Окуучу. Архивдик сүрөт

"ЕАЭБ мамлекеттеринде билим берүүнүн жаңы стандарттары" аттуу видеокөпүрө

29
Урматтуу кесиптештер!

"ЕАЭБ мамлекеттеринде билим берүүнүн жаңы стандарттары. Кыргызстандыктарды эмне күтөт?" аттуу Бишкек — Минск видеокөпүрөсүнө чакырабыз.

Иш-чара 19-сентябрда саат 13:00дө Sputnik Кыргызстан агенттигинин мультимедиалык маалымат борборунда өтөт.

Жаңы өнөр-жай революциясы көп тармактарга таасирин берди. Андыктан ага ылайык адистерди даярдоо, билим берүү тармагындагы жаңы багыттар, россиялык жогорку окуу жайлар менен биргеликте онлайн-билим берүүгө басым жасоо эмгек рыногунда кыргызстандыктардын атаандаштыгын арттыра алат.

Жыйынга катышуучулар:

Бишкектен:

Билим берүү жана илим министрлигинин өкүлү;

Жаштар иши, дене тарбия жана спорт мамлекеттик агенттигинин өкүлү;

КОНОКБАЕВА Дамира Кыясовна — Кусеин Карасаев атындагы Бишкек мамлекеттик университетинин колледжинин директору;

ИМАНАЛИЕВА Элмира Санзыбаевна — Мурдагы билим берүү жана илим министри;

ИВАНОВ Сергей Сергеевич — Жусуп Баласагын атындагы Кыргыз мамлекеттик университетинин эл аралык мамилелер жана чыгыш таануу факультетинин доценти;

БЕРДАКОВ Денис Михайлович — саясат таануучу, "Евразийцы — новая волна" фондунун Кыргызстандагы филиалынын директор орун басары;

СТРОКОВА Евгения Григорьевна — Жогорку Кеңештин депутаты, Социалдык маселелер, билим берүү, илим, маданият жана саламаттык сактоо комитетинин мүчөсү.

Минск шаарынан:

ДЗЕРМАНТ Аляксей Валерьевич — саясат таануучу, "СОНАР-2050" долбоорунун эксперти;

ШПАКОВСКИЙ Александр Павлович — "Актуальная концепция" маалымат-агартуучу мекемесинин директору.

29
Белгилер:
билим берүү, видеокөпүрө, Минск, Бишкек
Ооруканадагы дарыгер. Архив

Коронавирус менен мындан ары кантип күрөшүү керек. Брифинг

63
(жаңыланган 18:05 11.08.2020)
Суроолорго Башкыртстандын саламаттык сактоо министринин орун басары Евгений Кустов, Кыргызстандын вице-премьери Аида Исмаилова жана пульмонолог Лилия Козырева жооп берет.

Урматтуу кесиптештер!

Сиздерди "Кыргызстан бийлиги жана россиялык дарыгерлер: коронавирус менен андан ары кантип күрөшүү керек?" деп аталган брифингге чакырабыз.

Иш-чара эртең, 12-августта, саат 11:00дө Sputnik Кыргызстан агенттигинин Facebook тармагындагы баракчасында өтөт.

Кыргызстандагы коронавирус учурда кайсы этапта? Дарыгерлер эл аралык альянста иштеп кандай ийгиликке жетишти? COVID-19дун болот деп жаткан экинчи толкунуна кантип даярдануу керек? Өкмөт кооптуулукка ыкчам реакция кылуу үчүн кандай чараларды көрүп жатат? Ушул жана башка суроолорго Башкыртстандын саламаттык сактоо министринин орун басары Евгений Кустов, Кыргызстандын вице-премьери Аида Исмаилова жана пульмонолог Лилия Козырева жооп берет.

Урматтуу кесиптештер, эгерде суроолор болсо Telegram каналына (0553) 28-27-97 номерине жибериңиздер. Модератор аны түз эфирде берет.

63
Белгилер:
өкмөт, коронавирус, дарыгерлер, брифинг
SputnikPro долбоорунун логотиби

SputnikPro долбоору эл аралык IPRA Golden World Awards сыйлыгына татыды

21
(жаңыланган 14:16 31.07.2020)
SputnikPro — ар тармактын адистери билими, иш тажрыйбасы менен маалымат катчы, журналист жана ЖОЖ студенттерине бөлүшүү үчүн уюштурулган мастер-класс.

