Сагынбаев Жыргалбек Калмуратович

Сагынбаев Жыргалбек Калмуратович өмүр баяны

119
(жаңыланган 18:57 15.10.2020)
1971-жылы Нарын облусунун Кочкор районунда туулган. Кыргыз мамлекеттик УСТА университетинен дипломатиялык жана юридикалык жогорку билимге ээ болгон.

Кечээ, 14-октябрда, Жыргалбек Сагынбаев Өнөр жай, энергетика жана жер казынасын пайдалануу боюнча мамлекеттик комитеттин башчысы болуп дайындалды.

Эмгек жолу:

  • 1989-1991 — Советтик армиянын катарында кызмат өтөгөн;
  • 1992-1994 — Кыргыз Республикасынын Ички иштер министрлигинде иштеген;
  • 1994-1996 — “Жибек жолу” биргелешкен ишканасынын коммерциялык директору;
  • 1996-2002 — “Кыргызкурулуш” АКда адис, башкы адис, бөлүм башчы, президенттин кеңешчиси, компаниянын биринчи вице-президенти;
  • 2002-2009 —Өкмөттүн алдындагы “Кыргызресурс” ишканасында генералдык директор, КРдин президентинин экспорт маселелери боюнча кеңешчиси;
  • 2009-2011 — КРдин Коргоо министрлигинин алдындагы “Кыргызкурал” мамлекеттик ишканасынын башкы директору;
  • 2014-2015 — “Ореми – Тэжелектромаш” заводунун генералдык директору;
  • 2015-2018 — “Кыргызкурулуш” компаниясынын президенти;
  • 2015-2018 — КРдин Өндүрүшчүлөр жана ишкерлер ассоциациясынын төрагасы, президенти, ЕАЭБ Ишкерлер кеңешинин мүчөсү;
  • 2018-2019 — КРдин Өнөр жай, энергетика жана жер казынасын пайдалануу боюнча мамлекеттик комитетинин төрагасынын орун басары;
  • 2020-жылдын октябрына чейин өкмөтүнүн аппаратынын стратегиялык пландаштыруу жана анализдөө тобунда иштеген;
  • 2020-жылдын 14-октябрында Өнөр жай, энергетика жана жер казынасын пайдалануу боюнча мамлекеттик комитеттин жетекчиси болуп дайындалды.
119
Белгилер:
Жыргалбек Сагынбаев, өмүр баян
Шатманова Шайиста Рахманбердиевна

Шатманова Шайиста Рахманбердиевна өмүр баяны

221
(жаңыланган 13:02 20.10.2020)
Шайиста Шатманова 1981-жылы 16-октябрда Жалал-Абад облусунун Ала-Бука районунун Биринчи май айылында туулган.

Билими:

  • 1998 — Мадан Алымбеков атындагы мектеп-гимназиясын аяктаган.
  • 2003 — Ишеналы Арабаев атындагы Кыргыз мамлекеттик педагогикалык университетинин Мамлекеттик тил жана маданият институтун артыкчылык диплом менен бүтүргөн.

Кесиби — журналист.

Эмгек жолу:

  • 2003 — "Кылмыш жана жаза" гезити, кабарчы;
  • 2005 -2007 — "Кылмыш жана жаза" гезити, жооптуу редактор;
  • 2007 — "Супер-Инфо" гезити, кабарчы;
  • 2008 — "Супер-Инфо" гезити, башкы редактор;
  • 2008-жыл, сентябрь — 2020-жылга чейин "Супер-Инфо" гезити, жетекчи;
  • 2020-жылдын 4-октябрына дайындалган парламенттик шайлоого "Социал-демократтар" саясий партиясы менен талапкер болгон. Ошондой эле аталган партиянын маалымат кызматын жетектеген.
  • 2020-жылдын 19-октябрында премьер-министр жана президенттин милдетин аткаруучу Садыр Жапаровдун буйругу менен "ЭлТР" мамлекеттик телерадиоберүү компаниясынын башкы директорлугуна дайындалган.

Сыйлык, наамдары:

  • 2011 — Маданият жана маалымат министрлиги тарабынан "Маданияттын мыкты кызматкери" төш белгиси менен сыйланган;
  • 2016 — КР президентинин Ардак грамотасы менен сыйланган.
221
Белгилер:
Шайиста Шатманова, таржымал, дайындоо, кызмат, журналист
Бажы кызматкеринин формасы. Архив

Семетеев Кадыржан Эргешович өмүр баян

322
(жаңыланган 23:56 19.10.2020)
Кадыржан Семетеев 1966-жылы 5-июнда туулган. 2020-жылдын октябрында Бажы мамлекеттик кызматынын жетекчиси болуп дайындалды.

