Манас аэропорту. Архивдик сүрөт

"Аэропорттор тышкы башкарууга берилеби? КР үчүн мааниси" аттуу маалымат жыйын

53
(жаңыланган 09:23 30.01.2020)
Иш-чара 30-январь күнү саат 11:00дө Sputnik Кыргызстан агенттигинин мультимедиалык маалымат борборунда өтөт.

Урматтуу кесиптештер!

Сиздерди "Аэропорттор тышкы башкарууга берилеби? Кыргызстан үчүн мааниси" аттуу маалымат жыйынга чакырабыз.

27-январь күнү өкмөттүн жыйынында биринчи-вице-премьер Кубатбек Боронов Кыргызстандын аэропорттору, анын ичинде "Манас" жана "Ош" ири аба майдандарын тышкы башкарууга берүү пландалып жатканын билдирген.

Бороновдун айтымында, декабрь айында аэропортторду тышкы башкарууга берүү долбоору даярдалууда. Ал мамлекеттик-жеке өнөктөштүктүн алкагында ишке ашмакчы.

Тышкы өнөктөш ким жана эмнелерге жооп берет? Аэропорт кандай форматта иштейт? Кыргызстандын бийлиги кандай шарттардын негизинде келишим түздү? Мамлекетке кандай пайдасы бар? Ушул жана башка суроолорго маалымат жыйындын катышуучулары жооп берет:

АКЫШЕВ Курманбек Токтогулович — Транспорт жана жолдор министрлигинин алдындагы Жарандык авиация агенттигинин директору;

ЖАНГАЗИЕВ Шакир Курманович — Авиациялык ишканалар ассоциациясынын аткаруучу директору;

АБДЫЛДАЕВ Данияр Исаевич — Экономика министрлигинин алдындагы Мамлекеттик-жеке өнөктөштүк борборунун директору.

53
Белгилер:
маалымат жыйын, өнөктөштөр, башкаруу, аэропорт, Кыргызстан
Өрттөнгөн прокуратуранын имараты. Архив

Өрттөнгөн прокуратуранын ордуна эмнеге шаардык кеңештин имараты курулат. Жооп

84
(жаңыланган 15:35 01.12.2020)
Өрттөнгөн прокуратуранын ордуна кээ бир ишкерлер мейманкана, башкалары кеңселер үчүн имарат, дагы башкалары сквер салууга аракет кылган.

БИШКЕК, 1-дек. — Sputnik. 2022-жылы прокуратуранын өрттөнгөн имаратынын ордуна Бишкек шаардык кеңеши менен муниципалдык кызматтар жайгаша турган имарат пайда болот. Бул туурасында Бишкектин шаар башчысынын милдетин аткаруучу Балбак Түлөбаев Sputnik Кыргызстандын маалымат борборундагы брифингде билдирди.

Эске салсак, социалдык тармакта мэриянын Бишкек шаардык кеңеши жана бир катар муниципалдык кызматтар үчүн эки блоктон турган имаратты прокуратуранын өрттөнгөн имаратынын ордуна тургузуу демилгесин сындап жатышат.

Түлөбаевдин айтымына караганда, өрттөнгөн прокуратуранын ордуна кээ бир ишкерлер мейманкана, башкалары кеңселер үчүн имарат, дагы башкалары сквер салууга аракет кылган.

Исполняющий обязанности мэра Бишкека Балбак Тулобаев на брифинге в мультимедийном пресс-центре Sputnik Кыргызстан.
© Sputnik / Табылды Кадырбеков
Бишкектин шаар башчысынын милдетин аткаруучу Балбак Түлөбаев
"Ал бурчтагы жер кичинекей болгондуктан сквер жасаганга болбойт. Анан да мэрияга кирип карап көрсөңөр, бир кабинетте жети-сегиз киши отурат. Ушундай кантип болсун. Шаардык кеңеш менен фракциялардын кантип иштеп жаткандыгын көрсөңөр. Биздин кызматтар шаардын ар кайсы жеринде жайгашкан, Жер ресурстары боюнча башкармалык жер төлөдө отурат. Мэриянын артына имарат куралы деп, бирок ал жердеги скверге тийбөөнү чечтик", — деди Түлөбаев.

Ал жаңы имараттын бир бөлүгүнө шаардык кеңеш, ал эми бир жагына муницалдык кызматтар жайгашарын айтты. Ал эми азыр алар отурган кеңселер ижарага берилиши мүмкүн.

"Эки вариант бар — имаратты толугу менен алып салып, жаңысын курабыз же оңдоп чыгабыз. Муну азыр адистер карап жатышат. Эки-үч жылдын ичинде чыгымдалган каражатты кайтарабыз. Түшүнсөңүздөр, биздин кызматкерлер да кадыресе шартта иштеп, шаарга кызмат кылышы керек да. Антпесе майнап жок болууда", — деп жооп берди мэрдин милдетин аткарып жаткан аткаминер.

Ал долбоорлоого каражат бөлүнгөндүгүн жана жакында сынак жарыяланарын айтты. Бир нече айдан кийин жаңы тендер жарыяланып, же курулуш, же оңдоо иштери башталмакчы. Имаратты эң узак дегенде 2022-жылдын жазында бүтүрүшөт.

84
Белгилер:
имарат, Башкы прокуратура, шаардык кеңеш, Балбак Түлөбаев, Бишкек, Кыргызстан
Тема боюнча
Балбак Түлөбаев: апрелден кийин мэрлик кызматка барбайм
ТЭЦтин алдындагы үйлөр. Архивдик сүрөт

Балбак Түлөбаев жаңы конуштардагы жерлерди мыйзамдаштырып кетерин айтты

432
(жаңыланган 13:31 01.12.2020)
Калаа башчынын милдетин аткаруучу апрель-майга чейин калаада чоң өзгөртүүлөрдү жасоого жетишпей турганын айтып, бирок маанилүү тапшырмаларды бүтүрүп кетерин убадалады.

БИШКЕК, 1-дек. — Sputnik. Мэрдин милдетин аткаруучу Балбак Түлөбаев мөөнөтү аяктагыча жаңы конуштардагы жерлерди мыйзамдаштырып кетерин Sputnik Кыргызстан агенттигинин мультимедиалык борборунда өткөн онлайн-брифингде билдирди. 

Исполняющий обязанности мэра Бишкека Балбак Тулобаев на брифинге в мультимедийном пресс-центре Sputnik Кыргызстан.
© Sputnik / Табылды Кадырбеков
Мэрдин милдетин аткаруучу Балбак Түлөбаев

Түлөбаев апрелге чейин гана иштей турганын айтып, бул аралыкта калаада чоң өзгөртүүлөрдү жасоого жетишпей каларын белгиледи.

"Мен бул кызматта апрель-майга чейин эле отурам. Ага чейин жасап, бүтүрүп кетчү бир топ тапшырмаларым бар. Алардын бири - жаңы конуштардагы жерлерди мыйзамдаштыруу. Мындан сырткары, автобус көйгөйүн чечип, структуралык өзгөртүүлөрдү жасайм. Жерлерди инвентаризация кылып да жетишишибиз керек. Эң башкы тапшырма — элди кыштан, коронавирустан аман-эсен алып чыгуу", — деди калаа башчынын милдетин аткаруучу.

Түлөбаев Бишкекти ТЭЦ-2 районун көздөй чоюу маселесин карап чыгуу боюнча премьер-министрдин милдетин аткаруучу Артем Новиков тапшырма бергенин айтып, бул тема дагы талкуулана турганын белгиледи.

432
Белгилер:
тапшырма, жер, мэрия, Балбак Түлөбаев
Тема боюнча
Түлөбаев: Бишкекке каналдардын үстүнөн өткөн метро салсамбы деп ойлогом...
Бактын аяздуу бутактары

Жыл аяктаарда ызгаар суук болобу? Декабрга карата аба ырайы

0
Өлкөнүн дээрлик бардык аймактарында аба ырайы климаттык норманын чегинде болмокчу. Жаан-чачын дагы айлык нормасынан ашпайт.

БИШКЕК, 2-дек. — Sputnik. Кыргызстан боюнча декабрь айынын аба ырайын алдын ала билдирген синоптиктер адаттагыдан айырмаланган көрүнүштөр болбостугун айтты. Анткен менен өлкөнүн тоолуу аймактарында сууктун күчү 34 градуска чейин жетери кабарланды.

Среднемесячная температура по Кыргызстану в декабре 2020 года
© Фото / Кыргызгидромет
Кыргызстандагы 2020-жылдын декабрьда орточо айлык температурасы

Чүй облусунда жалпы жонунан суук 16 градуска чейин түшүп, ал эми жылыганда 2 градуска көтөрүлөт. Ал эми Таласта жалпы жонунан суук 18 градуска жетет. Ош, Жалал-Абад жана Баткен облустарында жаан-чачын нормадан арбын болушу күтүлүүдө. Көл кылаасында жылуулук 8 градустан ашпайт. Ал эми Теңир-Тоодо сууктун күчү декабрда -20…-25 градуска жетери айтылды.

Световая карта среднемесячного количества осадков по Кыргызстану в декабре 2020 года
© Фото / Кыргызгидромет
Кыргызстандагы 2020-жылдын декабрьда орточо айлык жаан-чачын

Чүй облусу

Абанын айлык орточо температурасы боюнча алганда -1…-3°, тоо этектеринде жана Кемин өрөөнүндө -4…-6° болушу күтүлөт.

Ай ичинде абанын температурасы түнкүсүн -3°…+2 градустан -5…-10 градуска чейин болору айтылды. Ал эми күндүз -2°…+3°, +7…+12 градуска чейин өзгөрүлүп турат.

Кээ бир күндөрү абанын температурасы түнкүсүн -11…-16, түндүк тарапта -15…-20, күндүз -3…-8 градуска чейин төмөндөшү мүмкүн.

Кемин өрөөнүндө жана тоо этектериндеги райондордо абанын температурасы түнкүсүн -3… -8, күндүз +1…+6 градустун тегерегинде болушу күтүлөт.

Кээ бир күндөрү абанын температурасы -12…-17, күндүз -4…-9 градус болору айтылды.

Жаан-чачындын айлык көлөмү нормага жакын, тоо этектериндеги райондордо нормадан арбын болушу күтүлөт.

Талас облусу

Абанын айлык орточо температурасын алганда -2…-4° суук болушу күтүлөт.

Ай ичинде абанын температурасы түнкүсүн -4 …+1 градустан, -6…-11ге чейин, күндүз -3 ... +2 градустан +6…+11 градуска чейин өзгөрүп турат. Кээ бир күндөрү түнкүсүн -13…-18, күндүз -4…-9° болору айтылды.

Жаан-чачындын айлык көлөмү нормага жакын болушу күтүлөт.

Ош облусу

Абанын айлык орточо температурасы 0…+2° жылуу, тоо этектериндеги райондордо -1…-3 суук болушу күтүлөт.

Ай ичинде абанын температурасы түнкүсүн -3…-8ден -1…+4° жылуу болсо, күндүз термометр 0…+5 градустан +7…+12° чекке чейин көрсөтүп турат деп болжолдонду.

Тоо этектериндеги райондордо ай ичинде абанын температурасы түнкүсүн -3 …+2 градустан -4…-9га чейин өзгөрүлүп турушу күтүлөт. Кээ бир түндөрү -10…-15 градуска чейин төмөндөшү мүмкүн. Күндүз -4...+1 жылуулуктан +5…+10 градуска чейин өзгөрүлүп турат.

Жаан-чачындын айлык көлөмү нормага жакын, тоо этектериндеги райондордо нормадан арбын болору айтылды.

Жалал-Абад облусу

Абанын айлык орточо температурасы 0…+2°, тоо этектериндеги райондордо 0…-2° болушу күтүлөт.

Ай ичинде абанын температурасы түнкүсүн -3…-8 градустан -1…+4 градуска чейин болот. Күндүз 0…+5тен +7…+12 градус жылуулукка чейин өзгөрүлүп турары айтылды.

Тоо этектериндеги райондордо ай ичинде абанын температурасы түнкүсүн -3 …+2ден -4…-9 градуска чейин өзгөрүлүп турушу күтүлөт. Кээ бир түндөрү -10…-15ке чейин төмөндөшү мүмкүн. Күндүз -4 …+1ден жогорулап, +5…+10° чейин өзгөрүп турат.

Токтогул районунда ай ичинде абанын температурасы түнкүсүн -3…+2ден -5…-10 градуска чейин, күндүз 0…-5тен +2…+7 градуска чейин өзгөрүлүп турат.

Жаан-чачындын айлык көлөмү нормадан жогору болот.

Баткен облусунда

Абанын айлык орточо температурасы 0…+2 жылуу, тоо этектериндеги райондордо 0…-2 градус болушу күтүлөт.

Ай ичинде абанын температурасы түнкүсүн -3…-8ден -1 …+4 градуска чейин, күндүз 0…+5тен +7…+12 градуска чейин чыгышы мүмкүн.

Тоо этектериндеги райондордо ай ичинде абанын температурасы түнкүсүн -3 …+2ден -4…-9 градуска чейин өзгөрүлүп турушу күтүлөт. Кээ бир түндөрү -10…-15ке чейин төмөндөшү мүмкүн. Күндүз -4 …+1ден жогорулап, +5…+10 градуска чейин өзгөрүп турары айтылды.

Жаан-чачындын айлык көлөмү нормага жакын, тоо этектериндеги райондордо нормадан арбын болушу күтүлөт.

Ысык-Көл облусу

Көл кылаасында жылуулук 8 градустан ашпайт.

Абанын айлык орточо температурасы 0…-2, чыгышында -3…-5 градус болушу күтүлөт.

Ай ичинде абанын температурасы түнкүсүн -1…-6дан -7…-12 градуска чейин өзгөрөт. Ал эми күндүз +3…+8 градустун тегерегинде болушу күтүлөт. Бирок кээ бир күндөрү 0…-5° көрсөткүчкө чейин төмөндөй турганы айтылды.

Жаан-чачындын айлык көлөмү нормага жакын болушу күтүлөт.

Нарын облусу

Абанын айлык орточо температурасы -10…-12, Кочкор районунда -7…-9° суук болушу күтүлөт.

Ай ичинде абанын температурасы түнкүсүн -5…-10дон тарта -14…-19 градуска чейин, күндүз -2 …+3төн -4…-9 градус суукка чейин өзгөрүлүп турары айтылды. Кээ бир күндөрү түнкүсүн -20…-25 градус, күндүз -11…-16 градуска жете төмөндөшү мүмкүн.

Жаан-чачындын айлык көлөмү нормага жакын болушу күтүлөт.

Алай өрөөнү

Бул аймакта аталган айда плюс деген көрсөткүчтү жолуктурууга болбой турганын синоптиктер билдирди.

Абанын айлык орточо температурасы -12…-14° болушу күтүлөт.

Ай ичинде абанын температурасы түнкүсүн -9…-14төн тарта -15…-20° суукка чейин өзгөрүлүп турарын кабарлашты. Кээ бир түндөрү -23…-28 градуска чейин төмөндөшү мүмкүн. Күндүз -3…-8ден тарта -9…-14° суук болот.

Жаан-чачындын айлык көлөмү нормага жакын болушу күтүлөт.

Чаткал өрөөнү

Бул аймакта да плюс деген көрсөткүчтү жолуктурууга болбостугун төмөнкү маалыматтан окууга болот.

Абанын айлык орточо температурасы -10…-12° болушу күтүлөт.

Ай ичинде абанын температурасы түнкүсүн -5…-10дон тарта -14…-19° болуп өзгөрүлүп турат. Кээ бир түндөрү -21…-26 градуска чейин төмөндөшү мүмкүн. Күндүз -2…-7ден баштап -8…-13° суукка чейин өзгөрүлүп турушу күтүлөт.

Жаан-чачындын айлык көлөмү нормага жакын болот.

Суусамыр өрөөнү

Аталган өрөөндө эң төмөнкү көрсөткүч түнкүсүн, тагыраагы, -34 градуска жетери айтылды.

Абанын айлык орточо температурасы климаттык нормадан 1 градус жогорулайт да, -14…-18° болушу күтүлөт.

Ай ичинде абанын температурасы түнкүсүн -10…-15тен тарта -18…-23 градуска чейин, күндүз -2…-7ден баштап -10…-15° болуп өзгөрүп турушу күтүлөт. Кээ бир учурда түнкүсүн -29… -34 градуска, күндүз -16…-21 градуска чейин төмөндөйт.

Жаан-чачындын айлык көлөмү нормага жакын болот.

0
Белгилер:
кыш, аба ырайы, Кыргызстан
Тема боюнча
Эртең мененки жана күндүзгү Бишкектин чочуткан көрүнүшү. Видео
Фотофакт: өпкө илдетин чакырган Бишкектин кир абасы