Ресторан. Архив

"ЖК той менен тажиянын шартын катаалдатууну көздөөдө. Коом даярбы?" тегерек столу

46
(жаңыланган 10:02 27.05.2021)
Иш-чара 27-май күнү саат 11:00дө Sputnik Кыргызстан агенттигинин маалымат борборунда онлайн-форматта өтөт. Түз эфир Sputnik редакциясынын Facebook баракчасы аркылуу көрсөтүлөт.

Кыргызстанда той, маараке, куран окутуу сыяктуу иш-чараларды тартипке келтирип, айрым чектөөлөрдү киргизүү пландалып жатат. Жогорку Кеңештин сайты аркылуу "Үлпөт той, маараке салтанаттарын, көмүү ырым-жырымдарын жана маркумдун элесине арналган иш-чараларды өткөрүүнү тартипке келтирүү жөнүндө" мыйзам долбоору коомдук талкууга коюлган.

Демилгечилердин түшүндүрмөсүнө караганда, акыркы жылдары мындай иш-чараларды өткөрүүдө мактануу, өзүн көрсөтүү, ашыкча коромжулук сыяктуу терс көрүнүштөр жана кемчиликтер кездешүүдө. Мындан тышкары, айрым жарандар мындай иш-чараларды өткөрүү үчүн каражатты карызга алып, төлөп бериш үчүн миграцияга кетип жатышат. Ошондой эле кошуналар жана туугандар тарабынан сын-пикирден кутулуунун бирден-бир жолу катары кабыл алууда.

Тегерек столдун катышуучулары:

  • Мозгачева Виктория Андреевна — вице-мэр;
  • Ормонов Улукбек Зулпукарович — Жогорку Кеңеш депутаты, мыйзамдын демилгечиси;
  • Токтогазы уулу Бактияр — Кыргызстан мусулмандар дин башкармалыгынын фатва бөлүмүнүн адиси;
  • Мураталиев Мелис Казакбаевич — кыргыз таануучу;
  • Ниязов Келдибек — КР эл артисти;
  • Ороскулов Адилет Мусаевич — Маданият, маалымат, спорт жана жаштар саясаты министрлигинин Маданиятты өнүктүрүү башкармалыгынын адиси.
46
Белгилер:
чектөө, демилге, мыйзам долбоору, тажия, той, Жогорку Кеңеш
Бульдозер жер көчкү жүргөн жерде. Архив

Сел, жер көчкү... Өлкөдө 3000ден ашык үй-бүлө кооптуу аймакта жашайт

49
(жаңыланган 11:35 22.06.2021)
ӨКМ өкүлү быйыл сел менен жер көчкүнүн түшө турчу убактысы өтүп баратканын, суу аз болгонуна байланыштуу тобокелдиктер да көп болбогонун кошумчалады.

БИШКЕК, 22-июн. — Sputnik. Кыргызстанда үч миңден ашык үй-бүлө кооптуу аймактарда жашайт. Бул тууралуу ӨКМдин Жарандык коргонуу жана авариялык-куткаруучу иштер башкармалыгынын жетекчиси Ырыспек Жолдошбаев билдирди.

Ал Sputnik Кыргызстан агенттигинин мультимедиалык маалымат борборунда өткөн брифингде сүйлөп жатып өлкөдө сел жана жер көчкү жүрө турчу 4 миңден ашык кооптуу аймак бар экенин белгиледи.

Начальник Управления гражданской защиты и аварийно-спасательных работ МЧС Ырыспек Жолдошбаев на брифинге в пресс-центре Sputnik Кыргызстан
© Sputnik / Асель Сыдыкова
ӨКМдин Жарандык коргонуу жана авариялык-куткаруучу иштери башкармалыгынын жетекчиси Ырыспек Жолдошбаев
"Ал жактарда 3 миңден ашуун үй-бүлө жашайт, аларга жыл сайын башка жакка көчкүлө деп айтып келебиз", — деди Жолдошбаев.

Адис быйыл сел менен жер көчкүнүн убактысы өтүп баратканын, суу аз болгонуна байланыштуу тобокелдиктер да көп болбогонун кошумчалады.

49
Белгилер:
аймак, Жер көчкү, сел, ӨКМ, Кыргызстан
Тема боюнча
Кыргыз-тажик чек арасындагы жаңжал. Чыгымдын так суммасы жарыяланды
Лейлек районунун Арка айылындагы талкаланган үйлөр. Архив

Кыргыз-тажик чек арасындагы жаңжал. Чыгымдын так суммасы жарыяланды

536
(жаңыланган 20:00 21.06.2021)
11-майда Баткен облустук ички иштер башкармалыгынын башчысынын орун басары Марат Хажиматов Лейлек районунун тургундары 1 миллиард 457 миллион 837 миң сом чыгымга учураганын билдирген. Бирок ал так эмес сумма болуп чыкты.

