Кыргызстандын президенти Садыр Жапаров Коопсуздук кеңешинин жыйыны учурунда

Жапаров: кээде "кап" деп, жарыштан четтеген талапкерлерге ичим ооруп калат

138
(жаңыланган 12:34 26.11.2021)
Мамлекет башчы Борбордук шайлоо комиссиясынын мүчөлөрү мыйзамдуу чечимдерди кабыл алып жатышканын белгиледи.

БИШКЕК, 26-ноя. — Sputnik. Жарыштан четтеген талапкерлер элдин таразасына түшүп, өз салмагын билсе болмок. Бул туурасында президент Садыр Жапаров Коопсуздук кеңешинин жыйынында билдирди.

Ал БШК төрайымы Нуржан Шайлдабековага кайрылып, комиссия мыйзамдуу чечимдерди кабыл алып жатканын белгиледи.

"Менин дагы кээде "кап, ушул талапкерди бекер алып койду, элдин таразасына түшүп чыкса болот эле" деп ичим ооруп калып жатат. "Балким өтпөй, өзүнүн салмагын билмек, аттиң ай" деген маселе болууда. Бирок сиздер мыйзамдуу чечимдерди чыгарып жатасыздар. Биз дагы ар бир талаш-тартыш маселени көңүл сыртында калтырбай карап жатабыз. Кандай гана маселе болбосун, баары мыйзамдуу болушу керек", — деди Жапаров.

Мындан сырткары, мамлекет башчы "БШКнын жана аймактардагы шайлоо комиссияларынын мүчөлөрүнө бийлик тарабынан басым болгон жокпу?" деп сурады. Шайлдабекова мындай фактылар катталбаганын айтты.

138
Белгилер:
Садыр Жапаров, талапкер, БШК, Коопсуздук кеңеши
Тема боюнча
Садыр Жапаров акча кымырган энергетиктердин бир схемасын ачыктады
Жапаров: мурда мен да Шайлдабекованы жаман көрчүмүн, кийин түшүндүм
Көз карандысыз мамлекеттердин шериктештигине (КМШ) мүчө өлкөлөрдүн Парламенттер аралык ассамблеясы

Шайлоого байкоо салчу КМШ өлкөлөрүнүн депутаттары ишин баштады

11
(жаңыланган 12:16 27.11.2021)
28-ноябрь күнү Кыргызстанда аралаш система менен парламенттик шайлоо өткөрүлөт. Кыргызстандыктар 54 депутатты партиялык тизме, 36сын бир мандаттуу округ аркылуу шайлайт. Элдин добушун алуу үчүн 21 партия, 287 талапкер жарышка чыккан.

БИШКЕК, 27-ноя. — Sputnik. Бүгүн Бишкекте Көз карандысыз мамлекеттердин шериктештигине (КМШ) мүчө өлкөлөрдүн Парламенттер аралык ассамблеясынын (ПАА) Өзбекстан Олий Мажлис Сенатынын депутаты Кутбидин Бурханов башында турган байкоочулар тобунун парламенттик шайлоого мониторинг жүргүзүү иштерин баштады.

  • К краткосрочному мониторингу выборов депутатов Жогорку Кенеша Кыргызстана приступила группа международных наблюдателей от Межпарламентской ассамблеи СНГ. 27 ноября 2021 года
    Бүгүн Бишкекте Көз карандысыз мамлекеттердин шериктештигине (КМШ) мүчө өлкөлөрдүн Парламенттер аралык ассамблеясынын (ПАА) Өзбекстан Олий Мажлис Сенатынын депутаты Кутбидин Бурханов башында турган байкоочулар тобунун парламенттик шайлоого мониторинг жүргүзүү иштерин баштады
    © Фото / пресс-служба Межпарламентской Ассамблеи СНГ
  • К краткосрочному мониторингу выборов депутатов Жогорку Кенеша Кыргызстана приступила группа международных наблюдателей от Межпарламентской ассамблеи СНГ. 27 ноября 2021 года
    Мониторингдин алкагында талапкерлигин коюп жаткан саясий партиялардын лидерлери менен жолугушуулар болуп өттү
    © Фото / пресс-служба Межпарламентской Ассамблеи СНГ
1 / 2
© Фото / пресс-служба Межпарламентской Ассамблеи СНГ
Бүгүн Бишкекте Көз карандысыз мамлекеттердин шериктештигине (КМШ) мүчө өлкөлөрдүн Парламенттер аралык ассамблеясынын (ПАА) Өзбекстан Олий Мажлис Сенатынын депутаты Кутбидин Бурханов башында турган байкоочулар тобунун парламенттик шайлоого мониторинг жүргүзүү иштерин баштады

Мониторингдин алкагында талапкерлигин коюп жаткан саясий партиялардын лидерлери менен жолугушуулар болуп өттү.

Маектешүү учурунда ар бир лидер шайлоо, үгүт иштери, программасы боюнча байкоочулар менен пикир алышты.

Делегациянын курамына Азербайжан, Армения, Беларусь, Казакстан, Россия, Тажикстан, Өзбекстан парламентинин депутаттары кирген. Ошондой эле ассамблея кеңешинин катчылыгынын өкүлдөрү, Жарандардын шайлоо укуктарын сактоону, парламентаризмди, демократияны өнүктүрүү эл аралык мониторинг институтунун эксперттери да бар. Кыргызстандын Борбордук шайлоо комиссиясынын каттоосунан жалпы 75 байкоочу өткөн. Алар Жогорку Кеңештин төрагасы тарабынан чакырылган.

Эске салсак, эртең, 28-ноябрь күнү, Кыргызстанда аралаш система менен парламенттик шайлоо өткөрүлөт. Кыргызстандыктар 54 депутатты партиялык тизме, 36сын бир мандаттуу округ аркылуу шайлайт. Элдин добушун алуу үчүн 21 партия, 287 талапкер жарышка чыккан.

11
Белгилер:
Кыргызстан, Жогорку Кеңешке шайлоо, шайлоо, байкоочу
Тема:
Жогорку Кеңешке жаңы тартип менен болчу шайлоо
Тема боюнча
Бүгүн Кыргызстанда "жымжырт күн", үгүт иштери токтотулду
УКМК бийликти басып алууга шектелген талапкерлердин атын атады  
Министрлер кабинетинин төрагасы Акылбек Жапаров

Акылбек Жапаров алгачкы жолу электрондук документке кол коюп, аткарууга жөнөттү

26
(жаңыланган 11:34 27.11.2021)
Бул системаны ишке киргизүү кагаз менен иштөө процессин жоюуну тездетет, документ жүгүртүү процессинин ыкчамдуулугун жана эффективдүүлүгүн олуттуу түрдө жогорулатат.

БИШКЕК, 27-ноя. — Sputnik. Министрлер кабинетинин төрагасы Акылбек Жапаров биринчи жолу электрондук санариптик кол тамгасы бар документтерге кол коюп, Infodocs тутуму аркылуу аткарууга жөнөттү. Бул тууралуу өкмөттүн маалымат кызматы кабарлады.

Председатель кабинета министров Акылбек Жапаров впервые подписал документы электронной подписью и направил на исполнение посредством системы электронного документооборота Infodocs (СЭД). 27 ноября 2021 года
© Пресс-служба правительства / Алишер Алиев
Министрлер кабинетинин төрагасы Акылбек Жапаров биринчи жолу электрондук санариптик кол тамгасы бар документтерге кол коюп, Infodocs тутуму аркылуу аткарууга жөнөттү

Мындай жол менен "Кыргыз Республикасынын мамлекеттик башкаруусуна санариптик технологияларды киргизүүнү активдештирүү боюнча кечиктирилгис чаралар жөнүндө" жарлыгын аткаруунун алкагында электрондук документ жүгүртүү тутуму ишке киргизилди.

"Бул системаны ишке киргизүү кагаз менен иштөө процессин жоюуну тездетет, документ жүгүртүү процессинин ыкчамдуулугун жана эффективдүүлүгүн олуттуу түрдө жогорулатат. Ошондой эле кызматтык кат алышуу процесстерин жөнөкөйлөтөт. Борборлоштурулган системанын артыкчылыктарынын бири мамлекеттик органдардын ишмердүүлүгүнө баа берүү жана мониторинг жүргүзүү мүмкүнчүлүгү болуп саналат", — деп айтылат билдирүүдө.

Учурда 853 мамлекеттик органда, аларга караштуу ведомстволук жана аймактык түзүмдөрдө электрондук документ жүргүзүү (ЭДТ) ишке киргизилген. Аны пайдалануучулардын саны мамлекеттик жана муниципалдык органдарды кошкондо 32 миң кызматкерди түзөт. Тутум ишке киргизилгенден бери 2 миллион 161 миң документ катталган.

26
Белгилер:
Кыргызстан, өкмөт, санариптештирүү, документ, Акылбек Жапаров
Тема боюнча
Акылбек Жапаров: жөлөк пулдун айрым түрү жаңы жылдан тарта 200%га жогорулайт