Кыргызстандын президенти Садыр Жапаров. Архив

Жапаров мэр, акимдерди өзү дайындамай болду, акимдин укуругу узарды. Жаңы мыйзам

1837
(жаңыланган 11:05 21.10.2021)
Мыйзам боюнча айыл өкмөт башчыларын аким өзү дайындайт. Айылдык кеңештин депутаттары шайлоо укугунан толук ажырайт.

БИШКЕК, 21-окт. — Sputnik. Акимдерге өзү башкарган райондо статистика, улуттук коопсуздук, ички иштер жана жергиликтүү аскердик башкаруу органдарынан тышкары аткаруу бийлигинин мамлекеттик органдарынын аймактык түзүмдөрүнүн жетекчилерин кызматка дайындоо укугу берилди. Бул тууралуу өлкө башчынын маалымат кызматынан кабарлады.

Президент Садыр Жапаров "Жергиликтүү мамлекеттик администрация жана жергиликтүү өз алдынча башкаруу жөнүндө" мыйзамга кол койду.

"Аким кызматка президенттин облустагы ыйгарым укуктуу өкүлүнүн сунушу боюнча министрлер кабинетинин төрагасынын сунушунун негизинде президент тарабынан дайындалат жана кызматтан бошотулат. Эми облустук жана республикалык маанидеги шаар мэрлерин президент дайындайт", — деп айтылат билдирүүдө.

Маалыматта мыйзамга "жергиликтүү маанидеги социалдык-экономикалык милдеттерди чечүүдө жергиликтүү мамлекеттик администрация, жергиликтүү өз алдынча башкаруу органдарынын жетекчилеринин жоопкерчиликтерин көтөрүү максатында" кол коюлганы айтылды.

"Жергиликтүү мамлекеттик администрация жөнүндө" жана "Жергиликтүү өз алдынча башкаруу жөнүндө" мыйзамдар консолидацияланган.

"Мамлекеттик органдардын аймактык түзүмдөрүнүн ишин координациялоону күчөтүү максатында акимдерге статистика, улуттук коопсуздук, ички иштер жана жергиликтүү аскердик башкаруу органдарынан тышкары аткаруу бийлигинин мамлекеттик органдарынын аймактык түзүмдөрүнүн жетекчилерин кызматка дайындоо укугу берилди", — деп билдиришти алар.

Район жетекчисине жогорудагы түзүмдөрдүн отчётторун угуу укугу да берилген.

Акимдин укуктары:

  • айыл өкмөт башчыларын аким өзү дайындайт. Айылдык кеңештин депутаттары шайлоо укугунан толук ажырайт, бирок ишин эптей албай жатса кызматтан кетирүүнү акимге сунуштайт;
  • райондук бюджет калыптандырылат. Каражатты көзөмөлдөө үчүн райондук кеңеш түзүлөт. Алар өзүнчө шайланып келбейт, айылдык кеңештин депутаттарынан гана куралат. Ар бир кеңеш районго беш-алты өкүл жиберет. Райондук кеңештин курамы калкынын санына жараша 20дан 60ка чейин болот. Муну 2023-жылдын 1-январынан тарта ишке киргизүү каралган;
  • аким аймактагы бийлик өкүлдөрүн (күч органдарынан башка) министрдин макулдугу менен дайындоо укугуна ээ болот;
  • аким райондук маанидеги шаарлардын мэрин кызматка коёт.

Анткен менен ЖКда бул мыйзам каралып жатканда бир катар каршы пикирлер да айтылган. Депутат Каныбек Иманалиев өз алдынча башкаруу органынын принциби бузулуп, жергиликтүү демилгелерди өчүрүп жатканын белгилеген.

"Акимдер институтун идеалдаштыргандан алыс болгула, АРИС программасы жергиликтүү өз алдынча башкаруу органын колдоо үчүн каражат берет. Европа реконструкция өнүктүрүү банкы мэрлер менен иштешет. Ушул сыяктуу программалар токтоп калбашына ким кепил боло алат?" — деген Иманалиев.

Мыйзамдар президент кол койгондон кийин күчүнө кирет. Белгилей кетсек, өлкөдө 452 айыл аймак, 32 шаар бар.

1837
Белгилер:
Кыргызстан, аким, мыйзам, айыл өкмөтү, Садыр Жапаров
Тема боюнча
Жапаров облус, район жана айыл өкмөт башчыларына кеңешме өтөт
Садыр Жапаров: эми акимдерге шылтоо айтууга негиз калган жок
Россиянын президенти Владимир Путин. Архив

Путин Жапаровду парламенттик шайлоонун ийгиликтүү өтүшү менен куттуктады

17
(жаңыланган 00:10 04.12.2021)
Телефон менен сүйлөшүүдө Путин Садыр Жапаровду келе жаткан туулган күнү менен да куттуктап кеткен.

БИШКЕК, 3-дек. — Sputnik. Мамлекет башчы Садыр Жапаров менен Россиянын президенти Владимир Путин телефон аркылуу сүйлөштү. Бул тууралуу президенттин маалымат кызматы кабарлады.

Билдирмеге караганда, 2022-жылы Кыргызстан Евразиялык экономикалык биримдикке төрагалык кылат. Телефон аркылуу сүйлөшүүдө президенттер кызматташууну өнүктүрүүнү талкуулашты.

Сүйлөшүүдө Жапаров элдин эрки менен өткөн парламенттик шайлоо тууралуу айтып берип, Россияга шайлоолорго байкоочу катары активдүү катышып, мекендештердин добуш берүүсүн уюштуруудагы көмөгү үчүн ыраазычылык билдирген. Ошондой эле "Спутник-лайт"  вакцинасынын кезектеги партиясын жеткиргендиги үчүн рахматын айткан.

Өз кезегинде Путин Жапаровду шайлоону ийгиликтүү өткөрүшү менен куттуктап, Кыргызстан элинин бакубаттуулугу үчүн өлкөнүн мындан аркы социалдык-экономикалык өнүгүүсүн каалаган. Ошондой эле Жапаровду келе жаткан туулган күнү менен куттуктаган. Өлкө лидерлери тараптар ортосундагы активдүү диалогду союздаштык жана стратегиялык өнөктөштүктүн негизинде улантуу чечимин бекемдешти.

17
Белгилер:
Кыргызстан, Россия, Садыр Жапаров, Владимир Путин, сүйлөшүүлөр
Тема:
Жогорку Кеңешке жаңы тартип менен болчу шайлоо
Тема боюнча
Садыр Жапаров: БШК бийлик кысым кылганын айтса, отставкага кетем
Бюллетендердин 99%ы кол менен саналып бүттү. Кайсы партиялар өттү
Шайлоо участогу. Архив

Бюллетендердин 99%ы кол менен саналып бүттү. Кайсы партиялар өттү

194
(жаңыланган 22:08 03.12.2021)
Саат 21:42ге карата 2 470 шайлоо тилкесинин протоколдорунун маалыматы саналып бүттү. Бул элдин 99 пайызынын тандоосу ачыкталганын түшүндүрөт.

БИШКЕК, 3-дек. — Sputnik. БШК парламенттик шайлоодо берилген добуштардын 99,04 пайызын кол менен санап бүттү. Бул тууралуу Боршайкомдун бюллетендерди эсептөөнү онлайн режиминде көрсөткөн newess.shailoo.gov.kg порталында маалымдалат.

Бюллетендерди кол менен саноо 28-ноябрда башталган.

Саат 21:42ге карата 2 470 шайлоо тилкесинин протоколдорунун маалыматтары толук каралып бүттү.

Азырынча беш пайыздык чектен өтө алган партиялар:

Кыргызстанда парламенттик шайлоо 28-ноябрда өтүп, АСУнун алдын ала жыйынтыгы чыккан. Партия тизмеси боюнча беш пайыздык босогодон алты партия өткөн. Бир мандаттуу округ боюнча да алдын ала жыйынтык белгилүү болду.

194
Белгилер:
Кыргызстан, парламенттик шайлоо, добуш, саноо, бюллетень
Тема:
2021-жылкы парламенттик шайлоонун жыйынтыгы
Тема боюнча
УКМКга барган Келдибеков шайлоо таза өткөнүнө ынанганын билдирди. Видео
Садыр Жапаров: БШК бийлик кысым кылганын айтса, отставкага кетем
Кимге мандат берилет? Бир мандаттуу округдарда добуштар кол менен саналып бүттү