Коомдук жана саясий ишмер Жусуп Абдрахманов. Архив

Жусуп Абдрахманов өмүр баяны

186
Жусуп Абдрахманов 1901-жылы 28-декабрда Ысык-Көл облусундагы Чиркей айылында манаптын үй-бүлөсүндө төрөлгөн.

Билими:

Абдрахманов Сазановка кыштагындагы (азыркы Ананьево айылы) орус-тузем мектебинде 3-класска чейин окуп, 1914-жылдан баштап билимин Каракол шаардык жогорку-башталгыч окуу жайында уланткан. Тилекке каршы, 1916-жылы Үркүн окуясынан улам Абдрахманов окуусун бүтүрө албай калган.

Болочоктогу саясий ишмердин атасы — Абдрахман Балапанов бий жана болуш болгон. Ал 1916-жылдагы көтөрүлүшкө катышып, ошол жылы келте оорусунан каза тапканы айтылат. Жусуп Абдрахмановдун энеси жана жети бир тууганы Нарындагы көтөрүлүштү басууда өлтүрүлгөн. Натыйжада Абдрахманов Токо аттуу иниси менен томолой жетим калып, 15 жашында эл менен кошо Кытайга качат. Бир жылдан соң мекенине кайтып келип, Каракол гарнизонунда офицерлердин аттарын, короосун карап жашаган.

Жусуп Абдрахманов Кызыл Армияга жазылып, бир жылга жетпеген убакытта катардагы жоокерден эскадрондун командирлигине чейин көтөрүлгөн. Алгач 1919-жылы Верныйдагы (азыркы Алматы шаары) командирлик курстан, андан кийин Ташкенттеги аскердик жогорку мектептен окуган.

Эмгек жолу:

Совет бийлиги орногондон кийин партиялык курулушка баш-оту менен киришкен Абдрахманов алгачкылардан болуп комсомолдун катарына өтүп, 1920-жылы Россия комсомолдорунун 3-курултайына өкүл катары катышкан.

Кыргыз мамлекеттүүлүгүнүн түптөөчүсү, алгачкы кыргыз интеллигенциясынын эң көрүнүктүү өкүлү, саясий жана коомдук ишмер Жусуп Абдрахманов
© Фото / иллюстрации из книги Ж. Абдрахманова "1916. Дневники. Письма к Сталину"
Жусуп Абдрахманов 1924-жылга чейин Жети-Суу аймагында жооптуу партиялык-советтик кызматтарда иштеген. Ошол жылдары санаалаштары менен жаңы, жаш мамлекетти бутуна тургузуп, цивилизацияга кошуу иштерине киришет. Абдрахманов Кыргызстандын азыркы чектерин аныктап, ал гана эмес өлкө аянтын дагы да кеңейтүүнү максат кылган. Абдрахмановдун аракети менен Кыргызстан адегенде автономиялуу облус, андан кийин автономиялуу республика болгон.

Коомдук ишмер 1925-жылы Москвага кызматка чакырылып, Бүткүл союздук коммунисттер партиясынын Борбордук Комитетинде жооптуу инструктор болуп эмгектенген. Ошол эле жылы кыргыздан чыккан алгачкы дипломат катары Иран өлкөсүнө эки тараптын мамилесин чыңдоо үчүн жөнөтүлөт.

Саясий ишмер 1927-жылы март айында, болгону 26 жашында Кыргыз АССРинин Элдик комиссарлар төрагасы болуп дайындалат. Ал бул кызматты аркалаган беш жыл ичинде жаңы түзүлгөн жаш республикадагы бардык маанилүү жумуштарды баштап? айыл чарба, өнөр жай, билим берүү, укук, маданият сыяктуу тармактарды негиздөөгө салым кошкон. Колхоздошуу башталганда чоңдордун каршылыгына карабастан кооперация идеясын көтөрүп, көчмөн калкты жапырт отурукташтырууга макул болбой, жергиликтүү шартты билбеген москвалык кызматкерлерди катуу сындап, кыргыз тилинин ролун жогорулатуу, улуттук кадрларды даярдоо жана кызматка коюу маселелерин ар дайым көтөргөн. Ал турсун Сталинге эки жолу кат жөнөтүп, Москванын туура эмес саясатын белгилеген. 1930-жылдары ачкачылык башталып, Украина, Казакстанда миллиондогон адам кырылганда Абдрахманов бул көрүнүштү алдын ала сезип, Кыргызстанда жыйналган данды жогору жактын каршы чыкканына карабастан Москвага жөнөтпөй койгон. Ошентип канчалаган кыргызды ачарчылыктан сактап калган. Бирок так ушул жагдай кийин анын "улутчул" деп күнөөлөнүшүнө себепкер болгон. Абдрахманов 1933-жылы сентябрда "Компартияга каршы аракеттенген" деген жалаа менен ишинен бошотулуп, партиянын катарынан чыгарылган.

