Бензин куючу жай. Архивдик сүрөт

"Финполдун бензинди жетишсиз куюу боюнча ири иликтөөсү" аттуу маалымат жыйын

45
(жаңыланган 17:25 05.02.2020)
Иш-чара 6-февраль күнү саат 11:00дө Sputnik Кыргызстан агенттигинин мультимедиалык маалымат борборунда өтөт. Маалымат жыйында Экономикалык кылмыштуулукка каршы мамлекеттик кызматынын ири иликтөөсү жөнүндө сөз болот.

Катышуучулар Бишкектин кайсы май куюучу жайларында бензинди жеткирбей куюп, сапатсыз май сатышарын айтып беришет. Ошондой эле Финпол менен башка мамлекеттик органдар кандай чара көрүшөрү тууралуу маалымат берилет.

Катышуучулар:

  • АЛИЕВ Рамис Алиевич — Финполдун борбордук аппаратынын өкүлү;
  • МАМБЕТОВ Айбек Кубанычбекович — Финполдун борбордук аппаратынын тергөөчүсү;
  • Жогорку Кеңештин депутаттары;
  • ЖУКУШЕВ Төрөбай Кубанычбекович — Мамлекеттик экологиялык жана техникалык көзөмөл инспекциясынын Метрологиялык көзөмөл башкармалыгынын башкы инспектору;
  • НУРМАТОВ Болотбек Асанович — Бишкектеги текшерип көрүү, метрология жана сертификациялоо борборунун жетекчисинин орун басары.

Sputnik Кыргызстан агенттигинин мультимедиалык маалымат борборунун дареги: Бишкек шаары, Эркиндик проспектиси, 46 (Чүй проспектиси менен кесилишет). ЖМКларды каттоо жеринен, редакциялык күбөлүк менен жүргүзүлөт.

Маалымат борбордо боло турган иш-чара тууралуу кошумча маалыматты +996 312 98-60-27, +996 312 98-69-47 телефондору аркылуу алсаңыздар болот.

Sputnik Кыргызстан агенттигинин мультимедиалык маалымат борборунун анонсторун алып туруу үчүн a.valiev@sputniknews.com дарегине жазыңыз.

45
Белгилер:
маалымат жыйын, май куюучу бекет, Бишкек, Кыргызстан
Садыр Жапаров. Архивдик сүрөт

Эмне үчүн Жапаров ырайым берген 230 кишинин тизмеси жарыяланбайт. Расмий жооп

1040
(жаңыланган 12:47 04.12.2020)
Садыр Жапаров президенттин милдетин аткарып жаткан учурда абакта жаткан 230 адамга ырайым кылып, эркиндикке чыгарган. Кийин ал адамдардын тизмесин жарыялоо талабы коюлган.

БИШКЕК, 4-дек. — Sputnik. Эмне себептен ошол кездеги президенттин милдетин аткаруучу Садыр Жапаровдун Жарлыгы менен ырайым алган 230 соттолуучунун тизмеси жарыяланган эмес? Бул суроого КР президентине караштуу ырайым кылуу маселелери боюнча комиссиянын катчылыгынын адиси Светлана Бондарева түшүндүрмө берди. 

Эксперт секретариата комиссии по вопросам помилования при президенте Светлана Бондарева в мультимедийном пресс-центре Sputnik Кыргызстан.
© Sputnik / Табылды Кадырбеков
КР президентине караштуу ырайым кылуу маселелери боюнча комиссиянын катчылыгынын адиси Светлана Бондарева

Ал Sputnik Кыргызстан агенттигинин мультимедиалык маалымат борборунда өткөн "Садыр Жапаров кимге ырайым кылды? 230 соттолуучунун бошотулушу" аттуу брифингге катышты.

"Бул жашыруун маалымат. Бирөөлөр тууралуу жеке маалыматтарды ачыкка чыгара албайбыз. Жарлык өзү президенттин сайтына жарыяланат", — деди ал.

Ошондой эле Бондарева мыйзам боюнча президент кайсы гана соттолуучу болбосун, ага ырайым берүүгө укуктуу экенин кошумчалады.

Садыр Жапаров президенттин милдетин аткарып жаткан учурда абакта жаткан 230 адамга ырайым кылып, эркиндикке чыгарган. Кийин ал адамдардын тизмесин жарыялоо талабы коюлган.

1040
Белгилер:
абак, мыйзам, тизме, сот, Садыр Жапаров
Тема боюнча
Киши кайсы берене менен кесилсе да президент ырайым кыла алат. Эксперттин пикири
Түрмөдө отурган киши. Архивдик сүрөт

Киши кайсы берене менен кесилсе да президент ырайым кыла алат. Эксперттин пикири

53
(жаңыланган 12:44 04.12.2020)
Эксперттин айтканына караганда, ырайым кылуу боюнча маселени алып чыгууда айып коюлган беренеден сырткары кылмышкердин ким экендиги да каралат.

