Айбек Жунушалиев (ортодо)

Новиковдун ордуна келген Айбек Жунушалиев тууралуу эмне белгилүү

98
(жаңыланган 19:28 20.05.2021)
Айбек Жунушалиев 1976-жылы 6-июнда Чүй облусуна караштуу Кегети айылында туулган. 1999-жылы Кыргыз мамлекеттик улуттук университетинин юриспруденция адистигин аяктаган.

Эмгек жолу:

  • 1997–1999 — КММУ слесарь-сантехник;
  • 2000–2004 — КММУ окутуучу;
  • 2000–2006 — Чүй облустук администрациясында жаштар иши боюнча комитеттин башчысы, "Чүй облусунун жаштар кеңеши" коомдук бирикмесинин башчысы;
  • 2006 — Чүй аймактык билим берүү жана жаштар саясаты башкармалыгында жетекчинин орун басары;
  • 2006–2007 — Чүй облустук администрацияда социалдык өнүктүрүү бөлүмүнүн башчысы;
  • 2007–2008 — өкмөттүн аппаратында билим берүү, маданият, дин, спорт жана жаштар менен иштешүү бөлүмүндө референт;
  • 2008–2009 — президенттин жарандарды жана каттарды кабыл алуу секторунун башчысы;
  • 2009–2010 — президенттин администрациясында уюштуруу жана көзөмөлдөө иштери боюнча сектордун эксперти;
  • 2010 — Чүй облустук администрациясында жергиликтүү өз алдынча башкаруу жана уюштуруу иштери боюнча бөлүмдүн башчысы;
  • 2010–2014 — өкмөттүн Чүй облусундагы өкүлчүлүгүндө аппарат жетекчи;
  • 2014–2015 — өкмөт аппаратынын социалдык өнүктүрүү бөлүмүнүн башчысы;
  • 2015 — Эмгек, миграция жана жаштар министрлигинде статс-катчы.

2021-жылы өкмөттүн аппарат жетекчисинин биринчи орун басары болуп дайындалган. Май айында министрлер кабинетинин төрагасынын биринчи орун басары болуп келди.

98
Белгилер:
кызмат, өкмөт, таржымал, Өмүр баяны, Айбек Жунушалиев
Тема боюнча
Эрбол Султанбаев — өмүр баяны
Чүй облустук соттун төрагасы Дамирбек Оңолбеков (сол жакта). Архив

Бакиевдин үй-бүлөсүн соттогон. Жапаров көрсөткөн мас судья тууралуу 6 факты

3915
(жаңыланган 12:50 17.06.2021)
Ичимдик ичип талкууга түшкөн судья сот тармагында 30 жылдан бери иштейт. Мурунку президент Курманбек Бакиевдин үй-бүлөсүн соттогон. Атасы да мурда жогорку кызматтарды аркалаган, ал эми бир тууган иниси Бажы кызматын башкарган.

Чүй облустук соттун төрагасы Дамирбек Оңолбековдун мас абалда бутуна тура албай иш бөлмөсүнө келгени коомчулукту таң калтырды. Ал видеону бүгүн президент Садыр Жапаров Сот жана укук коргоо ишин өркүндөтүү маселелери боюнча кеңештин жыйынында көрсөттү. Дал ушул жыйында сот жана укук коргоо тармагын өркүндөтүү маселеси талкууланган.

Sputnik Кыргызстан агенттиги судья Дамирбек Оңолбеков тууралуу фактыларды сунуштайт.

Ушундай болуп калды...

Оңолбеков бүгүн окуя тууралуу кабарчыга комментарий берип жатып мас болуп жумушка келгенин танган жок. Бирок видео былтыр 4-июль күнү тартылганын айтты.

"Былтыр пандемия маалында Чүй облустук сотунда көбү ооруп жаткан. Биз катчылар, аппарат кызматкери болуп иштеп жаттык. Ошол маалда дүрбөлөңгө туш болбойлу деп... Эми түшүнүп жатасызбы, ошондой болуп калды. Аны четке какпай эле коёюн, ар кандай болот, баарыбыз эркекпиз. Анда "кара июль" эле, видео ишемби күнү тартылыптыр. Ошол кезде пандемияга карабай иштеп жатканбыз. Муну (видеону — ред.) ким жеткирди, териштиргим келбейт, кудай өзү көрүп турат. Канча душман, канча досум бар. Баарына жага албайсың", — деген пикирин билдирди.

Ал эми жумушка күн сайын ичип келет деген сөздү четке кагып, мындай такыр мүмкүн эместигин белгиледи. Түзүлгөн жагдайдан улам өз ыктыяры менен кызматтан кетүүгө арыз жазды. Ал арада Судьялар кеңеши Оңолбековду мөөнөтүнөн мурда иштен алууну президентке сунуштады.

Сот тармагында 30 жыл, Чүй облусунда 3 жыл иштеди

Оңолбеков 1966–жылы 31-мартта Фрунзе шаарында туулган. Ал Sputnik Кыргызстанга берген маегинде сот тармагында 30 жылдан бери иштеп келе жатканын айтты. Бул аралыкта Ысык-Көл облустук соттун төрагасынын орун басары, Бишкек аскердик гарнизондук сотунун судьясы болуп иштеген. Ал эми Чүй облустук соттун судьялыгына 2018-жылы 1-февралда ошондогу президент Сооронбай Жээнбековдун жарлыгы менен дайындалган. Кийинчерээк төрага болуп бекитилген.

"Кылымдын сотун" тергеп, Бакиевдин үй-бүлөсүн соттогон

2010-жылдагы 7-апрель коогалаңында Ак үйдүн алдында 80ге чукул адам окко учуп, 300дөн ашууну жаракат алган. Бул окуя боюнча соттук териштирүү ошол жылдын 30-ноябрында башталган.

Аны баштан аяк Бишкек аскердик гарнизондук сотунун судьясы Дамирбек Оңолбеков карап, 2014-жылы 25-июлда өкүм чыгарган. Натыйжада УКМКнын "Альфа" атайын бөлүгүнүн кызматкерлери акталып, Курманбек Бакиев, анын иниси Жаныш Бакиев, мурдагы премьер-министр Данияр Үсөнов сыртынан өмүр бою эркинен ажыратылган. Мындан сырткары, бир катар жооптуу кызматкерлер, аткаминерлер 10 жылдан 25 жылга чейин кесилген.

Бул соттук процесс тарыхта эң узак убакытка созулган жана көлөмдүү, ошол эле учурда чуулуу иш болуп, эл арасында "Кыргызстандагы кылым соту" деп аталып калды. Себеби соттук териштирүү 3 жыл 8 айга созулуп, 95 томдон турган материал даярдалган. Ал эми өкүм 400 бет болуп жазылып, аны бир жума окуган.

Атасы КГБда иштеген

Атасы Мадылбек Оңолбеков мамлекеттик жана партия кызматкери болгон. Ал Кыргыз ССРинин Коопсуздук мамлекеттик комитетинде, Юстиция министрлигинде, Жогорку Кеңеште, Конституциялык сотто жетекчилик кызматтарды аркалаган. Былтыр узакка созулган оорудан улам 80 жашында дүйнөдөн өткөн.

Бир тууган иниси Бажы кызматын башкарган

2018-жылы май айында Бажы кызматынын төрагасы Кубанычбек Кулматов кызматтан бошотулуп, анын ордуна Алмаз Оңолбеков дайындалган. Ал учурда кеп болуп жаткан судья Дамирбек Оңолбековдун бир тууган иниси. Ага бул кызматты башкаруу шыбагасы бир жылдан ашыгыраак убакытка созулган.

Батирден башка мүлкү жок

2018-жылы киреше-чыгашасы тууралуу тапшырган декларациясында бир жылда 854 233 сом табарын жазган. Аянты 72,1 чарчы метр бир батирге жана бакча тибиндеги 800 чарчы метр жер тилкеге ээлик кылат. Мындан башка мүлкү жок.

Ал эми жакын туугандары бир жылда 430 574 сом тапкан.

Оңолбеков бүгүн берген маегинде төрт жылдан бери дем алышсыз иштеп жатканын, башкаларга окшоп чет өлкөгө эс алууга да чыкпаганын белгиледи. Жадагалса Ысык-Көлгө да бара электигин айтты.

3915
Белгилер:
дайындоо, Чүй облусу, өкүм, Курманбек Бакиев, мас, факты, сот, Дамирбек Оңолбеков
Тема боюнча
Кудай көрүп турат. Жапаров видеосун көрсөткөн мас судья өз версиясын айтты
74 батир, 19 соода жай... УКМК судьянын мыйзамсыз байыганын аныктады
УКМК кармаган Жогорку соттун судьясы Осмоналиев 70 млн. сом төлөп абактан чыкты
Бакиров Өмүрбек Мирзараимович

Бакиров Өмүрбек Мирзараимович өмүр баяны

71
Өмүрбек Бакиров 1978-жылы Ош облусуна караштуу Араван районунун Төө-Моюн айылында туулган. 2001-жылы Кыргыз-өзбек университетинин финансы жана кредит факультетин аяктаган.

Эмгек жолу:

  • 2001-2008 — жеке ишкер;
  • 2008-2010 — "Гарант" акционердик коомунун директору;
  • 2010-2011 — Жогорку Кеңештин төрагасынын жардамчысы;
  • 2011, июль-сентябрь — Жогорку Кеңештин төрагасынын кеңешчиси;
  • 2011-2015 — Жогорку Кеңештин V чакырылышынын депутаты;
  • 2018, ноябрь-декабрь — "Кыргызтелеком" ААКсынын төрагасынын кеңешчиси;
  • 2018 — Жогорку Кеңештин VI чакырылышынын депутаты.

Үй-бүлөлүү, төрт баланын атасы.

71
Белгилер:
Өмүр баяны, депутат, Өмүрбек Бакиров

Россия 365 тонна суу майды Кыргызстанга гумжардам катары берди

0
Россия БУУнун Кыргызстандагы Дүйнөлүк соода программасынын ири донору болуп саналат. Акыркы 10 жылда дээрлик 1 миллион кыргызстандыкка колдоо көрсөтүлгөн.

БИШКЕК, 24-июн. — Sputnik. Бишкек менен Ошко Россия гумжардам катары берген 365 тонна суу май жеткирилди. Азыктын бул түрү 27 миң аз камсыз үй-бүлөгө берилет.

Россия Кыргызстанга Дүйнөлүк соода программасынын алкагында байма-бай колдоо көрсөтүп келет. Мисалы, жазында витаминдүү ун жеткирилсе, эми суу май берилди. Гумжардамды тапшыруу иш-чарасына РФнын Кыргызстандагы элчилиги менен БУУнун Дүйнөлүк соода программасынын өкүлдөрү жана КРдин Саламаттык сактоо министрлигинин кызматкерлери катышты.

"365 тонна суу майдын 60 тоннасы Бишкектеги кампага киргизилсе, калганы Ошко жөнөтүлдү", — деди Россиянын Кыргызстандагы элчилигинин тышкы саясат тобунун жетекчиси Артем Романов.

Саламаттык сактоо министрлигинин алдындагы Соцкамсыздоо департаментинин директору Актан Балбаков өкмөттүн атынан Россияга ыраазычылык билдирди.

БУУнун Дүйнөлүк соода программасынын маалыматына караганда, аз камсыз үй-бүлөлөр ар кандай долбоорлорго катышуу менен (каналдарды оңдоо жана калыбына келтирүү, бак тигүү ж.б.) ун жана суу май ала алышат.

Россия БУУнун Кыргызстандагы Дүйнөлүк соода программасынын ири донору болуп саналат. Акыркы 10 жылда дээрлик 1 миллион кыргызстандыкка колдоо көрсөтүлгөн. Жардам мектеп окуучуларына, фермерлер, айылдык аялдар жана аз камсыз үй-бүлөлөргө берилген.

0
Белгилер:
Ош, Бишкек, май, суу, ун, программа, БУУ, Россия, Кыргызстан