Портфель. Архивдик сүрөт

Түндө киши колдуу болгон Баткен облусунун прокурору Анарбай Мамажакыповдун өмүр баяны

3078
(жаңыланган 13:24 19.11.2018)
Анарбай Мамажакыпов 1975-жылы 2-январда Ош облусунун Чоң-Алай районундагы Чак айылында туулган. 1998-жылы Ош мамлекеттик университетин "юриспруденция" адистиги боюнча аяктаган.
Прокурор Баткенской области Анарбай Мамажакыпов
Прокурор Баткенской области Анарбай Мамажакыпов

Эмгек жолу 

1998 — Жалал-Абад облусунун Нокен райондук прокуратурасында стажер-тергөөчү;

1999 — стажер-тергөөчү, Аксы, Ала-Бука райондорунда прокурордун жардамчысы;

2002 — Жалал-Абад облустук прокуратурасында экономикалык кылмыштуулук жана коррупция боюнча иликтөөлөргө көзөмөл жүргүзгөн прокурор;

2006 — Жалал-Абад облустук прокуратурасында кылмыштардын иликтөөсүн көзөмөлдөө бөлүмүнүн начальнигинин орун басары, коррупция жана улуттук коопсуздукка коркунуч жараткан кылмыштардын иликтөөсүн көзөмөлдөө секторунун начальниги;

2007 — Ала-Бука районунун прокурору;

2010 — Жалал-Абад облусунун прокурорунун орун басары;

2013 — Талас облусунун прокурору;

2018-жылдын май айында Баткен облусунун прокурору болуп дайындалган. 17-ноябрдан 18-ноябрга караган түнү белгисиз адамдар тарабынан өлтүрүлгөн. 

Юстициянын 1-класстагы кеңешчиси болгон.


3078
Белгилер:
прокурор, өмүр баян, Анарбай Мамажакыпов, Баткен
Тема:
Прокурор Анарбай Мамажакыповдун өлүмү (17)
Артур Александрович Цветков

Артур Александрович Цветков (Арчи) өмүр баяны

234
Артур Цветков 1-январда Москва шаарында төрөлгөн. Чыныгы аты-жөнү Владимир Бурчаков.

Аны балдар үйүнө берип коюшкандыктан бир жашынан тарта Артамоновдордун үй-бүлөсүндө (атасы аскер, энеси үй кожойкеси) тарбияланып, көп жыл ушул фамилияны алып жүргөн. Азыр мурдагы жубайынын фамилиясын алып жүрөт. Ар кайсы мектепте окуган, көбүнчө Будапешт менен Минскиде билим алган. Андан кийин колледждин экономика факультетине жана эл аралык NBA бизнес-мектебине тапшырган.

Ишмердүүлүгү:

  • 17 жашында Минскиде моделдик агенттикти ачкан;
  • Андан кийин Москвага көчүп келип, клубда менеджер жана башкаруучу, официант, модель, диджей болуп иштеген;
  • 2003-жылдан тарта Муз ТВ телеканалында иштей баштаган. Алгач кабарчы, андан соң МузZone жана "Натуральный обмен" берүүлөрүн алып барган;
  • 2004-2006 — MTV каналында иштеген. Ал жакта бир катар хит-парад менен берүүлөрдү алып барып, ошол жактан Арчи каймана атын алган. Ошондой эле ТНТ каналында эртең мененки берүүнүн дагы алып баруучусу болгон;
  • 2007 — Next радиосунда Up Show аталышындагы эртең мененки программанын алып баруучусу;
  • С 2007— "Ночной десант" тобунун продюсери жана катышуучусу;
  • 2008 — Россиянын уюштуруу комитети тарабынан Олимпиада оюндарынын расмий ачылыш аземинин алып баруучусу болгон;
  • 2009 — Pach клубунун креативдүү директору;
  • Цветков "Клуб" сериалына тартылган. Корпоративдик иш-чараларды алып барып, Мамлекеттик башкаруу университетинде музыкалык менеджмент боюнча лекция окуганы белгилүү. Ошондой эле ал лейкоз менен жабыркаган балдарга жардам берген кайрымдуулук фондунун мүчөсү болгон.

