Болотбек Купешев. Архив

Билим берүү министри кызматына келген Болотбек Купешевдин өмүр баяны

65
(жаңыланган 14:33 07.05.2021)
Купешев Болотбек Душекович 1959-жылдын 25-октябрында Ысык-Көл облусундагы Ак-Суу районунун Соколовка айылында туулган.

Жогорку билимдүү, 1986-жылы Кыргыз мамлекеттик университетин аяктап орус тили жана адабияты мугалими адистигине ээ болгон.

Эмгек жолу:

  • 1976 - 1978 — Ысык-Көл облусунун Ак-Суу районунун Дзержинский атындагы совхозунда иштеген (ар кандай жумуштар);
  • 1978 - 1980 — Советтик Армиянын катарында кызмат өтөгөн;
  • 1980 - 1986 — СССРдин 50 жылдыгы атындагы КМУда окуган;
  • 1986 – 1989 — Кыргызстан Ленинчил коммунисттик жаштар союзунун Фрунзе шаардык комитетинин бөлүм башчысы;
  • 1989 – 1991 — Фрунзе шаарынын № 69 орто мектебинин директорунун орун басары;
  • 1996 – 2002 — Бишкек шаарынын № 69 мектеп-гимназиясынын директору;
  • 2002 – 2004 — Бишкек шаарынын Герман Гмайнер атындагы SOS орто мектебинин директору;
  • 2004 – 2005 — Бишкек шаарынын Октябрь райондук мамлекеттик администрациясынын башчысы;
  • 2005 – 2007 — Бишкек шаарынын Олимпиадалык даярдык борборунун Олимпиадалык резерв мектебинин инструктор-методисти;
  • 2007 – 2008 — Ысык-Көл облусунун губернаторунун орун басары – аппарат жетекчиси;
  • 2008 – 2009 — Ысык-Көл облусунун губернаторунун орун басары;
  • 2009 – 2010 — Ысык-Көл облусунун Ак-Суу райондук мамлекеттик администрациясынын башчысы;
  • 2021-жылдын май айына чейин өлкөнүн Соода - өнөр жай палатасынын Түндүк региондору департаментинин жетекчиси;
  • 2021-жылдын 5-майынан тарта Кыргыз Республикасынын билим берүү жана илим министри.
  • 1990 – 1995-жылдары Бишкек шаарынын Биринчи май райондук кеңешинин депутаты дагы (эки жолку чакырылышта) болгон. Ал эми 1999-2004-жылдары Бишкек шаардык кеңешинин депутаты болуп эмгектенген.
  • 2000-жылы Кыргыз Республикасынын мугалимдеринин I съездинин делегаты болуп шайланган. 1992-1993-жылдары "Мыкты директор" наамына татыктуу болгон;
  • Кыргыз Республикасынын эмгек сиңирген мугалими наамынын ээси. "Кыргыз Республикасынын билим берүүсүнүн мыктысы" төш белгиси, Билим берүү жана илим министрлигинин Ардак грамотасы менен сыйланган.
65
Белгилер:
Болотбек Купешев, биография, таржымал
Чүй облустук соттун төрагасы Дамирбек Оңолбеков (сол жакта). Архив

Бакиевдин үй-бүлөсүн соттогон. Жапаров көрсөткөн мас судья тууралуу 6 факты

3898
(жаңыланган 20:32 07.06.2021)
Ичимдик ичип талкууга түшкөн судья сот тармагында 30 жылдан бери иштейт. Мурунку президент Курманбек Бакиевдин үй-бүлөсүн соттогон. Атасы да мурда жогорку кызматтарды аркалаган, ал эми бир тууган иниси Бажы кызматын башкарган.

Чүй облустук соттун төрагасы Дамирбек Оңолбековдун мас абалда бутуна тура албай иш бөлмөсүнө келгени коомчулукту таң калтырды. Ал видеону бүгүн президент Садыр Жапаров Сот жана укук коргоо ишин өркүндөтүү маселелери боюнча кеңештин жыйынында көрсөттү. Дал ушул жыйында сот жана укук коргоо тармагын өркүндөтүү маселеси талкууланган.

Sputnik Кыргызстан агенттиги судья Дамирбек Оңолбеков тууралуу фактыларды сунуштайт.

Ушундай болуп калды...

Оңолбеков бүгүн окуя тууралуу кабарчыга комментарий берип жатып мас болуп жумушка келгенин танган жок. Бирок видео былтыр 4-июль күнү тартылганын айтты.

"Былтыр пандемия маалында Чүй облустук сотунда көбү ооруп жаткан. Биз катчылар, аппарат кызматкери болуп иштеп жаттык. Ошол маалда дүрбөлөңгө туш болбойлу деп... Эми түшүнүп жатасызбы, ошондой болуп калды. Аны четке какпай эле коёюн, ар кандай болот, баарыбыз эркекпиз. Анда "кара июль" эле, видео ишемби күнү тартылыптыр. Ошол кезде пандемияга карабай иштеп жатканбыз. Муну (видеону — ред.) ким жеткирди, териштиргим келбейт, кудай өзү көрүп турат. Канча душман, канча досум бар. Баарына жага албайсың", — деген пикирин билдирди.

