Кыргызстанда биринчи жолу MUSA — 2017 сүрөт көргөзмөсү өтөт

© Sputnik / Табылды КадырбековАйт-намаз на старой площади Бишкека
Айт-намаз на старой площади Бишкека - Sputnik Кыргызстан
Жазылуу
Шаар тургундары көргөзмөдөн жергиликтүү фотографтардын, дизайнерлердин жана авторлордун эмгектери менен тааныша алышат

БИШКЕК, 2-дек. — Sputnik. Sputnik Кыргызстан агенттиги жана радиосунун фотографы Табылды Кадырбеков Кыргызстанда биринчи жолу уюштурулуп жаткан MUSA 2017 Muslim Social Artistry фото-арт көргөзмөсүндө өзүнүн эмгектерин тартуулайт.

Журналист редакции Sputnik Исмаил Мамытов - Sputnik Кыргызстан
Sputnik кабарчысы Исмаил Мамытов "жашыл экономиканы" чагылдырууда мыкты аталды
Көрүүчүлөр көргөзмөдөн жергиликтүү сүрөтчүлөрдүн, дизайнерлердин жана авторлордун эмгектери менен тааныша алышат. Иш-чарадан Кыргызстандын үч президентинин фотографы Султан Досалиев, Кыргызстандын фотожурналисттер бирикмесинин төрагасы Влад Ушаков, россиялык фотограф, "Жоолук — бул сулуулук" долбоорунун автору Элмира Исраилова, ошоной эле Sputnik Кыргызстан агенттиги жана радиосунун фотографы, эл аралык ADME Photo Awards сынагынын катышуучусу жана Стенин атындагы конкурстун онлайн добуш берүүсүнүн жеңүүчүсү Табылды Кадырбековдун эмгектери көрсөтүлөт.

Көргөзмөгө коюла турган эмгектердин темасы: "Ата-бабалардын руханий мурасы", "Дүйнө", "Кыргызстандагы ислам", "Мусулман жаштары: баалуулуктар менен артыкчылыктар", "Коопсуздук жана биримдик".

Ал эми Кадырбеков "Кыргызстандагы ислам" сериясындагы сүрөттөрүн тартуулайт.

"Кыргызстан светтик өлкө болсо да бардык динге, анын ичинде исламга урмат-сый менен мамиле жасайт. Ислам дини биздин өлкөнүн бир бөлүгү болгондуктан көргөзмөгө катышууну чечтим", — деди Кадырбеков.

Sputnik Кыргызстан 2014-жылдын декабрь айынан тарта иштей баштаган. Өлкөдө жана дүйнөдө болуп жаткан жаңылыктарды кыргыз, орус тилдеринде 24 саат бою берип турат. Ошондой эле агенттиктин радиосу жана акыркы заманбап техника менен жабдылган мультимедиалык борбору бар.

Жаңылыктар түрмөгү
0