ЕАЭБ мамлекеттеринин желектери. Архив

"Кыргызстандын ЕАЭБдин алкагындагы соода саясаты" аттуу видеокөпүрө

40
(жаңыланган 10:12 16.09.2019)
Евразиялык экономикалык комиссиясынын соода боюнча министри Вероника Никишина Бишкекте өтө турган Евразия жумалыгынын алдында ЖМК өкүлдөрү менен баарлашат.

Урматтуу кесиптештер!

Сиздерди "Кыргызстандын ЕАЭБдин алкагындагы жана дүйнөлүк деңгээлдеги соода саясаты" аттуу видеокөпүрөгө чакырабыз.

Москва — Ереван — Бишкек — Нур-Султан — Кишинев видеокөпүрөсү 16-сентябрь күнү саат 13.00дө Sputnik Кыргызстан агенттигинин мультимедиалык маалымат борборунда өтөт.

Евразиялык экономикалык комиссиясынын соода боюнча министри Вероника Никишина Бишкекте өтө турган Евразия жумалыгынын алдында ЖМК өкүлдөрү менен баарлашат. Ал иш-чаранын программасы, Кыргызстандын дүйнөлүк рыноктогу интеграциясы, республиканын Азия-Тынч океан аймагындагы мүмкүнчүлүктөрү тууралуу айтып берет. Ошондой эле Никишина ЕАЭБдин 2024-жылга карата ЕАЭБдин соода өнүктүрүү саясаты боюнча да сөз козгойт.

Sputnik Кыргызстан агенттигинин мультимедиалык маалымат борборунун дареги: Бишкек шаары, Эркиндик проспектиси, 46 (Чүй проспектиси менен кесилишет). ЖМКларды каттоо жеринен, редакциялык күбөлүк менен жүргүзүлөт.

Маалымат борбордо боло турган иш-чара тууралуу кошумча маалыматты +996 312 98-60-27, +996 312 98-69-47 телефондору аркылуу алсаңыздар болот.

Sputnik Кыргызстан агенттигинин мультимедиалык маалымат борборунун анонсторун алып туруу үчүн a.valiev@sputniknews.com дарегине жазыңыз.

40
Белгилер:
экономика, видеокөпүрө, Евразиялык экономикалык биримдик, Кыргызстан
SputnikPro долбоорунун логотиби

SputnikPro долбоору эл аралык IPRA Golden World Awards сыйлыгына татыды

21
(жаңыланган 14:16 31.07.2020)
SputnikPro — ар тармактын адистери билими, иш тажрыйбасы менен маалымат катчы, журналист жана ЖОЖ студенттерине бөлүшүү үчүн уюштурулган мастер-класс.

БИШКЕК, 31-июл. — Sputnik. SputnikPro билим берүү долбоору коомчулук менен байланыш чөйрөсүндөгү эң ири делген IPRA Golden World Awards for Excellence in PR 2020 сыйлыгына татыды.

Маалыматка ылайык, долбоор эл аралык калыстар тобу тарабынан "Өлкө, аймак жана шаар" номинациясында мыкты деп табылган.

"Биздин ишибизге ушунчалык жогору баа берилгенине ыраазыбыз. Эки жыл мурда иштей баштаган SputnikPro элге абдан керектүү жана актуалдуу долбоор болуп калды. Биздин агенттиктин долбоору ишин жаңы баштагандарга журналисттик кесиптин аспектилери жөнүндө көп нерсени билүүгө, тажрыйба алмашууга жана жаңы идеяларды жаратууга мүмкүнчүлүк берет", — деген "Россия сегодня" эл аралык агенттигинин башкы редакторунун орун басары Андрей Благодыренко.

Россиялык эксперт журналисттерге көздөгөнүнө жеткире турган 5 кеңеш айтты

SputnikPro — өз тармагынын адистери билими, иш тажрыйбасы менен маалымат катчы, журналист жана ЖОЖ студенттерине бөлүшүү үчүн уюштурулган мастер-класс. Анда Sputnik агенттигинин бөлүмдөрүнүн жетекчилери, ошондой эле белгилүү россиялык журналисттер менен эксперттер тажрыйбасы менен бөлүшөт. Долбоор 2018-жылдын жаз айларынан башталып, Белоруссия, Азербайжан, Армения, Грузия жана Кыргызстандын медиа айдыңында жогорку баага татып келет.

