ОСАГО полиси. Архив

"Унаа ээлерин камсыздандыруу жөнүндө мыйзам кандай иштейт?" аттуу тегерек стол

53
Урматтуу кесиптештер, Сиздерди "Унаа ээлерин жарандык камсыздандырууга сөзсүз милдеттендирүү (ОСАГО) жөнүндө мыйзам кандай иштейт?" аталышындагы тегерек столго чакырабыз.

Иш-чара 10-августта саат 11.00дө Sputnik Кыргызстан агенттигинин мультимедиалык маалымат борборунда өтөт.

ОСАГО боюнча мыйзам 2019-жылдын 7-февралында ишке кириши керек. Бул мыйзам 10 жылдан бери кабыл алынбай жүргөн.

Аталган мыйзам долбоору жол кырсыктарынан жабыркагандардын укугун жана кызыкчылыгын коргоого чакырат. Аны коомчулук, депутаттар, серепчилер бир топ талкууга алып, айрымдары аны коррупцияга жол ачат деп айтышкан.

Мыйзам ишке ашса кандай иштейт, оң жана терс жактары жана аны кайрадан иштеп чыгуунун кажети барбы? Ушул жана башка суроолорго тегерек столдун төмөнкү катышучуулары жооп берет:

ЖЭЭНЧОРОЕВ Мирлан Канатбекович —Жогорку Кеңештин депутаты;

ИБРАЕВ Талантбек Жекшенович — КР ИИМинин ЖКККББ жол көзөмөл бөлүмүнүн начальниги;

СЫРГАТАЕВ Адилет Таалайбекович — КР финансы рыногун жөнгө салуу жана көзөмөлдөө мамлекеттик кызматынын Камсыздандыруу саясатын өнүктүрүү бөлүмүнүн начальниги;

БАЙБОСУНОВ Нурлан Мокушевич — КР финансы рыногун жөнгө салуу жана көзөмөлдөө мамлекеттик кызматынын аткаруу кеңешинин мүчөсү;

ДОСПАЕВ Алтынбек Доспаевич — Бишкектеги Жүргүнчү ташуу ассоциациясынын төрагасы;

БОСТЕРИЕВ Эмил Касымович — ОСАГО боюнча ведомстволор аралык жумушчу комиссиянын мүчөсү;

ШАРШЕНАЛИЕВ Бакыт Асанбекович — "Мамлекеттик камсыздандыруу уюму" компаниясынын жетекчисинин орун басары;

ДӨӨЛӨТОВ Кеңешбек Жумаканович — Транспорт жана жол министрлигинин Унаа жана темир жол транспорт башкармалыгынын башкы адиси;

МОЛДОКУЛОВ Сабырбек Айдарканович — Кыргыз камсыздандыруучулар ассоциациясынын президенти.

Sputnik Кыргызстан агенттигинин мультимедиалык маалымат борборунун дареги: Бишкек шаары, Эркиндик проспектиси, 46 (Чүй проспектиси менен кесилишет).

Катталуу үчүн +996 312 98-60-27, +996 312 98-69-47 телефондоруна чалыңыз.

Sputnik Кыргызстан агенттигинде боло турчу маалымат жыйындары, чогулуштар тууралуу маалымат алып турам десеңиз a.valiev@sputniknews.com электрондук дарегине жазып коюңуз.

53
Белгилер:
тегерек стол, ОСАГО
Пикирлер