Депутат Рыскелди Момбеков. Архив

Момбеков да жарыштан четтейби? УКМК анын жасалма диплом алганын кабарлады

591
(жаңыланган 00:37 19.11.2021)
Талапкердин диплому жасалмаланганы туурасында бир жарым жыл мурун УКМКга мурдагы аткаминер Бакыт Шаршембиев кайрылган.

БИШКЕК, 18-ноя. — Sputnik. Жогорку Кеңештин депутаттыгына “Социал-демократтар” партиясынан талапкер Рыскелди Момбеков жасалма диплом алган деп шектелүүдө. Бул туурасында УКМКнын Башкы тергөө башкармалыгынын тергөө бөлүмүнүн жетекчиси Бакыт Жаналиев БШКга маалымат берди.

Анын айтымында, Момбеков Кыргыз улуттук университетинде "юриспруденция" адистигин окуганы тууралуу диплому жасалмаланган. Ал документтин негизинде Дипломатиялык академиядан “эл аралык мамилелер” адистигин сырттан окуп экинчи дипломун алган.

УКМКнын тергөөчүсү 2020-жылдын мартында Бакыт Шаршембиев депутаттын жасалма диплом менен жүргөнүн айтып, ага чара көрүүнү суранып арыз жазганын белгиледи. Ошол эле маалда бул иш сотко чейинки өндүрүшкө алынган.

Председатель Государственного комитета информационных технологий и связи Бакыт Шаршембиев
© Пресс-служба президента КР / Султан Досалиев
УКМКнын тергөөчүсү Бакыт Шаршембиев
“Тергөө тарабынан Кыргыз улуттук университетине 2020-жылдын март айында Рыскелди Момбековдун дипломун тастыктоо үчүн сурам жиберилген. Анда ал 1997-жылы тапшырып, 2003-жылы бүткөндөрдүн арасынан чыккан эмес. Дипломдогу каттоо номери Михаил Стародубовдун документинен чыгууда. Аталган окуу жайдан Момбековго диплом берилген эмес”, — деди УКМКнын тергөөчүсү.

Талапкер 2011-жылы 19-октябрда экинчи жогорку билимди алыш үчүн биринчи дипломунун негизинде тездетилген программа менен бүткөн.

“УКМКнын материалдары Момбеков жасалма дипломду колдонуу менен Дипакадемияны аяктаганын күбөлөндүрөт. Учурда бул иш иликтөө стадиясында турат, талапкерге айып тагыла элек”, — деди Жаналиев.

Ал эми “Социал-демократтар” партиясынын өкүлү бул боюнча маалыматты бүгүн гана угуп жатканын айтып, таанышып чыгып тийиштүү документтерди чогултууга убакыт берүүнү сурады.

Ошондой эле ал былтыр октябрь окуясында Момбековдун кабинетине кирип сейфин талкалап, дипломатиялык паспорту менен дипломун алып кетишкенин, андан соң таап берүүнү өтүнүп ИИМге да арыз жазганын билдирди.

Момбеков талапкер катары катталып жатканда Дипакадемиядан алган дипломун көрсөткөн.

БШК төрайымы Нуржан Шайлдабекова БШК буга чейин биринчи дипломун сурап бир нече ирет кайрылышканын белгиледи. Партиянын өкүлү ал боюнча эч бир расмий кат келбегенин айтты.

БШК мүчөсү Искендер Гайпкулов талапкер белгиленген убакытта бардык документти алып келиши керектигин айтып, УКМК фактыны көрсөтүп жаткандан кийин чечим кабыл алууга чакырды.

Бирок кесиптеши Узарбек Жылкыбаев шашылбай туруш керек деген пикирин ортого салды.

Член ЦИК КР, бывший глава Иссык-Кульских и Ошских областей Узарбек Жылкыбаев
© Sputnik / Асель Сыдыкова
БШК мүчөсү Узарбек Жылкыбаев
“Шайлоо мыйзамында “жогорку билимин тастыктоочу документ болушу керек” деп жазылган. “Биринчи же экинчи дипломун көрсөтсүн” деген норма жок. Андыктан тергөө бүтүп, сот чекит койсун. Андан кийин деле карап, талапкерлигин алып коюу укугубуз бар. Эгер азыр чечим кабыл алсак, шайлоодон кийин соттон диплому жасалмаланбаганын далилдеп келсе эмне болот. Андыктан шашпай, талапкердин өзүн да чакырып угалы”, — деди Жылкыбаев.

Анын пикирин кесиптеши Кайрат Маматов да колдоду.

Натыйжада БШК эртең Рыскелди Момбековдун өзүн да чакырып, бардык документтерин алып келсе маселени кайра карамай болду.

Белгилей кетсек, жогорку билими жок жарандар парламенттик шайлоого катыша албайт.

Талапкер дипломун жасалмалаганын айтып УКМКга кайрылган Бакыт Шаршембиев 2018-2019-жылдары Маалыматтык технологиялар жана байланыш мамлекеттик комитетин жетектеген. Буга чейин да ал Момбековду жалган маалымат тараткан деп 1 миллион сомдук доо койгон. Бирок Сокулук райондук соту 25 миң сом айып салган.