Соцтармакта кантип популярдуу болуу керек? Россиялык журналисттин мастер-классы

IPRA Golden World Awards (GWA) сыйлыгы коомчулук менен байланыш боюнча илгертеден бери иштеп келген эл аралык бирикме тарабынан ыйгарылат. Ассоциация 1955-жылдан бери дүйнө жүзү боюнча байланыш стандарттарын калыптандырууга салымын кошуп, БУУ тарабынан таанылган. PR чөйрөсүндөгү эң беделдүү бирикме жыл сайын креативдүү жана уникалдуу долбоорлорду тандап келет.

21
Белгилер:
сыйлык, долбоорлор, SputnikPro, "Россия Сегодня" ЭМА, Россия
Учак аркылуу медициналык жүк алып келүү. Архивдик сүрөт

Эмнеге Кыргызстанга элге жеткендей дары алып келишкен жок

192
Социалдык тармактарда кыргызстандыктардын көбү эмне үчүн өлкөгө дароо эле көп сандагы дарыларды алып келип, даярдап коюшкан эмес деген нааразы пикирлер жазылууда.

БИШКЕК, 15-июл. — Sputnik. Кыргызстанга эмне үчүн дары-дармекти дароо эле баарына жеткидей алып коюшкан жок. Бул суроого Дары-дармек жана медтехникалар менен камсыздоо департаментинин бааны коюу боюнча секторунун жетекчиси Айша Сулайманова жооп берди.

Аталган ишкана Саламаттык сактоо министрлигине карайт.

Ал Sputnik Кыргызстандын Facebook тармагында уюштурган "Дарыны эпидемияга чейинки баадан 10 эсе кымбатка сатып жатышат, көйгөйдү кантип чечүү керек" деп аталган онлайн-брифингине катышты.

Боронов: чет өлкөдөн учак менен дары алып келебиз, тартыштык бир-эки күндө жоюлат

Адистин айтымына караганда, фармацевт-өндүрүшчүлөр суроо-талап көп болгон өлкөлөргө кызыкдар. Ал эми Кыргызстанга калгандарын берүү керек деген принцип болуп жатат.

"Пандемия дүйнөнү каптагандыктан, бардык мамлекеттер дарыга муктаж болуп, дефицит жаралууда. Кыргызстан кичинекей өлкө, ал эми дары жасагандар биринчи иретте ири мамлекеттердин муктаждыгын камсыздайт. Андыктан препараттарды арбын көлөмдө буюртма кылгандыктан, биздин суроо-талапка тең келбей калып жатат. 150 миллион кишини дары менен камсыздоо башка, ал эми алты миллион кишини камсыздоо башка нерсе. Жыйынтыгында бизге аз бөлүгү калууда", — деген ал.

Мисал катары ал АКШны келтирип, вируска каршы камдап коюш үчүн дары-дармектерге берген буюртмасын айтты. Сулайманованын айтымында, Кыргызстандагы жеке фармацевтикалык компаниялар белгилүү себептен улам мындай нерселерди жасай албайт.

Ал аталган департамент керектүү дарыларды, өзгөчө антикоагулянттарды алуу боюнча башка өлкөлөр менен сүйлөшүүлөрдү жүргүзүп жаткандыгын айтты.

"Биздин биринчи милдет жеткиликтүү дарылар менен камсыздоо. Дары көп ташылып келип жатат, камдалгандарын эл дүрбөлөңгө түшүп сатып алууда. Андыктан биз дарыканалардын ээси менен жолугуп, бааны көтөрбөй, андан сырткары, дарылануунун бир курсу менен сатуу зарылдыгын айтып жатабыз", — деди Сулайманова.

Жээнбеков: Кыргызстанда дары-дармек өндүрүү жолдору каралууда

Мындан сырткары, Саламаттык сактоо министрлиги Кыргызстанга дары ташып келүү жолдорун жеңилдетип жаткандыгын айтты.

