Үн катуулаткычы менне киши. Архив

УКМК "Ата-Журт Кыргызстан" партиясына үгүт жүргүзгөн чиновникти аныктады

244
(жаңыланган 15:27 19.11.2021)
Үгүт иштери боюнча материалдар жергиликтүү укук коргоо органдарына өткөрүп берилген. Базар-Коргон райондук милициясы бул фактыны 2021-жылдын 10-ноябрында каттаган.

БИШКЕК, 19-ноя. — Sputnik. Жалал-Абаддын Базар-Коргон районунда парламенттик шайлоодо ат салышып жаткан "Ата-Журт Кыргызстан" партиясынын талапкерине жергиликтүү чиновник үгүт иштерин жүргүзгөн факты аныкталды. Бул тууралуу УКМК билдирди.

Маалыматта атайын кызматтын өкүлдөрү 10-ноябрда "Кадастр" мамлекеттик мекемесинин Базар-Коргон бөлүмүнүн башчысы С.А.О. "Ата Журт Кыргызстан" партиясынан М.Т.А. аттуу талапкердин пайдасына үгүт иштерин жүргүзгөн факты аныктаганы айтылат.

Бул факты тиешелүү чараларды көрүү максатында Базар-Коргон районунун милициясына материалдар өткөрүп берилген. Базар-Коргон райондук милициясы бул фактыны 2021-жылдын 10-ноябрында каттаган.

"Текшерүүнүн жыйынтыгында С.А.О. тарабынан үгүттөө фактылары тастыкталган, бирок Жоруктар кодекси боюнча текшерүү аракеттери токтотулган. Базар-Коргон районунун акими "Кадастр" мамлекеттик мекемесинин Базар-Коргон филиалынын башчысына катуу сөгүш жарыялаган", — деп айтылат УКМКнын маалыматында.

УКМК алдыдагы Жогорку Кеңешке шайлоону укуктук талаанын алкагында өткөрүү үчүн бардык күч-аракетин жумшай турганын белгилеген.

244
Белгилер:
Кыргызстан, 'Ата-Журт Кыргызстан' партиясы, Жогорку Кеңешке шайлоо, үгүт, чиновник, УКМК
Тема:
Жогорку Кеңешке жаңы тартип менен болчу шайлоо (299)
Тема боюнча
Момбеков да жарыштан четтейби? УКМК анын жасалма диплом алганын кабарлады
Депутаттыкка талапкер Камчыбек Жолдошбаев жарыштан четтетилди
Экс-депутат Ахматбек Келдибеков. Архив

УКМКга барган Келдибеков шайлоо таза өткөнүнө ынанганын билдирди. Видео

54
(жаңыланган 19:26 02.12.2021)
Атайын кызмат Келдибеков менен болгон баарлашуунун видеосун жарыялады. Бул киши боюнча тергөө иштери уланып, анын жыйынтыгы өз убагында коомчулукка маалымдалары белгиленди.

БИШКЕК, 2-дек. — Sputnik. Ахматбек Келдибеков УКМКдагы түшүндүрүү иштеринен кийин Борбордук шайлоо комиссиясына койгон айыптарынын негизсиздигине жана ал тарабынан айтылган версиялардын туура эмес экендигине ынанды. Бул тууралуу Улуттук коопсуздук мамлекеттик комитети билдирип, видеосун жарыялады.

Буга чейин интернет айдыңына видео тараган. Анда Келдибеков Жогорку Кеңешке шайлоонун алдын ала жыйынтыгы бурмаланганын айткан. Мындан улам УКМК Келдибековду кечээ күнү суракка чакырган.

Посмотреть эту публикацию в Instagram

Публикация от Sputnik Кыргызстан (@sputnik_kyrgyzstan)

Кылмыш ишинин алкагында Келдибеков, санариптик өнүктүрүү министри Дастан Догоев жана БШКнын башкармалыгынын жетекчиси Акимбаев окуянын чоо-жайын талкуулоо үчүн суракка чакырылганы айтылды. Түшүндүрүү иштеринен кийин Келдибеков төмөнкүлөрдү билдирген.

"Суракка кирип чыктым, биз маселени эки сааттай талкууладык. Формула түзүлүп жатканда эмне себептен кээ бир добуштар экиден саналып кеткенин ачыктадык. Бул БШКнын адистери кетирген ката экени далилденди. Айрым тилкелердеги бюллетендерди кол менен санап чыгууга макул болдук", — деди Келдибеков.

Ал эми атайын кызмат компетенттүү кызматкерлер саясатчыга далилдерди келтирип бергенин айтты.

"БШКнын компетенттүү кызматкерлери келтирген төгүндөлгүс далилдердин жана жүйөлүү аргументтердин натыйжасында, Келдибеков Борбордук шайлоо комиссиясына койгон айыптарынын негизсиздигине жана ал тарабынан айтылган версиялардын туура эмес экендигине ынанды", — деди УКМКдан.

Бул кылмыш иши боюнча тергөө иштери уланып, анын жыйынтыгы өз убагында коомчулукка маалымдалат.

54
Белгилер:
Кыргызстан, УКМК, Ахматбек Келдибеков, шайлоо, сурак
Тема:
Жогорку Кеңешке жаңы тартип менен болчу шайлоо (299)
Тема боюнча
Бак чуркайт! Партия номери менен дал келип, көп добуш алган талапкерлер эмне дейт?
Текебаевге кол салууну үчүнчү күчтөр уюштурушу мүмкүнбү? ИИМдин жообу
Бишкектеги өкмөтүнүн имараты. Архив

Президенттин иш башкармалыгы эми Жогорку Кеңешти да тейлемей болду

222
(жаңыланган 16:51 02.12.2021)
Таратылган маалыматта эки башкармалыктын базасында президенттин иш башкармалыгы түзүлөрү айтылды.

БИШКЕК, 2-дек. — Sputnik. Президенттин иш башкармалыгы менен Жогорку Кеңештин иш башкармалыгы бириккенин өлкө башчынын маалымат кызматы кабарлады.

"Кыргыз Республикасынын мамлекеттик бийлик органдарынын ишин материалдык-техникалык жана финансылык камсыздоону өркүндөтүү жөнүндө" жарлыгына мамлекет жетекчиси Садыр Жапаров кол койгон.

Ага ылайык, президенттин иш башкармалыгы жана Жогорку Кеңештин иш башкармалыгынын базасында Кыргыз Республикасынын Президентинин иш башкармалыгы түзүлөт.

Аталган башкармалык президенттин, Жогорку Кеңештин, министрлер кабинетинин, президенттик администрациянын жана Жогорку Кеңеш аппаратынын ишин материалдык-техникалык жана финансылык камсыздоону жүзөгө ашырат.

222
Белгилер:
президент, Жогорку Кеңеш, Министрлер кабинети, иш, башкармалык, биригүү
Тема боюнча
Бак чуркайт! Партия номери менен дал келип, көп добуш алган талапкерлер эмне дейт?
ТЭЦ-2 аймагында жашагандардын 47,7 гектар жери мыйзамдаштырылды. Чоо-жайы