Бишкектеги өкмөт үйү. Архив

Министрлер кабинетинин түзүмү кайрадан өзгөрдү. 60 ведомствонун аталышы алмашты

2127
(жаңыланган 14:10 12.11.2021)
Үстүбүздөгү жылдын февраль айынан бери аткаруу бийлигинин түзүмү бир нече ирет алмашты. Бийлик муну менен мамлекеттик органдарынын ишин оптималдаштыруу максатында жасап жатканын айтууда.

БИШКЕК, 12-ноя. — Sputnik. Кыргызстанда министрлер кабинетинин структурасы кайрадан түзүлдү. Тиешелүү токтомго өкмөт башчы Акылбек Жапаров кол койгон.

Мындай кадамдар аткаруу бийлигинин мамлекеттик органдарынын ишин оптималдаштыруу максатында жасалганы белгиленет.

Ага ылайык, министрликтердин алдындагы агенттиктер жоюлуп, "департамент", "кызмат" болуп өзгөрдү:

  • Экономика жана финансы министрлиги Экономика жана коммерция министрлиги жана Финансы министрлиги болуп бөлүндү. Туризм чөйрөсүндөгү функциясы Маданият, маалымат, спорт жана жаштар саясаты министрлигине өткөрүп берилди;
  • Саламаттык сактоо жана социалдык өнүктүрүү министрлиги Саламаттык сактоо министрлигине жана Эмгек, социалдык камсыздоо жана миграция министрлиги болуп бөлүндү;
  • Инвестиция министрлигинин функциясы Экономика жана коммерция министрлигине өткөрүп берилсин;
  • Мамлекеттик мүлктү башкаруу фонду, Банкроттук иштер боюнча департамент, "Мамлекеттик-жеке өнөктөштүк борбору" Экономика жана коммерция министрлигинин карамагына өтсүн;
  • Тышкы миграция департаментинин функциясынын бир бөлүгү Эмгек, социалдык камсыздоо жана миграция министрлигине төмөнкүлөр өткөрүп берилсин:
  • Айыл, суу чарба жана аймактарды өнүктүрүү министрлигинин аталышы Айыл чарба министрлиги деп аталып, региондорду өнүктүрүү чөйрөсүндөгү функциясы Экономика жана коммерция министрлигине өткөрүп берилсин;
  • Энергетика жана өнөр жай министрлиги Энергетика министрлиги болуп өзгөртүлдү. Өнөр жай чөйрөсүндөгү (тамак-аш өнөр жайынан тышкары) функциясы Экономика жана коммерция министрлигине, Геология, жер казынасын коргоо жана жер казынасын пайдалануу, өнөр жай коопсуздугу, жер казынасын пайдалануу, геологиялык иштерди жүргүзүү чөйрөсүндөгү мыйзамдардын, ошондой эле көмүрдүн жана отундун сапатын жана коопсуздугун камсыз кылуу боюнча милдеттүү талаптардын сакталышын мамлекеттик контролдоо жана көзөмөлдөө чөйрөсүн тескөө Жаратылыш ресурстары, экология жана техникалык көзөмөл министрлигине өткөрүп берилсин;
  • Инвестиция министрлиги министрлер кабинетинин карамагындагы "Инвестициялар жана өнүктүрүү боюнча агенттиги (KADI)" мамлекеттик мекемеси болуп негизделсин;
  • Экология жана климат боюнча мамлекеттик комитети Жаратылыш ресурстары, экология жана техникалык көзөмөл министрлиги болуп өзгөртүлсүн;
  • Финансылык чалгындоо мамлекеттик кызматы Финансы министрлигинин карамагына өттү;
  • Министрлер кабинетинин Соттук өкүлчүлүк борбору Юстиция министрлигинин карамагына өттү;
  • Экономика жана финансы министрлигине караштуу Экономикалык саясатты изилдөө институту Министрлер кабинетинин алдындагы Экономикалык саясатты изилдөө институту мамлекеттик мекемеси болуп өзгөрдү;
  • Экономика жана финансы министрлигине караштуу Монополияга каршы жөнгө салуу мамлекеттик агенттиги Экономика жана коммерция министрлиги болуп өзгөрдү;
  • Кыргыз аккредитациялоо борбору Экономика жана коммерция министрлигине караштуу Аккредитациялоо борбору болуп өзгөрөт;
  • Экономика жана финансы министрлигине караштуу Стандартташтыруу жана метрология боюнча борбор Экономика жана коммерция министрлигине караштуу борбор болуп өзгөрдү;
  • Экономика жана финансы министрлигине караштуу "Адал-индустриясын өнүктүрүү боюнча борбор" мамлекеттик мекемеси Экономика жана коммерция министрлигине караштуу мекеме болуп өзгөрдү;
  • Экономика жана финансы министрлигине караштуу "Тышкы соода чөйрөсүндөгү "Бирдиктүү терезе" борбору" мамлекеттик ишканасы Экономика жана коммерция министрлигине караштуу ишкана болуп өзгөрдү;