БИШКЕК, 21-июн. — Sputnik. Кыргыз-тажик чек арасындагы жаңжалдын айынан кыргыз тарап 1 миллиард 305 миллион сом чыгымга учураган. Бул тууралуу ӨКМдин Жарандык коргонуу жана авариялык-куткаруучулар башкармалыгынын жетекчиси Ырыспек Жолдошбаев билдирди.

Ал Sputnik Кыргызстан агенттигинин мультимедиалык маалымат борборунда өткөн брифингде сүйлөп жатып чек арадагы жаңжалда 220 объект, 138 үй талкаланганын кабарлады.

Начальник Управления гражданской защиты и аварийно-спасательных работ МЧС Ырыспек Жолдошбаев на брифинге в пресс-центре Sputnik Кыргызстан
© Sputnik / Асель Сыдыкова
ӨКМдин Жарандык коргонуу жана авариялык-куткаруучулар башкармалыгынын жетекчиси Ырыспек Жолдошбаев
"Материалдык чыгым 1 миллиард 305 миллион сомду түздү", — деди подполковник.

Эске салсак, 11-майда Баткен облустук ички иштер башкармалыгынын башчысынын орун басары Марат Хажиматов Лейлек районунун тургундары 1 миллиард 457 миллион 837 миң сом чыгымга учураганын билдирген.

Бирок ӨКМдин өкүлү анын берген маалыматы так эмес экенин белгиледи.

"Биздин маалымат так. Комиссиянын мүчөлөрү кол койгон акт дагы бар. 1 миллиард 305 миллион сом — бул акыркы жыйынтык", — деди ал.

536
Белгилер:
чыгым, Жаңжал, чек ара, Тажикстан, Кыргызстан
Тема:
Баткендеги кыргыз-тажик жаңжалы
Тема боюнча
Тажикстан тарап аткылаган Максаттагы мектепти калыбына келтирип жатышат. Сүрөт
Кыргыз Республикасынын эмгек сиңирген артисти, Композиторлор союзунун төрагасы Турдубек Чокиев

Чокиев: убакыттын өтүшү менен залкарлардын заманы кайтып келет

0
(жаңыланган 12:17 24.06.2021)
Кыргыз Республикасынын эмгек сиңирген артисти, Композиторлор союзунун төрагасы Турдубек Чокиев классикалык музыкага болгон муктаждык убактылуу эместигин белгиледи.

Шоу-бизнес күнүмдүк, негизги максаты — элдин көңүлүн тартып каражат чогултуу. Ал эми классикалык музыкалар түбөлүктүү. Мындай пикирин Турдубек Чокиев Sputnik Кыргызстан радиосунда маек куруп жатып билдирди.

Чокиев: убакыттын өтүшү менен залкарлардын заманы кайтып келет

Анын айтымында, убакыт өткөн сайын классикалык музыканы угууга зарылчылык жаралышы ыктымал.

"Классика деген сөздүн өзү түбөлүктүү деген маанини берет. Жөнөкөй эле мисал келтирейин. Классикалык костюм-шым, галстук эбактан бери актуалдуулугун жоготпой келе жатат. Музыка дагы ошондой эле. Мода кубалагандар бүгүн жылтырак, эртең ич кийимчен чыгып калышы мүмкүн. Бирок ал утурумдук, жаңы мода менен кайра өзгөрүүлөр болот. Шоу-бизнес деле ошол сыяктуу, түбөлүктүү эмес. Ошондон улам анын негизги максаты — элдин көңүлүн буруп каражат табуу. Ал эми классикалык музыка түбөлүктүү. Белгилей кетчү жагдай, заман ушундай болот экен, залкарлар топ-тобу менен келип, кетишет. Мисалы, Калый Молдобасанов, Чыңгыз Айтматов сыяктуу залкарлар замандаш болушкан. Андан кийин ортодо кандайдыр бир боштук пайда болуп, классикалык чыгармалар экинчи планга түшүп калды. Кийин убакыттын өтүшү менен карлыгачтай болуп залкарлардын заманы кайтып келет. Ошол учурда классикалык чыгармаларды угууга зарылчылык жаралып, ошол нерсе модага айланып калышы ыктымал", — деди Чокиев.

Композитор учурда маалыматтын көптүгүнөн кыска, кичирээк чыгармаларга муктаждык күч болуп калганын белгилеп, ошого ыңгайлашуу зарылдыгын кошумчалады.

0
Белгилер:
мода, шоу-бизнес, музыка, Турдубек Чокиев
Тема боюнча
Интернет жылдызы Атамбаев: мурда ырдап көргөн эмесмин, үнүм кийин ачылды