Рыскулова Айгүл Маратбековна

Рыскулова Айгүл Маратбековна өмүр баяны

348
Айгүл Рыскулованын өмүр баянын Sputnik Кыргызстан агенттигинин таржымалынан окуңуздар.

Билими:

1995 — Москва шаарында Эмгек жана социалдык мамилелер академиясын аяктаган.

Квалификациясы: Эмгек экономисти

1983 — Кыргыз мамлекеттик университетинин юридикалык факультетин бүтүргөн.

Эмгек жолу:

1982-1987 — Аламүдүн районунун элдик сотунун сот отурумунун катчысы;

1987-1989 — Бишкек шаарынын Биринчи Май райондук сотунун жазык иштери боюнча улук катчысы;

1989-1990 — Бишкек шаарынын Биринчи Май райондук сотунун консультанты;

1990-1995 — Бишкек шаарынын Биринчи Май райондук сотунун төрагасынын жардамчысы;

1995-1996 — Бишкек шаарынын жумуштуулук боюнча башкы башкармалыгынын 1-категориядагы юрист-консультанты;

1996 — Укуктук бөлүмдүн начальниги;

1996-1997 — Эмгек жана социалдык коргоо министрлигинин Жыйынды-экономикалык башкармалыгынын начальниги;

1997 — Социалдык коргоо башкы башкармалыгынын жетекчиси;

1997-2003 — Эмгек жана социалдык коргоо министрлигине караштуу Калктын жумуштуулугу боюнча мамлекеттик департаментинин директору;

2003-2005 — Социалдык фонддун аппарат жетекчиси;

2005 — Социалдык фонддун төрагасынын биринчи орун басары;

2006 — Миграция жана жумуштуулук боюнча мамлекеттик комитеттин төрайымы;

2006-2007 — Миграция жана жумуштуулук боюнча мамлекеттик комитеттин төрайымынын милдетин аткаруучу;

2007 — Миграция жана жумуштуулук боюнча мамлекеттик комитеттин төрайымы;

2009-2010 — Эмгек, жумуштуулук жана миграция министри;

2010 — КР Президентинин кеңешчиси;

2011 — Калкты социалдык жактан коргоо боюнча министри;

2012 — Өкмөттүн аппарат жетекчисинин орун басары, Мамлекеттик каттоо кызматынын төрайымы, Жаштар, эмгек жана жумуштуулук министрлигине караштуу "Ала-Тоо Финанс" микронасыялык агенттигинин байкоо кеңешинин төрайымы,

2013 — Заманбап мамлекеттик миграция саясатын түзүү боюнча сунуштарды иштеп чыгуу үчүн жумушчу топтун жетекчиси, Кыргызстандагы Бириккен Улуттар Уюмунун Дүйнөлүк азык-түлүк программасынын стратегиялык маселелери боюнча кеңешчиси;

2014-2018 — Бишкек шаарынын вице-мэри;

2018-жылдын 25-майында Бишкек шаарынын вице-мэри кызматынан бошотулган.

348
Белгилер:
таржымал, Айгүл Рыскулова
Чүй облустук соттун төрагасы Дамирбек Оңолбеков (сол жакта). Архив

Бакиевдин үй-бүлөсүн соттогон. Жапаров көрсөткөн мас судья тууралуу 6 факты

3915
(жаңыланган 12:50 17.06.2021)
Ичимдик ичип талкууга түшкөн судья сот тармагында 30 жылдан бери иштейт. Мурунку президент Курманбек Бакиевдин үй-бүлөсүн соттогон. Атасы да мурда жогорку кызматтарды аркалаган, ал эми бир тууган иниси Бажы кызматын башкарган.

Чүй облустук соттун төрагасы Дамирбек Оңолбековдун мас абалда бутуна тура албай иш бөлмөсүнө келгени коомчулукту таң калтырды. Ал видеону бүгүн президент Садыр Жапаров Сот жана укук коргоо ишин өркүндөтүү маселелери боюнча кеңештин жыйынында көрсөттү. Дал ушул жыйында сот жана укук коргоо тармагын өркүндөтүү маселеси талкууланган.