  • Экономика жана финансы министрлигине караштуу Туризм департаменти, "Кыргыз туризм" мамлекеттик ишканасы Маданият, маалымат, спорт жана жаштар саясаты министрлигине өткөрүп берилди;
  • Экономика жана финансы министрлигине караштуу Салык, Бажы кызматтары Финансы министрлигинин карамагына өттү;
  • Экономика жана финансы министрлигине караштуу Бюджеттик кредиттерди башкаруу боюнча мамлекеттик агенттик Финансы министрлигине караштуу Экономиканы өнүктүрүү мамлекеттик фонду болуп өзгөрдү;
  • Экономика жана финансы министрлигине караштуу Мамлекеттик сатып алуулар департаменти Финансы министрлигинин алдындагы департамент болду;
  • Экономика жана финансы министрлигинин Окуу борбору Финансы министрлигинин Окуу борбору болуп өзгөрдү;
  • Экономика жана финансы министрлигине караштуу Баалуу металлдар департаменти Финансы министрлигине караштуу Баалуу металлдар департаменти болуп өзгөрдү;
  • Энергетика жана өнөр жай министрлигине караштуу Отун-энергетикалык комплексин жөнгө салуу боюнча мамлекеттик агенттик Энергетика министрлигинин карамагындагы департамент болду;
  • Геология жана жер казынасын пайдалануу мамлекеттик агенттиги Жаратылыш ресурстары, экология жана техникалык көзөмөл министрлигине өтүп департамент болуп калды;
  • Энергетика, тоо-кен көзөмөлү жана өнөр жай коопсуздугу боюнча мамлекеттик инспекция Энергетика министрлигине караштуу Энергетикалык көзөмөл боюнча кызмат болуп өзгөрдү;
  • Энергетика министрлигинин карамагына өттү;
  • Өнөр жай, энергетика жана жер казынасын пайдалануу мамлекеттик комитетинин алдындагы Энергетика жана экономика илим изилдөө институту, "Энергодолбоор" кыргыз мамлекеттик илим-изилдөө жана долбоордук-издеп табуу институту, "Бишкек штамптоочу заводу" жана "Кыргызжылуулукэнерго", "Кыргыз көмүр" мамлекеттик ишканалары Энергетика министрлигине өттү;
  • Транспорт жана коммуникациялар министрлигине караштуу Жарандык авиация агенттиги, Автомобиль, суу транспорту жана салмак габаритти контролдоо агенттиги департамент болуп өзгөрдү;
  • Суу ресурстары, Жер ресурстары жана Токой чарба агенттиктери эми Айыл чарба министрлигине караштуу агенттик эмес кызмат деп аталат;
  • Ветеринардык жана фитосанитардык коопсуздук боюнча мамлекеттик инспекция, Жер жана суу мамлекеттик инспекциясы Айыл чарба министрлигине караштуу кызмат деп өзгөрдү;
  • Ветеринардык дары-дармектерди, тоюттарды жана тоют кошулмаларын каттоо жана сертификаттоо боюнча борбор Айыл чарба министрлигинин алдындагы департамент болуп өзгөрдү;
  • Жазаларды аткаруу мамлекеттик кызматы, Соттук-эксперттик мамлекеттик кызмат Юстиция министрлигине караштуу Жазаларды аткаруу кызматы, Соттук-эксперттик кызмат болуп өзгөрдү. Башкача айтканда, "мамлекеттик" деген сөз алып салынды;
  • Санариптик өнүктүрүү министрлигине караштуу Мамлекеттик байланыш агенттиги Байланыш тармагында жөнгө салуу жана көзөмөлдөө боюнча кызматы болуп өзгөрдү;
  • Санариптик өнүктүрүү министрлигинин алдындагы Мамлекеттик архив агенттиги Архив кызматы болуп өзгөрдү;
  • Жаштар иштери, дене тарбия жана спорт боюнча мамлекеттик агенттик Маданият, маалымат, спорт жана жаштар саясаты министрлигине караштуу Дене тарбия жана спорт департаменти болду. Жаштар саясаты чөйрөсүндөгү функцияларды министрликтин борбордук аппаратына өткөрүп берилет;
  • Экологиялык контролдоо мамлекеттик инспекциясы Жаратылыш ресурстары, экология жана техникалык көзөмөл министрлигине караштуу кызматы болуп өзгөрдү;
  • Экология жана климат боюнча мамлекеттик комитетке караштуу Гидрометеорология боюнча агенттикти (Кыргызгидромет) Өзгөчө кырдаалдар министрлигинин карамагына өткөрүп берүү менен Гидрометеорология кызматы деп аталды;

