Мэрдин милдетин аткара турчу Эрмек Нургазиев тууралуу эмне белгилүү?
(жаңыланган 11:13 09.02.2021)
Эрмек Нургазиев 1977-жылы Чүй облусунун Жайыл районунда туулган. Бирок балалыгы Ош облусунда өткөн. Билими:
- Ош мамлекеттик университетин аяктаган;
- Кыргыз улуттук университетинде "финансы жана кредит" адистигин бүтүргөн;
- Президентке караштуу Мамлекеттик башкаруу академиясынын магистратурасын аяктаган.
Эмгек жолу:
Эрмек Нургазиев бир нече жыл бизнес жаатында иш алып барып, жеке ишкер болуп эмгектенген. Ал ишкерликти килем сатуу менен баштап, кийин кафе, унаа жуучу жай ачкан. Андан соң курулуш тармагына өткөн.
Нургазиев буга чейин "Эмма Строй" ЖЧКсынын башкы директору болуп иштеген. Аталган курулуш компаниясы Ысык-Көлгө коттедж шаарчасын курганы менен белгилүү. Азыр аталган компаниянын башкы директору катары Айдана Марасулова көрсөтүлгөн. Айдана Марасулова — Эрмек Нургазиевдин жубайы. Ал Алмазбек Атамбаев президент болуп турган учурда "Эне даңкы" медалы менен сыйланган.
Мэрдин милдетин убактылуу аткара турган Нургазиев 2020-жылы 4-октябрда өткөн парламенттик шайлоого "Кыргызстан" саясий партиясы менен катышкан. Бирок өлкөдө 5-октябрда башаламандык болуп, бийлик алмашып, шайлоонун жыйынтыгы жокко чыгарылган.
Эрмек Нургазиев беш кыз, бир уулдун атасы. Кыздарынын арасында эгиздери да бар. Эмма аттуу кызы чоң теннис боюнча Кыргызстандын үч жолку чемпиону. Ошондой эле бир нече эл аралык турнирлерге катышкан.
Маалымат ачык булактардан алынды.
Белгилер:
Финчалгындоонун жаңы башчысы Канатбек Тургунбековдун өмүр баяны
(жаңыланган 10:26 16.02.2021)
Канатбек Тургунбеков 1970-жылы 25-майда Нарын облусунун Тянь-Шань районунун Чет-Нура айылында туулган.Канатбек Тургунбековдун өмүр баяны жана эмгек жолу тууралуу Sputnik Кыргызстан агенттиги даярдаган "Таржымал" рубрикасынан таанышууга болот.
Тургунбеков Кыргыз айыл чарба университетинде зооинженер адистигин, Кыргыз мамлекеттик улуттук университетинде юрист-укук таануучу адистигин аяктаган.
Эмгек жолу:
- 1992-1993 — Бишкек шаарынын Свердлов РИИБинде экономика жана коррупциялык кылмыштарга каршы күрөшүү бөлүмүнүн ыкчам кызматкери;
- 1993-1994 — ИИМдин экономика жана коррупциялык кылмыштарга каршы күрөшүү башкы башкармалыгынын экономика жана коррупциялык кылмыштарга каршы бөлүмүнүн улук ыкчам кызматкери;
- 1994-1996 — ИИМдин экономика жана коррупциялык кылмыштарга каршы күрөшүү башкы башкармалыгынын коррупция жана пара алууга каршы бөлүмүнүн өзгөчө маанилүү иштер боюнча улук ыкчам кызматкери;
- 1996-2000 — ИИМдин Уюшкан кылмыштуулукка каршы күрөшүү башкармалыгынын бандитизмге каршы бөлүмүнүн өзгөчө маанилүү иштер боюнча улук ыкчам кызматкери;
- 2000-2001 — ИИМдин Уюшкан кылмыштуулукка каршы күрөшүү башкармалыгынын уюшкан кылмыштуу топторго, транс улуттук жана жогорку технологиялар тармагындагы кылмыштар бөлүмүнүнү башчысы;
- 2001-2002 — Бишкек шаарынын Ленин РИИБдин кылмыш издөө бөлүмүнүн башчысы;
- 2002-2003 — Финансы полициянын Бишкектеги башкармалыгынын жетекчисининин орун басары;
- 2003-2004 — Финансы полициянын Ысык-Көл жана Нарын облустары боюнча башкармалыгынын жетекчиси;
- 2004-2006 — Финансы министрлигинин Ыктыярдуу башкаруу жана ички аудит кызматынын башчысы;
- 2006-2007 — Финансылык чалгындоо кызматынын башчысынын орун басарынын илдетин аткарган. Ошондой эле IТ-камсыздоо жана эл аралык кызматташтык бөлүмүн жетектеген;
- 2007-2008 — "Альфа Секьюрити" кайтаруу агенттигинин башкы директорунун кеңешчиси;
- 2008-2009 — Коррупциянын алдын алуу улуттук агенттигинде башкармалыктын жетекчиси;
- 2009-2010 — Мамлекеттик кадр кызматынын Коррупцияны алдын алуу агенттигинин башчысынын орун басары;
- 2011 — "Альфа Телеком" ЖАКтын коопсуздук маселелер боюнча директору;
- 2012 — "Альфа Телеком" ЖАКтын персоналдар боюнча дирекциянын башчысы;
- 2013 — Экономикалык кылмыштарга каршы күрөшүү кызматынын төрагасынын орун басары;
- 2020 — Мамлекеттик каттоо кызматынын укуктук маселелер боюнча башкармалыгынын жетекчиси;
- 2020 — Жогорку Кеңештин 7-чакырылышына шайлоодо "Кыргызстан" партиясынын штабынын жетекчиси.
