БИШКЕК, 18-окт. — Sputnik. Sputnik маалымат агенттиги жана радиосу БРИКС өлкөлөрү менен алдыңкы маалымат каражаттарынын ортосунда ачык маалыматтык айдың түзүүнү сунуштады.
БРИКС уюмуна мүчө өлкөлөрдүн ЖМКлары үчүн жалпы маалыматтык талаа түзүү аракети агенттиктин демилгеси менен Москвада алгачкы медиафорум өткөн октябрь айында эле башталган. Жигердүү иш-аракеттин натыйжасында Sputnik альянска мүчө мамлекеттин 11 ЖМКсы менен келишим түзүп БРИКС алкагынынын маалымат айдыңындагы алдыңкы оюнчусу болуп калды.
"Sputnik БРИКС өлкөлөрүнүн маалымат каражаттарына контент алмашуу боюнча макулдашуу түзүп, бири-бирине карата ачык маалыматтык саясат түзүү багытында иш алып барууну сунуштайт", — деди Пушков.
Sputnik (sputniknews.com) — ондогон өлкөлөрдө мультимедиялык маалыматтык хабдарга ээ маалымат агенттиги жана радио. Sputnik өзүнө сайттарды, аналогдук жана санарип радиоберүү, социалдык тармактарда баракчаларды камтыйт. Sputnik маалымат түрмөгүнө жазылгандар үчүн англис араб, испан жана кытай тилдеринде кабарлар күнү-түнү жаңыланып турат.