Эмгек жолу:

  • 1986 — Жарандык авиация боюнча Оштогу бириккен авиаотряддын стажер-техниги, слесарь-оңдоочусу, үчүнчү класстагы техниги;
  • 1986–1992 — Жарандык авиация боюнча Оштогу бириккен авиаотряддын күйүүчү жана майлоочу майлар боюнча III разряддагы авиациялык техниги;
  • 1992–1995 — Оштогу бажынын инспектору;
  • 1995–1997 —"Түштүк" темир жол бажысынын "Ош 1-2" бажы постунун башкы инспектору;
  • 1997–1998 — Оштогу Бажы кызматынын башкы инспектору;
  • 1998–1999 — "Түштүк" темир жол бажысынын башкы инспектору;
  • 2000 — Оштогу Бажы кызматынын жетекчисинин орун басары, жетекчисинин орун басарынын милдетин аткаруучу;
  • 2000–2002 — Оштогу Бажы кызматынын жетекчисинин орун басары;
  • 2002 — "Түндүк" темир жол бажысынын начальнигинин орун басары;
  • 2002–2003 — Жалал-Абад бажысынын орун басары;
  • 2003–2005 — Бишкек бажысынын жетекчиси;
  • 2005–2006 — Бажы мамлекеттик инспекциясынын директорунун орун басары;
  • 2006–2010 — Бажы мамлекеттик инспекциясынын Кадрлар менен камсыздоо башкармалыгынын начальниги;
  • 2010–2011 — Бажы мамлекеттик кызматынын Уюштуруу жана кадр менен камсыздоо башкармалыгынын жетекчиси;
  • 2010–2012 — Бажы мамлекеттик кызматынын Персоналдар менен иштөө башкармалыгынын начальниги;
  • 2012–2013 — "Түндүк" темир жол бажысынын жетекчисинин милдетин аткаруучу, жетекчи;
  • 2013–2014 — Бажы мамлекеттик кызматынын Кесиптик жана кинология кызматы борборунун начальниги;
  • 2014 — Бажы мамлекеттик кызматынын бажы союзунун маселелери боюнча бөлүмүнүн жетекчиси;
  • 2015–2016 — Бажы мамлекеттик кызматынын төрагасынын кеңешчиси;
  • 2016 — Бажы мамлекеттик кызматынын Бажы иштерин уюштуруу боюнча башкармалыгынын жетекчисинин орун басары;
  • 2016–2017 — Бажы мамлекеттик кызматынын Персоналдар менен иштөө башкармалыгынын начальниги;
  • 2017–2018 — Бажы мамлекеттик кызматынын Бажыдан кийинки көзөмөл жана тобокелчиликтер менен иштөө башкармалыгынын жетекчиси;
  • 2018 — Бажы мамлекеттик кызматынын бажыдан кийинки көзөмөл бөлүмүнүн жетекчиси;
  • 2018–2020 — Бажы мамлекеттик кызматынын Бажыдан кийинки көзөмөл башкармалыгынын жетекчиси;
  • 2020-жыл, октябрь — Бажы мамлекеттик кызматынын жетекчиси.
322
Белгилер:
өмүр баян, төрага, Кадыржан Семетеев, Мамлекеттик бажы кызматы, Кыргызстан
Экс-президент Сооронбай Жээнбеков. Архив

Жээнбеков жоюп кеткен Антикоррупциялык кызматты Жапаров жандантты

133
(жаңыланган 22:30 20.10.2020)
Жаңы жарлыктын негизинде Жээнбековдун жарлыгынын колдонулушу токтотулуп жана кабыл алынган күндөн тартып күчүн жоготту деп табылды. 

БИШКЕК, 20-окт. — Sputnik. Президенттин милдетин аткаруучу Садыр Жапаров Коррупцияга каршы күрөшүү кызматынын ишин жандандыруу боюнча жарлыкка кол койду. Бул туурасында президенттик аппарат билдирди.

Белгилей кетсек, экс-президент Сооронбай Жээнбеков кызматтан кетип жатып аталган кызматты жоюу туурасында жарлыкка кол койгон

Жапаровдун чыгарган жарлыгына ылайык, Жээнбековдун жарлыгынын колдонулушу токтотулду жана кабыл алынган күндөн тартып күчүн жоготту деп табылды.

Буга байланыштуу Улуттук коопсуздук мамлекеттик комитетинин Антикоррупциялык кызматынын иши улантылат.

УКМКга төмөнкүдөй тапшырмалар берилди:

  • Антикоррупциялык кызматтын иштөөсүн камсыз кылсын;
  • Антикоррупциялык кызматтын мындан аркы ишин оптималдаштыруу боюнча сунуштарды киргизсин.

Жарлык расмий жарыяланган күндөн тартып күчүнө кирет.

133
Белгилер:
кызмат, коррупция, жарлык, Садыр Жапаров, Сооронбай Жээнбеков
Тема боюнча
Экс-президент макамы Жээнбековго кандай артыкчылык берет? Тизме
Жээнбеков расмий түрдө экс-президент болду. Жапаровдун биринчи жарлыгы