Шайлоо участогуда добуш берип жаткан адамдар. Архив

Парламенттик шайлоого эл аралык 730 байкоочу көз салмай болду

104
(жаңыланган 23:02 23.11.2021)
Байкоочулардын арасында дипломатиялык өкүлчүлүктөрдүн, чет өлкөлүк шайлоо органдарынын жана эл аралык уюмдардын өкүлдөрү бар.

БИШКЕК, 23-ноя. — Sputnik. Шайлоо жана референдумдарды өткөрүү боюнча борбордук комиссия парламенттик шайлоого 295 байкоочуну каттады. Бул тууралуу БШКнын маалымат кызматы кабарлады.

Муну менен 23-ноябрга карата БШК жалпы эл аралык 730 байкоочуну каттаган.

"Булардын ичинде дипломатиялык өкүлчүлүктөрдүн, чет өлкөлүк шайлоо органдарынын жана эл аралык уюмдардын өкүлдөрү бар", — деп айтылат маалыматта.

Шайлоого байкоочу жөнөткөн уюмдар:

  • КМШ миссиясы — 190 байкоочу;
  • ЕККУнун Демократиялык институт жана адам укуктары бюросунан — 288;
  • ЕККУ Парламенттер аралык ассамблеясынан — 70;
  • ШКУ миссиясы — 17;
  • Европанын парламенттер аралык ассамблеясынын кеңешинен — 14;
  • Түрк тилдүү өлкөлөрдүн парламенттер ассамблеясы — 19;
  • Түрк тилдүү өлкөлөрдүн уюмунан — 9;
  • Ислам кызматташтыгы уюмунан — 5 байкоочу.

БШК, мындан сырткары, шайлоого көз салуу үчүн бир нече мамлекеттин элчиликтеринен өкүлдөр келерин белгиледи.

Белгилей кетсек, Кыргызстанда Жогорку Кеңешке шайлоо 28-ноябрда (жекшемби) болот. Анда 90 депутаттын ичинен 54ү партиялык тизме менен шайланат. Калган 36сы бир мандаттуу округ менен келет.

104
Белгилер:
Кыргызстан, шайлоо, элчилик, байкоочу, каттоо
Тема:
Жогорку Кеңешке жаңы тартип менен болчу шайлоо (271)
Тема боюнча
Шайлоо өнөктүгүнө катышкан спорт, маданият кызматкерлери иштен алынды. Тизме
Мугалим, медиктер ишке тартылбасын! Шайлоого даярдык көрүү боюнча отурум өттү
БШК Дастан Жумабековго 22,5 миң сом айып салып, эскертүү берди
Президент Кыргызстана Садыр Жапаров сегодня, 29 ноября, встретился с руководителями миссий международных наблюдателей, которые вели мониторинг за ходом проведения парламентских выборов в стране

Президент Садыр Жапаров эл аралык байкоочулар менен жолукту

167
(жаңыланган 20:17 29.11.2021)
Өлкө башчы жарандар жана дүйнөлүк коомчулук шайлоонун жыйынтыгынын мыйзамдуулугунан күмөн санабашы үчүн бардык аракеттер көрүлөрүн белгиледи.

БИШКЕК, 29-ноя. — Sputnik. Президент Садыр Жапаров бүгүн, 29-ноябрда, өлкөдөгү парламенттик шайлоого мониторинг жүргүзгөн эл аралык байкоочулар миссияларынын жетекчилери менен жолугушту. Бул тууралуу өлкө башчынын маалымат кызматы билдирди.

Президент Кыргызстана Садыр Жапаров сегодня, 29 ноября, встретился с руководителями миссий международных наблюдателей, которые вели мониторинг за ходом проведения парламентских выборов в стране
© Пресс-служба президента КР / Султан Досалиев
Президент Садыр Жапаров бүгүн, 29-ноябрда, өлкөдөгү парламенттик шайлоого мониторинг жүргүзгөн эл аралык байкоочулар миссияларынын жетекчилери менен жолугушту

Жапаров КМШ, ЖККУ, ШКУ, ТүркПА, Түрк мамлекеттер уюмунун, Ислам кызматташтык уюмунун, Европадагы коопсуздук жана кызматташтык уюмунун, ошондой эле Өзбекстандын жана Грузиянын Борбордук шайлоо комиссияларынын жетекчилерине парламенттик шайлоого эл аралык байкоочу катары катышкандыгы үчүн ыраазычылык билдирди.

"Бул шайлоодо атаандаштыкка жана ага катышууга бирдей шарттар түзүлдү. Парламентте коомдун бардык катмарларынын өкүлдөрүн камтуу үчүн мыйзамдарда аялдар, этникалык азчылыктар, жаштар жана ден соолугунан мүмкүнчүлүгү чектелген адамдар үчүн квота киргизилген", — деди Жапаров.

Ал ошондой эле элдин биримдигин жана жаңы бийликке болгон ишенимин бекемдөөгө багытталган коомдук-социалдык маанилүү иш-чаралар өткөрүлгөнүн белгилеген.

"Жогорку Кеңешке шайлоо эл аралык стандарттарга ылайык, анын ичинде ЕККУга мүчө-мамлекеттердин копенгагендик милдеттенмелерин эске алуу менен өттү. Биздин жарандар жана дүйнөлүк коомчулук шайлоонун жыйынтыгынын мыйзамдуулугунан күмөн санабашы үчүн бардыгын жасайбыз. Бийлик биздин шайлоочулар тарабынан колдоого алынган Жогорку Кеңештеги бардык саясий партиялар менен иштешүүгө даяр", — деди президент.

