Рафик Мамбеталиев. Архивное фото

Рафик Мамбеталиев Соорбекович. Өмүр баяны.

312
(жаңыланган 17:32 14.10.2016)
Рафик Мамбеталиевдин эмгек жолу жана өмүр баяны туурасында Sputnik маалымат сайтынын Таржымалынан таанышыңыз.

1976-жылы 19-январда Чүй облусунун Панфилов районундагы Панфиловка айылында туулган.

1997-жылы ИИМдин жогорку милиция мектебин бүтүргөн.

Эмгек жолу:

  • 1997-2002 — ж.ж. — Жайыл районундагы Кара-Балта шаарында кылмыш иликтөө бөлүмүндө иштеген.
  • 2002-2005 — ж.ж. — ИИМдин Кылмыш иликтөө башкы башкармалыгынын өлтүрүү жана буюртма менен өлтүрүүнү иликтөө бөлүмүнүн кызматкери, кийинчерээк ага кызматкери.
  • 2006-2007- ж.ж. — ИИМдин аба транспорту боюнча кылмыш иликтөө бөлүмүнүн башчысы.
  • 2008-ж. — ИИМдин Кылмыш иликтөө башкы башкармалыгынын өлтүрүүлөрдү иликтөө боюнча бөлүмүнүн жетекчиси. 
  • 2009-ж. — Свердлов райондук Ички иштер башкармалыгынын жетекчисинин орун басары. 
  • 2009-ж. — Бишкек шаарынын Ички иштер башкы башкармалыгынын жетекчисинин  кылмыш иликтөө боюнча орун басары.
  • 2010-ж. — Жайыл районунун Ички иштер башкармалыгынын жетекчисинин орун басары. 
  • 2010-2012-ж.ж. — Бишкек шаарынын Ички иштер башкы башкармалыгынын кылмыш иликтөө бөлүмүнүн жетекчиси. 
  • 2013-ж. — Октябрь райондук Ички иштер башкы башкармалыгынын жетекчиси. 
  • 2014-2014-ж.ж. — 2014-жылдын октябрынан тарта Уюшкан кылмыштуулукка каршы күрөшүү башкы башкармалыгынын башчысынын орун басары, кийинчерээк башчысы 
  • 2015-ж. — ИИМдин 10-бөлүмүнүн жетекчиси.
  • 2015-ж. — Баңгизаттарды көзөмөлдөө боюнча мамлекеттик кызматтын жетекчиси.

Сыйлыктары: 2003-жылы "Эрдик" медалы менен сыйланган.

Милициянын полковниги, үй-бүлөлүү, төрт баласы бар.

312
Белгилер:
Рафик Мамбеталиев, биография
Тема боюнча
Рафик Мамбеталиев Баңгизаттарды көзөмөлдөө кызматынын жетекчиси болду
Нарын шаарынын мэри Арслан Сталбек уулу

Нарын шаарына мэр болгон Арслан Сталбек уулу тууралуу эмне белгилүү

950
(жаңыланган 13:07 22.10.2021)
Арслан Сталбек уулу 1990-жылы 2-апрелде Нарын шаарында туулган. Ал "Ататүрк — Ала-Тоо" эл аралык университетинен билим алып, каржы, насыя жана банк иштери адистигине ээ болгон.

Эмгек жолу:

  • 2013-2015 — KICB банкында насыя боюнча эксперт;
  • 2015 — "Бакай банкы" ААКсында насыя боюнча эксперт;
  • 2016-2017 — "Бакай банкы" ААКсында насыя бөлүмүнүн башчысы;
  • 2017-2018 — "Азия банкы" ЖАКта насыялык операцияларды текшерүү бөлүмүнүн адиси;
  • 2020-2021 — С. Муканбетов атындагы бетон заводунда башкы инженер;
  • 2021 — "М.СТАРД" курулуш компаниясынын директорунун орун басары.
  • 2021-жылдын октябрь айы — Нарын шаарынын мэри.

Үй-бүлөлүү, эки кыз, бир уулдун атасы.

950
Белгилер:
Арслан Сталбек уулу, Өмүр баяны, таржымал, мэр, Нарын шаары
Тема боюнча
Ош шаарына мэр болгон Алмаз Мамбетовдун өмүр баяны
Аткаминер. Архив

Сарбанов Улан Кытайбекович өмүр баяны

89
(жаңыланган 13:50 19.10.2021)
Улан Сарбанов 1967-жылдын 28-майында туулган. 1991-жылы Новосибирск мамлекеттик университетинин экономика факультетин аяктаган. 1999-2001-жылдары Москва шаарындагы Мамлекеттик башкаруу университетинде билимин тереңдетип, экономика илимдеринин кандидаты болгон.

Эмгек жолу:

  • 1991-1993 — Новосибирск шаарындагы Экономика жана өнөр жай өндүрүшүн уюштуруу институтунда кенже кызматкер;
  • 1993-2006 — КР Улуттук банкында башкы инженерден тарта башкармалыктын төрагалыгына чейин жеткен;
  • 2001-2002 — Борбордук Азиядагы Америка университетинде мугалим;
  • 2003-2007 — Кыргыз улуттук университетинде банк менеджменти кафедрасынын жетекчиси;
  • 2007-2008 — "Экобанк" ААКсынын директорлор кеңешинин төрагасы;
  • 2007-2011 — Кыргыз улуттук университетинде мугалим;
  • 2008-2009 — "Демир кыргыз интернэшнл банк" ЖАКсында директорлор кеңешинин мүчөсү;
  • 2009-2010 — "АУБ-Благотворительность" фондунун аткаруучу директору;
  • 2009 – 2011 — Борбордук Азиядагы Америка университетинде камкорчулар кеңешинин мүчөсү;
  • 2011-2013 — Евразия өнүктүрүү банкында бөлүм башчы;
  • 2013-2015 — "Россия инвестиция банкы" ААКсында директорлор кеңешинин мүчөсү, башкармалык төрагасы;
  • 2014-2021 — КРдин депозиттерди коргоо агенттининин консультативдик-адистик кеңешинин мүчөсү;
  • 2015-2021 — Экономика министрлигинин алдындагы эксперттик кеңештин мүчөсү;
  • 2015-2016 — "Россия инвестиция банкы" ААКсынын директорлор кеңешинин төрагасы;
  • 2019-2020 — Улуттук илимдер академиясында башкы илимий кызматкер;
  • 2021-жылдын 19-октябрынан тарта Финансы рыногун жөнгө салуу жана көзөмөлдөө мамлекеттик кызматынын жетекчиси.

Орус, англис тилдеринде сүйлөй алат. 2-класстагы мамлекеттик кеңешчи.

89
Белгилер:
Улан Сарбанов, Өмүр баяны, таржымал
Тема боюнча
Кошбаков Кайрат Зулпукарович — өмүр баяны
Кыргызстандын футбол боюнча олимпиадалык курама командасы (U-23) Бириккен Араб Эмирлигинин командасы менен оюн учурунда

Бали! КР футболчулары БАЭ командасын утуп алды. Голдордун видеосу

100
(жаңыланган 21:36 24.10.2021)
Жеңиш алып келген голду Арлен Шаршенбеков камсыз кылды. Ал согончогу менен тээп, атаандаштын дарбазасына топ киргизди.

БИШКЕК, 24-окт. — Sputnik. Кыргызстандын футбол боюнча олимпиадалык курама командасы (U-23) Азия  кубогу-2022 турнирине тандоонун алкагында Бириккен Араб Эмирлигинин командасын утуп алды.

Континенталдык биринчиликке жол аччу мелдеште улуттук командага алгач Е тайпасынын оюну өтүп жаткан талаа ээси — БАЭ командасы туш болгон. Матч Фуджайра стадионунда өттү.

Биринчи тайм 1:0 эсеби менен атаандаштардын пайдасына аяктады. Бирок экинчи бөлүктүн 73-мүнөтүндө Амир Жапаров айып талаадан гол тээп киргизген. Андан кийин Арлен Шаршенбековдун согончогу менен тээп киргизген тобу командага жеңиш алып келди.

Эскерте кетсек, Кыргызстан чүчү кулактын натыйжасында Е тайпасына түшкөн, эми КР футболчулары Индия жана Оман командалары менен кез келет.

Жаштар континенталдык биринчилигинин финалдык бөлүгүнө 11 команда — өз тайпаларынын жеңүүчүлөрү жана экинчи орун алган мыкты төрт команда чыгат.

Азия кубогу Өзбекстанда өтөт.

100
Белгилер:
футбол, Кыргызстан, Бириккен Араб Эмирлиги, мелдеш, гол, жеңиш
Тема боюнча
Жаалданган күйөрмандар. Футбол талаасынан тартылган видео