Бишкекте жолдо бараткан маршрутка. Архивдик сүрөт

Мэрия: Бишкектеги маршрутка айдоочулары иш таштаса лицензиялары алынат

268
(жаңыланган 14:23 15.01.2021)
Буга чейин айдоочулар күйүүчү май, тетиктер кымбаттаганына байланыштуу жол кире акысын жогорулатууну суранышкан.

БИШКЕК, 15-янв. — Sputnik. Маршрутка айдоочулары иш таштай турган болсо Бишкек мэрия ташып жеткирүүчү компаниялардын лицензиясын чакыртып алууну суранып Транспорт министрлигине кайрылат. Бул тууралуу Шаардык транспорт башкармалыгынын жетекчисинин орун басарынын милдетин аткаруучу Улан Бейшенбаев билдирди. 

Координатор по вопросам транспорта мэрии Бишкека Улан Бейшенбаев на пресс-конференции в мультимедийном пресс-центре Sputnik Кыргызстан
© Sputnik / Табылды Кадырбеков
Шаардык транспорт башкармалыгынын жетекчисинин орун басарынын милдетин аткаруучу Улан Бейшенбаев

Ал Sputnik агенттигинин мультимедиалык борборунда өткөн маалымат жыйынга катышты.

Буга чейин Бишкектеги маршруттук микроавтобустардын айдоочулары коомдук транспорттогу жол кире акысын көбөйтүүнү талап кылышкан. Эгер андай болбой турган болсо ишти токтотуп митингге чыгышарын айтышкан.

"Мэрия коомдук транспорттун жол кире акысын көтөрүү маселесин караган жок. Эгер айдоочулар иш таштай турган болушса, биз Транспорт жана жолдор министрлигине кайрылып, айдоочулардын лицензиясын алуу маселесин карайбыз", — деди Бейшенбаев.

Буга чейин мэриянын маалымат кызматы Бишкекте маршрутка айдоочуларынын койгон талаптарын караган жумушчу топ түзүлгөнүн кабарлаган. Айдоочулар күйүүчү май, тетиктер кымбаттаганына байланыштуу жол кире акысын жогорулатууну суранышкан.

268
Белгилер:
жол кире, айдоочу, маршрутка, Бишкек мэриясы
Тема боюнча
Мэрия инвесторлорду Бишкектеги жаңы каттамга автобус сатып берүүгө чакырат
Мэрия: шаардын түштүгүнө парк, Көк-Жар конушуна мектеп курулат
Биринчи класстын окуучусу. Архив

Министрлик: балдарын мектепке киргизе албай калгандарга комиссия жардам берет

68
(жаңыланган 15:46 26.02.2021)
Министрдин орун басары түзүлгөн комиссиялар жашаган жери боюнча юридикалык себептерден улам балдарын мектепке киргизе албай калгандардын маселесин чечип берүүгө аракет кыларын белгиледи.

БИШКЕК, 26-фев. — Sputnik. Билим берүү жана илим министринин орун басары Надира Жусупбекова Sputnik Кыргызстан агенттигинин маалымат борборунда өткөн тегерек столдо баланы 1-класска электрондук каттоо маалында жаралган көйгөйлөр боюнча суроолорго жооп берди.

Заместитель министра образования и науки КР Надира Джусупбекова во время круглого стола в мультимедийном пресс-центре Sputnik Кыргызстан
© Sputnik / Табылды Кадырбеков
Билим берүү жана илим министринин орун басары Надира Жусупбекова

Анда кабарчы министрдин орун басарына 15-февралда системадагы кемчиликтер тууралуу айтып, эмне себептен система иштей баштаган күнү эле айрым мектептерде орун толуп калганын сураган. Ошондой эле муну ата-энелер коррупция менен байланыштырганын кошумчалаган.

Жусупбекова мындай көйгөй менен бир нече ата-эне кайрылганын айтып, бирок ал коррупцияга эч тиешеси жок экенин белгиледи.

"Бул техникалык жактан кеткен ката. Ата-энелер платформага балдарын мектепке каттоо үчүн киргенде айрым мектептер системадан чыкпай калган учурлар кездешкен. Аны ошол эле күнү оңдошкон. Азыр адистер келип чыккан кемчиликти анализдеп жатышат", — деди ал.

Министрдин орун басары баланы мектепке киргизүү боюнча ата-энелердин арыздарын карап чыгуу үчүн ар бир райондо атайын комиссиялар уюштурулганын кошумчалады.

Анын айтымында, комиссия жашаган жери боюнча юридикалык себептерден улам мектепке балдарын киргизе албай калгандардын маселесин чечип берүүгө аракет кылат.

Эске салсак, электрондук каттоо долбоору өлкөнүн Бишкек, Ош, Кара-Балта, Кызыл-Кыя, Жалал-Абад шаарларында эки жылдан бери иштеп, быйыл Каракол, Нарын, Талас, Баткен, Кара-Суу шаарларында иштеп жатат. Баланы 1-класска электрондук каттоо 15-августта аяктайт.

