Талибан* жардам алууну кааласа көмөк көрсөтүшү керек. Россиянын позициясы

© AP Photo / Gulabuddin AmiriТалибан кыймылынын мүчөлөрү. Архив
Талибан кыймылынын мүчөлөрү. Архив - Sputnik Кыргызстан, 1920, 25.10.2021
Жазылуу
ТИМдин Азия департаментинин экинчи директору Афганистандын активдери, финансылык каражаттары АКШда, Европада тоңдурулуп турганы туура эмес деген пикирин билдирди.
БИШКЕК, 25-окт. — Sputnik. Бириккен Улуттар Уюму талибдерден санкцияны алып салууга даяр, бул аткарыла турган нерсе. Мындай пикирин РФтин Афганистан боюнча атайын өкүлү, ТИМдин Азия департаментинин экинчи директору Замир Кабулов билдиргенин РИА Новости жазды.
"Бул эми аткарыла турган эле нерсе. Биз айтылган маселе боюнча иштейбиз. Башкысы, БУУ өкүлдөрүнүн билдирүүлөрүнө караганда алардын, уюмдун ички макулдугу бар", — деген Кабулов "Россия сегодня" эл аралык маалымат агенттигинде өткөн басма сөз жыйынында.
Ал окуянын өнүгүшүн алдын ала айтуунун кереги жоктугун белгиледи.
Ситуация у аэропорта Кабула - Sputnik Кыргызстан, 1920, 23.10.2021
Россия: Афганистандын жаңы бийлиги элдин жашоосун жакшыртууга аракет кылууда
"Биз Москвадан афгандык конокторго эгерде биздин жардам бергенибизди кааласаңар, силер бизге жардамдашкыла... дүйнөлүк коомчулуктун айткандарына кулак төшөп, ири алдыда элдин айткандарын уккула дедик. Эл да ар түрдүү. Баарынын эле адам укугу боюнча күткөндөрү сайттардын бетинде жазылгандай, өзгөчө Батыш ЖМКлары айткандай эмес. Айтып жаткан нерселер жана талаптар арыдан бери болушу керек. Ошондо гана жаңы афган бийлигин ушундай жол менен кепке келтирип, көндүрө алабыз", — деген спикер.
Андан сырткары, Кабулов өнөктөштөр менен биргеликте Россия Афганистандын тоңдурган финансылык каражаттарын ачтыра турганын айтты.
"Кеп талибандардын эмес, өлкөнүн азыркы бийликте турган улуттук авуарлары (төлөмдөрдү жүргүзө турган жана милдеттенмелерди жоё турган каражат) туурасында болууда. Биздин билгенибизге караганда 9 миллиард авуарлар АКШда, 1,5 миллиарды Европада тоңдурулган. Бул ачууну келтире турган көрүнүш, булардын баары кайрадан жандандырылышы керек", — деген Кабулов.
Ал Вашингтондун АКШнын афган элинин тагдырына күйүп-бышып жатканы туурасында билдирүүсү эки жүздүүлүк болуп калат деген пикирин айткан.
"Муну чечиш керек, биз эл аралык башка өнөктөштөр менен биргеликте аракетибизди улантабыз. Бул жерде эл аралык укукту мындай коёлу, жөнөкөй эле, андан берки нерселер зарыл", — деген дипломат.
Буга чейин Россия лидери Владимир Путин Афганистандын экономикасын калыбына келтирүү үчүн жардам берүү керектигин айткан эле.
* — Кыргызстан, Россия жана башка бир катар өлкөлөрдө тыюу салынган уюм
Жаңылыктар түрмөгү
0