Сахнадагы микрофон. Архив

Айпери Кубик кызы, Бек Борбиев. Шайлоого бараткан ырчы-чоорчу, актёрлор

906
(жаңыланган 10:46 08.11.2021)
Парламенттик шайлоого бара жаткан талапкерлердин тизмесинен маданият жана шоу-бизнес өкүлдөрүн көрө алдык. Алардын ичинде актёру, акыны, ырчысы, режиссёру дагы бар.

Кимди кийин Жогорку Кеңештен көрүп калышым мүмкүн деп кызыгып жатсаңыз Sputnik Кыргызстан агенттиги даярдаган материалды окуңуз.

Бек Борбиев

Кандидат в депутаты ЖК от партии Ата-Журт Кыргызстан Бек Борбиев
© Фото / пресс-служба ПП "Ата-Журт Кыргызстан"
Кыргыз Республикасынын эл артисти Бек Борбиев

Бек Борбиев бул ирет парламенттик шайлоого "Ата-Журт Кыргызстан" партиясы менен аттанган. Ал тизмеде 17-болуп Беродор Борбуев деп катталган. Ырчы 52 жашта. Азыркыга чейин чыгармачылык менен алектенип келет. 2002-жылдан 2010-жылга чейин Бажы кызматында иштеген. 2010-жылдан 2012-жылга чейин Интеллектуалдык менчик боюнча мамлекеттик кызматтын жетекчисинин орун басары болуп эмгектенген. Кыргыз Республикасынын эл артисти.

Гүлсина Чотонова

Актриса, режиссер Гулсина Чотонова во время интервью
© Sputnik / Табылды Кадырбеков
Актриса жана КТРКда режиссёр Гүлсина Чотонова

Актриса жана КТРКда режиссёр Гүлсина Чотонова да Жогорку Кеңешке бара жаткандардын катарында. Маданият өкүлү "Аруузат-Эл-Куту" партиясында 19-болуп жазылган. Чотонова режиссёр Геннадий Базаровдун "Карагыз" тасмасында майып кыздын ролун ойноп, "Ак шоола" сериалына жана башка фильмдерге тартылган.

Темирлан Сманбеков

Заслуженный артист КР Темирлан Сманбеков, директор Кыргызского национального академического драматического театра Темирлан Сманбеков
© Sputnik / Таалайгул Усенбаева
КРдин эмгек сиңирген артисти Темирлан Сманбеков

КРдин эмгек сиңирген артисти, өмүрүн театрга арнаган актёр Темирлан Сманбеков шайлоого "Бүтүн Кыргызстан" саясий партиясы менен аттанган. 64 жаштагы талапкер партиянын тизмесинде бешинчи орунда турат. Буга чейинки парламенттик шайлоого да ушул партия менен барган. Чыгармачылык жолунда бир нече спектакль жана тасмаларда түрдүү ролдорду жаратып эл оозуна алынган. Ал буга чейин Бишкекте Муса Жангазиев атындагы куурчак театрын, Токтоболот Абдумомунов атындагы Кыргыз улуттук академиялык драма театрын жана Нарын облустук Муратбек Рыскулов атындагы академиялык музыкалык драма театрын жетектеген. Учурда Бакен Кыдыкеева атындагы жаш көрүүчүлөр театрынын директору.

Айпери Кубик кызы

Кандидат в депутаты ЖК от партии Ыйман Нуру Айпери Калыкова
© Фото / пресс-служба партии "Ыйман Нуру"
Ырчы Айпери Кубик кызы

"Ыйман нуру" партиясында 30 жаштагы ырчы Айпери Кубик кызы бар. Тизмеде ал Айпери Калыкова деп көрсөтүлүп, 12-орунда. Ырчы куудул Кубик Калыковдун кызы. Учурда шоу-бизнесте чыгармачылык менен алектенип жүрөт. Төрт жыл КРдин Куралдуу күчтөрдүн Генералдык штабында солист катары кызмат кылган.

Сонунбүбү Кадырова

Сонунбүбү Кадырованы көпчүлүк акын катары тааныйт. Мындан сырткары, ал ырдайт, ЖМК өкүлдөрүнүн катарын да толуктайт. Кадырова шайлоого "Улуу журт" партиясы менен аттанган. Тизмеде 4-орунда.

Максат Кулуев

Талапкерлердин катарында төкмө акын, ырчы, алып баруучу Максат Кулуев бар. Ал Жогорку Кеңешке "Азаттык" партиясы менен баратат. Партиянын тизмесинде 47-орунда. Учурда ал Токтогул Сатылганов атындагы улуттук филармонияда иштейт.

Ырыс Окенова

Известный режиссер и продюсер Ырыс Окенова во время фотосессии
© Фото / студия "СинемАрт Продакш"
Режиссёр Ырыс Окенова

Шайлоодо дараметин сынап көрөйүн дегендердин катарында режиссёр Ырыс Окенова дагы бар. Ал "Багыт" партиясынын 4-катарына Ырыскүл Окенова деп катталган. Ырыс Окенова КТРКда эмгектенип "Президент жана бомж", "Ак шоола" сыяктуу бир катар тасмаларга режиссёрлук кылган. Талапкер манасчы Дөөлөт Сыдыковдун жубайы.