591
Белгилер:
Бакыт Шаршембиев, Рыскелди Момбеков, талапкер, диплом, УКМК
Тема:
Жогорку Кеңешке жаңы тартип менен болчу шайлоо (298)
Тема боюнча
260 миң сомдук айып, 2,5 жылдык түрмө. Шайлоо эрежесин бузгандар кантип жазаланат
УКМК: уюшкан кылмыштуу топтор шайлоого кийлигишсе, кайрылыңыздар. Телефондор
Бишкектеги өкмөтүнүн имараты. Архив

Президенттин иш башкармалыгы эми Жогорку Кеңешти да тейлемей болду

132
(жаңыланган 16:51 02.12.2021)
Таратылган маалыматта эки башкармалыктын базасында президенттин иш башкармалыгы түзүлөрү айтылды.

БИШКЕК, 2-дек. — Sputnik. Президенттин иш башкармалыгы менен Жогорку Кеңештин иш башкармалыгы бириккенин өлкө башчынын маалымат кызматы кабарлады.

"Кыргыз Республикасынын мамлекеттик бийлик органдарынын ишин материалдык-техникалык жана финансылык камсыздоону өркүндөтүү жөнүндө" жарлыгына мамлекет жетекчиси Садыр Жапаров кол койгон.

Ага ылайык, президенттин иш башкармалыгы жана Жогорку Кеңештин иш башкармалыгынын базасында Кыргыз Республикасынын Президентинин иш башкармалыгы түзүлөт.

Аталган башкармалык президенттин, Жогорку Кеңештин, министрлер кабинетинин, президенттик администрациянын жана Жогорку Кеңеш аппаратынын ишин материалдык-техникалык жана финансылык камсыздоону жүзөгө ашырат.

132
Белгилер:
президент, Жогорку Кеңеш, Министрлер кабинети, иш, башкармалык, биригүү
Тема боюнча
Бак чуркайт! Партия номери менен дал келип, көп добуш алган талапкерлер эмне дейт?
ТЭЦ-2 аймагында жашагандардын 47,7 гектар жери мыйзамдаштырылды. Чоо-жайы
Жогорку Кеңештин вице-спикеринин орду. Архив

Бирөөнүн ордуна добуш бере албайсыңар. ЖКнын вице-спикери шайланбай калды

157
(жаңыланган 16:02 02.12.2021)
Залда 40ка чамалуу эле депутат отурган. Касымалиева ишеним каттын негизинде бирөөнүн ордуна добуш берүүгө тыюу салды.

БИШКЕК, 2-дек. — Sputnik. Жогорку Кеңештин депутаттары жыйынга толук келбегендиктен вице-спикер шайланбай калды.

Аталган кызматка "Бир бол" фракциясынан Мамасадык Бакиров менен "Кыргызстан" фракциясынан Улугбек Садиков көрсөтүлгөн.

Төраганын милдетин аткарып жаткан Аида Касымалиева вице-спикерди шайлоо электрондук эмес, бюллетень аркылуу жабык добуш берүү менен өтөрүн айтты. Ошол эле учурда ал ишеним каттын негизинде бирөөнүн ордуна добуш берүүгө тыюу салды. Мындай норма Конституцияда дагы, Жогорку Кеңештин регламентинде да жок экенин белгиледи.

"Негизи 61 добуш алган талапкер вице-спикерликке шайланат. Азыр залда 40 эле депутат отурат. Анан кантип шайлоо өткөрөбүз. Андан көрө бул маселени күн тартибинен алып салалы", — деди эл өкүлү Айбек Осмонов.

Ал эми Аманкул Токтомамбетов мурда деле ишеним каттын негизинде шайлап келишкенин айтып, ошол ыкманы азыр да колдонууну сунуштады.

Ага Аида Касымалиева "мурдагыларга ошол төрагалар жооп берсин. Мен төрагалык кылып жатканда андай болбойт" деп жооп берди. Ошондой эле ал кармалган депутаттардан УКМК эмнеге бирөөнүн ордуна добуш бергенин сурап жатканын эскертти.

Белгилей кетсек, мурдагы вице-спикер Нурбек Сыдыгалиев парламенттик шайлоого катышып жатканына байланыштуу кызматын тапшырып кеткен. Аны менен катар төрага Талант Мамытов дагы кызматтан убактылуу четтетилген. Учурда төраганын милдетин вице-спикер Аида Касымалиева аткарууда.