Ал эми эл аралык байкоочулар мамлекет башчысын жана өлкө элин парламенттик шайлоонун ийгиликтүү өтүшү менен куттукташты. Алар шайлоону ачык-айкын өткөрүү үчүн аткарылган иштер жогорку деңгээлде уюштурулганын кошумчалашкан.

167
Белгилер:
Кыргызстан, Садыр Жапаров, парламент, Жогорку Кеңеш, шайлоо, байкоочу
Тема:
Жогорку Кеңешке шайлоо 2021
Тема боюнча
Туруктуулукту бузабыз дегендерге жол бербейбиз! Жапаров элге кайрылды
Кол менен санагыла! Жапаров "добуштар уурдалды" деген партияларга кайрылды

Шайлдабекова: бул ирет мыйзамсыздыкты ооздуктоого бийликтин эрки жетти. Видео

333
Бул жолку шайлоодо админресурс, добуш сатып алууларды ооздуктоого мамлекеттик бийликтин эрки жетти. Борбордук шайлоо комиссиясынын төрайымы Нуржан Шайлдабекова кечээ, 28-ноябрда, берген маалымат жыйында билдирди.

Белгилей кетсек, буга чейинки жыйындардын биринде Шайлдабекова былтыркы парламенттик шайлоодо БШК, укук коргоо органдары, өкмөт административдик ресурс, добуш сатып алуу боюнча мыйзам бузууларды ооздуктай албаганын айткан. Буга мамлекеттик бийликтин саясий эрки жетпей калганын белгилеген.

Sputnik Кыргызстандын кабарчысы "бул ирет бийликтин эрки жеттиби, алардын аракети БШКны канааттандырдыбы?" деп сурады.

"Мен эрки жетти деп ойлойм. Анткени "кандайдыр бир басым болду" деген арыздар абдан аз түштү. Админресурс боюнча түшкөн билдирүүлөрдүн мазмунун карасак башкача. "Айыл өкмөт үгүт иштерине аралашып жүрөт" деген сыяктуу. Мурдагыга салыштырмалуу административдик ресурстун белгиси таптакыр башка болууда. Санынан да, сапатынан да. Муну коомчулук көрүп турду деп ойлойм. Албетте, бир жолу эле бардык көйгөйдү чечип салуу мүмкүн эмес. Добуш сатып алуулар да сезилерлик деңгээлде азайды", — деди Шайлдабекова.

Мындан сырткары, ал БШК укук коргоо органдары менен тыгыз координацияда иштеп жатканын белгиледи.

"Борбордук шайлоо комиссиясынын кароосунун натыйжасында кыскартылган бир нече тергөө кайра ачылды. Бул жолу биз укук коргоо органдары менен шайлоо мыйзамдарын бузууга жол бербеген алдын ала эффективдүү чараларды көрө алдык. Бирок бардык шайлоо процессинде мыйзам бузуулар болот. Мисалы, мында арыздардын көбү үгүт эрежелерин бузуу жөнүндө болду. Мурда административдик ресурсту пайдалануу, добуш сатып алуу тууралуу көп түшчү", — деди БШКнын жетекчиси.

Нуржан Шайлдабекова Борбордук шайлоо комиссиясын 2016-жылдан бери жетектеп келет. Үстүбүздөгү жылдын июль айында экинчи мөөнөткө шайланган.

333
Белгилер:
Нуржан Шайлдабекова, бийлик, жыйынтык, админресурс, добуш
Тема:
Жогорку Кеңешке жаңы тартип менен болчу шайлоо (271)
Тема боюнча
Жапаров: мурда мен да Шайлдабекованы жаман көрчүмүн, кийин түшүндүм
Байсалов: "Шайлоо" системасы үзгүлтүккө учураган эмес, таблицадан ката кеткен

Кечээтен бери коронавирус үч адамдын өмүрүн алды

0
Бир сутка ичинде эмдөөдөн 10 260 адам өтүп, анын ичинен 5 803ү биринчи дозаны алса, 4 457 адам экинчисин сайдырды.

БИШКЕК, 30-ноя. — Sputnik. Өткөн суткада 66 адамдан коронавирус табылып, 118 бейтап айыкты. Бул тууралуу Республикалык штаб кабарлады.

Жуктургандар:

  • Бишкек – 19;
  • Чүй облусу – 30;
  • Ош облусу – 4;
  • Талас облусу – 1;
  • Жалал-Абад облусу – 5;
  • Баткен облусу – 7.

Өлкөдө илдет илештиргендердин жалпы саны 183 351ге жетти. Анын ичинен 178 230 адам дартты жеңген. Тилекке каршы, оору бир сутка ичинде үч адамдын өмүрүн алып, жалпы 2 746 адам дарттын курмандыгы болду.

Азыркы учурда стационарда 405, ал эми амбулатордук шартта 488 адам дарыланып жатат. Өткөн сутка ичинде эмдөөдөн 10 260 адам өтүп, анын ичинен 5 803ү биринчи дозаны, 4 457 адам экинчи компонентин алган.

0
Белгилер:
Кыргызстан, коронавирус, оору, бейтап, статистика