Открытие редакционного центра Sputnik Кыргызстан в Бишкеке - Sputnik Кыргызстан
Пресс-борбор

Sputnik Кыргызстан агенттигинин кызматкерлери өкмөттүк сыйлык менен сыйланды

© Фото / пресс-служба правительства / Алишер АлиевНаграждение журналистов правительством КР
Награждение журналистов правительством КР - Sputnik Кыргызстан
Жазылуу
Sputnik ондогон өлкөдө жайгашкан мультимедиалык маалымат хабдары бар агенттик жана радио.

БИШКЕК, 6-ноя. — Sputnik агенттигинин маалымат кызматы. Sputnik Кыргызстан агенттиги жана радиосунун шеф-продюсери Батырбек Мамыркулов менен редактор жана алып баруучу, маркум Исмаил Мамытов Маалымат жана басма сөз күнүнө карата өкмөттүк сыйлык менен сыйланды.

Премьер-министр Мухаммедкалый Абылгазиев мамлекетке сиңирген эмгеги үчүн Батырбек Мамыркуловду Ардак грамота менен сыйлады. Ал эми Исмаил Мамытов профессионалдык милдеттерин так аткарганы үчүн атасы Осмонбек Абылкасымовго атайын кол саат ыйгарылды. 

© Фото / пресс-служба правительства / Алишер АлиевПремьер-министр Мухаммедкалый Абылгазиев Исмаил Мамытов профессионалдык милдеттерин так аткарганы үчүн атасы Осмонбек Абылкасымовго атайын кол саат ыйгарылды.
Награждение журналистов правительством КР - Sputnik Кыргызстан
Премьер-министр Мухаммедкалый Абылгазиев Исмаил Мамытов профессионалдык милдеттерин так аткарганы үчүн атасы Осмонбек Абылкасымовго атайын кол саат ыйгарылды.

"Мен уулум менен сыймыктанам. Премьер-министрге сыйлыгы үчүн ыраазычылык билдирем. Sputnik Кыргызстан агенттигинин жетекчилиги менен жалпы жамаатына дагы ыраазымын. Бул жерге Исмаилдин ордуна келгеним үчүн ичим ачышып турат, бирок ал биздин жаныбызда экенине ишенем. Өлкөдө өз ишине берилип, элин сүйгөн уул-кыздар көп болсун", — деди Абылкасымов.

Ал эми Батырбек Мамыркулов эч качан сыйлыкка умтулбаганын белгиледи.

"Мен журналистика тармагында эмгектенгениме 20 жыл болду. Бирок эч качан сыйлык алайын деп умтулган эмесмин. Болгону жүрөгүмө жаккан иш менен алектендим. Мени менен иштешкен кесиптештериме ыраазычылык билдирем. Алар жашоомдун ажырагыс бир бөлүгү болуп калды", — деди Мамыркулов.

Sputnik (sputniknews.com) – ондогон өлкөдө жайгашкан мультимедиалык маалымат хабдары бар маалымат агенттиги жана радиосу. Sputnik өзүнө 30 тилден ашуун жазылган сайттарды, аналогдук жана санарип радиоберүү, мобилдик тиркеме жана социалдык тармактардагы баракчаларды камтыйт. Sputnik агенттигинин жаңылык түрмөгү күнү-түнү англис, испан жана кытай тилдеринде жарык көрөт.

Жаңылыктар түрмөгү
0