Депутат Камчыбек Жолдошбаев. Архив

Депутаттыкка талапкер Камчыбек Жолдошбаев жарыштан четтетилди

270
(жаңыланган 21:04 18.11.2021)
Кечээ атайын кызмат Жолдошбаевдин кудасын добуш сатып алуу үчүн акча тараткан деген шек менен кармаган.

БИШКЕК, 18-ноя. — Sputnik. Жогорку Кеңештин депутаттыгына талапкер Камчыбек Жолдошбаев жарыштан четтетилди. Мындай чечим 18-ноябрда БШКнын 11 мүчөсүнүн добушу менен кабыл алынды.

Кечээ УКМК Жолдошбаевдин кудасы добуш сатып алууга шектелип кармалганын билдирген. Анын райондук жана үй комитеттеринин айрым төрагаларын мыйзамсыз үгүт иштерин жүргүзүүгө, шайлоочуларды акчалай сыйлык алуу үчүн сатып алууга көндүргөнү аныкталганы айтылган.

Бул боюнча УКМК Борбордук шайлоо комиссиясына кат жолдоп, кабардар кылган.

Аны негиз кылып БШК талапкерди шайлоого катышуу укугунан ажыратты.

Камчыбек Жолдошбаев Бишкектин Ленин округунан талапкерлигин койгон болчу.

270
Белгилер:
шайлоо, Камчыбек Жолдошбаев, БШК, талапкер
Тема:
Жогорку Кеңешке шайлоо 2021 (301)
Тема боюнча
260 миң сомдук айып, 2,5 жылдык түрмө. Шайлоо эрежесин бузгандар кантип жазаланат
УКМК: уюшкан кылмыштуу топтор шайлоого кийлигишсе, кайрылыңыздар. Телефондор
Кыргызстандын экс-президенти Сооронбай Жээнбеков. Архив

Жер тилкеси 20дан ашып... Жээнбеков президент болгондон кийин канчалык байыган

9
(жаңыланган 17:08 06.12.2021)
Жээнбеков жана анын жакын туугандары 30дан ашуун жер тилкесине ээлик кылат. Ал президент болгондон кийин жерлери беш эсе кеңейген.

БИШКЕК, 6-дек. — Sputnik. Мамлекеттик салык кызматы экс-президент Сооронбай Жээнбековдун киреше-чыгашасы тууралуу 2020-жылга карата тапшырган декларациясын чыгарды.

Белгилей кетсек, Жээнбеков былтыр октябрь окуяларынан кийин президенттик кызматтан кеткен.

Декларацияга ылайык, өткөн жылы Жээнбеков 944 138 сом киреше тапкан. Бирок "чыгашасы" деген графа толтурулган эмес. Мындан сырткары, ага 160 чарчы метрлик турак жай жана МТЗ-80 үлгүсүндөгү трактор таандык.

Экс-президент 23 жер тилкесине ээлик кылат:

  • айыл чарба багытында — 0,45 гектар;
  • айыл чарба багытында — 15,05 га;
  • айыл чарба багытында — 5,55 га;
  • айыл чарба багытында — 0,96 га;
  • айыл чарба багытында — 1,08 га;
  • айыл чарба багытында — 0,67 га;
  • айыл чарба багытында — 7,43 га;
  • айыл чарба багытында — 1,06 га;
  • айыл чарба багытында — 4,25 га;
  • айыл чарба багытында — 4,24 га;
  • айыл чарба багытында — 1,12 га;
  • айыл чарба багытында — 0,70 га;
  • айыл чарба багытында — 0,64 га;
  • айыл чарба багытында — 0,64 га;
  • айыл чарба багытында — 0,64 га;
  • айыл чарба багытында — 0,16 га;
  • айыл чарба багытында — 0,64 га;
  • айыл чарба багытында — 0,32 га;
  • айыл чарба багытында — 0,32 га;
  • айыл чарба багытында — 0,64 га;
  • айыл чарба багытында — 0,64 га.
  • Үй алдындагы бакча — 0,04 га;
  • Үй алдындагы бакча — 0,06 га.

