Кыргызстандын тышкы саясат боюнча ведомствосунун жетекчиси Руслан Казакбаев жана Италиянын тышкы иштер министринин орун басары М. Серени Кыргызстандын элчилигинин ачылыш аземи учурунда

Италияда Кыргызстандын элчилиги расмий түрдө ачылып, иштей баштады, Сүрөт

412
(жаңыланган 09:54 10.11.2021)
Казакбаев элчиликти ачууга колдоо көрсөткөндүгү үчүн Италия тарапка ыраазычылык билдирип, ал эми бул өлкөнүн ТИМ өкүлү Кыргызстан менен кызматташууларга даяр экенин айтты.

БИШКЕК, 10-ноя. — Sputnik. Италияда Кыргызстандын элчилигинин расмий ачылышы болду. Бул тууралуу Тышкы иштер министрлигинен билдирди.

  • Глава МИД Руслан Казакбаев и заместитель министра иностранных дел и международного сотрудничества Италии Марина Серени на церемонии открытия посольства Кыргызстана в Италии
    Италияда Кыргызстандын элчилигинин расмий ачылышы болду
    © Фото / пресс-служба МИД КР
  • Глава МИД Руслан Казакбаев и заместитель министра иностранных дел и международного сотрудничества Италии Марина Серени на церемонии открытия посольства Кыргызстана в Италии
    Казакбаев элчилик ачууга колдоо көрсөткөндүгү үчүн Италия тарапка ыраазычылык билдирип, ал эми бул өлкөнүн ТИМ өкүлү Кыргызстан менен кызматташууларга даяр экенин айтты
    © Фото / пресс-служба МИД КР
  • Глава МИД Руслан Казакбаев и заместитель министра иностранных дел и международного сотрудничества Италии Марина Серени на церемонии открытия посольства Кыргызстана в Италии
    Эмдиги жылы Кыргызстан менен Италиянын дипломатиялык алакасынын түзүлгөнүнүн 30 жылдыгы белгиленет.
    © Фото / пресс-служба МИД КР
1 / 3
© Фото / пресс-служба МИД КР
Италияда Кыргызстандын элчилигинин расмий ачылышы болду
"9-ноябрь күнү Кыргызстандын тышкы саясат боюнча ведомствосунун жетекчиси Руслан Казакбаев Италияга иш сапар менен барган. Анын алкагында элчилик расмий түрдө ишке киришип, салтанаттуу иш-чарага Италиянын тышкы иштер министринин орун басары М. Серени жана ал жакта окуп, иштеп жүргөн кыргызстандыктар катышты", — деп айтылат билдирүүдө.

Казакбаев элчилик ачууга колдоо көрсөткөндүгү үчүн Италия тарапка ыраазычылык билдирип, ал эми бул өлкөнүн ТИМ өкүлү Кыргызстан менен кызматташууларга даяр экенин айтты.

Эмдиги жылы Кыргызстан менен Италиянын дипломатиялык алакасынын түзүлгөнүнүн 30 жылдыгы белгиленет.

Эске салсак, бир нече жыл мурда Италияда кыргыз элчилиги жок болгондуктан мигранттар документтерди алуу үчүн бир топ убаракерчилик тартып жатканын айтып, өкүлчүлүк ачууну өтүнүп келишкен.

 

412
Белгилер:
Кыргызстан, Италия, элчилик, Руслан Казакбаев
Тема боюнча
Кыргызстандан Венгрияга түз аба каттамы ачылат
Греция Кыргызстанга коронавируска каршы акысыз вакцина бере турган болду
Дело № папкасы менен киши. Архив

Ысык-Ата шайлоо округунан алдыга чыккан талапкерге иш козголду

60
(жаңыланган 18:12 06.12.2021)
Социалдык тармакка Жогорку Кеңештин депутаттарын шайлоо учурунда аталган талапкердин катышуусунда видеотасма жарыяланган. УКМК билдиргендей, анда кылмыштын белгилери бар.

