(2:10 / 13.45Mb / )

Мамлекеттик ипотека маселелерин Sputnik Кыргызстан маалымат борборунда айтып беришти

95
Мамлекеттик ипотека программасы 2016-жылы 25-мартта башталган.

Sputnik Кыргызстан агенттигинде болгон маалымат жыйынга Экономика министрлигинин стратегиялык пландоо башкармалыгынын жетекчиси Нурадил Байдолотов менен "Мамлекеттик ипотекалык компания" ААКтын төрагасынын орун басары Нуржигит Үсөнакун уулу катышты.

Нуржигит Үсөнакун уулу ипотекалык насыя программасынын алкагында турак-жай алгандардын басымдуу бөлүгү аймактардагылар экенин айтты.

Ал ошондой эле 3 миллион сом 15 жылга берилерин белгилеп, пайыздык чени өздүк салымына жараша 10 пайыздан 12 пайызга чейин экенин кошумчалады.

"Насыя сом менен берилет. Аны төлөөдө эч кандай башка валюталардын куну, экономикалык абал таасир бербейт. Алынуучу турак жайларга коюлган талаптар да түрдүүчө. Мисалы көп кабаттуу үйдөн батир ала турган болсо анын жалпы аянты 80 чарчы метрден ашпаш керек, жер үй болсо жалпы аянты 150 чарчы метрден ашпаш керек. Эң башкысы алына турчу үйдүн жаран кирип жашаган биринчи күндөн баштап шарты болушу зарыл. Башкача айтканда авариялык абалда же оңдоо-курулуш иштери бүтө элек турак жайларды алууга мүмкүн эмес", — деди ал.

Үсөнакун уулу учурда "Мамлекеттик ипотекалык компания" ААКтында 6276 жарандын тизмеси бар экенин, анын ичинен 491 жаран 563 миллион сомдук насыя алганын айтты. Азыр 63 жарандын документтери толук даярдалып, банктарда кезек күтүп жатат.

Ал ошондой эле берилген 491 насыянын 203ү гана Бишкек шаарында жашаган мамлекеттик кызматкерлер болсо, 288 жаран аймактардан болуп саналат. Алардын ичинде Нарын, Ысык-Көл, Талас жана Баткен аймактары бар экенин Үсөнакун уулу баса белгиледи.

95
Белгилер:
турак-жай, насыя, Мамлекеттик ипотекалык компания
Тема боюнча
Мамлекеттик ипотека: насыяны жалпыга жеткиликтүү кылуунун жолдору айтылды
(1:41 / 11.13Mb / )

Турсунбеков Эгизбаевдин сууга түшкөн маалын камера жазып калганын айтып берди. Видео

9992
(жаңыланган 12:28 28.07.2018)
Турсунбековдун айтымында, журналист Улан Эгизбаев "Акун" пансионатына эс алып кетүүнү айтып, телефон чалып, байланышкан.

Улан Эгизбаевди мен атайылап чакырып өлтүртүп койгонсуп баары жамандап жатышат деди Жогорку Кеңештин депутаты, "Акун" пансионатынын жетекчиси Чыныбай Турсунбеков Sputnik Кыргызстан агенттигиндеги тегерек стол учурунда.

Анын айтымында, журналист Улан Эгизбаев "Акун" пансионатына эс алып кетейин деп өзү чалып, барган.

"Улан менин коногум болду. Экөөбүздүн мамилебиз жакшы болчу. Мен эми аны эс алдырганым үчүн дагы күнөөлүүмүнбү? Сиз жакка барып эс алып кетейин дегенинен колуман келген сыйымды көрсөтөйүн деп макул дегем. Эми социалдык тармактагы айрым колдонуучулар журналистти мен атайын чакырып жамандык кылгансып пикир жазып жатышат. Колуман келишинче сыйымды көрсөттүм. Аягында "Акун" пансионаты, Чыныбай Турсунбеков күнөөлүү деп жатып калышты. Кудайды карап кеп кылыш керек да", — деди эл өкүлү.

Чыныбай Турсунбеков Улан Эгизбаев сууга түшүп жаткан учуру видео байкоого алыстан түшүп калганын төмөнкүчө сүрөтөдү. Анын айтымында, видеодо пирстин оң жээгинде ойноп же сүзүп жаткан кишинин сөлөкөтү көрүнүп турат.

"Пирстин тереңирээк жагында 3-4 киши сууга секирип жатат. Астында экөө сүзүп жүрөт. Пирстин башында дагы 2-3 киши турат. Ары жакта аялдарбы, балдарбы, айтор  4-5өө жүрөт. Маңдай жакта эки караан жүрөт. Улан чабалактап жаткан жердеги сууда сүзүп өтүп жаткандар бар. Анын баары көрүнүп турат, тактаса болот. Бир маалда ошол жердегилер чуркап калды. Суудан алып чыккандан кийин эле куткаруучулар жардам көрсөтүп жатат. Окуянын видео материалында ушундай жазылган. Кичине алыстан тартылган", — деди ал.

Депутат ошондой эле көлдө чуңкурлар жакында эле пайда болушу ыктымалдыгын айтып өттү.

"Ал жакта катерлер жүрөт. Алардын мотору иштегенде суунун түбүндөгү кумду шилеп салып чуңкур пайда кылышы мүмкүн. Улан түшкөн жерде бир-эки чуңкур бар окшойт. Биз аларды текшерип, атайын белги коюп жатабыз", — деди Турсунбеков.

Эске салсак, 22-июлда Ысык-Көлдөгү "Акун" пансионатынын аймагында журналист Улан Эгизбаев сууга чөгүп каза болгон.

9992
Белгилер:
көл, пансионат, кырсык, Суу, Чыныбай Турсунбеков, Кыргызстан
Тема:
Журналист Улан Эгизбаевдин өлүмү
Тема боюнча
Турсунбеков: Улан Эгизбаев сууга чөккөн маалда бир куткаруучу түшкү тамакка кеткен
Журналист Улан Эгизбаев киши колдуу болдубу? Милициянын билдирүүсү
Премьер-министр Кубатбек Боронов брифинг учрунда

Боронов: вирустан айыккандардын ден соолугун калыбына келтирүү колго алынат

0
(жаңыланган 15:28 11.08.2020)
Өкмөт башчы коронавирустан сакайган жарандардын жашаган жери боюнча дарыгерлердин консультативдик жардам берүүсү пландалып жатканын билдирди.

БИШКЕК, 11-авг. — Sputnik. Коронавирустан ооруп айыккан бейтаптарды көзөмөлгө алуу маселеси каралып жатат. Бул тууралуу өкмөт башчы Кубатбек Боронов брифинг учурунда билдирди.

Ал жугуштуу оорудан айыккандан кийин деле айрым бейтаптардын ден соолугу калыбына келиши көп убакытты аларын белгилеген.

"Өзгөчө пневмониядан адамдын тез арада айыгып кетиши кыйын экен. Сакайгандардын арасында бир айдан кийин деле дем алуусу кыйындап, башка органдары жабыркаганын көрүп жатабыз. Калктын саламаттыгы үчүн реабилитациялык иш-чараларды уюштуруу иштери жүрүп жатат. Жарандардын жашаган жери боюнча дарыгерлер консультативдик жардам берүүсү пландалууда", — деди Боронов.

КРде жалпы канча киши коронавируска чалдыгышы мүмкүн. Өкмөттүн божомолу

Ал бейтаптардын ден соолугун калыбына келтирүү иши туура жүргүзүлүшү керектигин белгилеген.

0
Белгилер:
ден соолук, реабилитациялоо, коронавирус, өкмөт башчы, Кубатбек Боронов
Тема боюнча
Министрлик: коронавирустан өлкөдө 6 миңден ашуун адам дарыланууда
Адис: пневмониядан кийин өпкөдөгү тактар алты айга чейин кетпеши мүмкүн