Документте Жээнбековдун жакын туугандары былтыр 6,5 миллион сом киреше тапканы көрсөтүлгөн. Алар 64 чарчы метрлик батирге, Lexus-470 үлгүсүндөгү автоунаага, 12 миллион сомдук бодо малга, 850 миң сомдук жылкыга ээлик кылат. Мындан сырткары, эки өндүрүштүк имараты жана 11 жер тилкеси бир.

Алар төмөнкүлөр:

  • Аянты 1 гектарды түзгөн өндүрүштүк имарат;
  • Аянты 1 гектарды түзгөн өндүрүштүк имарат.

Жер тилкелери:

  • айыл чарба багытында — 3 га;
  • айыл чарба багытында — 5 га;
  • айыл чарба багытында — 2 га;
  • айыл чарба багытында — 2 га;
  • айыл чарба багытында — 1 га;
  • айыл чарба багытында — 1 га;
  • айыл чарба багытында — 4 га;
  • айыл чарба багытында — 4 га;
  • айыл чарба багытында — 0,6 га;
  • айыл чарба багытында — 2 га;
  • айыл чарба багытында — 0,6 га.

Эске салсак, Жээнбеков 2017-жылга карата тапшырган декларациясында эки үйдүн (бирөө дача) жана айыл чарбага ылайыкталган төрт жер тилкенин, ошондой эле МТЗ-80 үлгүсүндөгү трактордун ээси экени жазылган.

Ал эми жакын туугандарынын бир батири, айыл чарбасына ылайыкташкан эки жер тилкеси жана Lexus үлгүсүндөгү автоунаасы болгон.

Сооронбай Жээнбеков 2016-жылдын апрель айында премьер-министр кызматына дайындалып, 2017-жылдын октябрь айында президент болуп шайланган. Былтыр октябрь айында элдик толкундоодон кийин тактыны бошотуп кеткен.

9
Белгилер:
Сооронбай Жээнбеков, байлык, президент, жер тилкеси, декларация
Тема боюнча
Сооронбай Жээнбеков менен анын туугандарынын байлыгы жарыяланды
Садыр Жапаров жана анын үй-бүлөсү кандай мал-мүлккө ээлик кылары жарыяланды
Россия лидери Владимир Путин жана Кыргызстандын президенти Садыр Жапаров. Архив

Умтулууңузду баалайбыз. Владимир Путин Садыр Жапаровду куттуктады

7
(жаңыланган 17:01 06.12.2021)
Путин конструктивдүү диалогдун жана эки тараптуу, аймактык күн тартибиндеги актуалдуу маселелер боюнча биргелешкен тыгыз иштин улантылышына ишеним арткан.

БИШКЕК, 6-дек. — Sputnik. Россия лидери Владимир Путин Кыргызстандын президенти Садыр Жапаровду туулган күнү менен куттуктаганын өлкө башчынын маалымат кызматы кабарлады.

"Сиздин жетекчилигиңиз менен Кыргыз Республикасында өлкөдөгү саясий жана социалдык-экономикалык кырдаалды турукташтырууга багытталган маанилүү кайра куруулар ишке ашырылууда. Мамлекеттерибиздин союздаштык мамилелерин жана стратегиялык өнөктөштүгүн чыңдоого, ошондой эле евразиялык интеграциялык процесстерди, КМШ, ЖККУ жана ШКУ алкагындагы өз ара аракеттенүүнү илгерилетүүгө болгон умтулууңузду баалайбыз", — деп айтылат куттуктоо телеграммасында.

Путин конструктивдүү диалогдун жана эки тараптуу, аймактык күн тартибиндеги актуалдуу маселелер боюнча биргелешкен тыгыз иштин улантылышына ишеним арткан.

Сөзүнүн соңунда Жапаровго чың ден соолук, бакубатчылык жана мамлекеттик ишмердүүлүгүнө ийгиликтерди каалады.

Белгилей кетсек, президент Жапаров бүгүн 53 жашка толду. Бул күндү утурлай Sputnik Кыргызстан агенттиги шаардыктардын өлкө башчысына арналган каалоо-тилегин укту.

7
Белгилер:
Садыр Жапаров, Владимир Путин, туулган күн, куттуктоо, Кыргызстан
Тема боюнча
Садыр Жапаров туулган күнүн кандай өткөрөрү айтылды