БИШКЕК, 6-дек. — Sputnik. № 30 Ысык-Ата шайлоо округунан депутаттыкка талапкер А.Т. аттуу жаранга карата кылмыш иши козголду. Бул тууралуу УКМК билдирди.

Маалыматка караганда, Жогорку Кеңештин депутаттарын шайлоо учурунда аталган талапкердин катышуусунда видеотасма жарыяланган.

"Бул чагымчыл видеодо талапкердин коомчулукта терс пикир жараткан улуттар аралык жана аймактар аралык кастыкты козутууга багытталган аракеттери ачык эле көрүнүп турат. Мындан улам Кылмыш-жаза кодексинин 330-беренесинин 2-бөлүгүнүн 1-пунктунда ("Улуттар аралык жана региондор аралык кастыкты козутуу") каралган кылмыштын белгилеринин бар экендигин эске алуу менен кылмыш иши козголду", — деп айтылат маалыматта.

6-декабрда тергөө органдары тарабынан бул кылмышты жасагандыгы үчүн А.Т. аттуу талапкерди кылмыш жоопкерчилигине тартууга макулдук алуу үчүн Шайлоо жана референдум өткөрүү боюнча борбордук комиссияга кайрылуу жөнөтүлгөн. Анын жыйынтыгы боюнча тергөө тарабынан тиешелүү процессуалдык чечим чыгарылып, талапкердин аракеттерине юридикалык баа берилет.

Белгилей кетсек, бир мандаттуу округ боюнча шайлоодо А.Т. элдин көпчүлүк добушун алып, биринчи сапка чыккан.

60
Белгилер:
Ысык-Ата, кылмыш, улут, кастык, УКМК
Тема:
Жогорку Кеңешке жаңы тартип менен болчу шайлоо
Тема боюнча
УКМКга барган Келдибеков шайлоо таза өткөнүнө ынанганын билдирди. Видео
УКМК добуштар чуусу боюнча: АСУ туура иштеген, ката сайттан кеткен
Башкы прокурор Курманкул Зулушев. Архив

Кирешесинен чыгашасы көп. Баш прокурор Зулушевдин кандай мал-мүлкү бар

53
(жаңыланган 18:00 06.12.2021)
Баш прокурордун жакын туугандары былтыр 250 миң сом киреше тапса, чыгашасы 4,9 миллион сомго жеткен.

БИШКЕК, 6-дек. — Sputnik. Салык кызматы башкы прокурор Курманкул Зулушевдин мал-мүлкү тууралуу 2020-жылга карата тапшырган декларациясын жарыялады.

Документке ылайык, башкы прокурор бир жылда 750 722 сом иштеп тапкан, чыгашасы жазылган эмес. Ал Toyota (үлгүсү көрсөтүлгөн эмес) автоунаасына, 70 миң сомдук эмерек, 25 миң сомдук компьютер жана техникага ээлик кылат. Мындан сырткары, 250 миң сомго бааланган бодо малы, 700 миң сомдук жылкы, 1 650 000 сомдук таза кандуу аргымактары бар.

Ал эми жакын туугандары 2020-жылы 250 миң сом киреше чогулткан. Ошол эле учурда чыгашасы 4,9 миллион сомго жеткен. Алардын 119 чарчы метрлик турак жайы, аянты 8,1 гектар айыл чарба багытындагы жер тилкеси бар.

Белгилей кетсек, Курманкул Зулушев 2020-жылдын октябрь айына чейин Жогорку Кеңештин депутаты болуп иштеген.

53
Белгилер:
Курманкул Зулушев, мал, мүлк, декларация, Башкы прокурор, туугандар
Тема боюнча
Жер тилкеси 20дан ашып... Жээнбеков президент болгондон кийин канчалык байыган
Садыр Жапаров жана анын үй-бүлөсү кандай мал-мүлккө ээлик кылары жарыяланды