"Бизде коронавируска каршы колдоно турган дарылардын бекитилген тизмеси бар. Бардык препараттар ушул тизмеден каралып, өлкөгө каттоосу жок (бирок чыгарган өлкөнүн каттоосу менен) киргизсе болот. Токтомдо медициналык бет кап жана сактоочу комбинезон чыгарган жергиликтүү өндүрүштүн ишин жөнгө салуу каралган", — деп түшүндүрдү эксперт.

"Сураган акчаңызды берем". Бишкекте дары издемей эмнеге азапка айланды?

Эске салсак, дарыларга байланышкан кырдаал эпидемиологиялык абалдын начарлашы менен курчуп кетти. Социалдык тармактарда бир нече түрдөгү дарыларды издеген жарыялар арбыды, ал эми дарыканаларга керектүү препараттар түшкөндө ири кезек жаралууда. Дарыканаларда баа жогорулап, алып сатарлар пайда болду.

192
Белгилер:
тартыштык, дары-дармек, коронавирус, Кыргызстан
Тема:
Коронавируска байланыштуу Кыргызстандагы кырдаал
Тема боюнча
"Сураган акчаңызды берем". Бишкекте дары издемей эмнеге азапка айланды?
Кыргызстан Россиянын коронавируска каршы дарысын алууну сүйлөшүүдө
Ак кунастар. Архив

Ак кунастарды 23 жаштагы жигит аткан. Сузак милициясы сүрөттөгү жарандарды кармады

0
(жаңыланган 12:34 06.08.2020)
Буга чейин басылмалардын биринде атылган ак кунастарды кармап сүрөткө түшкөн кишилер тууралуу маалымат чыккан.

БИШКЕК, 6-авг. — Sputnik. Жалал-Абад облусунун Сузак райондук милициясы Кызыл китепке киргизилген ак кунастарды аткан кишини кармады. Бул тууралуу ОИИБдин маалымат кызматы кабарлады.

Ага ылайык, 4-август күнү коргоого алынган ак кунастарды кармап сүрөткө түшкөн кишилер тууралуу маалымат жарыяланган.

Мындан улам Биотүрдүүлүктү сактоо жана өзгөчө корголуучу жаратылыш аймактары департаменти тарабынан ак кунастарды аткандарга чара көрүү үчүн Жалал-Абад ОИИБине кат жолдонгон.

Сүрөт "Короче" телеграмм каналына коюлган.

Анын негизинде Сузак райондук милиция канаттууну аткан жаранды аныктаган.

"Окуя 30-июль күнү саат 14:30 чамасында Сузак районунун Кара-Дарыя айыл аймагында болгон. 23 жаштагы жергиликтүү тургун сайсыз курал менен дарыянын жээгинде учуп бараткан үч ак кунасты атып, андан кийин сүрөткө түшкөн. Кийин анын 20 жаштагы бир тууган иниси дагы атылган ак кунастарды кармап сүрөткө түшүп, социалдык тармакка чыгарып жиберген", — деп айтылат маалыматта.
Подозреваемый в отстреле белых аистов в Джалал-Абадской области
© Фото / пресс-служба УВД Джалал-Абадской области
Кызыл китепке киргизилген ак кунастарды атууга шектелген жаран

Милиция Жалал-Абадда жоголгон эже-сиңдини Баткенден тапты. Кыздардын жообу

Кечээ аталган факты Кылмыш жана жоруктардын бирдиктүү реестрине Жоруктар жөнүндө кодексинин 144-беренеси ("Жаныбарларды жана өсүмдүктөрдү жок кылуу") менен катталып, сотко чейинки өндүрүш иши ачылган.

Ал эми сайсыз ок атуучу курал боюнча акт түзүлүп, соттук-баллистикалык экспертиза дайындалган.

Тергөө аракеттери уланып жатат.

0
Белгилер:
кармоо, Сүрөт, сатуу, милиция, ОИИБ, Жалал-Абад облусу
Тема боюнча
Ноокенде 10 жашар кызды зордуктаган бала өмүр бою эркинен ажыратылды