Sputnik Кыргызстан агенттиги судья Дамирбек Оңолбеков тууралуу фактыларды сунуштайт.

Ушундай болуп калды...

Оңолбеков бүгүн окуя тууралуу кабарчыга комментарий берип жатып мас болуп жумушка келгенин танган жок. Бирок видео былтыр 4-июль күнү тартылганын айтты.

"Былтыр пандемия маалында Чүй облустук сотунда көбү ооруп жаткан. Биз катчылар, аппарат кызматкери болуп иштеп жаттык. Ошол маалда дүрбөлөңгө туш болбойлу деп... Эми түшүнүп жатасызбы, ошондой болуп калды. Аны четке какпай эле коёюн, ар кандай болот, баарыбыз эркекпиз. Анда "кара июль" эле, видео ишемби күнү тартылыптыр. Ошол кезде пандемияга карабай иштеп жатканбыз. Муну (видеону — ред.) ким жеткирди, териштиргим келбейт, кудай өзү көрүп турат. Канча душман, канча досум бар. Баарына жага албайсың", — деген пикирин билдирди.

Ал эми жумушка күн сайын ичип келет деген сөздү четке кагып, мындай такыр мүмкүн эместигин белгиледи. Түзүлгөн жагдайдан улам өз ыктыяры менен кызматтан кетүүгө арыз жазды. Ал арада Судьялар кеңеши Оңолбековду мөөнөтүнөн мурда иштен алууну президентке сунуштады.

Сот тармагында 30 жыл, Чүй облусунда 3 жыл иштеди

Оңолбеков 1966–жылы 31-мартта Фрунзе шаарында туулган. Ал Sputnik Кыргызстанга берген маегинде сот тармагында 30 жылдан бери иштеп келе жатканын айтты. Бул аралыкта Ысык-Көл облустук соттун төрагасынын орун басары, Бишкек аскердик гарнизондук сотунун судьясы болуп иштеген. Ал эми Чүй облустук соттун судьялыгына 2018-жылы 1-февралда ошондогу президент Сооронбай Жээнбековдун жарлыгы менен дайындалган. Кийинчерээк төрага болуп бекитилген.

"Кылымдын сотун" тергеп, Бакиевдин үй-бүлөсүн соттогон

2010-жылдагы 7-апрель коогалаңында Ак үйдүн алдында 80ге чукул адам окко учуп, 300дөн ашууну жаракат алган. Бул окуя боюнча соттук териштирүү ошол жылдын 30-ноябрында башталган.

Аны баштан аяк Бишкек аскердик гарнизондук сотунун судьясы Дамирбек Оңолбеков карап, 2014-жылы 25-июлда өкүм чыгарган. Натыйжада УКМКнын "Альфа" атайын бөлүгүнүн кызматкерлери акталып, Курманбек Бакиев, анын иниси Жаныш Бакиев, мурдагы премьер-министр Данияр Үсөнов сыртынан өмүр бою эркинен ажыратылган. Мындан сырткары, бир катар жооптуу кызматкерлер, аткаминерлер 10 жылдан 25 жылга чейин кесилген.

Бул соттук процесс тарыхта эң узак убакытка созулган жана көлөмдүү, ошол эле учурда чуулуу иш болуп, эл арасында "Кыргызстандагы кылым соту" деп аталып калды. Себеби соттук териштирүү 3 жыл 8 айга созулуп, 95 томдон турган материал даярдалган. Ал эми өкүм 400 бет болуп жазылып, аны бир жума окуган.

Атасы КГБда иштеген

Атасы Мадылбек Оңолбеков мамлекеттик жана партия кызматкери болгон. Ал Кыргыз ССРинин Коопсуздук мамлекеттик комитетинде, Юстиция министрлигинде, Жогорку Кеңеште, Конституциялык сотто жетекчилик кызматтарды аркалаган. Былтыр узакка созулган оорудан улам 80 жашында дүйнөдөн өткөн.