Структуралардын өзгөрүшүн толугу менен министрлер кабинетинин сайтынан тааныша аласыз.

Аталган токтом 6-ноябрда чыккан, ага кол койгон күндөн тартып күчүнө кирди.

2127
Белгилер:
Министрлер кабинети, структура, өзгөртүүлөр, министрлик, агенттик, департамент
Тема боюнча
Салыкчылар качкандарды кармап, тергейт. Жаңы кодексте эмнелер сунушталууда
Санариптик өнүктүрүү министрлиги кайра түзүлүп, Догоев жетектемей болду
Министрлер кабинетинин жаңы курамына кимдер кирди? Тизме
Жергиликтүү бийлик акимдин көзүн карап калат. Чуулуу мыйзамдын чоо-жайы
Вашингтондогу Капитолий имараты. Архивдик сүрөт

Путинден америкалыктар эмне күтүп, кандай коркутууларга барат?

8
Эртең, 7-декабрда, Россия жана АКШ президенттери видеобайланыш аркылуу сүйлөшөт. Аны утурлай таасирдүү Atlantic Council аналитикалык борбору Байден үчүн бүтүндөй бир сценарий түздү.

Америкалыктардын каалаганы эмне? Эң оболу Россия тезинен Украина менен чек арасынан күчтөрүн алып кетишин күтөт. Бирок алар өз өлкөсүнүн аймагында экенин Кошмо Штаттар эстен чыгарып жатышат. Ошол эле учурда украиналык күчтөр туурасында бир ооз да сөз жок. Киев өзүнүн Куралдуу күчтөрүн Донбасстан чыгарып кетүүгө милдеттенме да албайт. Виктория Никифорованын эки держава лидерлеринин эртеңки баарлашуусунун алдында жагдайды талдоосу РИА Новости сайтына жарык көргөн.

