Президент Садыр Жапаров журналисттер үчүн уюштурулган маалымат жыйынында

Президент: диний мекемеде иштеген жарандар шайлоого катыша албайт

192
(жаңыланган 13:39 23.10.2021)
Маалымат жыйында журналисттердин бири динге жакын жарандар саясатка, парламенттик шайлоого аттанып жаткандыгы тууралуу суроо берип, оюн сураган. 

БИШКЕК, 23-окт. — Sputnik. Диний уюмда же ишканада иштеген жаран шайлоого талапкер боло албайт. Бул тууралуу президент Садыр Жапаров журналисттер үчүн уюштурулган маалымат жыйын учурунда айтты.

Журналист ага динге жакын жарандар парламенттик шайлоого аттанып жаткандыгы тууралуу суроо берген.

"Биз Кыргызстандын Конституциясы менен жашайбыз. Анда дин мамлекеттик иштерден өзүнчө болушу керек. Эгер жаран кайсы бир диний мекемеде иштеген болсо, ал шайлоого катыша албайт", —  деди Жапаров.

Ошондой эле андан окуучу кыздардын мектепке жоолук салынып барып жаткандыгы тууралуу оюн сураганда, президент ар бир жаран өзү каалагандай кийинип жүрүүгө укуктуу деп жооп берген.

Sputnik Кыргызстан иш-чараны тексттик трансляция аркылуу чагылдырып жатат.

192
Белгилер:
Садыр Жапаров, дин, шайлоо
Тема:
Жапаровдун 2021-жылдын октябрындагы маалымат жыйыны (15)
Тема боюнча
Жапаров: түрмөдө бай киши отурбайт, ырайым сурагандар кедейдин балдары
Жапаров журналисттерден тумоолоп жатканы үчүн кечирим сурады
Бишкекте Жапаровдун тапшырмасы менен балбан кыздарга спорттук зал курулат
Россиянын президенти Владимир Путин. Архив

Путин Жапаровду парламенттик шайлоонун ийгиликтүү өтүшү менен куттуктады

11
(жаңыланган 00:10 04.12.2021)
Телефон менен сүйлөшүүдө Путин Садыр Жапаровду келе жаткан туулган күнү менен да куттуктап кеткен.

БИШКЕК, 3-дек. — Sputnik. Мамлекет башчы Садыр Жапаров менен Россиянын президенти Владимир Путин телефон аркылуу сүйлөштү. Бул тууралуу президенттин маалымат кызматы кабарлады.

Билдирмеге караганда, 2022-жылы Кыргызстан Евразиялык экономикалык биримдикке төрагалык кылат. Телефон аркылуу сүйлөшүүдө президенттер кызматташууну өнүктүрүүнү талкуулашты.

Сүйлөшүүдө Жапаров элдин эрки менен өткөн парламенттик шайлоо тууралуу айтып берип, Россияга шайлоолорго байкоочу катары активдүү катышып, мекендештердин добуш берүүсүн уюштуруудагы көмөгү үчүн ыраазычылык билдирген. Ошондой эле "Спутник-лайт"  вакцинасынын кезектеги партиясын жеткиргендиги үчүн рахматын айткан.

Өз кезегинде Путин Жапаровду шайлоону ийгиликтүү өткөрүшү менен куттуктап, Кыргызстан элинин бакубаттуулугу үчүн өлкөнүн мындан аркы социалдык-экономикалык өнүгүүсүн каалаган. Ошондой эле Жапаровду келе жаткан туулган күнү менен куттуктаган. Өлкө лидерлери тараптар ортосундагы активдүү диалогду союздаштык жана стратегиялык өнөктөштүктүн негизинде улантуу чечимин бекемдешти.

11
Белгилер:
Кыргызстан, Россия, Садыр Жапаров, Владимир Путин, сүйлөшүүлөр
Тема:
Жогорку Кеңешке жаңы тартип менен болчу шайлоо
Тема боюнча
Садыр Жапаров: БШК бийлик кысым кылганын айтса, отставкага кетем
Бюллетендердин 99%ы кол менен саналып бүттү. Кайсы партиялар өттү
Шайлоо участогу. Архив

Бюллетендердин 99%ы кол менен саналып бүттү. Кайсы партиялар өттү

190
(жаңыланган 22:08 03.12.2021)
Саат 21:42ге карата 2 470 шайлоо тилкесинин протоколдорунун маалыматы саналып бүттү. Бул элдин 99 пайызынын тандоосу ачыкталганын түшүндүрөт.

БИШКЕК, 3-дек. — Sputnik. БШК парламенттик шайлоодо берилген добуштардын 99,04 пайызын кол менен санап бүттү. Бул тууралуу Боршайкомдун бюллетендерди эсептөөнү онлайн режиминде көрсөткөн newess.shailoo.gov.kg порталында маалымдалат.

Бюллетендерди кол менен саноо 28-ноябрда башталган.

Саат 21:42ге карата 2 470 шайлоо тилкесинин протоколдорунун маалыматтары толук каралып бүттү.

Азырынча беш пайыздык чектен өтө алган партиялар:

Кыргызстанда парламенттик шайлоо 28-ноябрда өтүп, АСУнун алдын ала жыйынтыгы чыккан. Партия тизмеси боюнча беш пайыздык босогодон алты партия өткөн. Бир мандаттуу округ боюнча да алдын ала жыйынтык белгилүү болду.

190
Белгилер:
Кыргызстан, парламенттик шайлоо, добуш, саноо, бюллетень
Тема:
2021-жылкы парламенттик шайлоонун жыйынтыгы
Тема боюнча
УКМКга барган Келдибеков шайлоо таза өткөнүнө ынанганын билдирди. Видео
Садыр Жапаров: БШК бийлик кысым кылганын айтса, отставкага кетем
Кимге мандат берилет? Бир мандаттуу округдарда добуштар кол менен саналып бүттү