Аскер кызматкерлери компьютерлер менен. Архив

"Кант" авиабазасына "аскердик интернет" коюлат. РФ министрлигинин чечими

279
(жаңыланган 17:25 26.10.2021)
"Аскердик интернет" менен быйыл жыл соңуна чейин Тажикстан камсыздалып, кийинки жылы Кыргызстанда ишке ашырылат.

БИШКЕК, 26-окт. — Sputnik. Россиянын Кыргызстандагы жана Тажикстандагы аскер базаларында байланыштын жаңы системалары түзүлөт. Бул туурасында "Известия" порталы РФтин Коргонуу министрлигине шилтеме берүү менен жазды.

Маалыматта жаңы системаны ташып жеткирүү графиги макулдашылып бекитилгени белгиленген. Мындай система Борбор Азия аймагын үзгүлтүксүз жана корголгон байланыш менен камсыздоого, ошондой эле санариптик маалыматтарды берүүгө шарт түзөт. Келечекте аталган техника жадагалса өтө алыскы райондор менен да маалымат алмашууга мүмкүнчүлүк берет.

Жыл соңуна чейин Тажикстандагы 201-аскер базасы жаңыланып бүтөт. Жабдууларды батальондук байланыш гана эмес, башка бөлүктөрү дагы ала алат. Бул иштердин жыйынтыгында 201-аскер базанын байланыш системалар паркын толугу менен жаңылоо пландалууда.

Ал эми "Кант" базасын жабдуу кийинки жылга пландалган. Радиостанциялардан сырткары, авиация менен маалымат алмашууну камсыздаган каражаттар дагы жаңыланат.

Борбор Азиядагы россиялык аскерлер командалык-штабдык машиналарды, спутник станциясы жана радиорелейлик байланыштарды жана аппараттарды алары айтылууда. Жаңы техникалар тоолуу аймактардан санариптик маалыматты берүүнү камсыздашы керек.

279
Белгилер:
Россия, Кыргызстан, Тажикстан, 'Кант' авиабазасы, байланыш, система
Тема боюнча
Ташиев: Россия менен Түркиядан пилотсуз учуучу аппараттарды алып жатабыз
Россиянын президенти Владимир Путин. Архив

Путин Жапаровду парламенттик шайлоонун ийгиликтүү өтүшү менен куттуктады

19
(жаңыланган 00:10 04.12.2021)
Телефон менен сүйлөшүүдө Путин Садыр Жапаровду келе жаткан туулган күнү менен да куттуктап кеткен.

БИШКЕК, 3-дек. — Sputnik. Мамлекет башчы Садыр Жапаров менен Россиянын президенти Владимир Путин телефон аркылуу сүйлөштү. Бул тууралуу президенттин маалымат кызматы кабарлады.

Билдирмеге караганда, 2022-жылы Кыргызстан Евразиялык экономикалык биримдикке төрагалык кылат. Телефон аркылуу сүйлөшүүдө президенттер кызматташууну өнүктүрүүнү талкуулашты.

Сүйлөшүүдө Жапаров элдин эрки менен өткөн парламенттик шайлоо тууралуу айтып берип, Россияга шайлоолорго байкоочу катары активдүү катышып, мекендештердин добуш берүүсүн уюштуруудагы көмөгү үчүн ыраазычылык билдирген. Ошондой эле "Спутник-лайт"  вакцинасынын кезектеги партиясын жеткиргендиги үчүн рахматын айткан.

Өз кезегинде Путин Жапаровду шайлоону ийгиликтүү өткөрүшү менен куттуктап, Кыргызстан элинин бакубаттуулугу үчүн өлкөнүн мындан аркы социалдык-экономикалык өнүгүүсүн каалаган. Ошондой эле Жапаровду келе жаткан туулган күнү менен куттуктаган. Өлкө лидерлери тараптар ортосундагы активдүү диалогду союздаштык жана стратегиялык өнөктөштүктүн негизинде улантуу чечимин бекемдешти.

19
Белгилер:
Кыргызстан, Россия, Садыр Жапаров, Владимир Путин, сүйлөшүүлөр
Тема:
Жогорку Кеңешке жаңы тартип менен болчу шайлоо
Тема боюнча
Садыр Жапаров: БШК бийлик кысым кылганын айтса, отставкага кетем
Бюллетендердин 99%ы кол менен саналып бүттү. Кайсы партиялар өттү
Шайлоо участогу. Архив

Бюллетендердин 99%ы кол менен саналып бүттү. Кайсы партиялар өттү

201
(жаңыланган 22:08 03.12.2021)
Саат 21:42ге карата 2 470 шайлоо тилкесинин протоколдорунун маалыматы саналып бүттү. Бул элдин 99 пайызынын тандоосу ачыкталганын түшүндүрөт.

БИШКЕК, 3-дек. — Sputnik. БШК парламенттик шайлоодо берилген добуштардын 99,04 пайызын кол менен санап бүттү. Бул тууралуу Боршайкомдун бюллетендерди эсептөөнү онлайн режиминде көрсөткөн newess.shailoo.gov.kg порталында маалымдалат.

Бюллетендерди кол менен саноо 28-ноябрда башталган.

Саат 21:42ге карата 2 470 шайлоо тилкесинин протоколдорунун маалыматтары толук каралып бүттү.

Азырынча беш пайыздык чектен өтө алган партиялар:

Кыргызстанда парламенттик шайлоо 28-ноябрда өтүп, АСУнун алдын ала жыйынтыгы чыккан. Партия тизмеси боюнча беш пайыздык босогодон алты партия өткөн. Бир мандаттуу округ боюнча да алдын ала жыйынтык белгилүү болду.

201
Белгилер:
Кыргызстан, парламенттик шайлоо, добуш, саноо, бюллетень
Тема:
2021-жылкы парламенттик шайлоонун жыйынтыгы
Тема боюнча
УКМКга барган Келдибеков шайлоо таза өткөнүнө ынанганын билдирди. Видео
Садыр Жапаров: БШК бийлик кысым кылганын айтса, отставкага кетем
Кимге мандат берилет? Бир мандаттуу округдарда добуштар кол менен саналып бүттү