Портфель. Архив

Молдокулов Замирбек Сарыевич өмүр баяны

77
Замирбек Молдокулов 1964-жылы 9-сентябрда төрөлгөн.

Билими:

  • 1984 – 1988 — Кыргыз мамлекеттик улуттук университетин аяктап, экономист адистигине ээ болгон.
  • Эмгек жолу:
  • 09.07.1981 – 10.03.1984 — Алай районундагы "Правда" совхозунда жумушчу;
  • 12.03.1984 – 25.08.1984 — Алай ПМКда кампа башчысынын жардамчысы;
  • 11.10.1988 – 15.12.1988 — Алай ПМКда экономист;
  • 15.12.1988 – 28.01.1991 — Лениндик коммунисттик жаштар союзунун Алай райондук комитетинде экономист;
  • 28.01.1991 – 24.05.1994 — райондук борбордук ооруканада башкы эсепчи;
  • 24.05.1994 – 10.09 2003 — Казыналыктын Алай аймактык бөлүмүнүн жетекчиси;
  • 1995 – 2000 — райондук кеңештин депутаты болгон;
  • 10.09.2003 – 08.11.2005 — Алай райондук мамлекеттик администрациясынын аппарат жетекчиси;
  • 08.11.2005 — 09.12.2016 — Алай райондук финансы бөлүмүнүн башчысы;
  • 09.12.2016 – 24.10.2018 — Алай райондук финансы башкармалыгынын башчысы;
  • 2018-жылдын 24-октябрынан тарта Алай райондук мамлекеттик администрациясынын башчысы — аким.

Сыйлыктары:

Бир катар мамлекеттик мекемелердин Ардак грамоталарын алган. Финансы экономика кызматынын отличниги, Алай районунун "Ардактуу атуулу".

Кошумча маалыматтар:

"Мамлекеттик жарандык кызматтын 2-класстагы кеңешчиси" мамлекеттик чини бар.

Кыргыз, орус тилдерин билет.

77
Белгилер:
Замирбек Молдокулов, Алай району, биография, өмүр баян
Артур Александрович Цветков

Артур Александрович Цветков (Арчи) өмүр баяны

47
Артур Цветков 1-январда Москва шаарында төрөлгөн. Чыныгы аты-жөнү Владимир Бурчаков.

Аны балдар үйүнө берип коюшкандыктан бир жашынан тарта Артамоновдордун үй-бүлөсүндө (атасы аскер, энеси үй кожойкеси) тарбияланып, көп жыл ушул фамилияны алып жүргөн. Азыр мурдагы жубайынын фамилиясын алып жүрөт. Ар кайсы мектепте окуган, көбүнчө Будапешт менен Минскиде билим алган. Андан кийин колледждин экономика факультетине жана эл аралык NBA бизнес-мектебине тапшырган.

Ишмердүүлүгү:

  • 17 жашында Минскиде моделдик агенттикти ачкан;
  • Андан кийин Москвага көчүп келип, клубда менеджер жана башкаруучу, официант, модель, диджей болуп иштеген;
  • 2003-жылдан тарта Муз ТВ телеканалында иштей баштаган. Алгач кабарчы, андан соң МузZone жана "Натуральный обмен" берүүлөрүн алып барган;
  • 2004-2006 — MTV каналында иштеген. Ал жакта бир катар хит-парад менен берүүлөрдү алып барып, ошол жактан Арчи каймана атын алган. Ошондой эле ТНТ каналында эртең мененки берүүнүн дагы алып баруучусу болгон;
  • 2007 — Next радиосунда Up Show аталышындагы эртең мененки программанын алып баруучусу;
  • С 2007— "Ночной десант" тобунун продюсери жана катышуучусу;
  • 2008 — Россиянын уюштуруу комитети тарабынан Олимпиада оюндарынын расмий ачылыш аземинин алып баруучусу болгон;
  • 2009 — Pach клубунун креативдүү директору;
  • Цветков "Клуб" сериалына тартылган. Корпоративдик иш-чараларды алып барып, Мамлекеттик башкаруу университетинде музыкалык менеджмент боюнча лекция окуганы белгилүү. Ошондой эле ал лейкоз менен жабыркаган балдарга жардам берген кайрымдуулук фондунун мүчөсү болгон.

