Россия сегодня эл аралык маалымат агенттигинин интернет-технология борборунун жетекчиси Алексей Филипповский

Адис: бүгүнкү күндө жаңы ири соцтармак ачуу мүмкүн эмес

115
(жаңыланган 16:47 27.11.2019)
Алексей Филипповский маалымат катчылар, журналисттер, контент-менеджерлер, SEO жана SMM адистер, профилдик багыттагы студенттер үчүн мастер-класс өткөрдү.

БИШКЕК, 27-ноя. — Sputnik. "Россия сегодня" эл аралык маалымат агенттигинин интернет-технология борборунун жетекчиси Алексей Филипповский жаңы соцтармактарды түзүү мүмкүнчүлүгү тууралуу айтып берди.

Sputnik Кыргызстан агенттигинин мультимедиалык маалымат борборунда маалымат катчылар, журналисттер, контент-менеджерлер, SEO жана SMM адистер, профилдик багыттагы студенттер үчүн SputnikPro эл аралык долбоорунун алкагында мастер-класс өттү

Адистин айтымында, Facebook, Twitter жана башка ири социалдык тармактар жасап жаткан нерсени кайталаганга аракет жасабай деле койсо болот. Филипповский соцтармак рыногуна кирүүдөн пайда чыкпай турганын айтты.

"Көпчүлүк учурда тааныштарым кайрылып жаңы соцтармак түзүүнү сунушташат. Бирок, тилекке каршы, 2019-жылы андай нерсени жасай албайбыз. Жаңы соцтармактардын элге кереги жок. Дүйнөдө түптөлүп калган жумушчу платформалар бар. Анын агымына кирүү дээрлик мүмкүн эмес", — деди Филипповский.

Ал ошондой эле Россиядагы тааныштары "ВКонтакте" жана "Однаклассники" тиркемелерин ишке киргизгенден кийин өздөрүнүн соцтармагын ачууга аябай аракет жасашканын, бирок майнап чыкпаганын кошумчалады.

SputnikPro — бул Россиянын мыкты медиа-менеджерлеринин жана алдыңкы адистеринин презентация жана мастер-класстары. Алар өз тажрыйбаларын журналисттер, маалымат катчылар, жогорку курстун студенттери менен бөлүшөт.

SputnikPro долбоору дүйнөнүн 13 мамлекетинде — Армениядан Индияга чейин, Грециядан Кытайга чейин өткөрүлүп келет.

Sputnik эл аралык маалымат агенттиги — дүйнөдөгү ири ЖМКлардын бири. Агенттик 30дан ашык тилде маалымат таратат. Токиодон Монтевидеого чейинки аймактагы редакциялар жана маалымат борборлору жаңылыктарды күнү-түнү жазып турат.

Үч жыл ичинде Sputnik сайты постсоветтик мамлекеттердеги ЖМКлар арасында жаңыча ыкма менен иштеп, алдыңкы орунга чыкты.

Жакынкы чет мамлекеттердеги Sputnik порталы улуттук жана орус тилинде чыгып, окурмандарга түрдүү мультимедиалык маалыматтарды сунуштайт.

Инфографика, видео, сүрөт түрмөгү, онлайн-эфирлер, сурамжылоо жана подкасттарды таап окусаңыздар болот. Күнүмдүк жаңылыктардан тышкары, Sputnik агенттиги аналитикалык материалдарды жана эксклюзивдүү маектерди да окурмандарга сунуштайт.

115
Белгилер:
"Россия Сегодня" ЭМА, Технологиялар, интернет
Тема боюнча
SputnikPro адистерге сайттын анатомиясы менен web-технологиясын үйрөтөт
Электр эсептегич. Архивдик сүрөт

Электр энергиянын жоготууларын эсептеген 3 млн. долларлык долбоор ишке ашууда

102
(жаңыланган 18:54 15.09.2020)
Жаңыдан түзүлгөн эсептөө борбору электр энергиясынын жоготууларын текшерип, талдап, бирдиктүү маалымат чогултат.

БИШКЕК, 15-сен. — Sputnik. Бирдиктүү энергетикалык эсеп борборун түзүү жолу менен Кыргызстандын энергосектору иретке келтирилет. Бул туурасында "Кыргыз энергетикалык эсептөө борбору" ишканасынын директорунун биринчи орун басары Бапа Жаныбеков Sputnik мультимедиалык маалымат борборунда өткөн "Кыргызстан канча электр энергиясын жоготууда?" аттуу онлайн-брифингде билдирди.

