"Кыргызстандын хоккей федерациясы БАЭдеги чуулуу оюн тууралуу" аттуу маалымат жыйын
(жаңыланган 09:46 08.04.2019)
Иш-чара 8-апрель күнү саат 12.00дө Sputnik Кыргызстан агенттигинин мультимедиалык маалымат борборунда өтөт.Урматтуу кесиптештер!
Сиздерди "Кыргызстандын хоккей федерациясы дүйнө чемпионатына тандоо турунда чыккан чыр тууралуу" аттуу маалымат жыйынга чакырабыз.
Кыргызстандын курама командасы алгачкы жолу дүйнө чемпионатына катыша алмак. Себеби команда өз тайпасында лидер болчу. Бирок БАЭнин арызы менен курама команданын тандоо турундагы бардык жеңиши жокко чыгарылды. Буга кыргыз командасындагы бир оюнчунун дисквалификацияланганы себеп болгон.
Маалымат жыйындын катышуучулары мындан ары кандай кадамдарга барышарын айтып беришет.
Катышуучулар:
- Владимир Дмитриевич ТОНКИХ — команданын капитаны;
- Анвар Насыбекович ОМОРКАНОВ — Хоккей федерациясынын президенти;
- Мурат Токтоназарович ЖАКЫПОВ — федерациянын вице-президенти;
- Элзар Болотбекович БОЛОТБЕКОВ — федерациянын вице-президенти;
- Максим ЖАБУЛИН — башкы машыктыруучу.
Sputnik Кыргызстан агенттигинин мультимедиалык маалымат борборунун дареги: Бишкек шаары, Эркиндик проспектиси, 46 (Чүй проспектиси менен кесилишет). ЖМКларды каттоо жеринен редакциялык күбөлүк менен жүргүзүлөт.
Маалымат борбордо боло турган иш-чара тууралуу кошумча маалыматты +996 312 98-60-27, +996 312 98-69-47 телефондору аркылуу алсаңыздар болот.
Sputnik Кыргызстан агенттигинин мультимедиалык маалымат борборунун анонсторун алып туруу үчүн a.valiev@sputniknews.com дарегине жазыңыз.
Белгилер:
Жээнбеков Коррупцияга каршы кызматты эмнеге жойгон? Вице-премьердин пикири
(жаңыланган 15:51 21.10.2020)
Максат Мамыткановдун айтымында, УКМКнын Коррупцияга каршы кызматы жоюлгандыгы тууралуу жаңы өкмөт эртеси күнү билип калган.БИШКЕК, 21-окт. — Sputnik. Вице-премьер-министр Максат Мамытканов Сооронбай Жээнбековдун өлкө башчылыктан кетип жатканда УКМКнын Коррупцияга каршы кызматын жоюп салгандыгы боюнча өз пикирин айтты.
Бул тууралуу Sputnik Кыргызстан агенттигинин мультимедиалык маалымат борборунда өткөн онлайн-брифинг учурунда сөз болду.
Анын айтымында, жаңы өкмөт УКМКнын аталган кызматы жоюлгандыгы тууралуу эртеси күнү билип калган.
Жээнбеков УКМКнын Коррупцияга каршы күрөшүү кызматын жоюп кетти
"Баарыбыз түшүнүп тургандай, айрым органдарды архивдин же документтердин ордун которуп салуу үчүн жаап коюшат. Бирок мынчалык кыска убакытта көп нерселерди жок кылып салууга жетишпесе керек. Бул жарлыктын кесепети анча катуу болгон жок, анткени бир түн ичинде бардыгын жок кылып салуу мүмкүн эмес. Эртеси күнү кызмат толугу менен калыбына келтирилди", — деди ал.
Вице-премьер бардык жетекчилерге "мындан ары ушул сыяктуу "сюрприздер" болуп кетпеши үчүн түшүндүрүү иштери жүргүзүлөрүн" кошумчалады.
Эске салсак, экс-президент Сооронбай Жээнбеков кызматын тапшыруунун алдында УКМКнын Коррупцияга каршы күрөшүү кызматын жойгон жарлыкка кол койгон. Бул тууралуу "Эркин-Тоо" мамлекеттик гезитине жарыяланган, бирок кийин ал документ жокко чыгарылып, кызмат ишин улантууда.