Бир мандаттуу округдан талапкерлер:

Маданият кызматкерлеринин арасынан бир мандаттуу округдан куудул Жамбыл Камчиевди гана көрүүгө болот. Ал талапкерлигин №7 Ош шайлоо округунан койгон. Жамбыл Камчиев Жалал-Абад облустук филармониясында артист. Кезинде "Аралаш" куудулдар тобунун солисти болгон. Бир нече жолу президенттик шайлоого да талапкерлигин койгону маалым.

906
Белгилер:
Жогорку Кеңеш, шайлоо, талапкер, ырчы, актер, акын
Тема:
Жогорку Кеңешке шайлоо 2021 (266)
Тема боюнча
Депутаттыкка бараткан журналисттер менен блогерлер. Тизме
Жогорку Кеңешке аттанган спортчулар. Олимпиада чемпиону, спорт чебери да бар
Президент Кыргызстана Садыр Жапаров сегодня, 29 ноября, встретился с руководителями миссий международных наблюдателей, которые вели мониторинг за ходом проведения парламентских выборов в стране

Президент Садыр Жапаров эл аралык байкоочулар менен жолукту

151
(жаңыланган 20:17 29.11.2021)
Өлкө башчы жарандар жана дүйнөлүк коомчулук шайлоонун жыйынтыгынын мыйзамдуулугунан күмөн санабашы үчүн бардык аракеттер көрүлөрүн белгиледи.

БИШКЕК, 29-ноя. — Sputnik. Президент Садыр Жапаров бүгүн, 29-ноябрда, өлкөдөгү парламенттик шайлоого мониторинг жүргүзгөн эл аралык байкоочулар миссияларынын жетекчилери менен жолугушту. Бул тууралуу өлкө башчынын маалымат кызматы билдирди.

Президент Кыргызстана Садыр Жапаров сегодня, 29 ноября, встретился с руководителями миссий международных наблюдателей, которые вели мониторинг за ходом проведения парламентских выборов в стране
© Пресс-служба президента КР / Султан Досалиев
Президент Садыр Жапаров бүгүн, 29-ноябрда, өлкөдөгү парламенттик шайлоого мониторинг жүргүзгөн эл аралык байкоочулар миссияларынын жетекчилери менен жолугушту

Жапаров КМШ, ЖККУ, ШКУ, ТүркПА, Түрк мамлекеттер уюмунун, Ислам кызматташтык уюмунун, Европадагы коопсуздук жана кызматташтык уюмунун, ошондой эле Өзбекстандын жана Грузиянын Борбордук шайлоо комиссияларынын жетекчилерине парламенттик шайлоого эл аралык байкоочу катары катышкандыгы үчүн ыраазычылык билдирди.

"Бул шайлоодо атаандаштыкка жана ага катышууга бирдей шарттар түзүлдү. Парламентте коомдун бардык катмарларынын өкүлдөрүн камтуу үчүн мыйзамдарда аялдар, этникалык азчылыктар, жаштар жана ден соолугунан мүмкүнчүлүгү чектелген адамдар үчүн квота киргизилген", — деди Жапаров.

Ал ошондой эле элдин биримдигин жана жаңы бийликке болгон ишенимин бекемдөөгө багытталган коомдук-социалдык маанилүү иш-чаралар өткөрүлгөнүн белгилеген.

"Жогорку Кеңешке шайлоо эл аралык стандарттарга ылайык, анын ичинде ЕККУга мүчө-мамлекеттердин копенгагендик милдеттенмелерин эске алуу менен өттү. Биздин жарандар жана дүйнөлүк коомчулук шайлоонун жыйынтыгынын мыйзамдуулугунан күмөн санабашы үчүн бардыгын жасайбыз. Бийлик биздин шайлоочулар тарабынан колдоого алынган Жогорку Кеңештеги бардык саясий партиялар менен иштешүүгө даяр", — деди президент.

Ал эми эл аралык байкоочулар мамлекет башчысын жана өлкө элин парламенттик шайлоонун ийгиликтүү өтүшү менен куттукташты. Алар шайлоону ачык-айкын өткөрүү үчүн аткарылган иштер жогорку деңгээлде уюштурулганын кошумчалашкан.

151
Белгилер:
Кыргызстан, Садыр Жапаров, парламент, Жогорку Кеңеш, шайлоо, байкоочу
Тема:
Жогорку Кеңешке шайлоо 2021 (266)
Тема боюнча
Туруктуулукту бузабыз дегендерге жол бербейбиз! Жапаров элге кайрылды
Кол менен санагыла! Жапаров "добуштар уурдалды" деген партияларга кайрылды

Шайлдабекова: бул ирет мыйзамсыздыкты ооздуктоого бийликтин эрки жетти. Видео