Министрлер кабинетинин жетекчиси Акылбек Жапаров Түркмөнстандын министрлер кабинетинин төрагасынын орун басары Чары Гылыджов менен жолугушуу учурунда

Жапаров Түркмөнстан менен газ алуу, өнүктүрүү фондун түзүүнү талкуулады

109
(жаңыланган 11:55 06.11.2021)
Жапаров Кыргызстан Түркмөнстандын инвесторлору менен кызматташуу жана өз ара товар жүгүртүүнү жогорулатуу боюнча биргелешкен аракеттер үчүн ар дайым ачык экенин айткан.

БИШКЕК, 6-ноя. — Sputnik. Министрлер кабинетинин жетекчиси Акылбек Жапаров Түркмөнстандын министрлер кабинетинин төрагасынын орун басары Чары Гылыджов менен жолугуп, кыргыз-түркмөн фондун түзүү тууралуу сүйлөштү. Бул тууралуу өкмөттүн маалымат кызматы кабарлады.

Билдирмеге караганда, жолугушуу Бишкекте өткөн "Европа биримдиги — Борбордук Азия" биринчи экономикалык форумунун алкагында өткөн.

Жапаров Кыргызстан Түркмөнстандын инвесторлору менен кызматташуу жана өз ара товар жүгүртүүнү жогорулатуу боюнча биргелешкен аракеттер үчүн ар дайым ачык экенин айткан. Ошондой эле ал энергетикалык кызматташуу жаатында Кыргызстанга ташылып жаткан түркмөн электр энергиясынын маанилүүлүгүн белгилеген.

Сүйлөшүүлөр алкагында биргелешкен кыргыз-түркмөн фондун түзүү, ошондой эле транспорттук-логистикалык жана маданий-гуманитардык тармактарда өз ара аракеттешүү маселеси талкууланган.

109
Белгилер:
Кыргызстан, Түркмөнстан, кызматташуу, жолугушуу, фонд, электр энергиясы
Тема боюнча
Чек ара өткөрүү жайлары ачылабы? Кыргыз-казак өкмөт башчылары жолукту
Үнөмдөбөскө айла жок, энергия чексиз эмес. Энергетикадагы чыныгы абал кандай
Бишкектеги өкмөтүнүн имараты. Архив

Президенттин иш башкармалыгы эми Жогорку Кеңешти да тейлемей болду

93
(жаңыланган 16:51 02.12.2021)
Таратылган маалыматта эки башкармалыктын базасында президенттин иш башкармалыгы түзүлөрү айтылды.

БИШКЕК, 2-дек. — Sputnik. Президенттин иш башкармалыгы менен Жогорку Кеңештин иш башкармалыгы бириккенин өлкө башчынын маалымат кызматы кабарлады.

"Кыргыз Республикасынын мамлекеттик бийлик органдарынын ишин материалдык-техникалык жана финансылык камсыздоону өркүндөтүү жөнүндө" жарлыгына мамлекет жетекчиси Садыр Жапаров кол койгон.

Ага ылайык, президенттин иш башкармалыгы жана Жогорку Кеңештин иш башкармалыгынын базасында Кыргыз Республикасынын Президентинин иш башкармалыгы түзүлөт.

Аталган башкармалык президенттин, Жогорку Кеңештин, министрлер кабинетинин, президенттик администрациянын жана Жогорку Кеңеш аппаратынын ишин материалдык-техникалык жана финансылык камсыздоону жүзөгө ашырат.

93
Белгилер:
президент, Жогорку Кеңеш, Министрлер кабинети, иш, башкармалык, биригүү
Тема боюнча
Бак чуркайт! Партия номери менен дал келип, көп добуш алган талапкерлер эмне дейт?
ТЭЦ-2 аймагында жашагандардын 47,7 гектар жери мыйзамдаштырылды. Чоо-жайы
Жогорку Кеңештин вице-спикеринин орду. Архив

Бирөөнүн ордуна добуш бере албайсыңар. ЖКнын вице-спикери шайланбай калды

131
(жаңыланган 16:02 02.12.2021)
Залда 40ка чамалуу эле депутат отурган. Касымалиева ишеним каттын негизинде бирөөнүн ордуна добуш берүүгө тыюу салды.

