Улуттук банктын башкаруучулугунун төрагасынын орун басары болуп дайындалган Заир Чокоев. Архив

Заир Чокоев Улуттук банктын төрагасынын орун басары болуп дайындалды

75
(жаңыланган 16:07 10.11.2021)
Чокоев мурда 7 жыл Улуттук банктын төрагасынын орун басары, 2010-жылы төраганын милдетин аткаруучу кызматын аркалаган.

БИШКЕК, 10-ноя. — Sputnik. Заир Чокоев Улуттук банктын башкармалыгынын төрагасынын орун басары болуп дайындалды. Бул туурасында мамлекет башчынын маалымат кызматы билдирди.

Тиешелүү буйрукка президент Садыр Жапаров кол койгон.

Буга чейин Чокоев финансы министринин орун басары — Борбордук казыналыктын директору болуп иштеп жаткан.

Ал 2007-2014-жылдары Улуттук банктын төрагасынын орун басары, 2010-жылы төраганын милдетин аткаруучу кызматын аркалаган.

75
Белгилер:
Заир Чокоев, Улуттук банк, орун басар, дайындоо
Тема боюнча
Садыр Жапаров администрациясына эки жаңы кадр дайындады
Санариптик өнүктүрүү министрлиги кайра түзүлүп, Догоев жетектемей болду
Аткаминер. Иллюстративдик сүрөт

"Ынтымактан" депутат болуп келчүлөрдүн эмне бизнеси бар. Тизме

45
(жаңыланган 10:35 01.12.2021)
АСУнун маалыматы боюнча, "Ынтымак" партиясы шайлоочулардын 10,95 пайыз добушун алып, 9 мандатка ээ болот. Sputnik болочок эл өкүлдөрүнүн бизнеси тууралуу материалдар түрмөгүн жарыялап турмакчы.

Sputnik Кыргызстан агенттиги тизмени Юстиция министрлигинин маалыматы боюнча түздү. Шайлоонун акыркы жыйынтыгы протоколдор кол менен саналган соң белгилүү болорун эскертмекчибиз.

"Ынтымак" партиясындагылардын ичинен эң көп добуш алган Эрулан Көкүловго эч бир компания, фирма катталган эмес.

Шарапаткан Мажитова жүргүнчү ташыган "Ажы Акпар", май куюучу жайлары бар "Абдымажит Ажы Ата", кен казган "Алтын-Булак компани", курулуш менен алектенген "Модерн Стиль", көмүр казган "Эр-Ислам" жана "Джаунг Хва Майнинг Сары-Бээ", соода-сатык менен алектенген "Кыргыз жаңгак" болуп жалпы жети ишканага ээлик кылат.

Кандидат в депутаты ЖК от партии Ынтымак Шарапаткан Мажитова
© Фото / пресс-служба партии "Ынтымак"
Шарапаткан Мажитова

Мажитова андан сырткары "Асыл Аманат демилгеси", "Энелер соту", Кара-Суу базарынын жеке ишкерлеринин "Ишкер" коомдук бирикмесин жетектеп келет.

Юстиция министрлигинин порталында Жогорку Кеңештин спикери Талант Мамытовго да бир дагы компания же ишкана катталган эмес.

Бакыт Тентишевге да расмий эч нерсе катталган эмес. Ал президенттин Чүй облусундагы ыйгарым укуктуу өкүлү Эркин Тентишевдин уулу.

ЖКга эл өкүлү болуп келчү Мурадил Сыдыковдун "MS BUILDING" аталышындагы курулуш компаниясы, жүк ташыган "NuriS-KG" ЖЧКсы бар.

Кандидат в депутаты ЖК от партии Ынтымак Мурадил Сыдыков
© Фото / пресс-служба партии "Ынтымак"
Мурадил Сыдыков

Жогорку Кеңештин VI чакырылышынын депутаты Марлен Маматалиев "Жалын" жаштар кыймылын, "Ынтымак" саясий партиясын жетектейт.

Кандидат в депутаты ЖК от партии Ынтымак Марлен Маматалиев
© Фото / пресс-служба партии "Ынтымак"
Марлен Маматалиев

Расмий булактарда Бишкек шаарынын мурдагы мэри Балбак Түлөбаевдин атына эч нерсе катталган эмес.

Ал эми Исатбек кызы Аида "Нурс Мебель" фирмасын башкарып келет.

Кандидат в депутаты ЖК от партии Ынтымак Аида Исатбек кызы
© Фото / пресс-служба партии "Ынтымак"
Аида Исатбек кызы

Лейла Лурова "LBS milk production" жоопкерчилиги чектелген коомун Марат Осмонов экөө ачкан.

Кандидат в депутаты ЖК от партии Ынтымак Лейла Лурова
© Фото / пресс-служба партии "Ынтымак"
Лейла Лурова
45
Белгилер:
Кыргызстан, 'Ынтымак' партиясы, депутат, бизнес
Тема:
Жогорку Кеңешке жаңы тартип менен болчу шайлоо
Тема боюнча
"Ата-Журт Кыргызстандан" келчү депутаттардын бизнеси: ломбард, май куюучу жайлар
"Ишенимден" келчү депутаттардын бизнеси: базар, микрокредиттик компаниялар
Шайлоо-2021: бир мандаттуу округ боюнча кол менен саноонун алдын ала жыйынтыгы
Шайлоо участкасында аял добуш берип жатат

7 партия босого чектен өтүүдө. Добуштардын 30 пайызы кол менен саналып бүттү

1920
(жаңыланган 23:02 30.11.2021)
Саат 20:30га карата 759 шайлоо тилкесинде бюллетендер эсептелип, протоколдор БШКга жөнөтүлгөн.

