Sputnik Кыргызстан маалымат агенттиги жана радиосунун жетекчиси Елена Череменина Ак илбирс киносыйлыгынын Мыкты сценарий номинациясы боюнча жеңүүчүнү жарыялап, Дарак ыры тасмасынын сценаристтери Айбек Дайырбеков менен Садык Шер-Ниязга сыйлык тапшырды.

Sputnik Кыргызстандын жетекчиси мыкты сценаристке "Ак илбирс" сыйлыгын тапшырды

95
(жаңыланган 10:40 27.04.2019)
Елена Череменина жыл өткөн сайын атамекендик киноиндустрия уникалдуу эмгектер менен толукталып, республикада эле эмес, чет өлкөдө да популярдуу болуп жатканына токтолду.

БИШКЕК, 26-апр. — Sputnik маалымат кызматы. Sputnik Кыргызстан маалымат агенттиги жана радиосунун жетекчиси Елена Череменина "Ак илбирс" киносыйлыгынын "Мыкты сценарий" номинациясы боюнча жеңүүчүнү жарыялап, "Дарак ыры" тасмасынын сценаристтери Айбек Дайырбеков менен Садык Шер-Ниязга сыйлык тапшырды.

Эскерте кетсек, сыйлык тапшыруу салтанаты Бишкектеги "Манас" кинотеатрында өттү.

Өз сөзүндө Череменина келген элди куттуктап, жыл өткөн сайын атамекендик киноиндустрия уникалдуу эмгектер менен толукталып, республикада эле эмес, чет өлкөдө да популярдуу болуп жатканына токтолду. 

Руководитель информационного агентства и радио Sputnik Кыргызстан Елена Череменина
© Sputnik / Табылды Кадырбеков
Sputnik Кыргызстан маалымат агенттиги жана радиосунун жетекчиси Елена Череменина

"Кыргызстан эгемендүүлүк алгандан бери КМШдагы киноиндустриясы кайрадан жанданган өлкө экендиги менен сыймыктанса болот. Саны бара-бара сапатка өтүп жатканы кубандырат. Мааниси терең, эл аралык конкурстарда оозго алынган эмгектерди жараткан жаш режиссёрлор көбөйүп бара жатат", — деди Череменина.

"Ак илбирс" улуттук киносыйлыгын тапшыруу аземи быйыл сегизинчи ирет өттү. Салтанатка белгилүү режиссёрлор, актёрлор, коомдук ишмерлер, саясатчылар, президенттик администрация менен өкмөттүн өкүлдөрү катышты.

Мындан тышкары, чет өлкөдөн да коноктор келди.

Sputnik Кыргызстан — 32 тилде жарык көргөн мультимедиалык интернет-сайттардан турган эл аралык ири ЖМКнын бир бөлүгү. Ал өзүнө дүйнөнүн 90дон ашык шаарларында жана интернетте орус, англис, француз жана башка тилдерде сүйлөгөн радиолорду камтыйт.

Ал эми Sputnik жаңылыктар түрмөгү англис, араб, испан, кытай жана фарс тилдеринде окурмандарга күнү-түнү маалымат жеткирип турат. Sputnik маалымат ресурсунун окурмандарынын саны айына 60 миллиондон ашат.

Дүйнө жүзү боюнча 22 редакцияда ондогон улуттагы миңден ашык адам эмгектенет.

Sputnik "Россия сегодня" медиатобунун курамына кирет. Башкы кеңсеси Москва шаарында.

95
Белгилер:
Елена Череменина, номинация, кино, сыйлык, "Ак Илбирс" улуттук киносыйлыгы
Тема боюнча
Иранда өтчү эл аралык кинофестивалда "Дарак ыры" көрсөтүлөт
"Дарак ыры" тасмасы Бангладештеги конкурста мыкты аталды
Маалымат жыйындагы журналисттер. Архив

Онлайн SputnikPro: COVID-19 темасын кантип мыкты чагылдыруу керек

62
(жаңыланган 01:10 25.03.2020)
Алгачкы семинарлар коронавирусту чагылдырууда ЖМКлар кандай тоскоолдуктарга учурап жатканы, бул теманы кантип туура чагылдыруу, соцтармактар жана мессенджерлер менен иштөө жолдоруна арналат.

БИШКЕК, 24-мар. —  Sputnik. SputnikPro эл аралык билим берүү долбоору 26-январь күнү саат 16:00дө (Бишкек убактысы) "Коронавирус темасын кантип мыкты чагылдыруу керек" аттуу темада өзүнүн биринчи онлайн сессиясын баштайт.