Бир тууган иниси Бажы кызматын башкарган

2018-жылы май айында Бажы кызматынын төрагасы Кубанычбек Кулматов кызматтан бошотулуп, анын ордуна Алмаз Оңолбеков дайындалган. Ал учурда кеп болуп жаткан судья Дамирбек Оңолбековдун бир тууган иниси. Ага бул кызматты башкаруу шыбагасы бир жылдан ашыгыраак убакытка созулган.

Батирден башка мүлкү жок

2018-жылы киреше-чыгашасы тууралуу тапшырган декларациясында бир жылда 854 233 сом табарын жазган. Аянты 72,1 чарчы метр бир батирге жана бакча тибиндеги 800 чарчы метр жер тилкеге ээлик кылат. Мындан башка мүлкү жок.

Ал эми жакын туугандары бир жылда 430 574 сом тапкан.

Оңолбеков бүгүн берген маегинде төрт жылдан бери дем алышсыз иштеп жатканын, башкаларга окшоп чет өлкөгө эс алууга да чыкпаганын белгиледи. Жадагалса Ысык-Көлгө да бара электигин айтты.

3915
Белгилер:
дайындоо, Чүй облусу, өкүм, Курманбек Бакиев, мас, факты, сот, Дамирбек Оңолбеков
Тема боюнча
Кудай көрүп турат. Жапаров видеосун көрсөткөн мас судья өз версиясын айтты
74 батир, 19 соода жай... УКМК судьянын мыйзамсыз байыганын аныктады
УКМК кармаган Жогорку соттун судьясы Осмоналиев 70 млн. сом төлөп абактан чыкты
Бакиров Өмүрбек Мирзараимович

Бакиров Өмүрбек Мирзараимович өмүр баяны

71
Өмүрбек Бакиров 1978-жылы Ош облусуна караштуу Араван районунун Төө-Моюн айылында туулган. 2001-жылы Кыргыз-өзбек университетинин финансы жана кредит факультетин аяктаган.

Эмгек жолу:

  • 2001-2008 — жеке ишкер;
  • 2008-2010 — "Гарант" акционердик коомунун директору;
  • 2010-2011 — Жогорку Кеңештин төрагасынын жардамчысы;
  • 2011, июль-сентябрь — Жогорку Кеңештин төрагасынын кеңешчиси;
  • 2011-2015 — Жогорку Кеңештин V чакырылышынын депутаты;
  • 2018, ноябрь-декабрь — "Кыргызтелеком" ААКсынын төрагасынын кеңешчиси;
  • 2018 — Жогорку Кеңештин VI чакырылышынын депутаты.

Үй-бүлөлүү, төрт баланын атасы.

71
Белгилер:
Өмүр баяны, депутат, Өмүрбек Бакиров
Сборка автобусов и электробусов в Камском автомобильном заводе (КамАЗ)

Министрлик: КамАЗ Кыргызстанда автобус чогултуу мүмкүнчүлүгүн карап жатат

0
(жаңыланган 18:35 24.06.2021)
Үч тараптуу келишимге россиялык ишкананын жетекчиси, кыргызстандык компания, энергетика жана өнөр жай министри кол койду.

БИШКЕК, 24-июн. — Sputnik. Камский автомобиль заводу (КамАЗ) газ менен жүргөн автобус жана электробустарды Кыргызстанда чогултуу мүмкүнчүлүгүн изилдеп көрөт. Бул тууралуу Энергетика жана өнөр жай министрлигинен билдиришти.

Министр Доскул Бекмурзаев башында турган делегация россиялык компаниянын ишмердүүлүгү менен таанышкан. Мындай мүмкүнчүлүктү карап көрүү боюнча келишимге министр Бекмурзаев, "Шыдыр Жол Кей Джи" ЖЧКнын башкы директору Токтобүбү Оргалчы жана КамАЗдын башкы директору Сергей Когогин кол койгон.

"Келишимге ылайык тараптар Кыргызстандын аймагында эл ташый турган газ менен жүргөн автобус жана электробустарды чыгаруу боюнча изилдөөлөрдү биргеликте жүргүзүшөт", — дешти министрликтен.

Кийин тараптар келишип калса автобустарды чогултуу боюнча келишимге кол коюлат.

0
Белгилер:
келишим, Кыргызстан, автобус, "КамАЗ"