Анын айтымында, эсептөө борборун түзүүгө бир нече муктаждык себеп болгон.

"Электр энергиянын жоготууларынын көлөмүн так эсептөө көйгөйү көп жылдан бери актуалдуу болуп келе жатат. Маселе комплекстүү чечилиши үчүн мониторинг системасын бир органга бириктирүү зарылдыгы келип чыккан. 2019-жылы өкмөт Азия өнүктүрүү банкы менен биргеликте энергетикалык эсептөө борборун түзгөн. Бул долбоорду ишке ашырууга 3 миллион доллар грант берилген", — деди Жаныбеков.

Аталган борбор электр энергиясынын жоготууларын текшерип, талдап, бирдиктүү маалымат чогултат. Ошондой эле энергетика рыногунун катышуучулары ортосундагы эсептөөлөргө байкоо салып турат.

"Түндүк электр" миллиондоп карыз болгон 10 ишкананын тизмесин чыгарды

Ал ушундай эле система Арменияда дагы иштеп жатканын белгиледи.

"Армениянын эсептөө борбору ушуга окшош системаны колдонот. Алар схеманы карап эле жоготуулардын көлөмүн аныктап коёт. Эгер адистер жоготуулар боюнча энергокомпаниянын түшүндүрмөсүнө канааттанбаса, жерине барып кырдаалды анализдеп, жагдайга жараша укук коргоо органдарына кабар керет. Бизде азырынча мындай жок", — деди Жаныбеков.

Адистин айтымында, бул долбоор келечекте энергетика секторундагы ачык-айкындуулукту камсыздайт.

102
Белгилер:
долбоорлор, жоготуу, электр энергиясы
Тема боюнча
Быйыл Кыргызстанда электр энергиясы аз өндүрүлдү. Себеби эмнеде?
Казакстандан 500 млн. кВт/саат энергия импорттоо макулдашылды. Баа өзгөрөбү
Компьютерде иштеп жаткан кыз. Архив

Россиянын алдыңкы ЖОЖдоруна кантип өтүү керек? Пайдалуу портал

83
(жаңыланган 18:23 10.09.2020)
Сернецкийдин айтымында, онлайн-акцияга катышуу үчүн каттоо атайын порталда ачылган. Каалоочулар порталдан Россиянын алдыңкы окуу жайларындагы суроо-талапка ээ кесиптер тууралуу толук маалымат ала алышат.

БИШКЕК, 10-сен. — Sputnik. 10-сентябрдан тарта Кыргызстанда алгачкы ирет "Кесип тандоо менен келечегиңди тандайсың!" аттуу билим берүү боюнча онлайн-акция башталат. Иш-чара Россиянын алдыңкы университеттеринин катышуусу менен өтөт. Бул тууралуу "Единство" коомдук фондунун директору Олег Сернецкий билдирди.

Ал Sputnik Кыргызстан мультимедиалык маалымат борборунда өткөн "Россиянын ЖОЖдоруна тапшыруу жана КР студенттеринин тандоосу" видеокөпүрөсүнүн алкагында сүйлөдү.

Сернецкийдин айтымында, онлайн-акцияга катышуу үчүн каттоо атайын порталда ачылган. Каалоочулар порталдан Россиянын алдыңкы окуу жайларындагы суроо-талапка ээ кесиптер тууралуу толук маалымат ала алышат. Мындан сырткары, Россиядагы ЖОЖдорго кыргызстандыктар кантип өтө алары тууралуу да жазылган.

Болочок медиктерге 90 бюджеттик орун бөлүндү. Вирустун кесепетин эске алып...

"Биз билим берүү боюнча порталды иштеп чыктык. Бир жылдын ичинде ал окуучулар жана алардын ата-энелери үчүн керектүү маалыматтар менен толукталат. Ошол жактан биз Россиянын алдыңкы окуу жайларынын өкүлдөрү менен вебинарларды өткөрөбүз. Аралыктан бүтүрүүчүлөргө да, педагогдорго да мастер-класстар болот. Алардын видеолору кайра сайтка жарыяланып турат", — деди ал.

