Министрлер кабинетинин төрагасынын биринчи орун басары Арзыбек Кожошев

Өкмөт: салык төлөөдөн качуу мамлекеттик чыккынчылыкка барабар

65
(жаңыланган 20:01 17.11.2021)
Арзыбек Кожошевдин айтымында, эми өкмөттүн иши беш принципке таянат. Ал ошондой эле Баткен облусун өнүктүрүү программасында жыл сайын 500 миллион сом караларын белгиледи.

БИШКЕК, 17-ноя. — Sputnik. Министрлер кабинетинин төрагасынын биринчи орун басары Арзыбек Кожошев Кыргызстандын бийлигинин иши кандай принциптердин негизинде жасалып жатканын айтып берди.

  • Первый заместитель председателя кабинета министров КР Арзыбек Кожошев провел рабочее совещание по реализации программы развития Баткенской области на 2021-2035 годы
    Министрлер кабинетинин төрагасынын биринчи орун басары Арзыбек Кожошев Кыргызстандын бийлигинин иши кандай принциптердин негизинде жасалып жатканын айтып берди
    © Пресс-служба правительства / Алишер Алиев
  • Первый заместитель председателя кабинета министров КР Арзыбек Кожошев провел рабочее совещание по реализации программы развития Баткенской области на 2021-2035 годы
    Кожошев белгилегендей, Баткен облусун өнүктүрүү программасын ишке ашыруу министрлер кабинетинин артыкчылыктуу багыттарынын бири болуп саналат
    © Пресс-служба правительства / Алишер Алиев
  • Первый заместитель председателя кабинета министров КР Арзыбек Кожошев провел рабочее совещание по реализации программы развития Баткенской области на 2021-2035 годы
    Премьер-министрдин биринчи орун басары Баткен облусун өнүктүрүү программасында ар кандай социалдык-экономикалык долбоорлорду ишке ашыруу максатында жыл сайын 500 миллион сом караларын убадалады.
    © Пресс-служба правительства / Алишер Алиев
1 / 3
© Пресс-служба правительства / Алишер Алиев
Министрлер кабинетинин төрагасынын биринчи орун басары Арзыбек Кожошев Кыргызстандын бийлигинин иши кандай принциптердин негизинде жасалып жатканын айтып берди

Кожошев белгилегендей, Баткен облусун өнүктүрүү программасын ишке ашыруу министрлер кабинетинин артыкчылыктуу багыттарынын бири болуп саналат.

"Өкмөттүн иши беш принципке таянат: элдин биримдиги, аймактык кол тийбестик, үй-бүлөлүк баалуулук, салыктан качуу мамлекеттик чыккынчылыкка барабар, тышкы жана ички инвесторлор корголот жана колдоо көрсөтүлөт", - деди ал.

Премьер-министрдин биринчи орун басары Баткен облусун өнүктүрүү программасында ар кандай социалдык-экономикалык долбоорлорду ишке ашыруу максатында жыл сайын 500 миллион сом караларын убадалады.

65
Белгилер:
Министрлер кабинети, Арзыбек Кожошев, бийлик
Тема боюнча
Акылбек Жапаров Арменияга ЕАЭБ кеңешмесине барат. Талкууланчу маселелер
Шайлоо участогу. Архив

Бүгүн Кыргызстанда "жымжырт күн", үгүт иштери токтотулду

78
Бүгүн эртең мененки саат 8:00дөн баштап талапкерлер үгүт кампаниясын жүргүзө алышпайт. Көчөгө илинген баннерлер алынат.

БИШКЕК, 27-ноя. — Sputnik. Бүгүн —  Кыргызстанда шайлоо алдындагы "жымжырт күн".

Ага ылайык, добуш берүүдөн 24 саат мурун, тагыраак айтканда, 27-ноябрь саат 8:00дөн баштап талапкерлер үгүт кампаниясын жүргүзө алышпайт.

Мындан тышкары, БШКдан каттоодон өткөн теле, радио, интернет-сайттар, гезит-журналдар аркылуу үгүт материалдарын жарыялоого тыюу салынат. Ушундай эле максатта эл чогултууга дагы болбойт. Көчөлөргө илинген баннерлер да алынышы шарт.

Бардык каржылык операциялар, анын ичинде жеке жана юридикалык жактар менен атайын эсептер боюнча эсептешүү добуш берүүдөн бир күн мурун саат 18:00дө токтотулат.

Мыйзамга каршы үгүт иштери жүргүзүлгөн учур катталса тиешелүү чаралар колдонулат.

Парламенттик шайлоо 28-ноябрга белгиленген. Анда 21 партия, бир мандаттуу округдан 287 талапкер ат салышат.

78
Белгилер:
Жогорку Кеңешке шайлоо, жымжырттык режими, үгүт, токтотуу
Тема:
Жогорку Кеңешке жаңы тартип менен болчу шайлоо
Тема боюнча
Парламенттик шайлоого эл аралык 730 байкоочу көз салмай болду
Кишенделген жаран. Архив

УКМК бийликти басып алууга шектелген талапкерлердин атын атады  

999
(жаңыланган 22:45 26.11.2021)
Бүгүн бийликти күч менен басып алууга даярданып жаткан деген шек менен 15тен ашык жаран кармалганы кабарланган.