Батыштын оюнда Россия Украинаны "коркутканын" токтотууга тийиш. Ал эми Украина аймагына америкалык жана британиялык аскердик базалар, жашыруун биолабораториялардын жайната курулуп, америкалыктар өндүрүштүк масштабда "Жавелиндерди" түшүрүп, НАТО өлкөлөрү да оолак карманган комплекстүү аскердик кызматташтыкка умтулуп жатканына көз жумуп коюушу керек экен. Ал тургай Россия аталган мамлекетти газ, көмүр жана башка эмнеге муктаж болсо, баары менен үзгүлтүксүз жабдууга милдеттүү деп эсептешет.

НАТОго мүчө болушун кубаттап же куру дегенде унчукпай моюн сунушун көксөшөт. Россия булардын баарын аткарса, Кошмо Штаттар Минск келишимдерин өзү кошо ишке ашырууну убада кылат. Болгону алар Минскиде кол коюлуп, Германия жана Франция тарабынан кепилденген келишимдер эмес.

Америкалык версиясында Донбассты "эл аралык зонага айлантуу" сунушталат. Республикалардын Украинанын өзгөчө макамы жөнүндөгү жана өлкөнүн тышкы саясатына вето коюу мүмкүнчүлүктөрү тууралуу саясий талаптары канааттандырылбайт. ЛТР жана ДТРдин жетекчилигин толук бойдон "өткөөл учурдун эл аралык жарандык администрациясы" менен алмаштыруу болжонот.

Кошуундар куралсыздандырылып, милиция таратылат. Бул түзүмдөрдүн ордун эл аралык тынчтык орнотуучулар басат. Алардын көзөмөлүндө Донбасста шайлоо өтүп, "кесипкөй полиция" түптөлөт. Ошентип Украина-Россия чек арасындагы көзөмөл акырындап кайсы бир эл аралык тынчтык орнотуучулардын колуна өтөт. Минск келишимдеринде так жазылган шарттардын эч бири аткарылбастан, көзөмөл алардын колунан Киевге берилет.

Эгер Россия буга көнсө, Вашингтон Киевге азыраак курал берип, Россиядан санкциялардын бир бөлүгүн алууну, НАТО менен Россиянын ортосундагы өз ара аракеттешүүнү жөнгө салууну убада кылат. Ал эми Россия бул талаптарды аткаруудан баш тарта турган болсо, Украинаны курал-жарак менен жабдууну уланта берет. "Жавелиндерден" сырткары, тизмеде — абадан коргонуу жана жээктеги күзөт тутумдары, радиоэлектрондук система жана каражаттар, контрартиллериялык жана контрбатареялык радарлар бар.

НАТО күчтөрү Украинада ротациялык негизде калат, ал эми украиналык армияны "Россияны ооздуктоо" максатында тескөө түндүк атлантикалык альянстын келерки жылга карата стратегиясынын эң башкы артыкчылыгы болмокчу. Бул жаатта Франция жана Германия кандай пикирде экени эске да алынбайт.

Узак мөөнөттүү планда Россияны Батыш аныктаган "агрессиясы" үчүн санкциялар менен муунтууну улантышат. Анткен менен 2014-жылдагы санкциялар топтому да, 2019-жылдагы "тозоктон келген санкциялар" да Россиянын саясатын өзгөртө алган эмес. Буга ынанууга убакыт жетиштүү эле болду.

Жаңы экономикалык кысымдын жаңы чараларында "Газпром" жана анын "бутактары" үчүн каржылоого тыюу салуу камтылат. Ошол эле убакта Европага газ жеткирүүнү толук бөгөттөөгө жол берилбейт. Каржылык акциялардын кеңири түрү "Роснефтинин" филиалдарына каршы багытталган жана "Сургутнефтегаз" менен "Новатэкти" да курмандыкка чалуу сунушталат.

Россиянын тоо-кен өндүрүшү жана металлургиясына азырынча санкция толук масштабда коюла элек. Atlantic Council "Евраз" жана "Алрос", ошондой эле россиялык камсыздандыруучу ири "Согаз" жана "Совкомфлот" ишканасына көңүл бурууга үндөйт. Анан да, албетте, "Түндүк агым — 2" долбоорун да унуткарышкан эмес. Америкалыктардын пикиринде, бул "жаман демилге" болгон, ал эми "Россияны ооздуктоо" чарасы Германиядан аталган долбоордун ишине мораторий коюуну талап кылат.

Ошондой эле Россияны SWIFT системасынан өчүрүү сунушу кайрадан калкып чыкты. "Бул тема дале четке кагыла элек, акыркы чара болот," — деди Киевдеги америкалык мурдагы элчи Жон Хербст. "Ооба, европалык компаниялар санкциялар процессинде кыйынчылыктарга тушугат, — деп моюнга алышат америкалык аналитиктер. — Бирок путиндик агрессияга каршы турууга чечкиндүүлүк — бул Кремлди ооздуктоонун мыкты ыкмасы". Белгилүү болгондой, "биргелешкен аракеттер" деген түшүнүк Atlantic Council борборунун эң көп оозанганы.

Америкалыктардын союздаштары Франция жана Германия НАТОго Украинанын мүчөлүгүнө каршы. Европалыктар жосунсуз санкциялардын айынан россиялык газды алууда үзгүлтүктөрдөн жапа чегүүнү каалашпайт. Бул чектөөлөр Россияга караганда аталган биримдик мейкиндигиндеги экономиканы талкалоодо. Эч ким — европалыктар да, америкалыктар да, украиналыктар да Вашингтондун буйругу менен согушууну каалабайт.

Россия эртеңки баарлашууга буларга карама-каршы шарттар менен камынууда. РФ кызыл чийинди так чийгени маалым. Украина НАТОго мүчөлүккө алынбашы керек. Аймагында үчүнчү өлкөлөрдүн жалпы аскердик күчтөрү жайгаштырылбашы шарт. НАТО чыгышка карай таптакыр жайылбашы керек. Буга жазуу жүзүндөгү кепилдиктерди күтөт. Анткени оозеки макулдашуулардын баарын өнөктөштөр унуткарышканы белгилүү.

Россиялык жана америкалык президенттердин позицияларын кандайдыр жакындатылары арсар. Алардын Женевадагы кезигүүсүнөн эч майнап чыккан эмес, болгону ажырымды тереңдеткен.

Октябрда Байден эгер кокус КЭР кол сала турган болсо, Кошмо Штаттар Тайванды коргой турганын айткан. 1979-жылдан бери Вашингтон Тайванды коргоо каражаттары менен жабдууга милдеттенме алган, бирок президенттер Тайвань үчүн Кытай менен согушууну эч качан убадалаган эмес. Тайвань — Украианадан кийинки дүйнөнүн эң кооптуу жерлеринин бири. Америкалык режим аралды курал менен камсыздап, кытай агрессиясы боюнча тарыхый үгүттөөсүн жүргүзүүдө. Украина жагдайындагыдай эле Кытайга эч кандай агрессиянын зарылдыгы жок. Пекиндегилер мекендештери менен акыры тынч биригерине ишенишет. Бирок америкалыктар Украинаны Россияга кандай тукурса, Тайванды Кытайга да дал ушундай каршы багыттоодо. Эки өлкө тең "экинчи Афганистанга" айланып калуудан коркушат.

Америкалыктар Россия менен Кытай Украина менен Тайванга январь-февралда кол салуу ыктымалдыгын олуттуу түрдө талкуулоодо. Үрөйлөрү учкан тайвандыктар Байдендин сөздөрүн кунт коюу менен тыңдашат. Ал эми эртеси күнү эле Ак үй "силер туура эмес түшүнүп алдыңар, ал жөн гана тамашалады" деп жайгарып коет.

Мындай туруксуз контрагент менен сүйлөшүү кыйынчылыктарга кептейт. Бирок Владимир Путиндин көз карашынын күчү – анын орустардын да, украиналыктардын да, америкалыктардын да жана дегеле Жер жүзүнүн калкынын пикирин билдиргенинде. Бизге согуштун кереги жок! Тынч, өз ара пайдалуу кызматташтык жана өнүгүү зарыл. Бул тилектер түшүнбөстүктөргө жол бербөө үчүн жазуу түрүндө кепилденгени оң.

8
Белгилер:
Россия, Украина, АКШ, Кытай, талап, чек ара, курал, коркутуу
Тема боюнча
Аяктай турган түрү жок антироссиялык аракет: АКШ Украинаны жарга түртүүдө
АКШ эсминецтери Украина үчүн салгылашабы?
Аткаминер. Архив

Жогорку Кеңештин эң бай алты депутаты. Тизме

285
(жаңыланган 18:48 06.12.2021)
Материалда жылдык кирешеси 10 миллион сомдон ашкан депутаттар көрсөтүлгөн. Алардын сап башында Азамат Арапбаев турат.

БИШКЕК, 6-дек. — Sputnik. Салык кызматы Жогорку Кеңеш депутаттарынын 2020-жылга карата тапшырган декларациясын жарыялады.

Sputnik Кыргызстан эң көп киреше тапкан алты эл өкүлүнүн декларациясын карап көрдү. Белгилей кетсек, материалда учурдагы статусуна карабай былтыр депутат болуп тургандар көрсөтүлдү.

Рейтинг боюнча Азамат Арапбаев депутаттардын эң байы аталды. Ал өткөн жылы 54,4 миллион сом киреше чогулткан.

Депутат ЖК 6 созыва Азамат Арапбаев от фракции СДПК. Архивное фото
© Sputnik / Табылды Кадырбеков
Депутат Азамат Арапбаев

Экинчи орунда экс-премьер-министр Данияр Үсөновдун (азыр Даниил Урицкий деген ат менен белгилүү) мурдагы жубайы Динара Исаева турат. Ал 28,8 миллион сом тапкан.

Рабочий визит премьер-министра РФ В.Путина на Украину. 20 ноября
© Sputnik / Алексей Никольский
Экс-премьер-министр Данияр Үсөнов

Үчүнчү сапка илинген Исхак Пирматовдун жылдык кирешеси 16,8 миллион сомду түзөт.

Депутат ЖК 6 созыва Исхак Пирматов от партии Бир Бол. Архивное фото
© Sputnik / Табылды Кадырбеков
Депутат Исхак Пирматов

Ал эми Салайдин Айдаров 16 миллион сомго чукул каражаты менен төртүнчү орунду ээледи.

Депутат от фракции Кыргызстан Салайдин Айдаров во время заседания в Жогорку Кенеше
© Фото / пресс-служба Жогорку Кенеша
Депутат Салайдин Айдаров

Бешинчи орунда турган Орозбек Алыбаевдин былтыр 12,5 миллион сом иштеп тапканы белгилүү болду.

Депутат ЖК Орозбек Алыбаев на заседании
© Фото / пресс-служба ЖК
Депутат Орозбек Алыбаев

Иса Өмүркуловдун кирешеси дагы 12,5 миллион сомго чукулдап, алтынчы орунга чыкты.

Депутат Иса Омуркулов во время заседания Жогорку Кенеша. 21 мая 2020 года
© Фото / пресс-служба Жогорку Кенеша
Депутат Иса Өмүркулов

Мындан башка депутаттардын бир жылда иштеп тапкан акчасы 10 миллион сомго жеткен эмес.

285
Белгилер:
Азамат Арапбаев, депутат, киреше, байлык
Тема боюнча
Жер тилкеси 20дан ашып... Жээнбеков президент болгондон кийин канчалык байыган
Кирешесинен чыгашасы көп. Баш прокурор Зулушевдин кандай мал-мүлкү бар