БИШКЕК, 2-дек. — Sputnik. Жогорку Кеңештин депутаттары жыйынга толук келбегендиктен вице-спикер шайланбай калды.

Аталган кызматка "Бир бол" фракциясынан Мамасадык Бакиров менен "Кыргызстан" фракциясынан Улугбек Садиков көрсөтүлгөн.

Төраганын милдетин аткарып жаткан Аида Касымалиева вице-спикерди шайлоо электрондук эмес, бюллетень аркылуу жабык добуш берүү менен өтөрүн айтты. Ошол эле учурда ал ишеним каттын негизинде бирөөнүн ордуна добуш берүүгө тыюу салды. Мындай норма Конституцияда дагы, Жогорку Кеңештин регламентинде да жок экенин белгиледи.

"Негизи 61 добуш алган талапкер вице-спикерликке шайланат. Азыр залда 40 эле депутат отурат. Анан кантип шайлоо өткөрөбүз. Андан көрө бул маселени күн тартибинен алып салалы", — деди эл өкүлү Айбек Осмонов.

Ал эми Аманкул Токтомамбетов мурда деле ишеним каттын негизинде шайлап келишкенин айтып, ошол ыкманы азыр да колдонууну сунуштады.

Ага Аида Касымалиева "мурдагыларга ошол төрагалар жооп берсин. Мен төрагалык кылып жатканда андай болбойт" деп жооп берди. Ошондой эле ал кармалган депутаттардан УКМК эмнеге бирөөнүн ордуна добуш бергенин сурап жатканын эскертти.

Белгилей кетсек, мурдагы вице-спикер Нурбек Сыдыгалиев парламенттик шайлоого катышып жатканына байланыштуу кызматын тапшырып кеткен. Аны менен катар төрага Талант Мамытов дагы кызматтан убактылуу четтетилген. Учурда төраганын милдетин вице-спикер Аида Касымалиева аткарууда.

131
Белгилер:
Аида Касымалиева, вице-спикер, шайлоо, добуш берүү, ишеним кат
Тема боюнча
Аида Касымалиева Кыргызстандын БУУдагы расмий өкүлү болмокчу
Спутник Лайт вакцинасы. Архив

Гинцбург: "Спутник Лайт" менен тамчылатма вакцинаны бирге колдонсо болот

0
(жаңыланган 17:15 02.12.2021)
Ноябрдын соңунда Владимир Путин кайрадан вакцина сайдырып, "Спутник Лайтты" тандаган. Ал эми көп убакыт өтпөй тамчылатма вакцина алган.

БИШКЕК, 2-дек. — Sputnik. "Спутник Лайт" менен коронавируска каршы таноого тамчылаткан вакцинаны аралаш колдонсо болот. Бул тууралуу Гамалея атындагы Эпидемиологиялык жана микробиология боюнча улуттук изилдөө борборунун окумуштуусу Александр Гинцбургдун айтканын РИА Новости жазды.

"Бул ден соолукка зыянын тийгизбейт", — деп кошумчалаган ал.

Октябрдын ортосунда Россиянын Саламаттык сактоо министрлиги Гамалея борбору тарабынан иштелип чыккан SPRAY 08-Гам-КОВИД-Вак-2021 вакцинасынын клиникалык сыноолоруна уруксат бергени айтылган.

Гинцбург тамчылатма препараттын кыйыр таасири жоктугун билдирген. Анын орун басары Денис Логуновдун айтымында, бул дем алуу органдарында иммунитетти пайда кылып, ооруга кошумча тоскоолдук жаратууга багытталган процедура.

Ноябрдын соңунда Владимир Путин кайрадан вакцина сайдырып, "Спутник Лайтты" тандаган. Ал эми көп убакыт өтпөй тамчылатма вакцина алган.

"Оорутуп же оорутпаганы боюнча айтсам, эки саат мурда сайган, эч нерсе деле сезген жокмун. Баары кадыресе эле, абалым да күндөгүдөй", — деген Путин анда.

Путин COVID-19га каршы тамчылатма вакцинаны эксперимент жасоо боюнча ыктыярчыларды чакырган.

0
Белгилер:
Россия, Владимир Путин, Александр Гинцбург, вакцина
Тема:
"Спутник V" вакцинасы
Тема боюнча
"Кыйыр таасири жок": мурунга тамчылаткан вакцинанын коопсуз экени айтылды