Жубайы менен ажырашкан, бир уулу бар.

 

234
Белгилер:
Артур Цветков, алып баруучу, өмүр баян, Москва
Заместитель муфтия Кыргызстана Замир кары Ракиев во время проповедей

Ракиев Замир Шейшенбекович өмүр баян

1064
(жаңыланган 20:01 10.08.2020)
Шаарга жаңы дайындалган казы Замир каары Ракиевдин өмүр баяны менен эмгек жолун Sputnik Кыргызстан агенттиги даярдаган "Таржымалдан" таанышсаңыз болот.

Замир Ракиев 1978-жылдын 15-февралында Нарын облусунун Кочкор районуна караштуу Шамшы айылында төрөлгөн. Жогорку билимдүү. Бишкек борбордук мечитинин Куран жаттоо медресесин аяктаган.

Билими:

Египеттеги Аль Азхар Ислам университетинен билим алууну улантып, "Университетке даярдоо курсу" жана "Дин негиздери" багыты боюнча билимин жогорулаткан. Бишкек гуманитардык университетинен "Чыгыш таануу — Магистр" адистигине ээ болгон.

Эмгек жолу:

  • 2007-2008 — Чүй облусунун Аламүдүн району, "Абу Бакр Сыддык" медресесинин мугалими;
  • 2008-2010 — Чүй облусунун Аламүдүн району, "Абу Бакр Сыддык" медресесинин директору;
  • 2010-2011 — Нарын облусунун казысы;
  • 2011-2016 — Кыргызстан мусулмандарынын Азирети муфтийинин орун басары;
  • 2016-2017 — Кыргызстан мусулмандар дин башкармалыгынын окуу бөлүмүнүн башчысы;
  • 2017-жылдын май айынан тарта муфтийдин орун басары болуп эмгектенип келген.

2020-жылдын 10-августунда Бишкек шаарынын казысы болуп дайындалды.

Үй-бүлөлүү, бир уул, эки кыздын атасы. Араб, орус тилдеринде эркин сүйлөйт.

1064
Белгилер:
казыят, Бишкек, Замир Ракиев, өмүр баян, таржымал
Тышкы иштер министри Чыңгыз Айдарбеков

Айдарбеков Улуу жана Кичи Памирдеги кыргыздар боюнча афган кесиптеши менен сүйлөштү

0
Боордошторго байланышкан долбоорлордон тышкары эки аткаминер инфратүзүмдүк долбоорлорду жана региондук интеграцияларды мындан ары өнүктүрүүнүн көрүнүштөрү тууралуу пикир алмашышкан.

БИШКЕК, 1-окт. — Sputnik. Тышкы иштер министри Чыңгыз Айдарбеков афганистандык кесиптеши Мохаммад Ханиф Атмар менен видеобайланыш аркылуу сүйлөшкөнүн ТИМдин маалымат кызматы билдирди.

Сүйлөшүүнүн жүрүшүндө кыргыз-афган мамилелеринин күн тартибинин актуалдуу маселелери, анын ичинде Улуу жана Кичи Памирдеги афган кыргыздарын колдоо боюнча долбоорлор талкууланды. Андан тышкары, тараптар инфратүзүмдүк долбоорлорду жана региондук интеграцияларды мындан ары өнүктүрүүнүн көрүнүштөрү тууралуу пикир алмашышты.

ТИМ: Вандык кыргыздар Түркиядагы Кыргызстандын элчисине ыраазычылык билдирди

Айдарбеков 2020-жылдын сентябрында Доха шаарында башталган элдешүү процессин колдой турганын, ошондой эле Афганистанда тынчтыктын орношу үчүн жана бүтүндөй региондук коопсуздукту бекемдөө максатында ал процесстин ишке ашарына үмүт артарын билдирди.

0
Белгилер:
мамиле, Афганистан, Чыңгыз Айдарбеков, Памир кыргыздары
Тема боюнча
Бутумду кучактап "кыргызга салам айт" деп ыйлаган кандаш. Афганчылардын баяны