БИШКЕК, 31-июл. — Sputnik. SputnikPro билим берүү долбоору коомчулук менен байланыш чөйрөсүндөгү эң ири делген IPRA Golden World Awards for Excellence in PR 2020 сыйлыгына татыды.

Маалыматка ылайык, долбоор эл аралык калыстар тобу тарабынан "Өлкө, аймак жана шаар" номинациясында мыкты деп табылган.

"Биздин ишибизге ушунчалык жогору баа берилгенине ыраазыбыз. Эки жыл мурда иштей баштаган SputnikPro элге абдан керектүү жана актуалдуу долбоор болуп калды. Биздин агенттиктин долбоору ишин жаңы баштагандарга журналисттик кесиптин аспектилери жөнүндө көп нерсени билүүгө, тажрыйба алмашууга жана жаңы идеяларды жаратууга мүмкүнчүлүк берет", — деген "Россия сегодня" эл аралык агенттигинин башкы редакторунун орун басары Андрей Благодыренко.

Россиялык эксперт журналисттерге көздөгөнүнө жеткире турган 5 кеңеш айтты

SputnikPro — өз тармагынын адистери билими, иш тажрыйбасы менен маалымат катчы, журналист жана ЖОЖ студенттерине бөлүшүү үчүн уюштурулган мастер-класс. Анда Sputnik агенттигинин бөлүмдөрүнүн жетекчилери, ошондой эле белгилүү россиялык журналисттер менен эксперттер тажрыйбасы менен бөлүшөт. Долбоор 2018-жылдын жаз айларынан башталып, Белоруссия, Азербайжан, Армения, Грузия жана Кыргызстандын медиа айдыңында жогорку баага татып келет.

Соцтармакта кантип популярдуу болуу керек? Россиялык журналисттин мастер-классы

IPRA Golden World Awards (GWA) сыйлыгы коомчулук менен байланыш боюнча илгертеден бери иштеп келген эл аралык бирикме тарабынан ыйгарылат. Ассоциация 1955-жылдан бери дүйнө жүзү боюнча байланыш стандарттарын калыптандырууга салымын кошуп, БУУ тарабынан таанылган. PR чөйрөсүндөгү эң беделдүү бирикме жыл сайын креативдүү жана уникалдуу долбоорлорду тандап келет.

21
Белгилер:
сыйлык, долбоорлор, SputnikPro, "Россия Сегодня" ЭМА, Россия
Жайлоодо мал кайтарып жүргөн киши. Архивдик сүрөт

Ишембиге карата аба ырайы

0
(жаңыланган 21:01 14.08.2020)
15-августта түнкүсүн Ош облусунун тоолуу райондорунда өткүн өтүп, күн күркүрөйт. Ал эми республиканын калган аймактарында күн ачык болот.

БИШКЕК, 14-авг. — Sputnik. Эртең күндүз өлкөнүн айрым аймактарында маал-маалы менен жамгыр себелеп, күн күркүрөйт. Чүй, Ош жергесинин дыйканчылык аймактарында жана Талас, Жалал-Абад, Баткен облустарында жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, батыштан соккон шамалдын ылдамдыгы секундасына 4-9 метрден күндүз кээ бир райондордо 15-20 метрге жетет.

Окумуштуулар: жакында ысыктын айынан сыртта иштөө мүмкүн болбой калат

Абанын температурасы Чүй өрөөнүндө +29...+34, Талас жергесинде +26...+31, Ош, Жалал-Абад, Баткен облустарында +30...+35, Ысык-Көлдө +22...+27 жана Нарын аймагында +21...+26 градус болору айтылды.

Күндүн табы Бишкекте +32...+34, Ош шаарында +31...+33, ал эми Чолпон-Атада +22...+24 градуска чейин жетет.

0
Белгилер:
аба ырайы, Кыргызстан
Тема боюнча
Ачка калбайбызбы? Кыргызстанда канча түшүм жыйналды