БИШКЕК, 26-ноя. — Sputnik. Парламенттик шайлоого катышып жаткан “Кыргызстан жашылдар” партиясынын тизмесиндеги үч талапкер бийликти басып алууга шектелүүдө. Бул туурасында УКМКнын өзгөчө маанилүү иштер  боюнча улук тергөөчүсү Дамир Суваналиев БШКнын жыйынында билдирди.

Анын айтымында, Руслан Акматбеков, Бекназар Купешов, Нурис Сүйөркуловдор саясий күчтөрдүн колдоосу менен шайлоодон кийин Бишкекте башаламандык уюштурууга камынып жаткан. Анын арты менен мамлекеттик бийликти басып алууга даярданган.

Тергөөчү аталган талапкерлерге карата жетиштүү далилдер чогултулганын белгилеп, Борбордук шайлоо комиссиясынан аларды кылмыш жоопкерчилигине тартууга макулдук берүүнү сурады. Суваналиев тергөөнүн кызыкчылыгы үчүн иштин чоо-жайын ачыктоодон карманарын эскертти.

Натыйжада БШКнын мүчөлөрү 10 добуш менен үч талапкерди жоопкерчиликке тартууга макулдук берди. Комиссиянын төрайымы Нуржан Шайлдабекова бул чечим жарыштан четтетүүгө жатпай турганын жана аларга добуш бере берсе болорун билдирди.

Шайлоо мыйзамына ылайык, кылмыш жасаган жеринде кармалган учурларды кошпогондо, талапкер шайлоонун натыйжасы расмий жарыяланганга чейин Борбордук шайлоо комиссиясынын макулдугусуз кылмыш жоопкерчилигине тартуу, кармоо, камакка алуу же жаза чараларын колдонуу мүмкүн эмес.

Белгилей кетсек, бүгүн УКМК менен ИИМдин иликтөөсүнүн натыйжасында бийликти күч менен басып алууга даярданып жаткан деген шек менен 15тен ашык жаран кармалганы кабарланган. Алардын арасында депутаттар менен экс-чиновниктер, талапкерлер бар экени айтылган.

999
Белгилер:
шайлоо, талапкер, кармоо, УКМК, БШК, бийлик
Тема:
Жогорку Кеңешке шайлоо 2021
Тема боюнча
УКМК: депутаттар менен экс-чиновниктердин тобу бийликти басып алмак болгон. Сүрөт
Жапаров: кээде "кап" деп, жарыштан четтеген талапкерлерге ичим ооруп калат
COVID-19 тест лабораториясынын кызматкери. Архив

Адис: COVID-19дун жаңы штаммы СПИД болгон адамда пайда болушу мүмкүн

0
(жаңыланган 11:03 27.11.2021)
Түштүк Африкадагы Ботсвана өлкөсүндө коронавирустун B.1.1.529 аттуу жаңы штаммы катталып, Дүйнөлүк саламаттык сактоо уюму жума күнү чукул жыйын өткөргөн.

БИШКЕК, 27-ноя. — Sputnik. Азырынча аталышы жок, бирок B.1.1.529 деп белгиленип жаткан коронавирустун жаңы түрү алгач СПИД менен ооруган адамдын организминде пайда болушу мүмкүн. Бул тууралуу россиялык иммунолог Николай Крючков "Ридус" басылмасына билдирди.

Эске салсак, Түштүк Африкадагы Ботсвана өлкөсүндө коронавирустун B.1.1.529 аттуу жаңы штаммы катталгандыгына байланыштуу Дүйнөлүк саламаттык сактоо уюму жума күнү чукул жыйын өткөргөн.

Коронавирустун жаңы түрү аныкталганына байланыштуу Улуу Британия менен Израилде Түштүк Африкага каттамдар токтотулган.

"Жаңы вариант тууралуу азырынча көп нерсе белгисиз. Бирок окумуштуулар бул мутация ВИЧ-инфекциясын жуктурган адамдын организминде болгон деп божомолдоп жатышат. Болгондо дагы оорусу күчөп кеткен адамда. Жаңы штамм пайда болгон Түштүк Африкада СПИД илдетине чалдыккан адамдар көп болгондуктан, бул туура божомол деп ишенип жатабыз", — деди дарыгер.

Адис вирус өтө жугуштуу экенин айтып, ал вакцинага дагы туруштук бериши мүмкүн деп божомолдоодо.

"Бул вирус 32 жолу мутация болгон. Демек, өтө жугуштуу. Штаммдын бир бөлүгү "дельта", дагы бир бөлүгү "беттадан" турат. Курамында жаңы бөлүкчөлөр дагы бар", — деди Крючков.

Адис бул штамм дагы дүйнөгө тарап кетиши толук мүмкүн экенин кошумчалады.

0
Белгилер:
Дүйнө, коронавирус, жаңы штамм
Тема:
Дүйнөгө жайылган коронавирус
Тема боюнча
Адис COVID-19га каршы вакцинанын таасири канча убакытка жетип жатканын айтты
Россия: COVID-19га каршы өспүрүмдөр вакцинаcын колдонууга уруксат берилди