Жубайы менен ажырашкан, бир уулу бар.

 

47
Белгилер:
Артур Цветков, алып баруучу, өмүр баян, Москва
Заместитель муфтия Кыргызстана Замир кары Ракиев во время проповедей

Ракиев Замир Шейшенбекович өмүр баян

1036
(жаңыланган 20:01 10.08.2020)
Шаарга жаңы дайындалган казы Замир каары Ракиевдин өмүр баяны менен эмгек жолун Sputnik Кыргызстан агенттиги даярдаган "Таржымалдан" таанышсаңыз болот.

Замир Ракиев 1978-жылдын 15-февралында Нарын облусунун Кочкор районуна караштуу Шамшы айылында төрөлгөн. Жогорку билимдүү. Бишкек борбордук мечитинин Куран жаттоо медресесин аяктаган.

Билими:

Египеттеги Аль Азхар Ислам университетинен билим алууну улантып, "Университетке даярдоо курсу" жана "Дин негиздери" багыты боюнча билимин жогорулаткан. Бишкек гуманитардык университетинен "Чыгыш таануу — Магистр" адистигине ээ болгон.

Эмгек жолу:

  • 2007-2008 — Чүй облусунун Аламүдүн району, "Абу Бакр Сыддык" медресесинин мугалими;
  • 2008-2010 — Чүй облусунун Аламүдүн району, "Абу Бакр Сыддык" медресесинин директору;
  • 2010-2011 — Нарын облусунун казысы;
  • 2011-2016 — Кыргызстан мусулмандарынын Азирети муфтийинин орун басары;
  • 2016-2017 — Кыргызстан мусулмандар дин башкармалыгынын окуу бөлүмүнүн башчысы;
  • 2017-жылдын май айынан тарта муфтийдин орун басары болуп эмгектенип келген.

2020-жылдын 10-августунда Бишкек шаарынын казысы болуп дайындалды.

Үй-бүлөлүү, бир уул, эки кыздын атасы. Араб, орус тилдеринде эркин сүйлөйт.

1036
Белгилер:
казыят, Бишкек, Замир Ракиев, өмүр баян, таржымал
Телефонго жүктөлгөн Telegram тиркемеси. Архивдик сүрөт

Көрүп сүйлөшсө болот. Telegram мессенджерине видеочалуу кошулду

0
(жаңыланган 10:55 15.08.2020)
Мессенджер жети жыл ичинде өзүнө 400 миллион активдүү колдонуучуну топтой алганын айтып, алардын суранычы менен видеочалууну киргизгенин билдирди.

БИШКЕК, 15-авг. — Sputnik. Telegram мессенджери жети жылдык мааракесин утурлай видеочалуу кызматын кошконун РИА Новости жазды.

Азырынча функция Android OС базасындагы смартфондордун колдонуучулары үчүн гана жеткиликтүү экендиги белгиленди.

WhatsApp жаңы функцияны ишке киргизип жатат

"2013-жылы маалыматтарды коопсуз алмаша алган анча чоң эмес тиркемени иштеп чыктык эле. Азыр эми өсүп-өрчүп, өзүнө 400 миллион активдүү колдонуучуну топтой алды. Ушул тапта эл көптөн бери суранган кызматты кошуп жатабыз. Эми катталуучулар бири-бирин көрүп дагы сүйлөшө баштайт. Жакшы жери — видео аркылуу сүйлөшүп жатып эле аны экрандан нары жылдырып коюп, чатта жазыша берсе болот. Мындан сырткары, анимациялык быйтыкчалар дагы көбөйтүлгөн", — деп жазылган мессенджердин расмий блогунда.

Ошондой эле учурда Android түзүмүнөн тышкары iOS колдонуучуларына да видеочалууну киргизүү боюнча иштер жүрүп жатканы кошумчаланды.

Мындан сырткары, жакынкы күндөрү видео аркылуу бир нече адам бир убакта кошулуп сүйлөшө алгыдай мүмкүнчүлүктөр каралып жатат.

0
Белгилер:
чалуу, колдонуучу, кызмат, Telegram
Тема боюнча
Instagram: 25 билдирүүнү дароо өчүрүүгө мүмкүнчүлүк жаралды
Telegram мессенджеринде жаңы функциялар пайда болду