68
Белгилер:
электрондук каттоо, билим берүү, министр, мектеп, Бишкек
Тема боюнча
Баланы 1-класска электрондук каттоодон өткөрүү. Видео түшүндүрмө
1-класска барчу баланы электрондук каттоодон кантип өткөрүү керек? 8 эреже
Айыл чарба техникасы иш учурунда. Архи

Министрдин орун басары: быйыл айыл чарба техникасынын дефицити болбойт

79
(жаңыланган 15:48 01.02.2021)
2020-жылы фермерлер 343 даана техника сатып алышкан. Министрдин орун басарынын айтымында, быйыл фермерлерди каржылоо көлөмү өсөт.

БИШКЕК, 1-фев. — Sputnik. Былтыркы жылга салыштырмалуу Кыргызстанда айыл чарба техникасы жетиштүү, 2021-жылы техника дефицити жаралбайт. Бул тууралуу айыл чарба министринин орун басары Жаныбек Керималиев билдирди. Ал Sputnik Кыргызстан агенттигинин мультимедиалык маалымат борборунда өткөн "Жаңы форматтагы жазгы талаа иштери. Айыл чарба министрлигинен эмнени күтүүгө болот" аттуу брифингге катышты.

Керималиевдин айтымына караганда, учурда айыл чарба техникасы менен жабдыктар 85 пайызга даяр болуп калды.

Заместитель министра сельского хозяйства, пищевой промышленности и мелиорации Жаныбек Керималиев на брифинге в мультимедийном пресс-центре Sputnik Кыргызстан
© Sputnik / Жоомарт Ураимов
Айыл чарба министринин орун басары Жаныбек Керималиев
"Дефицит жаралбайт деген ойдомун. Башка жылдарга салыштырмалуу быйыл техниканын саны жетиштүү. Бүгүнкү күндө айыл чарба техникасынын саны жыл сайын өсүп жатат. Себеби фермерлер лизинг аркылуу алып жатышат. 2020-жылы фермерлер 343 даана техника сатып алышты", — деди министрдин орун басары.

Ал ошондой эле быйыл фермерлерди колдоо үчүн бөлүнө турган каражаттын көлөмү өсөрүн билдирди.

"Жакында эле лизинг боюнча токтом долбоору чыкты. Финансылык колдоо дагы көбөйөт деген ойдомун. Лизингдин көлөмү айыл чарба техникасы үчүн гана эмес тамчылатып сугаруу жана кайра иштетүүгө багытталган жабдыктарды алуу үчүн дагы жогорулайт", — деди Керималиев.

Белгилей кетсек, премьер-министр кызматына талапкер Улукбек Марипов Айыл чарба, тамак-аш өнөр жайы жана мелиорация министрлигинин түзүмү өзгөртүлөрүн айткан.

79
Белгилер:
жабдык, техника, Айыл чарба жана мелиорация министрлиги, Кыргызстан
Тема боюнча
Айыл чарба министрлиги жазгы айдап-себүү иштерине канча үрөн даярдалганын айтты
Темир жол вокзалында нефть продуктуларын цистерналары. Архив

Өкмөт мунай заттарын сыртка ташып чыгууга тыюу салуу ниетинде

7
(жаңыланган 22:26 01.03.2021)
Кыргызстанда жылдын башынан тарта автоунаа майынын баасы өсүп келе жатат. Бул мезгил аралыгында бензин 14 сомго кымбаттап кеткен.

БИШКЕК, 1-мар. — Sputnik. Кыргыз өкмөтү мунай заттарын Евразиялык экономикалык биримдиктин бажы чегинен сырткары ташып чыгууга убактылуу тыюу салууну сунуштап жатат.

Бул боюнча токтом долбоору өкмөттүн сайтына жарыяланды.

Бийлик муну менен Кыргызстандагы күйүүчү-майлоочу майлардын тартыштыгын алдын алууга аракет кылууда.

Эгерде токтом долбоору кабыл алынса, ал үч күндөн соң күчүнө кирип калат. Тыюу салуу ЕАЭБдин мунай жана мунай заттары боюнча жалпы рынокторун түзгөнгө чейин уланышы мүмкүн.

2021-жылдын башынан тарта 1-мартка чейин россиялык өндүрүштөн чыккан бензиндин тоннасы 300 доллардан 500 долларга чейин өскөн. Кымбаттоо 67 пайызды түзүп, орточо эсеп менен алганда күйүүчү майдын литрине 14 сомдон туура келген. Дизель майдын тоннасы 360 доллардан 470ке чыккан. Пайыздык көрсөткүч менен эсептей келгенде 14 болгон. Бул литрине сегиз сом дегенди билдирет.

7
Белгилер:
кымбаттоо, Зат, мунай, Евразиялык экономикалык биримдик, Кыргызстан
Тема:
ЕАЭБдеги Кыргызстан
Тема боюнча
ЕАЭБ чек арасында ветеринардык, фитосанитардык көзөмөл жүргүзүүгө тыюу салынды
Кыргызстан мамлекеттик карыздан кутулууга үч жылда 123 млрд. сом жумшайт