Билим берүү жаатындагы акцияга Россиянын престиждүү делген окуу жайлары катышат. Алардын бүтүрүүчүлөрү эмгек рыногунда ар дайым суроо-талапта. Мындай ЖОЖдордун катарында Санкт-Петербург, Томск мамлекеттик университеттери бар. Ошондой эле Мудрый атындагы Новгород мамлекеттик окуу жайы, радиоэлектроника жана башкаруу системасы боюнча Томск университеттери бар. Окуу жайларды толугу менен порталдан тапса болот.

Сернецкий окуучулар болочокто ким болгусу келерин канчалык эрте аныктаса, окуу жайга тапшыруу ошончо ийгиликтүү болорун кошумчалаган.

Видеокөпүрөнүн алкагында Россия окуу жайларынын өкүлдөрү Кыргызстан менен кызматташтык тууралуу айтып, кыргызстандык студенттердин жогорку деңгээлдеги даярдыгын белгилешкен.

83
Белгилер:
студент, видеокөпүрө, Россия, Кыргызстан, окуу жай
Тема боюнча
Кыргызстанда орто кесиптик билими бар кайсы адистер жумушсуз калбайт
Алп жазуучу Чыңгыз Айтматов. Архивдик сүрөт

Будапешт шаарындагы скверге Айтматовдун ысымы ыйгарылат

0
(жаңыланган 17:29 26.09.2020)
Келерки аптада президент Жээнбеков расмий иш сапар менен Венгрия өлкөсүнө барат. Иш сапарда бир катар маанилүү келишимдерге кол коюлары айтылууда.

БИШКЕК, 26-сен. — Sputnik. Венгриянын баш калаасы Будапешт шаарынын скверине улуу жазуучу Чыңгыз Айтматовдун ысымы берилип, салтанатка президент Сооронбай Жээнбеков катышат. Бул тууралуу мамлекет башчы "Биринчи радиого" берген кезектеги маегинде айтты.

Президент Венгрия өлкөсүнө жасалуучу иш сапар, эки мамлекеттин ортосундагы алака тууралуу суроого жооп берип жатып бир нече учурду белгилеген.

"Мен расмий сапарымдын алкагында Түрк кеңешинин Будапешттеги өкүлчүлүгүнө барам. Будапешт шаарынын скверине биздин улуу жазуучубуз Чыңгыз Айтматовдун ысымын ыйгаруу иш-чарасы болот. Иш сапарым соода-экономикалык гана эмес, маданий тармакты да камтыйт", — деген Жээнбеков.

Сооронбай Жээнбеков эмки жумада Россия менен Венгрияга барат

Жээнбеков иш сапар кыргыз-венгер кызматташтыгын жакшы деңгээлге көтөрүп, өлкөлөр байланышын күчөтөрүн белгилейт. Анда биргелешкен өнүгүү фондусун түзүү боюнча сөз болот.

"Кыргыз-венгер өнүгүү фондусун түзүү боюнча ниетибиз бар. Ал фондго жүгүртүүчү капитал катары Венгрия "Эксимбанкы" буюрса, 50 миллион евро бөлгөнү турат. Бул фонддун катышуусу менен биргелешкен ишканаларды түзөбүз, аталган фонд кичи жана орто бизнеске төмөн пайыздык насыялар менен жардам көрсөтө баштайт.

Бул дагы абдан жакшы жетишкендик болот. Бул эми Кыргыз-Орус өнүгүү фондундай эле, келечекте ошондой фондго айлантканга аракет кылып жатабыз", — деди Жээнбеков.

Эки өлкөнүн бизнес өкүлдөрүнүн катышуусу менен бизнес-форум өткөрүү пландаштырылууда. Кыргызстандык ишкерлер Венгриянын рыногуна чыгуу мүмкүнчүлүгү талкууланат.

Президент Жээнбековдун Венгрияга иш сапар жазында пландалып, коронавирус пандемиясынан улам жылган.

0
Белгилер:
инвестициялар, экономика, алака, фонд, сквер, Чыңгыз Айтматов, иш сапар, Венгрия, Сооронбай Жээнбеков
Тема боюнча
Шайлоодон кийин карантин киргизилеби? Президент Жээнбековдун жообу
Жээнбеков Путин менен жолугар алдында эмне деди. Мамиле, кызматташтык, деңгээл