Ал эми жумушка күн сайын ичип келет деген сөздү четке кагып, мындай такыр мүмкүн эместигин белгиледи. Түзүлгөн жагдайдан улам өз ыктыяры менен кызматтан кетүүгө арыз жазды. Ал арада Судьялар кеңеши Оңолбековду мөөнөтүнөн мурда иштен алууну президентке сунуштады.

Сот тармагында 30 жыл, Чүй облусунда 3 жыл иштеди

Оңолбеков 1966–жылы 31-мартта Фрунзе шаарында туулган. Ал Sputnik Кыргызстанга берген маегинде сот тармагында 30 жылдан бери иштеп келе жатканын айтты. Бул аралыкта Ысык-Көл облустук соттун төрагасынын орун басары, Бишкек аскердик гарнизондук сотунун судьясы болуп иштеген. Ал эми Чүй облустук соттун судьялыгына 2018-жылы 1-февралда ошондогу президент Сооронбай Жээнбековдун жарлыгы менен дайындалган. Кийинчерээк төрага болуп бекитилген.

"Кылымдын сотун" тергеп, Бакиевдин үй-бүлөсүн соттогон

2010-жылдагы 7-апрель коогалаңында Ак үйдүн алдында 80ге чукул адам окко учуп, 300дөн ашууну жаракат алган. Бул окуя боюнча соттук териштирүү ошол жылдын 30-ноябрында башталган.

Аны баштан аяк Бишкек аскердик гарнизондук сотунун судьясы Дамирбек Оңолбеков карап, 2014-жылы 25-июлда өкүм чыгарган. Натыйжада УКМКнын "Альфа" атайын бөлүгүнүн кызматкерлери акталып, Курманбек Бакиев, анын иниси Жаныш Бакиев, мурдагы премьер-министр Данияр Үсөнов сыртынан өмүр бою эркинен ажыратылган. Мындан сырткары, бир катар жооптуу кызматкерлер, аткаминерлер 10 жылдан 25 жылга чейин кесилген.

Бул соттук процесс тарыхта эң узак убакытка созулган жана көлөмдүү, ошол эле учурда чуулуу иш болуп, эл арасында "Кыргызстандагы кылым соту" деп аталып калды. Себеби соттук териштирүү 3 жыл 8 айга созулуп, 95 томдон турган материал даярдалган. Ал эми өкүм 400 бет болуп жазылып, аны бир жума окуган.

Атасы КГБда иштеген

Атасы Мадылбек Оңолбеков мамлекеттик жана партия кызматкери болгон. Ал Кыргыз ССРинин Коопсуздук мамлекеттик комитетинде, Юстиция министрлигинде, Жогорку Кеңеште, Конституциялык сотто жетекчилик кызматтарды аркалаган. Былтыр узакка созулган оорудан улам 80 жашында дүйнөдөн өткөн.

Бир тууган иниси Бажы кызматын башкарган

2018-жылы май айында Бажы кызматынын төрагасы Кубанычбек Кулматов кызматтан бошотулуп, анын ордуна Алмаз Оңолбеков дайындалган. Ал учурда кеп болуп жаткан судья Дамирбек Оңолбековдун бир тууган иниси. Ага бул кызматты башкаруу шыбагасы бир жылдан ашыгыраак убакытка созулган.

Батирден башка мүлкү жок

2018-жылы киреше-чыгашасы тууралуу тапшырган декларациясында бир жылда 854 233 сом табарын жазган. Аянты 72,1 чарчы метр бир батирге жана бакча тибиндеги 800 чарчы метр жер тилкеге ээлик кылат. Мындан башка мүлкү жок.

Ал эми жакын туугандары бир жылда 430 574 сом тапкан.

Оңолбеков бүгүн берген маегинде төрт жылдан бери дем алышсыз иштеп жатканын, башкаларга окшоп чет өлкөгө эс алууга да чыкпаганын белгиледи. Жадагалса Ысык-Көлгө да бара электигин айтты.

3898
Белгилер:
дайындоо, Чүй облусу, өкүм, Курманбек Бакиев, мас, факты, сот, Дамирбек Оңолбеков
Тема боюнча
Кудай көрүп турат. Жапаров видеосун көрсөткөн мас судья өз версиясын айтты
74 батир, 19 соода жай... УКМК судьянын мыйзамсыз байыганын аныктады
УКМК кармаган Жогорку соттун судьясы Осмоналиев 70 млн. сом төлөп абактан чыкты
Бакиров Өмүрбек Мирзараимович

Бакиров Өмүрбек Мирзараимович өмүр баяны

71
Өмүрбек Бакиров 1978-жылы Ош облусуна караштуу Араван районунун Төө-Моюн айылында туулган. 2001-жылы Кыргыз-өзбек университетинин финансы жана кредит факультетин аяктаган.