Жусуп Абдрахманов 1937-жылы камакка алынып, ага антисоветтик террорист, Социал-Туран партиясынын түзүүчүсү деген жалган күнөөлөр коюлат. Кыргызстанда совет бийлигин кулатып, өзүнчө мамлекет түзмөкчү болгон деген айып тагылат. Бирок түрмөдөгү адам чыдагыс кыйноолорго карабай күнөөлөрдү мойнуна алган эмес. Бийликти аёосуз сындаса да, советтик түзүлүштүн активдүү жарчысы жана куруучусу болуп, ар дайым Лениндин идеяларын колдоп келген. Жусуп Абдрахманов 1938-жылдын 5-ноябрда өлтүрүлгөн. Артында анын жубайы жана беш баласы калган.

186
Белгилер:
саясий ишмер, коомдук ишмер, таржымал, өмүр баян, Жусуп Абдрахманов
Тема боюнча
Бишкектеги жогорку окуу жайга Жусуп Абдрахмановдун ысымын ыйгаруу сунушталды
Жусуп Абдрахмановдун 120 жылдыгы быйыл улуттук деңгээлде белгиленет
Иманкулов Марат Муканович

Иманкулов Марат Муканович өмүр баяны

42
(жаңыланган 13:25 08.05.2021)
Марат Иманкулов 1960-жылы Чүй облусунун Он бир жылга айылында туулган. Улуттук коопсуздук органынын генерал-майору.

Билими:

  • 1982 — Москва полиграфиялык институтун аяктаган;
  • 1987 — Киевде СССРдин Мамлекеттик коопсуздук комитетинин Жогорку мектебин бүткөн;
  • 1991 — Ташкентте СССРдин Мамлекеттик коопсуздук комитетинин Жогорку мектебин аяктаган;

Кыргызстандын улуттук коопсуздук органында 1986-жылдан бери иштеп, ыкчам кызматкерден жетекчилик кызматка чейин жеткен.

  • 1998–2001 — Улуттук коопсуздук кызматынын Нарын облусу боюнча башкармалыгынын жетекчиси;
  • 2001–2002 — Улуттук коопсуздук кызматынын Ош облусу боюнча башкармалыгынын жетекчиси;
  • 2002–2005 — Улуттук коопсуздук кызматынын Жалал-Абад облусу боюнча башкармалыгынын жетекчиси;
  • 2005–2007 — Улуттук коопсуздук кызматынын террорчулукка каршы күрөшүү башкармалыгынын башчысы;
  • 2007-жылы КМШ өлкөлөрүнүн Терроризмге каршы борборунун жетекчисинин орун басары болуп иштеген. 2010-жылы Кыргызстандын Коопсуздук кеңешинин катчысы кызматын ээлеген.
  • 2011-жылы Улуттук коопсуздук мамлекеттик комитетинин биринчи орун басары болгон. 2017-жылы президенттик шайлоого талапкерлигин койгон, бирок орто жолдон өз эрки менен жарыштан чыгып кеткен.
  • 2021-жылдын 8-майында Коопсуздук кеңешинин катчысы болуп дайындалды.
42
Белгилер:
кызмат, Коопсуздук кеңеши, Өмүр баяны, Марат Иманкулов
Тема боюнча
Билим берүү министри кызматына келген Болотбек Купешевдин өмүр баяны
Болотбек Купешев. Архив

Билим берүү министри кызматына келген Болотбек Купешевдин өмүр баяны

47
(жаңыланган 14:33 07.05.2021)
Купешев Болотбек Душекович 1959-жылдын 25-октябрында Ысык-Көл облусундагы Ак-Суу районунун Соколовка айылында туулган.

Жогорку билимдүү, 1986-жылы Кыргыз мамлекеттик университетин аяктап орус тили жана адабияты мугалими адистигине ээ болгон.