Спикерлер – микробиолог, гендик инженер, илим жайылтуучу Евгений Плисов, "Россия сегодня" эл аралык маалымат агенттигинин Башкы дирекциясынын жетекчисинин орун басары Елена Глушакова.

Микробиолог, генный инженер, популяризатор науки Евгений Плисов
© Фото / из личного архива Евгения Плисова
Микробиолог, гендик инженер, илим жайылтуучусу Евгений Плисов
Евгений Плисов МГУнун биология факультетин аяктаган жана илимий популярдуу лектор болуп эсептелет. Ал Маяк радиосундагы "Микромир" программасы, "Умная Москва" долбоорун алып барат.

Заместитель директора главной дирекции информации МИА Россия сегодня Елена Глушакова
© Фото / из личного архива Елены Глушаковой
"Россия сегодня" эл аралык маалымат агенттигинин Башкы дирекциясынын жетекчисинин орун басары Елена Глушакова

Елена Глушакова "Россия сегодня" маалымат агенттигинде 1999-жылдан бери эмгектенет. Аскерий-дипломатиялык редакцияда стажировкадан өткөн, РФ ТИМинин ишмердүүлүгүн чагылдырган, РИА Новости агенттигинин Кремлдеги пулдун корреспонденти болгон. Кийин саясий редакцияны жетектеп, 2014-жылдын аягынан тарта РИА Новости агенттигинин орус тилдүү лентасын көзөмөлдөй баштаган.

Онлайн-сессияга катышуу үчүн n.naizabekova@sputniknews.com электрондук дарегине билдирүү жөнөтүп же +996 557 991 999 номери аркылуу катталыңыз. Орундар чектелүү.

SputnikPro — өз тармагынын адистери билими, иш тажрыйбасы менен маалымат катчы, журналист жана ЖОЖдун студенттерине бөлүшүү үчүн уюштурулган мастер-класс. Долбоор 2018-жылдын жаз айларынан башталып, Белоруссия, Азербайжан, Армения, Грузия жана Кыргызстандын медиа айдыңында жогорку баага татып келет.

Sputnik Кыргызстан өз ишин 2014-жылдын декабрь айында баштаган. Агенттиктин активинде кыргыз жана орус тилдериндеги маалымат порталы, радиоресурс жана жогорку технологиялык мультимедиалык маалымат борбору бар. Sputnik Кыргызстан өлкөдөгү интернет ЖМКлардын ичинен алдыңкы катарды ээлейт.

62
Белгилер:
сессия, онлайн, долбоорлор, билим берүү, SputnikPro
Тема:
Дүйнөгө жайылган коронавирус
Тема боюнча
Чагылгандай! ДССУ коронавирустун дүйнөгө тездик менен тарап жатканын айтты
Sputnik Кыргызстан радиостудиясындагы микрофон. Архивдик сүрөт

SputnikPro спорт журналисттерин, комментаторлор менен блогерлерди чакырат

96
(жаңыланган 14:05 12.02.2020)
SputnikPro — өз тармагынын адистери билими, иш-тажрыйбасы менен пресс-катчы, журналист жана ЖОЖдун студенттерине бөлүшүү үчүн уюштурулган мастер-класс.

БИШКЕК, 12-февраль, Sputnik агенттигинин маалымат кызматы. Sputnik эл аралык маалымат агенттиги жана радиосу Россиянын мыкты спикерлери менен жолугушууларды өткөрүүнү улантууда. Адистер SputnikPro билим берүү программасынын алкагында тажрыйбалары менен бөлүшөт.

18-февраль күнү Sputnik Кыргызстан агенттигинин маалымат борборунда спорт жаатын чагылдырган журналисттер, комментаторлор жана блогерлер үчүн "Аз чыгым менен окуяны мыкты чагылдыруу", "Спорт өтө эле олуттуу деп ким айтты?", "Трейлер – бул кино жөнүндө гана эмес. Материалды аудиторияга сатууга кандайча жардам берет" аттуу темалар боюнча мастер-класс уюштурулат.

Спикерлер:

  • Александр Калмыков – Р-Спорт редакциясынын жетекчиси;
  • Василий Конов — "Россия Сегодня" эл аралык агенттигинин аткаруучу директору, журналист, теле алып баруучу жана спорттук комментатор.

Иш-чарага катышуу үчүн 14-февраль саат 17.00гө чейин 0312 986933, 986938 номерлери аркылуу каттоодон өтүү керек. Мастер-класс бекер өткөрүлөт.

SputnikPro — өз тармагынын адистери билими, иш-тажрыйбасы менен пресс-катчы, журналист жана ЖОЖдун студенттерине бөлүшүү үчүн уюштурулган мастер-класс. Долбоор 2018-жылдын жаз айларынан башталып, Белоруссия, Азербайжан, Армения, Грузия жана Кыргызстандын медиа айдыңында жогорку баага татып келет.