157
Белгилер:
Аида Касымалиева, вице-спикер, шайлоо, добуш берүү, ишеним кат
Тема боюнча
Аида Касымалиева Кыргызстандын БУУдагы расмий өкүлү болмокчу

Өзүнө тартып, кыя өткөрбөй... Чыгыш бийинде термелген кыздар

0
  • Чыгыш бийин (танец живота) бийлеп жаткан кыз. Сүрөт 1969-жылы Египеттин Каир шаарына жакын жерде тартылган.
  • 1963-жыл. Белгилүү бийчи кыз Сохаир Закинин туристтердин алдында бийлеп жаткан учуру
  • Марокколук бий чебери Майя Дбайч үлпөт тойдо бийлеп жатат
  • Мексикалык бийчи кыздын Каирдеги фестивалда чыгыш бийин аткарып жаткан чагы
  • Майя Дбайчтин аткаруусундагы чыгыш бийи
  • Каирдеги чыгыш бийи фестивалына катышкан АКШлык конкурсанттын бийлеп жаткан чагы
  • Каирдеги отелдердин биринде өткөн шоудагы бийден бир көрүнүш
  • Россиялык бийкечтин бийи
  • Бийчи Сохаир Заки тыюу салынган костюм менен уят катары саналган көрүнүштө турат. Египеттик түшүнүк боюнча каптал жагы жырык көйнөк кийүү сексуалдуулукка азгыруу деп эсептелет.
  • Чыгыш бийи боюнча Казанда (Татарстанда) өткөн Европа чемпионатынан бир көрүнүш
Чыгыш бийи — улутка, динге, адамдын жынысына карабай көптөрдү кызыктырган, өзүнө тарткан искусствонун бир түрү. Sputnik бул сапар ар кайсы өлкөлөрдөгү бий чеберлерин сүрөт баянда сунуш кылат.

Көргөн көздү кызыктырган бул бийдин мекени Жакынкы Чыгыш деп эсептелет. Ал бир нече кылымда бүтүндөй дүйнө жүзүнө тараган. Азыркы күндө анын элүүгө чукул түрү бар деп айтылып келет.

Ал аткарылып жатканда көз салбай, кайдыгер карап, кыя өткөндөрдү кезиктирүү кыйын. Чыгыш бий дүйнөнүн башка жагынан пайда болгону менен бул кылымда тутунган динине, улутуна карабай көп мамлекеттерде эл кызыгып көргөн, кызыгып бийлеген искусствонун түрүнө айланды.

0
  • Чыгыш бийин (танец живота) бийлеп жаткан кыз. Сүрөт 1969-жылы Египеттин Каир шаарына жакын жерде тартылган.
    © AP Photo / Anonymous

    Чыгыш бийин (танец живота) бийлеп жаткан кыз. Сүрөт 1969-жылы Египеттин Каир шаарына жакын жерде тартылган.

  • 1963-жыл. Белгилүү бийчи кыз Сохаир Закинин туристтердин алдында бийлеп жаткан учуру
    © AP Photo

    1963-жыл. Белгилүү бийчи кыз Сохаир Закинин туристтердин алдында бийлеп жаткан учуру

  • Марокколук бий чебери Майя Дбайч үлпөт тойдо бийлеп жатат
    © AFP 2021 / Amir Makar

    Марокколук бий чебери Майя Дбайч үлпөт тойдо бийлеп жатат

  • Мексикалык бийчи кыздын Каирдеги фестивалда чыгыш бийин аткарып жаткан чагы
    © AFP 2021 / Patrick Baz

    Мексикалык бийчи кыздын Каирдеги фестивалда чыгыш бийин аткарып жаткан чагы

  • Майя Дбайчтин аткаруусундагы чыгыш бийи
    © AFP 2021 / Amir Makar

    Майя Дбайчтин аткаруусундагы чыгыш бийи

  • Каирдеги чыгыш бийи фестивалына катышкан АКШлык конкурсанттын бийлеп жаткан чагы
    © AFP 2021 / Khaled Desouki

    Каирдеги чыгыш бийи фестивалына катышкан АКШлык конкурсанттын бийлеп жаткан чагы

  • Каирдеги отелдердин биринде өткөн шоудагы бийден бир көрүнүш
    © AFP 2021 / Patrick Baz

    Каирдеги отелдердин биринде өткөн шоудагы бийден бир көрүнүш

  • Россиялык бийкечтин бийи
    © AFP 2021 / Patrick Baz

    Россиялык бийкечтин бийи

  • Бийчи Сохаир Заки тыюу салынган костюм менен уят катары саналган көрүнүштө турат. Египеттик түшүнүк боюнча каптал жагы жырык көйнөк кийүү сексуалдуулукка азгыруу деп эсептелет.
    © AP Photo / Aly Mahmoud

    Бийчи Сохаир Заки тыюу салынган костюм менен уят катары саналган көрүнүштө турат. Египеттик түшүнүк боюнча каптал жагы жырык көйнөк кийүү "сексуалдуулукка азгыруу" деп эсептелет.

  • Чыгыш бийи боюнча Казанда (Татарстанда) өткөн Европа чемпионатынан бир көрүнүш
    © Sputnik / Максим Богодвид

    Чыгыш бийи боюнча Казанда (Татарстанда) өткөн Европа чемпионатынан бир көрүнүш

Белгилер:
чыгыш, бий, сулуу, сүрөт, фото, Каир, искусство
Тема боюнча
Муз үстүндө чимирилип, абада айланган спортчулар. Японияда тартылган сүрөттөр
Карап эле тургуң келет! Чимириле бийлеген Валентина Шевченконун видеосу