- 2021-жылдын 15-февралында Финансылык чалгындоо мамлекеттик кызматынын төрагасы болуп дайындалды.
Үй-бүлөлүү, төрт баланын атасы. Финансы полициясынын полковниги, Мамлекеттик кызматтын I класстагы кеңешчиси.
Белгилер:
- Тема боюнча
- Жоробай ажы Шергазыев — өмүр баяны
Жоробай ажы Шергазыев — өмүр баяны
(жаңыланган 11:24 12.02.2021)
Кыргызстандын муфтийинин милдетин аткаруучу Жоробай Шергазыевдин өмүр баяны тууралуу маалыматтарды Sputnik Кыргызстан агенттигинин "Таржымал" рубрикасынан окуңуз.Жоробай ажы Шергазыев 1974-жылы 27-августта Баткен облусунда туулган. Диний жогорку билимге ээ болгон.
Билими:
- 1992 — Баткен районундагы Жоомарт Бөкөнбаев атындагы орто мектепти бүтүргөн;
- 1992 — Бишкектеги "Хазрат Умар" атындагы медресеге тапшырып, белгилүү дин аалымдары болгон Молдо Хашим жана Молдо Газыдан сабак алган;
- 2004 — Египеттеги "Ал-Азхар" университетинин шарият факультетин ийгиликтүү аяктаган;
- 2006-2009 — жылдары Египеттин муфтиятындагы үч жылдык атайын фатва берүүгө даярдоо окуусун ийгиликтүү аяктаган;
- 2015 — Кусейин Карасаев атындагы Бишкек гуманитардык университетинин чыгыш таануу жана эл аралык байланыштар факультетинин магистратурасын аяктаган.
Эмгек жолу:
- 2009 - 2010 — Египеттин муфтиятында иштеген;
- 2010 — Кыргызстан ислам университетинде мугалим;
- 2011 — Бишкектеги "Ыйман" мечитине имам-хатиб;
- 2011 — Кыргызстан мусулмандарынын дин башкармалыгы, муфтияттын фатва бөлүмүнүн адиси;
- 2013 — муфтияттын фатва бөлүмүнүн башчысы;
- 2016 — февраль айынан тарта азирети муфтийдин орун басары;
- 2021-жылдын 11-февралынан тарта муфтийдин милдетин аткаруучу.
Үй-бүлөлүү, үч уул, бир кыздын атасы.
Белгилер:
- Тема боюнча
- Шаршеев Бакыт Октябрович — өмүр баяны
Башкы прокуратура ишкерлер үчүн күнү-түнү жооп берген ишеним номерлерин жарыялады
(жаңыланган 22:35 26.02.2021)
Ишеним телефону жеке ишкердик субъектилеринин ишине укук коргоо, фискалдык жана контролдоочу органдардын негизсиз кийлигишүүсү, ошондой эле менчик ээлеринин укуктарынын бузулуусу боюнча кайрылууларды кабыл алары маалым болду.БИШКЕК, 26-фев. — Sputnik. Башкы прокуратура ишкерлер үчүн күнү-түнү жооп бере турган ишеним телефон номерлерин жарыялады. Бул тууралуу аталган мекеменин маалымат кызматы кабарлады.
"Мамлекет башчы Садыр Жапаровдун "Менчикти коргоо жана ишкерлер менен инвесторлорду колдоо жөнүндөгү" жарлыгын аткаруу максатында ишеним телефону иштеп баштады", — деп айтылат маалыматта.
Эми ишкерлер күнү-түнү (0312) 88-90-33 номерине чала алышат.
Ишеним телефону жеке ишкердик субъектилеринин, чакан бизнестин ишине укук коргоо, фискалдык жана контролдоочу органдардын негизсиз кийлигишүүсү, ошондой эле менчик ээлеринин укуктарынын бузулуусу боюнча кайрылууларды кабыл алары маалым болду.
Белгилер: