Бишкектеги Өлбөс полк акциясы. Архивдик сүрөт

"Өлбөс полк: ар өлкөдө бирдиктүү марш менен" аттуу видеокөпүрө

21
(жаңыланган 16:39 25.04.2018)
Иш-чара 26-апрелде саат 16:00дө Sputnik Кыргызстан агенттигинин мультимедиалык маалымат борборунда өтөт.

Урматтуу кесиптештер!

Сиздерди "Өлбөс полк: ар өлкөдө бирдиктүү марш менен" аттуу видеокөпүрөгө чакырабыз.

Иш-чара 26-апрелде саат 16:00дө Sputnik Кыргызстан агенттигинин мультимедиалык маалымат борборунда өтөт.

9-майда бир катар өлкөлөрдө салтка айланып калган "Өлбөс полк" акциясы өтөт. Бул күнү жарандар Улуу Ата Мекендик согуш учурунда душманга каршы согушкан, оорукта эмгектенген туугандарынын сүрөтүн көтөрүп алып жөө жүрүшкө чыгат.

Бул акция ар бир мамлекетте кандай уюштурулат, ага кимдер катыша турганын уюштуруучулар айтып беришет.

Бишкектен катыша тургандар:

"Өлбөс полктун" Бишкек боюнча координатору Зульфира Шарафовна ХАЙБУЛЛИНА;

Бишкек шаардык кеңешинин төрагасы Алмаз Муканович КЕНЕНБАЕВ.

Москвадан:

СССРдин эл артисти, "Россиянын өлбөс полку" жалпы россиялык жарандык-патриот кыймылынын тең төрагасы Василий ЛАНОВОЙ;

"Россиянын өлбөс полку" жалпы россиялык жарандык-патриот кыймылынын борбордук штабынын мүчөсү, "Россиянын издөө кыймылынын" жооптуу катчысы Елена ЦУНАЕВА;

"Россиянын өлбөс полку" жалпы россиялык жарандык-патриот кыймылынын борбордук штабынын мүчөсү, Краснодар крайындагы аймактык штабдын төрагасы Борис ЛЕВИТСКИЙ.

Минскиден:

Россия Федерациясынын Белоруссиядагы элчилигинин россиялык мекендештер коомдук бирикмесинин координациялык кеңешинин төрагасы Андрей ГЕРАЩЕНКО;

Минск шаарында "Өлбөс полк" акциясын уюштуруучу, Белоруссия өкүлдөрү палатасынын биринчи чакырылышынын депутаты.

Кишинев шаарынан:

Молдованын россиялык мекендештер координациялык кеңешинин төрагасы Петр ДОНЦОВ.

Таллинн шаарынан:

"Европадагы россиялык мекендештер" коомдук уюмунун төрагасы Сергей ЧАУЛИН;

"Улуу Ата Мекендик согуштун катышуучуларынын урпактары" бирикмесинин өкүлү Андрей ГОНЧАРОВ.

Цхинвал шаарынан:

Маданият министри, "Өлбөс полк" акциясын уюштуруучу Жанна ЗАССЕЕВА.

Sputnik Кыргызстан мультимедиалык маалымат борборунун дареги: Бишкек шаары, Эркиндик проспектиси 46 (Чүй проспектиси менен кесилишет). ЖМК өкүлдөрү иштеген жеринен берилген күбөлүктөрү менен гана каттоодон өткөрүлөт.

21
Белгилер:
маалымат жыйын, пресса, видеокөпүрө, Бишкек
Тема:
Кыргызстан: "Өлбөс полктун" 2018-жылдагы жүрүшү (17)
Ооруканадагы дарыгер. Архив

Коронавирус менен мындан ары кантип күрөшүү керек. Брифинг

63
(жаңыланган 18:05 11.08.2020)
Суроолорго Башкыртстандын саламаттык сактоо министринин орун басары Евгений Кустов, Кыргызстандын вице-премьери Аида Исмаилова жана пульмонолог Лилия Козырева жооп берет.

Урматтуу кесиптештер!

Сиздерди "Кыргызстан бийлиги жана россиялык дарыгерлер: коронавирус менен андан ары кантип күрөшүү керек?" деп аталган брифингге чакырабыз.

Иш-чара эртең, 12-августта, саат 11:00дө Sputnik Кыргызстан агенттигинин Facebook тармагындагы баракчасында өтөт.

Кыргызстандагы коронавирус учурда кайсы этапта? Дарыгерлер эл аралык альянста иштеп кандай ийгиликке жетишти? COVID-19дун болот деп жаткан экинчи толкунуна кантип даярдануу керек? Өкмөт кооптуулукка ыкчам реакция кылуу үчүн кандай чараларды көрүп жатат? Ушул жана башка суроолорго Башкыртстандын саламаттык сактоо министринин орун басары Евгений Кустов, Кыргызстандын вице-премьери Аида Исмаилова жана пульмонолог Лилия Козырева жооп берет.

Урматтуу кесиптештер, эгерде суроолор болсо Telegram каналына (0553) 28-27-97 номерине жибериңиздер. Модератор аны түз эфирде берет.

63
Белгилер:
өкмөт, коронавирус, дарыгерлер, брифинг
SputnikPro долбоорунун логотиби

SputnikPro долбоору эл аралык IPRA Golden World Awards сыйлыгына татыды

21
(жаңыланган 14:16 31.07.2020)
SputnikPro — ар тармактын адистери билими, иш тажрыйбасы менен маалымат катчы, журналист жана ЖОЖ студенттерине бөлүшүү үчүн уюштурулган мастер-класс.

БИШКЕК, 31-июл. — Sputnik. SputnikPro билим берүү долбоору коомчулук менен байланыш чөйрөсүндөгү эң ири делген IPRA Golden World Awards for Excellence in PR 2020 сыйлыгына татыды.

Маалыматка ылайык, долбоор эл аралык калыстар тобу тарабынан "Өлкө, аймак жана шаар" номинациясында мыкты деп табылган.

"Биздин ишибизге ушунчалык жогору баа берилгенине ыраазыбыз. Эки жыл мурда иштей баштаган SputnikPro элге абдан керектүү жана актуалдуу долбоор болуп калды. Биздин агенттиктин долбоору ишин жаңы баштагандарга журналисттик кесиптин аспектилери жөнүндө көп нерсени билүүгө, тажрыйба алмашууга жана жаңы идеяларды жаратууга мүмкүнчүлүк берет", — деген "Россия сегодня" эл аралык агенттигинин башкы редакторунун орун басары Андрей Благодыренко.

Россиялык эксперт журналисттерге көздөгөнүнө жеткире турган 5 кеңеш айтты

SputnikPro — өз тармагынын адистери билими, иш тажрыйбасы менен маалымат катчы, журналист жана ЖОЖ студенттерине бөлүшүү үчүн уюштурулган мастер-класс. Анда Sputnik агенттигинин бөлүмдөрүнүн жетекчилери, ошондой эле белгилүү россиялык журналисттер менен эксперттер тажрыйбасы менен бөлүшөт. Долбоор 2018-жылдын жаз айларынан башталып, Белоруссия, Азербайжан, Армения, Грузия жана Кыргызстандын медиа айдыңында жогорку баага татып келет.

Соцтармакта кантип популярдуу болуу керек? Россиялык журналисттин мастер-классы

IPRA Golden World Awards (GWA) сыйлыгы коомчулук менен байланыш боюнча илгертеден бери иштеп келген эл аралык бирикме тарабынан ыйгарылат. Ассоциация 1955-жылдан бери дүйнө жүзү боюнча байланыш стандарттарын калыптандырууга салымын кошуп, БУУ тарабынан таанылган. PR чөйрөсүндөгү эң беделдүү бирикме жыл сайын креативдүү жана уникалдуу долбоорлорду тандап келет.

21
Белгилер:
сыйлык, долбоорлор, SputnikPro, "Россия Сегодня" ЭМА, Россия
Бал. Архивдик сүрөт

Ченемин билгиле. Диетолог балдын зыян жактарын айтып берди

0
(жаңыланган 08:31 15.08.2020)
Биохимиялык индекс боюнча, бал кумшекерге тете болгондуктан айрым оорулууларга такыр жегенге болбойт. Кээ бирлери чеги менен колдонушу шарт.

БИШКЕК, 15-авг. — Sputnik. Балды ченемден тыш колдонуу бир катар көйгөйгө алып келерин "Известия" дарыгер-диетолог, эксперт Дарья Русаковага шилтеме берип жазды. 

Адистин айтымында, кант диабети менен жабыркаган адамдар балдан таптакыр баш тартканы оң. Анткени таттуу азык кандагы глюкозаны көтөрөт. Ошондой эле балда углевод көп болгондуктан ден соолугу чың адамдар дагы ченеп жеши керек.

"Бир күндө 1-2 кашык колдонсо болот. Бирок күндүз жегенге аракет кылгыла, углеводдорду коротконго жардам берет. Биохимиялык индекс боюнча, бал кумшекерге тете болуп калат. Ошондуктан балды көп жеген ашыкча салмакка алып келет", — деген диетолог.

Уйку канат. Дарыгер кумшекерден баш тартуунун пайдасын айтты

Ал кошумчалагандай, балды дайыма колдонгудай анда пайдалуу делген микроэлементтер, витаминдер жана заттар аз.

Ошондой эле тамак-аш адиси балдын жаңысын дүкөндөрдөн алууну сунуштаган. Себеби колдон-колго өтүп сатылгандар анын каякта чогултулуп сакталганына жана алып келингенине жооптуу эмес.

0
Белгилер:
салмак, бал, азык, диетолог
Тема боюнча
Дарыгер салмак коштурчу суусундуктарды тизмектеп берди