Sputnik Кыргызстан өз ишин 2014-жылдын декабрь айында баштаган. Агенттиктин активинде кыргыз жана орус тилдериндеги маалымат порталы, радиоресурс жана жогорку технологиялык мультимедиалык маалымат борбору бар. Sputnik Кыргызстан өлкөдөгү интернет ЖМКлардын ичинен алдыңкы катарды ээлейт.

96
Белгилер:
журналист, спорт, мастер-класс, SputnikPro
Тема боюнча
SputnikPro: президент менен премьердин ишин кантип чагылдыруу керек
SputnikPro: интервьюга чакыруу процесси канчалык маанилүү
Жүк көтөргөн адамдар. Архив

Россияда мекендештерди чек арадан өткөрөм деп алдап кеткен шылуун изделүүдө

0
(жаңыланган 00:41 23.09.2020)
Өзүн элчиликтин кызматкери катары тааныштырган киши чек арадан өткөрүүгө жардам берем деп ар бир мигранттан 7000 рублден алган.

БИШКЕК, 23-сен. — Sputnik. Россиядагы кыргызстандыктарды автобус менен мекенге жеткирүүнү убадалап, акчасын алдап кеткен киши изделүүдө. Бул тууралуу Тышкы иштер министрлиги билдирди.

Маалыматка ылайык, аты-жөнүн Кубанычбек Жээнкулов деп элчиликтин кызматкери катары тааныштырган жаран Казакстан чек арасын ачканын айткан. Ал жерден автобус менен өткөрүүгө жардам берем деп ар биринен 7000 рублден алып Башкыртстандан Оренбургга алып келген. Натыйжада шылуундун тузагына түшкөн мекендештер ара жолдо калышкан. Бул иш боюнча 22 киши элчиликке арыз жазды.

"Кубанычбек Жээнкулов деген элчиликтин кызматкери жок. Аны жоопко тартуу үчүн КР ИИМинин Россиядагы өкүлчүлүгү РФ ИИМи менен биргеликте издеп жатат. Мыйзамсыз түрдө акча чогултканы үчүн катуу жазага тартылат. Элчилик мекендештерди ушул сыяктуу фактылар болсо кылмыштын алдын алып, күнөөлүүлөрдү жоопко тартуу үчүн кабарлап коюуга чакырат", — деп жазылган билдирүүдө.

Даттануулар менен Россиядагы элчи Аликбек Жекшенкуловдун elchi.ru сайтындагы жеке блогуна жана КР ИИМдин РФтеги өкүлчүлүгүнө predstavitelstvomvd@mail.ru электрондук дареги же +7(926) 890 87 00 ыкчам байланыш номерине кайрылууга болот. Купуялуулукка кепилдик берилет.

Авиакаттам жанданса да Россиядан кыргызстандыктарды автобус менен ташуу уланат

Учурда Оренбург облусундагы орус-казак чек арасында Россиянын шаарларынан жана Башкыртстан Республикасынан келген 3500дөн ашык кыргызстандык топтолуп турганы маалым болду.

Элчилик Казакстандын аймагынан автобус менен өтүү үчүн "жашыл коридор" ачып берүү өтүнүчү менен казак тарапка кайрылган. Азырынча жооп келе элек.

Ошондой эле Оренбург облусунун жана Башкыртстандын жергиликтүү бийлик органдары менен биргеликте ал жердеги кыргызстандыктарга шарт түзүү иштери жүрүп жатканы белгиленди. Ушул тапта Россия тарап аларды акысыз түрдө жатаканаларга, балдар лагерлеринин аймактарына жайгаштырды, мындан тышкары, чатыр лагери түзүлгөн. Айрымдары мейманканаларга жана жатаканаларга жайгаштырылды. Жарандарга үч маал бекер тамак берилип жатканы айтылды.

Ошону менен катары элчилик мекендештерге Казакстан чек арасын толук ача электигин эскертип, өз алдынча келип топтолбоого чакырат.

Мүмкүнчүлүккө жараша учак менен кетүүнү сунуштайт. Ошону менен катар элчилик авиакаттамдардын санын көбөйтүү жана билет баасын арзандатуу боюнча сүйлөшүү жүргүзүп жатканы айтылды.

0
Белгилер:
Мигрант, автобус, алдамчылык, чек ара, Элчилик, Россия
Тема боюнча
Кыргызстандан чет өлкөлөргө ачылган каттамдардын тизмеси
22 миң рубль. Москва — Бишкек каттамына авиабилеттердин октябрдагы баасы айтылды