Вице-премьер колго түшкөн Райым Матраимовдун ишине комментарий берди
(жаңыланган 14:12 21.10.2020)
Кечээ, 20-октябрда, Бажы кызматынын башчысынын мурдагы орун басары Райым Матраимов кармалып, сот анын баш коргоо чарасын караган.БИШКЕК, 21-окт. — Sputnik. Вице-премьер Максат Мамытканов Бажы кызматынын башчысынын мурдагы орун басары Райым Матраимовдун кармалышы жана ага карата кабыл алынган баш коргоо чарасы тууралуу комментарий берди. Ал Sputnik Кыргызстан агенттигинин мультимедиалык маалымат борборунда өткөн брифингде сүйлөдү.
Журналисттер Мамыткановго Токмокто дарыканадан дары уурдап камалган жаранды мисал келтирип, экс-бажычы Матраимовго карата кабыл алынган бөгөт чарасынын акыйкаттыгы тууралуу суроо узатышкан.
Вице-премьердин айтымында, Матраимов жаңы паспорт алганы тууралуу маалымат чыккандан кийин ыкчам кызматка аны колго түшүрүү тапшырмасы коюлган.
"Матраимов боюнча иликтөө иштери аягына чыга элек, бардык иш-чаралар сотко чейинки териштирүүнүн алкагында жүргүзүлүүдө. Мыйзам ага карата тил кат менен бошотуу боюнча баш коргоо чарасын кабыл алууга жол берет. Тергөөнүн ишине көрсөтмө берүү туура эмес. Ошол эле маалда ар бир жаран жашоо шартына карабастан текшерилерин жана бардык фактылар караларын коомчулукка жеткиришибиз керек", — деди ал.
Башкы прокуратура: Атамбаев, Шадиев сыяктуулар өлкөгө 13,6 млрд. сом зыян келтирген
Вице-премьер учурда укук коргоо органдарынын иштөөсүнө мүмкүнчүлүк берүү зарылдыгын белгиледи.
"Эгер Матраимов боюнча дагы башка фактылар болсо, жарандар кайрылышсын. Күч органдары иликтешет. Биздин максат — тергөө органдарына сырткы таасирлердин тийбешине шарт түзүү. Ошондо гана биз реформанын жолуна түшөбүз", — деп кошумчалады Мамытканов.
Эске салсак, парламент 14-октябрда Садыр Жапаров башында турган өкмөттүн курамын бекиткен. Анда Максат Мамытканов вице-премьерлик кызматты ээлеген.
Кечээ, 20-октябрда, Бажы кызматынын башчысынын мурдагы орун басары Райым Матраимов кармалып, сот анын баш коргоо чарасын караган.
12 млн. доллар зыян келген! Сот өкүлчүлүктөрү борборунун директору кармалды
(жаңыланган 13:33 28.10.2020)
Мекеме башчысы кызмат абалынан кыянаттык менен пайдаланган деп айыпталып жатат. Учурда кылмышка тиешеси бар башка жогорку кызматтагы адамдарды аныктоо боюнча иштер жүргүзүлүүдө.БИШКЕК, 28-окт. — Sputnik. Экономикалык кылмыштарга каршы күрөшүү кызматы өкмөттүн сот өкүлчүлүктөрү борборунун Ш.Т. аттуу директорун кармады. Бул тууралуу Финполдун маалымат кызматы кабарлады.
Мекеме башчысы кызмат абалынан кыянаттык менен пайдаланган деп айыпталып жатат.
"Тергөөнүн жүрүшүндө кыргыз өкмөтүнүн сот өкүлчүлүктөрү борбору менен Финансы министрлигинин жооптуу кызматкерлеринин мыйзамсыз иш-аракеттеринин натыйжасында мамлекеттик бюджетке өзгөчө ири өлчөмдө — 12 миллион доллардан (1 миллиард сомго жакын) ашык зыян келтирилгендиги аныкталды", — деп айтылат маалыматта.
Кымырылган 9 млрд. сом: Салык кызматы Финполдун кинеси негизсиз экенин айтты
Учурда иш тергелип жатат. Кылмышка тиешеси бар делген дагы башка жогорку кызматтагы адамдарды аныктоо боюнча ыкчам тергөө иштери жүргүзүлүүдө.
Белгилер: