Бишкек шаардык кеңешинин төрагасы Кубанычбек Конгантиев

Бишкек шаардык кеңешине төрага болгон Кубанычбек Конгантиевдин өмүр баяны

3689
(жаңыланган 15:04 30.07.2021)
Кубанычбек Конгантиев 1980-жылы 1-июнда Пржевальск (азыркы Каракол) шаарында төрөлгөн.

Билими:

  • Кубанычбек Конгантиевдин үч жогорку билими бар. Ал Борбор Азиядагы Америка университети жана Улуттук университеттин юриспруденция факультеттерин аяктаган. Мындан тышкары, ТИМдин алдындагы Дипломатиялык академияны да бүтүргөн. Юридика илимдеринин кандидаты.

Эмгек жолу:

  • 2004 — юрист;
  • 2009 — дене тарбия жана спорт боюнча мамлекеттик агенттиктин директорунун орун басары;
  • 2010-2011 — КР Улуттук олимпиада комитетинин биринчи вице-президенти;
  • 2012-жылдан тарта Бишкек шаардык кеңештин депутаты.
  • 2021 — Кубанычбек Конгантиев Бишкек шаардык кеңешине биринчи шайлоодо "Кыргызстан элдик-демократиялык партиясы" менен аттанган. Бирок БШК аталган партияны шайлоодон четтеткен. Ал шайлоонун жыйынтыгы кийин жокко чыгарылып, экинчи ирет шайлоодо Конгантиев "Ата Журт Кыргызстан" партиясы менен барып, Бишкек шаардык кеңешине депутат болгон.
  • 2021-жыл, 30-июль — Бишкек шаардык кеңешинин төрагасы.

Үй-бүлөсү:

Кубанычбек Конгантиевдин атасы Камбаралы Конгантиев мурдагы башкы прокурор. 2005-жылы Жогорку Кеңештин депутаты да болгон. Ал эми атасынын иниси Молдомуса Конгантиев мурдагы ички иштер министри.

3689
Белгилер:
Кубанычбек Конгантиев, Өмүр баяны, таржымал
Тема боюнча
Бакиров Өмүрбек Мирзараимович — өмүр баяны
Эл аралык хоккей федерациясына вице-президент болгон Айваз Оморканов

Эл аралык хоккей федерациясына вице-президент болгон Оморкановдун өмүр баяны

539
(жаңыланган 23:04 25.09.2021)
Айваз Оморкановдун өмүр баяны жана эмгек жолу тууралуу Sputnik Кыргызстан агенттиги даярдаган "Таржымал" рубрикасынан окуңуз.

Кыргызстандык хоккей функционери Айваз Оморканов 25-сентябрь күнү Хоккей боюнча эл аралык федерациянын Азия жана Океания боюнча вице-президенти болуп шайланган

Спорттук уюмдун жетекчилигине шайлоо Эл аралык федерациянын (IIHF) Санкт-Петербургдагы конгрессинде өткөн. Федерациянын сайтындагы расмий маалыматка караганда, кыргызстандык 62, ал эми атаандашы Томас Ву 40 добуш алган.

Посмотреть эту публикацию в Instagram

Публикация от IIHF (@iihfhockey)

Федерациянын президенти болуп 68 жаштагы француз Люк Тардиф болду. Ал IIHF уюмун 1994-жылдан бери жетектеп келген Рене Фазелдин ордуна келди.

Sputnik редакциясы Айваз Оморкановдун эмгек жолу боюнча фактыларды топтоду. Анын өмүр баяны Хоккей боюнча эл аралык федерациянын сайтына жарыяланды.

Оморканов 1996-жылдын 2-июнунда Бишкекте төрөлгөн. Жети жылдай Кытайда жашап, окуган.

Эл аралык бизнес жана экономика боюнча Пекин университетинде эл аралык экономика багытында билим алган. Мындан сырткары, Кыргыз улуттук университетинен бакалавр даражасын алган. Учурда КР ТИМинин Дипломатиялык академиясында магистратурада окуп жатат.

Төрт жылдай Кыргызстандын хоккей боюнча курама командасында ойногон. Триатлон менен дагы алектенип, Ironman 70.3 дүйнөлүк чемпионатына катышуу үчүн квалификациядан өтүүгө жетишкен.

Посмотреть эту публикацию в Instagram

Публикация от Aivaz Omorkanov (@aivazomorkanov)

Азыркы кызмат ордуна келгенге чейин Кыргызстандын хоккей боюнча федерациясынын башкы катчысы жана коомчулук менен байланыш боюнча менеджери болуп иштеген.

Хоккей боюнча эл аралык федерациянын кеңешинин тарыхындагы эң жаш мүчөсү.

Айваз Оморканов кыргызча, кытайча жана орусча эркин сүйлөйт.

539
Белгилер:
Кыргызстан, хоккей, федерация, Айваз Оморканов
Экономика жана финансы министрлигинин алдындагы Мамлекеттик бажы кызматынын төрагасы Самат Исабеков

Бажы кызматынын башчысы Самат Исабеков тууралуу эмне белгилүү

1614
1972-жылы туулган Самат Исабековдун эки жогорку билими бар. Аталган кызматка 2021-жылдын июнь айында дайындалган.

Самат Исабеков 1995-жылы Кыргыз мамлекеттик улуттук университетти "Укук таануу" адистиги боюнча аяктаган. Ал эми 2009-жылы ТИМдин Дипломатиялык академиясынан "Эл аралык мамилелер" адистиги боюнча билим алган.

Бажы органдарында контрабандага, баңги бизнесине жана бажы эрежесинин бузулушуна каршы күрөшүү бөлүмдөрүндө кызмат өтөгөн. Мындан тышкары, болжолдуу көрсөткүчтөрдүн аткарылышына жооп берген бөлүмдөрдү жетектеген.

2021-жылдын июнь айында Экономика жана финансы министрлигинин алдындагы Мамлекеттик бажы кызматынын төрагасы болуп дайындалган.

Үй-бүлөлүү, алты баланын атасы.

1614
Белгилер:
Самат Исабеков, Мамлекеттик бажы кызматы, Өмүр баяны, биография
Көмүр түшүрүп жаткан жумушчу. Архив

Быйыл көмүрдүн баасы кандай болот? Кара алтындын наркына сереп

50
(жаңыланган 17:49 27.09.2021)
Синоптиктер аптанын аягында күн сууктай турганын божомолдоодо. Аба ырайы бузулары менен турак үйдө тургандар арасында көмүргө болгон суроо-талап өсөт.

Быйыл азык-түлүктөн тарта күйүүчү майга чейин кымбаттады. Мунун баары көмүрдүн баасына таасир этпейби? Кара алтындын баасы канча болот, кору жетиштүүбү? Sputnik Кыргызстан маалымат агенттиги ушул жана башка суроолорго жооп алып, көмүрдүн наркы, запасына сереп салды.

Бишкек шаарындагы көмүр саткан ишкерлердин айтымында, азырынча ордо калаага Кара-Кеченин көмүрү келе элек. Учурда шаарда Казакстандын Кара-Жыра, Шабыркүл көмүрлөрү эле сатылууда. Алардын бир тоннасы 4 800 сомго бааланып жатканы маалым болду.

"Кыргыз көмүр" мамлекеттик ишканасынын директорунун орун басары Надырбек Бекжанов былтыркы жылга салыштырмалуу быйыл көмүр казуу иштери бир аз кечигип жатканын айтып, себебин түшүндүрдү.

"Каражаттын жетишсиздигинен, жайында тоолуу райондорго эки ай тынбай жамгыр, кар да жаагандыктан көмүр кеч казылып калды. Анын үстүнө буга күйүүчү май, тетиктердин кымбатташы да себеп болду. Ага карабай көмүр казуу иштери уланып жатат. Тилекке каршы, көмүрдүн кесегин аныктай албагандыктан, казылган көмүрлөр бир аз майда болууда", — деди Бекжанов.

Анткен менен быйыл өлкөдө көмүр жетиштүү болору белгиленди. Бекжановдун айтымында, жылдан-жылга көмүр көп казылып, жалпысынан өлкөдө кара алтындын алты миллиард тонна запасы бар.

"Бул жылы үч миллион тоннадан ашык көмүр керектелиши күтүлүүдө. Анын ичинен 1 миллион 150 миң тоннасы элге берилсе, 250 миң тонна бюджеттик мекемелерге жумшалат. Калганы ТЭЦке жумшалат", — деди Бекжанов.

Ал учурда ТЭЦти көмүр менен камсыздоо иши жүрүп жатканын айтып, көмүр элге жана бюджеттик мекемелерге 1-октябрдан тарта бериле баштаарын кошумчалады.

"Быйыл күйүүчү майдын жана техникалык каражаттардын кымбаттаганы көмүрдүн баасына да таасирин тийгизбей койбойт. Карьерден чыккан 1 тонна көмүрдүн баасы Монополияга каршы жөнгө салуу мамлекеттик агенттиги тарабынан 1 330 сом деп белгиленди. Статистикалык маалымат боюнча, кара алтындын бир тоннасы Нарында 2 500 сомдон 4000 сомго чейин, Чүй өрөөнүндө 4500-4700 сом, Ысык-Көлдө 5000 сомго чейин чыгат. Ал эми өлкөнүн түштүк аймагында 7000-8000 сомго сатылары божомолдонууда", — деди ал.

Монополияны жөнгө салуу мамлекеттик агенттигинин билдирмеси боюнча, быйыл жергиликтүү көмүрдүн бир тоннасынын наркы 3 620 сомдон 6 500 сомго чейин болмокчу. Мунун ичинде Кара-Кече, Сүлүктү, Таш-Көмүр, Кызыл-Кыя көмүрү бар.

Ал эми сырттан келген көмүрдүн (Казакстан) бир тоннасы 5000-7000 сомду түзөт. "Кыргыз көмүр" ишканасы азыркы учурда Кыргызстанга Казакстандан көмүрдүн Кара-Жыра, Шабыркүл деген түрлөрү аз-аздан келип жатканын айтып, бирок Казакстан ички керектөөсүн толук камсыздап алмайынча, канча тонна көмүр келери белгисиз экенин кошумчалады.

Эскерте кетсек, өлкөдө көмүрдүн сатыла турган баасын (карьерден чыкканын гана белгилейт — ред.) бир дагы мамлекеттик орган бекитпейт. Монополияга каршы жөнгө салуу мамлекеттик агенттиги көмүрдүн баасы чектен ашып сатылып жаткан күндө гана өкмөттүн токтому менен көзөмөлгө алат.

Былтыр Бишкекте Кара-Кече көмүрүнүн баасы 3700дөн 4200 сомго чейин сатылса, Казакстандын Кара-Жыра, Шабыркүл көмүрлөрүнүн баасы 4000 сомдон ашкан.

50
Белгилер:
көмүр, баалар, Кыргызкөмүр мамлекеттик ишканасы
Тема боюнча
Кулжыгачов: Бишкек ЖЭБи күзгү-кышкы жылытуу мезгилине даяр
Кышка даярдык башталды. Бишкек менен Чүйдө электр чубалгылары оңдолот. Сүрөт