Манас аэропортундагы учак. Архивдик сүрөт

Авиация тармагы кыйроо алдындабы? Аба кодексиндеги өзгөрүүлөр талкууланат

49
(жаңыланган 18:04 28.01.2019)
Иш-чара 29-январь күнү саат 11.00дө Sputnik Кыргызстан агенттигинин мультимедиалык маалымат борборунда өтөт.

Урматтуу кесиптештер!

Сиздерди "Кыргызстандын авиация тармагы кыйроо алдындабы? Аба кодексине киргизилген өзгөртүүлөр" аттуу тегерек столго чакырабыз.

Иш-чара 29-январь күнү саат 11.00дө Sputnik Кыргызстан агенттигинин мультимедиалык маалымат борборунда өтөт.

15-январда "Аба кодексине өзгөртүү киргизүү жөнүндө" мыйзамы кабыл алынган. Анын арты менен өлкөгө "ачык асмандын бешинчи тепкичи" — чет элдик учактар жүргүнчүлөрдү, жүктөрдү, багажды Кыргызстанга алып келип, кайра башка өлкөлөргө ташый алат.

Демилгечилер бул мыйзам жакшы өзгөрүүлөргө жол ачарын айтса, айрым эксперттер каршы пикирде. Алардын айтымында, мамлекет Евробиримдиктин "кара тизмесинен" чыккандан кийин гана өзгөртүүлөрдү киргизүү туура болмок.

Жаңы Аба кодексинин кабыл алынышы менен кандай иштерди аткаруу керек? Эми кантип кирешени көбөйтүп, аэропорттордун инфраструктурасын жакшыртып, билет баасын арзандатса болот? Жергиликтүү авиакомпаниялар чет элдик атаандаштардын рынокко кириши менен кантип банкрот болуп калуудан сактана алат? Ушул жана башка суроолорду тегерек столдун төмөнкү катышуучулары талкуулайт:

Бакыт БЕКБАЧА уулу — Бишкектеги "Манас" эл аралык аэропортунун директорунун орун басары;

Тагай Замирбекович АБДЫСАТАРОВ — Жарандык авиация агенттигинин Жарандык авиацияны өнүктүрүү бөлүмүнүн башкы адиси;

Данияр Акматбекович АРЫНОВ — "Эйр Манас" авиакомпаниясынын өкүлү;

Алмазбек Манасбекович ЭРГЕШОВ — Жогорку Кеңештин депутаты;

Бактыбек Үсөнович СЫДЫКОВ — Жогорку Кеңештин депутаты, "Манас" эл аралык аэропортунун мурдагы жетекчиси;

Эрмек Социалович ӨМҮРАЛИЕВ — Жарандык авиациянын мурдагы башчысы;

Аскар Куттубекович СЫДЫКОВ — Эл аралык ишкерлер кеңешинин аткаруучу директору;

Жекшенбек Өмүрбекович АЛЫБАЕВ — Авиаторлор бирикмесинин төрагасы;

Шакир Курманович ЖАНГАЗИЕВ — Авиа мекемелер ассоциациясынын аткаруучу директору, "Манас" эл аралык аэропортунун директорлор кеңешинин мүчөсү;

Мамат Абдыкарович НАЗАРОВ — көп жылдык тажрыйбасы бар учкуч;

Sputnik Кыргызстан агенттигинин мультимедиалык маалымат борборунун дареги: Бишкек шаары, Эркиндик проспектиси 46, (Чүй проспектиси менен кесилишет). ЖМКларды каттоо жеринен редакциялык күбөлүк менен жүргүзүлөт.

Маалымат борбордо боло турган иш-чара тууралуу кошумча маалыматты +996 312 98-60-27, +996 312 98-69-47 телефондору аркылуу алсаңыздар болот.

Sputnik Кыргызстан агенттигинин мультимедиалык маалымат борборунун анонсторун алып туруу үчүн a.valiev@sputniknews.com дарегине жазыңыз.

49
Белгилер:
тегерек стол, мыйзам, аба кодекси
Чита шаары. Архив

Кыргызстандык мигранттарга иш табуу жеңил болгон Россиянын аймактары

491
(жаңыланган 12:37 20.11.2020)
Кыргызстандык мигранттардын көпчүлүгү Москва шаары менен Москва облусунда эмгектенишет. Адистин айтымында, бул аймакта ишке орношуу боюнча чек жок.

БИШКЕК, 20-ноя. — Sputnik. Россиянын кайсы аймактары кыргызстандык мигранттарга муктаж экенин Кыргызстандын Миграция кызматынын Россиядагы өкүлчүлүгүнүн жетекчиси Майрамбек Бейшенов айтып берди. Ал Sputnik агенттигинин мультимедиалык борборунда өткөн "Россиядагы кыргызстандыктардын COVID пандемиясы учурундагы көйгөйлөрү" аттуу онлайн-брифингге катышты.

 Руководитель представительства Государственной службы миграции КР в России Майрамбек Бейшенов в мультимедийном пресс-центре Sputnik Кыргызстан.
© Sputnik / Табылды Кадырбеков
Кыргызстандын Миграция кызматынын Россиядагы өкүлчүлүгүнүн жетекчиси Майрамбек Бейшенов

Бейшеновдун айтымында, кыргызстандык мигранттардын көпчүлүгү Москва шаары менен Москва облусунда эмгектенишет.

"Урал жана Сибирь федералдык округдарында дагы кыргызстандык мигранттарга муктаждык бар. Жакында эле Байкал округунун жетекчилери менен жолугуштук. Бул аймакта муниципалдык объектилердин курулушу жигердүү жүрүп жатат. Биз округдун жетекчисинин орун басары менен жолукканыбызда, алар кызматташууга даяр экендигин билдиришти", — деди ал.

Буга чейин Бейшенов Россияда кайсы адистер жетишпей жатканын айтып берген.

491
Белгилер:
жумуш, Мигрант, Россия, Кыргызстан
Тема боюнча
Россияда бекер дарыланат. ЕАЭБ ичинде мигранттарга каралган жеңилдиктер
Медициналык бет капчан Москвадагы курьер

Россияда кайсы адистер жетишпей жатат. Тизме

487
(жаңыланган 12:38 20.11.2020)
Майрамбек Бейшеновдун айтымында, кыргызстандыктарды иш менен камсыз кылуу үчүн кондитердик фабрикалар менен сүйлөшүүлөр жүргүзүлүүдө.

БИШКЕК, 20-ноя. — Sputnik. Россияда кайсы кесиптер боюнча адистер жетишпей жатканын Кыргызстандын Мамлекеттик миграция кызматынан РФтеги өкүлчүлүгүнүн жетекчиси Майрамбек Бейшенов айтып берди.

Руководитель представительства Государственной службы миграции КР в России Майрамбек Бейшенов в мультимедийном пресс-центре Sputnik Кыргызстан.
© Sputnik / Табылды Кадырбеков
Кыргызстандын Мамлекеттик миграция кызматынан РФтеги өкүлчүлүгүнүн жетекчиси Майрамбек Бейшенов

Эске салсак, Sputnik Кыргызстан агенттигинин мультимедиалык борборунда "Россиядагы кыргызстандыктардын COVID пандемиясы учурундагы көйгөйлөрү" аттуу онлайн-брифинг өтүп жатат.

Бейшеновдун билдирүүсүндө, элчилик менен өкүлчүлүк кыргызстандыктарды жумушка орноштуруу боюнча мигранттар менен дагы, жумуш берүүчүлөр менен дагы тыгыз иштешүүдө.

"Курулуш компанияларына кызматкерлер керек, өзгөчө курулушчулар менен прорабдар зарыл болууда. Ошондой эле тигүүчүлөр жетишпей жатат. Айрым москвалык компаниялар тигүүчүлүккө кыз-келиндерди гана эмес, эркектерди дагы алууну каалашат", — деди ал.

Мындан тышкары, ал азыр кыргызстандыктарды иш менен камсыз кылуу үчүн өзү жетектеген кызматтын адистери кондитердик фабрикалар менен сүйлөшүүлөрдү жүргүзүп жатканын кошумчалады.

487
Белгилер:
курулуш, жумуш, Мигрант, Россия
Тема боюнча
Шамшиев: Россияда 800 миң кыргызстандыктын 470 миңи мыйзамсыз иштейт
UFC чемпиону Хабиб Нурмагомедов. Архив

Көк бөрү көрөбүз! Хабиб машыктыруучусу менен Кыргызстанга келет

76
(жаңыланган 01:19 26.11.2020)
Нурмагомедов Кыргызстанга 2018-жылы келген. Анда ал өлкөдө ушунчалык атактуу экенине таң калганын билдирген.

БИШКЕК, 25-ноя. — Sputnik. UFC чемпиону Хабиб Нурмагомедовдун машыктыруучусу Хавьер Мендез Instagram баракчасына Кыргызстанга келип, көк бөрү оюнун көрүү каалоосу тууралуу жазган.

Посмотреть эту публикацию в Instagram

Публикация от Javier Mendez (@akajav)

Мендез менен Нурмагомедов азыр Бириккен Араб Эмирлигинде жүргөнү маалым болду. Машыктыруучу Кыргызстанды кайрадан көргүсү келип жатканын кыргыз ишкери менен жолукканда айткан.

"Кереметтүү Кыргызстанга барууну чыдамсыздык менен күтүп жатам, ошондой эле көк бөрү оюнун да көрсөк дейбиз", — деп жазган Мендез. 

UFC чемпиону да Instagram баракчасынын сторис бөлүмүнө "Жакында Кыргызстанга барам" деп жазган.

Белгилей кетсек, 2018-жылы Хабиб Нурмагомедов Улуттук олимпиада комитетинин чакыруусу менен өлкөгө келип кеткен. Анда ал КРде ушунчалык атактуу экенине таң калганын билдирген.

76
Белгилер:
Көк бөрү, спортчу, тренер, Хабиб Нурмагомедов, Кыргызстан
Тема боюнча
Миссиямды аткардым. Хабиб кайра октагонго чыгар-чыкпасын айтты