БИШКЕК, 4-дек. — Sputnik. Мыйзам боюнча, президент кесилген кандай гана киши болбосун ырайым кыла алат. Бул туурасында президенттин алдындагы ырайым кылуу боюнча комиссиянын катчысынын эксперти Светлана Бондарева билдирди. Ал Sputnik Кыргызстандын мультимедиалык борборунда өткөн "Садыр Жапаров кимге ырайым кылды — абактагы 230 адамдын акталышы боюнча" деген аталыштагы брифингге катышты. 

Эксперт секретариата комиссии по вопросам помилования при президенте Светлана Бондарева в мультимедийном пресс-центре Sputnik Кыргызстан.
© Sputnik / Табылды Кадырбеков
Президенттин алдындагы ырайым кылуу боюнча комиссиянын катчысынын эксперти Светлана Бондарева

Анын билдиргенине караганда, ырайым кылуу боюнча маселени алып чыгууда айып коюлган беренеден сырткары кылмышкердин ким экендиги да каралат.

"Ырайым кылуу президенттин конституциялык укугу. Ал ар бирөөнө – киши өлтүргөн же ууру кылган адамга да ырайым кыла алат. Кылмыш ар кандай болушу мүмкүн, сунуштама менен ар бир эле адам кайрылышы да мүмкүн. Комиссия мамлекетке жардам берүү үчүн иштейт, тагыраагы, камалган адам боюнча берилген сунуштаманы бир канча критерийлерге таянып карайт", — деп түшүндүрдү Бондарева.

Эксперт ырайым кылуу менен мунапыстын айырмасын түшүндүрүп берди.

"Мунапыс — президент кол койгон мыйзам. Ага кирип калган адамдар болот. Мунапыска тиешелүү бир мөөнөт каралат. Ал эми ырайым кылуу ар дайым "иштейт". Мындайча айтканда, киши сунуштамага кайсы учур болбосун туш келип калышы мүмкүн. Кечигип, ага кирбей калдым деген нерсе жок ", — деди ал.

Контекст

Күзүндө президенттин милдетин аткарып жатканда Садыр Жапаров Жарлыкка кол коюп, анын негизинде абактан 230 киши бошотулган. 38 адамдын түрмөдө отуруу мөөнөтү кыскартылган. Буга чейин Жапаров абакта адилетсиз отургандарга ырайым кылууга даяр экендигин билдирген эле. Анын айтымына караганда, күнөөсүз адамдар тартип коргоо органдарынын айынан темир тордун ары жагына кирип калууда.

53
Белгилер:
адам, кесилгендер, аба ырайы, абак, Садыр Жапаров, Кыргызстан
Тема боюнча
Соттолгондорго ырайым берүү боюнча президенттин маалымат катчысы үн катты
Мурдагы премьер-министр Кубатбек Боронов. Архивдик сурөт

Коронавирус жуктурган Боронов реанимацияда, бирок абалы туруктуу

0
(жаңыланган 00:08 06.12.2020)
Буга чейин эле Бороновдун реанимацияда дарыланып жатканы айтылып, бирок экс-өкмөт башчынын жардамчысы маалыматты четке каккан.

БИШКЕК, 6-дек. — Sputnik. Мурдагы премьер-министр Кубатбек Боронов реанимациялык блокто жатат, бирок анын абалы туруктуу жана өмүрүнө коркунуч жок. Бул тууралуу Sputnik кабарчысына мурунку өкмөт башчынын жардамчысы Руслан Турдумамбетов кабарлады.

Эске салсак, буга чейин эле 3-декабрда саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан. Бирок анда Турдумамбетов Боронов коронавирустан дарыланып, реанимацияда эмес кадимки палатада жатканын билдирген

"Кубатбек Айылчиевичке коронавирус диагнозу коюлган, сатурациясы жакшы, дене табы 36,5-37 градус. Өмүрүнө эч нерсе коркунуч келтирбейт. Ал жандандыруу бөлүмүндө, бирок абалы туруктуу. Мен аны менен бүгүн сүйлөштүм, бардыгы жакшы", — деди Турдумамбетов.

Ал 23:00гө чукул эле сүйлөшкөнүн белгиледи.

Эскерте кетсек, Боронов өкмөттү 2020-жылдын июнь айынан тарта жетектеген, ага чейин вице-премьерликти аркалаган. Октябрь окуяларынан кийин отставкага кеткени маалым.

0
Белгилер:
реанимация, абал, оору, коронавирус, Кубатбек Боронов
Тема:
Коронавируска байланыштуу Кыргызстандагы кырдаал
Тема боюнча
Сооронбаев: сасык тумоо менен коронавирусту айырмалоо өтө кыйын экен