Эмгек жолу:

  • 2001-2008 — жеке ишкер;
  • 2008-2010 — "Гарант" акционердик коомунун директору;
  • 2010-2011 — Жогорку Кеңештин төрагасынын жардамчысы;
  • 2011, июль-сентябрь — Жогорку Кеңештин төрагасынын кеңешчиси;
  • 2011-2015 — Жогорку Кеңештин V чакырылышынын депутаты;
  • 2018, ноябрь-декабрь — "Кыргызтелеком" ААКсынын төрагасынын кеңешчиси;
  • 2018 — Жогорку Кеңештин VI чакырылышынын депутаты.

Үй-бүлөлүү, төрт баланын атасы.

71
Белгилер:
Өмүр баяны, депутат, Өмүрбек Бакиров
Жогорку Кеңештин депутатынын иштеген жери. Архив

УКМК: жасалма диплом колдонуп жүргөн Жогорку Кеңештин депутаты аныкталды

0
(жаңыланган 11:48 14.06.2021)
Депутат 1998-жылы Жусуп Баласагын атындагы Кыргыз улуттук университетинин тарых факультетинин үчүнчү курсунан чыгарылган. Ал билим алуу акысын төлөбөй койгону үчүн четтетилген.

БИШКЕК, 14-июн. — Sputnik. Улуттук коопсуздук мамлекеттик комитети Жогорку Кеңештин З.Т.З. аттуу депутаты жогорку билими тууралуу жасалма дипломду пайдаланып жүргөнүн аныктаганын билдирди.

  • Улуттук коопсуздук мамлекеттик комитети Жогорку Кеңештин З.Т.З. аттуу депутаты жогорку билими тууралуу жасалма дипломду пайдаланып жүргөнүн аныктаганын билдирди
    © Фото / пресс-служба ГКНБ КР
  • Маалыматка караганда, УКМК сотко чейинки өндүрүштүн алкагында жүргүзүлгөн иш-чаралардын жыйынтыгында Жогорку Кеңештин КСДП фракциясынын депутаты, мурдагы вице-спикер З.Т.З. жасалма диплом колдонуп жүргөнү аныкталган
    © Фото / пресс-служба ГКНБ КР
  • Мындан ташкары, Жусуп Баласагын атындагы КУУдан УКМКга З.Т.З университеттин бүтүрүүчүлөрүнүн катарында жок экенин жана анын дипломунда көрсөтүлгөн номер башка жаранга берилгенин билдиришкен
    © Фото / пресс-служба ГКНБ КР
1 / 3
© Фото / пресс-служба ГКНБ КР
Улуттук коопсуздук мамлекеттик комитети Жогорку Кеңештин З.Т.З. аттуу депутаты жогорку билими тууралуу жасалма дипломду пайдаланып жүргөнүн аныктаганын билдирди

Маалыматка караганда, УКМК сотко чейинки өндүрүштүн алкагында жүргүзүлгөн иш-чаралардын жыйынтыгында Жогорку Кеңештин КСДП фракциясынын депутаты, мурдагы вице-спикер З.Т.З. жасалма диплом колдонуп жүргөнү аныкталган.

"Ал 1998-жылы Жусуп Баласагын атындагы Кыргыз улуттук университетинин тарых факультетинин үчүнчү курсунан чыгарылган. Окуудан чыгарылышынын себеби — билим алуу үчүн акыны төлөгөн эмес. ЖКнын депутаты жасалма дипломду экинчи жогорку билим алуу үчүн, активдүү саясий ишмердүүлүк мезгилде дагы колдонгон", — деп айтылат УКМКнын билдирүүсүндө.

Мындан ташкары, Жусуп Баласагын атындагы КУУдан УКМКга З.Т.З университеттин бүтүрүүчүлөрүнүн катарында жок экенин жана анын дипломунда көрсөтүлгөн номер башка жаранга берилгенин билдиришкен.

Депутат ЖК 6 созыва Торобай Зулпукаров от партии СДПК на заседании. Архивное фото
© Sputnik / Табылды Кадырбеков
Жогорку Кеңештин депутаты Төрөбай Зулпукаров

Белгилей кетсек, бул инициалдар ЖК депутаты, учурда УКМКнын тергөө абагында кармалып турган Төрөбай Зулпукаровго туура келүүдө. Ал Кумтөр иши боюнча Жазык кодексинин 319-беренесинин ("Коррупция") негизинде шектелип жатат.

0
Белгилер:
кылмыш иши, диплом, Жогорку Кеңеш, УКМК, Төрөбай Зулпукаров
Тема боюнча
УКМК: Динара Молдошева Кумтөр иши боюнча шектелүүдө
Пачка-пачка доллар, алтын буюмдар. Бажычынын үйүн, кабинетин тинткен видео