соолугунан мүмкүнчүлүгү чектелген жарандар — 46, башка улуттун өкүлдөрү 189 киши болду. 35 жашка чейинки талапкерлер — 267.

29-октябрга чейин Боршайком тапшырылган документтердин мыйзамдуулугун текшерип, талапкер катары каттайт.

Мыйзамга ылайык, саясий партия бирдиктүү шайлоо округу боюнча 54 талапкерди тизмесине киргизе алат. Бул учурда ал төмөнкүдөй өкүлчүлүктү эске алууга тийиш:

  • Бир жыныстагы талапкерлердин саны 70 пайыздан көп болбошу керек, мында партиялардан көрсөтүлгөн аял жана эркек талапкерлердин тизмесиндеги кезектешүү айырмасы үч позициядан ашпашы шарт;
  • 35 жашка чейинки талапкерлердин саны 15 пайыздан кем болбошу кажет, алардын ичинен кеминде үчөө тизмеде биринчи турган 25 талапкердин катарында болушу керек;
  • Ар кандай этносторго таандык талапкерлердин 15 пайыздан кем болбошу шарт, алардын ичинен кеминде үчөө алгачкы 25 талапкердин тизмесине киргизилиши керек;
  • Кеминде эки талапкер ден соолугунан мүмкүнчүлүгү чектелген адамдардан болушу тийиш, бирөө биринчи 25 талапкердин тизмесине киргизилиши керек.

Борбордук шайлоо комиссиясына талапкерлердин тизмеси көрсөтүлгөндөн кийин анын курамы жана андагы талапкерлердин жайгашуу тартиби өзгөртүлбөйт. Талапкер тизмеден чыгып кеткен учурда анын номери башка талапкер менен толукталбайт.

272
Белгилер:
талапкер, депутат, шайлоо, статистика
Тема:
Жогорку Кеңешке жаңы тартип менен болчу шайлоо (304)
Тема боюнча
Депутаттардын шайлоо маалында тарап кетиши кызыл чеке талаш жаратты
Бирөө кечигип, экинчиси баш тартты. 21 партия шайлоонун кийинки этабына өттү
Акыйкатчы, шаардык кеңештин төрагасы. Шайлоого катышам деп иштен кеткендер
Россиянын президенти Владимир Путин. Архив

Путин Жапаровду парламенттик шайлоонун ийгиликтүү өтүшү менен куттуктады

23
(жаңыланган 00:10 04.12.2021)
Телефон менен сүйлөшүүдө Путин Садыр Жапаровду келе жаткан туулган күнү менен да куттуктап кеткен.

БИШКЕК, 3-дек. — Sputnik. Мамлекет башчы Садыр Жапаров менен Россиянын президенти Владимир Путин телефон аркылуу сүйлөштү. Бул тууралуу президенттин маалымат кызматы кабарлады.

Билдирмеге караганда, 2022-жылы Кыргызстан Евразиялык экономикалык биримдикке төрагалык кылат. Телефон аркылуу сүйлөшүүдө президенттер кызматташууну өнүктүрүүнү талкуулашты.

Сүйлөшүүдө Жапаров элдин эрки менен өткөн парламенттик шайлоо тууралуу айтып берип, Россияга шайлоолорго байкоочу катары активдүү катышып, мекендештердин добуш берүүсүн уюштуруудагы көмөгү үчүн ыраазычылык билдирген. Ошондой эле "Спутник-лайт"  вакцинасынын кезектеги партиясын жеткиргендиги үчүн рахматын айткан.

Өз кезегинде Путин Жапаровду шайлоону ийгиликтүү өткөрүшү менен куттуктап, Кыргызстан элинин бакубаттуулугу үчүн өлкөнүн мындан аркы социалдык-экономикалык өнүгүүсүн каалаган. Ошондой эле Жапаровду келе жаткан туулган күнү менен куттуктаган. Өлкө лидерлери тараптар ортосундагы активдүү диалогду союздаштык жана стратегиялык өнөктөштүктүн негизинде улантуу чечимин бекемдешти.

23
Белгилер:
Кыргызстан, Россия, Садыр Жапаров, Владимир Путин, сүйлөшүүлөр
Тема:
Жогорку Кеңешке жаңы тартип менен болчу шайлоо (304)
Тема боюнча
Садыр Жапаров: БШК бийлик кысым кылганын айтса, отставкага кетем
Бюллетендердин 99%ы кол менен саналып бүттү. Кайсы партиялар өттү
Шайлоо участогу. Архив

Бюллетендердин 99%ы кол менен саналып бүттү. Кайсы партиялар өттү

204
(жаңыланган 22:08 03.12.2021)
Саат 21:42ге карата 2 470 шайлоо тилкесинин протоколдорунун маалыматы саналып бүттү. Бул элдин 99 пайызынын тандоосу ачыкталганын түшүндүрөт.

БИШКЕК, 3-дек. — Sputnik. БШК парламенттик шайлоодо берилген добуштардын 99,04 пайызын кол менен санап бүттү. Бул тууралуу Боршайкомдун бюллетендерди эсептөөнү онлайн режиминде көрсөткөн newess.shailoo.gov.kg порталында маалымдалат.

Бюллетендерди кол менен саноо 28-ноябрда башталган.

Саат 21:42ге карата 2 470 шайлоо тилкесинин протоколдорунун маалыматтары толук каралып бүттү.

Азырынча беш пайыздык чектен өтө алган партиялар:

Кыргызстанда парламенттик шайлоо 28-ноябрда өтүп, АСУнун алдын ала жыйынтыгы чыккан. Партия тизмеси боюнча беш пайыздык босогодон алты партия өткөн. Бир мандаттуу округ боюнча да алдын ала жыйынтык белгилүү болду.

204
Белгилер:
Кыргызстан, парламенттик шайлоо, добуш, саноо, бюллетень
Тема:
2021-жылкы парламенттик шайлоонун жыйынтыгы
Тема боюнча
УКМКга барган Келдибеков шайлоо таза өткөнүнө ынанганын билдирди. Видео
Садыр Жапаров: БШК бийлик кысым кылганын айтса, отставкага кетем
Кимге мандат берилет? Бир мандаттуу округдарда добуштар кол менен саналып бүттү