Эмгек жолу:

  • 1976 - 1978 — Ысык-Көл облусунун Ак-Суу районунун Дзержинский атындагы совхозунда иштеген (ар кандай жумуштар);
  • 1978 - 1980 — Советтик Армиянын катарында кызмат өтөгөн;
  • 1980 - 1986 — СССРдин 50 жылдыгы атындагы КМУда окуган;
  • 1986 – 1989 — Кыргызстан Ленинчил коммунисттик жаштар союзунун Фрунзе шаардык комитетинин бөлүм башчысы;
  • 1989 – 1991 — Фрунзе шаарынын № 69 орто мектебинин директорунун орун басары;
  • 1996 – 2002 — Бишкек шаарынын № 69 мектеп-гимназиясынын директору;
  • 2002 – 2004 — Бишкек шаарынын Герман Гмайнер атындагы SOS орто мектебинин директору;
  • 2004 – 2005 — Бишкек шаарынын Октябрь райондук мамлекеттик администрациясынын башчысы;
  • 2005 – 2007 — Бишкек шаарынын Олимпиадалык даярдык борборунун Олимпиадалык резерв мектебинин инструктор-методисти;
  • 2007 – 2008 — Ысык-Көл облусунун губернаторунун орун басары – аппарат жетекчиси;
  • 2008 – 2009 — Ысык-Көл облусунун губернаторунун орун басары;
  • 2009 – 2010 — Ысык-Көл облусунун Ак-Суу райондук мамлекеттик администрациясынын башчысы;
  • 2021-жылдын май айына чейин өлкөнүн Соода - өнөр жай палатасынын Түндүк региондору департаментинин жетекчиси;
  • 2021-жылдын 5-майынан тарта Кыргыз Республикасынын билим берүү жана илим министри.
  • 1990 – 1995-жылдары Бишкек шаарынын Биринчи май райондук кеңешинин депутаты дагы (эки жолку чакырылышта) болгон. Ал эми 1999-2004-жылдары Бишкек шаардык кеңешинин депутаты болуп эмгектенген.
  • 2000-жылы Кыргыз Республикасынын мугалимдеринин I съездинин делегаты болуп шайланган. 1992-1993-жылдары "Мыкты директор" наамына татыктуу болгон;
  • Кыргыз Республикасынын эмгек сиңирген мугалими наамынын ээси. "Кыргыз Республикасынын билим берүүсүнүн мыктысы" төш белгиси, Билим берүү жана илим министрлигинин Ардак грамотасы менен сыйланган.
47
Белгилер:
Болотбек Купешев, биография, таржымал
Жүк ташуучу унаалар. Архив

Милиция: Баткенде кармалган Тажикстандын 3 фурасы кыргыздардыкына алмаштырылат

0
(жаңыланган 23:12 11.05.2021)
Үч фура 7-майдан бери чек ара тилкелериндеги окуяга байланыштуу коопсуздук үчүн милиция кызматкерлеринин карамагында болгон.

БИШКЕК, 11-май — Sputnik. Баткен облусунун кире бериш аймагынан токтотулган Тажикстандын жүк ташып бара жаткан унаалары милиция тарабынан кармалып турган. Бул тууралуу Баткен облустук милициянын маалымат кызматы кабарлады.

Билдирмеге караганда, үч фура 7-майдан бери чек ара тилкелериндеги окуяга байланыштуу коопсуздугун камсыздоо максатында милиция кызматкерлеринин карамагында болгон.

“Бүгүн, 11-майда, кармалган фураларды Баткен ОИИБдин унаа токтотуучу жайына Жол кыймылынын коопсуздугун камсыздоо кызматынын коштоосунда Баткен шаарына алып келе жаткан. Кыргыз жарандарынын жети фурасы Тажикстанда кармалып турат. Эки өлкөнүн ИИМ жетекчилеринин сүйлөшүүсүнүн натыйжасында жүк ташуучу унаалар алмаштырылат”, — деп айтылат маалыматта.

Буга чейин социалдык тармактарда Тажикстандын жүк ташуучу унааларын Кыргызстандын укук коргоо органдары коштоп чек арадан өткөрүүгө аракет кылган деген видео тараган.

0
Белгилер:
милиция, Тажикстан, алмашуу, фура, Баткен
Тема боюнча
УКМК Тажикстанга Баткен аркылуу бензин ташылууда деген маалыматты четке какты
Лейлекте чек ара чырында уурдалган 16 унаанын үчөө Тажикстандан кайтарылды