Стамбулда ТМКК Катчылыгынын жаңы штаб-квартирасынын ачылышы

Стамбулда түрк тилдүү мамлекеттердин катчылыгынын жаңы кеңсеси ачылды. Сүрөт

109
(жаңыланган 17:02 12.11.2021)
Президенттер сүрөткө түшкөн соң Түрк кеңеши өлкөлөрүнүн лидерлери формалдуу эмес жагдайда баарлашуу үчүн ТМКК катчылыгынын жаңы штаб-квартирасынын имаратына киришти.

БИШКЕК, 12-ноя. — Sputnik. Стамбул шаарында Түрк тилдүү мамлекеттер кызматташтыгына мүчө-мамлекеттердин кеңешинин (ТМКК) катчылыгынын жаңы штаб-квартирасынын ачылышы болуп, ага алты өлкөнүн президенттери катышты. Бул тууралуу өлкө башчынын маалымат кызматы билдирди.

  • Президент Садыр Жапаров на церемонии поднятия флага Кыргызстана по случаю открытия новой штаб-квартиры Секретариата Совета сотрудничества тюркоязычных государств (ССТГ) в Стамбуле. 12 ноября 2021 года
    Стамбул шаарында Түрк тилдүү мамлекеттер кызматташтыгына мүчө-мамлекеттердин кеңешинин (ТМКК) катчылыгынын жаңы штаб-квартирасынын ачылышы болуп, ага алты өлкөнүн президенттери катышты
    © Пресс-служба президента КР / Султан Досалиев
  • Церемония поднятия флага Кыргызстана по случаю открытия новой штаб-квартиры Секретариата Совета сотрудничества тюркоязычных государств (ССТГ) в Стамбуле. 12 ноября 2021 года
    Мамлекет башчылары бир учурда өздөрүнүн улуттук тууларын көтөрүп, андан кийин ТМКК катчылыгынын штаб-квартирасынын жаңы имаратынын алдында лента кесишти
    © Пресс-служба президента КР / Султан Досалиев
  • Церемония поднятия флага Кыргызстана по случаю открытия новой штаб-квартиры Секретариата Совета сотрудничества тюркоязычных государств (ССТГ) в Стамбуле. 12 ноября 2021 года
    Салтанаттуу иш-чарага Режеп Тайип Эрдоган, Ильхам Алиев, Касым-Жомарт Токаев, Гурбангулы Бердымухамедов, Шавкат Мирзиёев, Венгрия премьер-министри Виктор Орбан жана ТМККнын башкы катчысы Багдад Амреев катышты
    © Пресс-служба президента КР / Султан Досалиев
1 / 3
© Пресс-служба президента КР / Султан Досалиев
Стамбул шаарында Түрк тилдүү мамлекеттер кызматташтыгына мүчө-мамлекеттердин кеңешинин (ТМКК) катчылыгынын жаңы штаб-квартирасынын ачылышы болуп, ага алты өлкөнүн президенттери катышты

Мамлекет башчылары бир учурда өздөрүнүн улуттук тууларын көтөрүп, андан кийин ТМКК катчылыгынын штаб-квартирасынын жаңы имаратынын алдында лента кесишти.

Салтанаттуу иш-чарага Режеп Тайип Эрдоган, Ильхам Алиев, Касым-Жомарт Токаев, Гурбангулы Бердымухамедов, Шавкат Мирзиёев, Венгрия премьер-министри Виктор Орбан жана ТМККнын башкы катчысы Багдад Амреев катышты.

Биргелешип сүрөткө түшкөн соң Түрк кеңеши өлкөлөрүнүн лидерлери формалдуу эмес жагдайда баарлашуу үчүн ТМКК катчылыгынын жаңы штаб-квартирасынын имаратына киришти.

109
Белгилер:
Стамбул, Түрк кеңеши, Садыр Жапаров, кеңсе
Тема боюнча
Садыр Жапаров Түркияда Мирзиёев менен жолугуп, аны Кыргызстанга чакырды
Президент Жапаров түркиялык ишкерлерди Баткенге инвестиция салууга чакырды
Жогорку Кеңештин жыйын залы. Архив

Эртең Жогорку Кеңеш үч депутаттын кол тийбестигин алуу маселесин карайт

77
(жаңыланган 17:19 30.11.2021)
27-ноябрда дагы эл өкүлдөрүнүн кол тийбестигин алуу боюнча ЖКнын кезексиз жыйыны пландалып, кворум жоктугунан өтпөй калган.

БИШКЕК, 30-ноя. — Sputnik. Жогорку Кеңештин депутаттары эртең, шаршемби күнү, жыйынга чогулат. Бул тууралуу маалымат парламенттин сайтына жүктөлдү.

Жыйын саат 10:00дө башталат. Күн тартибине ЖК депутаттары Асылбек Жээнбековду, Төрөбай Зулпукаровду, Бакыт Жетигеновду кол тийбестик укугунан ажыратуу маселеси киргизилген. Башкы прокурор Курманкул Зулушев аталган эл өкүлдөрүн кылмыш жоопкерчилигине тартууга макулдук берүүнү сураган. Анын сунуштамасын кароо үчүн атайын депутаттык комиссия түзүлөт.

Мындан башка дагы 10го чукул мыйзам долбоорлору каралары күтүлүүдө.

Буга чейин 27-ноябрда дагы эл өкүлдөрүнүн кол тийбестигин алуу боюнча ЖКнын кезексиз жыйыны пландалып, кворум жоктугунан өтпөй калган.

Белгилей кетсек, Жээнбеков менен Зулпукаров үстүбүздөгү жылдын июнь айында "Кумтөр" долбоорун ишке киргизүүдөгү коррупциялык иштерге катыштыгы бар деген шек менен кармалган. Алар учурда УКМКнын тергөө абагында. Ал эми Бакыт Жетигенов бийликти басып алууга белсенген деген шек менен шайлоонун алдында кармалган.

77
Белгилер:
Жогорку Кеңеш, жыйын, шайлоо, кол тийбестик
Тема боюнча
Атамды тынч койгула! Жапаров ага акаарат келтирген жарандарга жооп берди
Митингчилер. Архив

Таласта Дастан Жумабековдун шайланышына каршы болгондор митингге чыкты

127
(жаңыланган 16:49 30.11.2021)
Шайлоонун алдын ала жыйынтыгы боюнча, Жумабеков атаандашы Назарбековдон 125 добуш айырма менен алдыда баратат.

БИШКЕК, 30-ноя. — Sputnik. Талас облусунун Кара-Буура районунда шайлоонун жыйынтыгына нааразы болгон адамдар митингге чыкты.

Алар Кызыл-Адыр айылына чогулуп, №20 Манас шайлоо округунан депутаттыкка талапкер Дастан Жумабековдун утуп чыгышына каршылыгын билдиришүүдө. Топтолгондор Жумабековду добуш сатып алууга күнөөлөп жатышат. Ошондой эле шайлоонун жыйынтыгын тааныбай турганын айтышты.

Чогулгандар ушул эле округдан талапкерлигин койгон Мирлан Назарбековдун тарапташтары.

№20 Манас шайлоо округунда учурда бюллетендердин 96,41 пайызы кол менен эсептелип бүттү. Анда Жумабеков 13 171 добушка ээ болуп алдыда баратат. Ал эми Назарбеков элдин 13 046 добушу менен экинчи орунда турат.

127
Белгилер:
Дастанбек Жумабеков, Талас облусу, митинг, каршылык, шайлоо
Тема:
Жогорку Кеңешке жаңы тартип менен болчу шайлоо
Тема боюнча
БШКнын имаратынын алдында митинг өтүп жатат. Видео
Дарыгер COVID-19га каршы вакцина даярдап жатат. Архив

ДССУнун Кыргызстандагы өкүлү "омикрон" штаммы тууралуу эмне белгилүү экенин айтты

0
(жаңыланган 18:05 30.11.2021)
Коронавирустун "омикрон" жаңы штаммынын 32ден ашык мутациясы бар. ДССУ өкүлү алардын айрымдары кооптонуу жаратарын айтты.

БИШКЕК, 30-ноя. — Sputnik. Коронавирустун "омикрон" жаңы штаммы учурда толук изилденип бүтө элек. Бирок ал иммунитети бар адамдарга дагы жуга турганы белгилүү. Бул тууралуу Дүйнөлүк саламаттык сактоо уюмунун Кыргызстандагы кеңсесинин өкүлү Акбар Эсенгулов билдирди.

Ал Sputnik Кыргызстандын пресс-борборунда өткөн "Дүйнөгө коркунуч жараткан штамм-супермутанттан Кыргызстан кантип коргонот" аталышындагы брифингге катышты.

Эсенгуловдун айтымында, ДССУ жаңы штамм тууралуу 24-ноябрда Түштүк Африка өкмөтү инфекция табылганын кабарлагандан кийин билген.

Сотрудник офиса Всемирной организации здравоохранения по чрезвычайным ситуациям в Кыргызстане Акбар Эсенгулов на брифинге в пресс-центре Sputnik Кыргызстан
© Sputnik / Жоомарт Ураимов
Дүйнөлүк саламаттык сактоо уюмунун Кыргызстандагы кеңсесинин өкүлү Акбар Эсенгулов
"Бул штаммдын мутациялары көп, 26дан 32ге чейин жетет. Алардын айрымдары тынчсызданууну жаратат. Штамм канчалык оор ооруну пайда кылары жана мурунку инфекцияларга салыштырмалуу канчалык жугуштуу экени азырынча белгисиз. Алдын ала маалыматтар боюнча, ал мурда иммунизацияланган адамдарда да кайра инфекцияны козгоо мүмкүнчүлүгүнө ээ. Ошондуктан биз өлкөлөрдү бул коркунучка карата даярданууга жана көзөмөлдү күчөтүүгө чакырабыз", — деген Эсенгулов.

Анын айтымында, коргонуу боюнча калкка мурдагыдай эле сунуштар айтылат:

  • Колду самындап жуу;
  • Социалдык аралыкты сактоо;
  • Эл көп чогулган жерлерге баруудан кармануу.

Эске салсак, министрлер кабинети Дүйнөлүк саламаттык сактоо уюму менен COVID инфекциясынын "омикрон" жаңы штаммынын пайда болушу боюнча чукул кеңеш өткөргөн. ДССУ аны кооптуу штаммдардын катарына киргизген. Саламаттык сактоо жана Тышкы иштер министрликтерине вирустун жаңы мутациясынын Кыргызстанда жайылышын алдын алуу боюнча чараларды көрүү тапшырылды.

0
Белгилер:
Кыргызстан, 'омикрон' штаммы, жаңы штамм, коронавирус
Тема:
Кыргызстандагы коронавирус
Тема боюнча
"Омикрон" штаммынан коргонуунун жападан жалгыз жолу айтылды
Жугуштуу илдеттер ооруканасы COVID жуктургандарды кайра кабыл алмай болду
Кыргызстанга кирүүдө 1-декабрдан тарта ПЧР-тест талап кылынат