БИШКЕК, 30-ноя. — Sputnik. Парламенттик шайлоодо берилген добуштардын 30,43 пайызы кол менен саналып бүттү. Бул тууралуу Боршайкомдун бюллетендерди эсептөөнү онлайн режиминде көрсөткөн newess.shailoo.gov.kg порталында маалымдалат.

Саат 20:30га карата 759 шайлоо тилкесинде бюллетендер саналып бүтүп, протокол жөнөтүлгөн. Бул 323 376 жарандын тандоосу ачыкталганын түшүндүрөт. Жалпысынан шайлоого 1 273 557 кыргызстандык катышкан.

Азырынча төмөнкү партиялар беш пайыздык босого чектен өттү:

  1. "Ата-Журт Кыргызстан" — 14.58 пайыз;
  2. "Ынтымак" — 14.06 пайыз;
  3. "Ишеним" — 11.97 пайыз;
  4. "Ыйман нуру" — 7.41 пайыз;
  5. "Альянс" — 7.09 пайыз;
  6. "Эл үмүтү" — 5.85 пайыз;
  7. "Бүтүн Кыргызстан" — 5.69 пайыз.

Кыргызстанда парламенттик шайлоо 28-ноябрда өтүп, АСУнун алдын ала жыйынтыгы чыкты. Партия тизмеси боюнча беш пайыздык босогодон алты партия өттү. Бир мандаттуу округ боюнча да алдын ала жыйынтык белгилүү болду. Акыркы жыйынтык протоколдордун баары кол менен эсептелип чыккандан кийин расмий жарыяланат.

1920
Белгилер:
Жогорку Кеңешке шайлоо, добуш, саноо, жыйынтык, мандат
Тема:
Жогорку Кеңешке жаңы тартип менен болчу шайлоо
Тема боюнча
Адис жаңылган. БШК сайттагы добуштарды ким көбөйтүп салганын айтты
Бюллетендер качан кол менен саналып бүтөт? БШКнын жообу
Студенттер. Архив

Кыргызстандык студенттер Эл аралык жаштар парламентинин угуучусу болду

5
(жаңыланган 10:28 01.12.2021)
Долбоордун иш-чаралары Парламенттер аралык ассамблеянын штаб-квартирасы жайгашкан Таврический сарайында жана Санкт-Петербург мамлекеттик университетинин эл аралык мамилелер факультетинде өтөт.

БИШКЕК, 1-дек. — Sputnik. Кыргызстандык студенттер Санкт-Петербургдагы Эл аралык жаштар парламентинин угуучусу болду. Бул тууралуу КМШ Парламенттер аралык ассамблеясы кеңешинин катчылыгынын маалымат кызматы билдирди.

Бул мектеп кечээ, 30-ноябрда, "Дүйнө өлкөлөрүнүн шайлоо системалары" II Эл аралык студенттик интернет-олимпиаданын жеңүүчүлөрү жана байге ээлери үчүн ачылган.

Долбоордун угуучулары болуп КМШнын жогорку окуу жайларында билим алып жаткан 30дан ашык студенттер Азербайжан, Армения, Беларусь, Казакстан, Кыргызстан, Молдова, Россия, Өзбекстан, Украина, Түркмөнстан жана Сербиянын жарандары болушту. Мектеп 4-декабрга чейин иштейт.

Парламенттер аралык ассамблеясы кеңешинин башкы катчысы Дмитрий Кобицкий долбоордун катышуучуларына өз саламын жолдоду. Ал бул иш-чара КМШнын түзүлгөндүгүнүн 30 жылдыгынын алдында өтүп жатканын белгиледи.

"Шериктештиктин келечеги түздөн-түз жаш муундан, алардын мезгилдин жаңы чакырыктарына даярдыгынан жана пайдалуу кызматташууну тандоосунан көз каранды", — деп баса белгиледи Кобицкий.

Анын айтымында, КМШ ПАА жаштардын коомдун саясий турмушуна жана мамлекеттин ишмердүүлүгүнө жигердүү катышуу укугун ишке ашырууга өзгөчө көңүл бурат.

Долбоордун иш-чаралары Парламенттер аралык ассамблеянын штаб-квартирасы жайгашкан Таврический сарайында жана Санкт-Петербург мамлекеттик университетинин эл аралык мамилелер факультетинде өтөт.

Жаштар мектебинин программасына интерактивдүү лекцияларды өткөрүү, студенттерди постсоветтик мейкиндикте интеграцияны өнүктүрүү боюнча көрөгөчтүккө (эксперттик баалоо ыкмаларынын системасы) даярдоо, КМШ ПАА Кеңешинин катчылыгынын иши менен таанышуу кирери белгиленди.

Программанын негизги иш-чарасы 2-декабрда илимий дебат форматында өтө турган "Электрондук добуш берүү: макул жана каршы" эл аралык конференциясы болмокчу. Командалар шайлоо процессинде санариптик технологияларды колдонууга арналган интеллектуалдык таймашка катышат. Конференциянын соңунда дебаттардын катышуучуларына сыйлык тапшырылат.

Мунун баары Көз карандысыз мамлекеттер шериктештигинин түзүлгөндүгүнүн 30 жылдыгына арналган "Жаштар парламентаризми КМШ өлкөлөрүнүн туруктуу саясий өнүгүүсүнүн жана өнөктөштүгүнүн негизи" долбоорунун бир бөлүгү. 2021-жылы долбоор РФ президентинин Гранттык фондунун колдоосуна ээ болгон.

5
Белгилер:
Кыргызстан, мектеп, парламент, жаштар, КМШ Парламенттер аралык ассамблеясы
Тема боюнча
Россия чет элдик студенттерге туруктуу жашоого жеңилдетилген жол менен уруксат берет