Колунда папкасы бар киши. Иллюстративдик сүрөт

БШКнын кармалган мүчөсү Акылбек Эшимов тууралуу эмне белгилүү

1750
Акылбек Эшимовдун өмүр баяны жана эмгек жолу тууралуу Sputnik Кыргызстан агенттиги даярдаган "Таржымал" рубрикасынан окуңуз.

Акылбек Эшимов 1976-жылы 9-апрелде Ош облусунун Кара-Суу районуна караштуу Кашкар-Кыштак айылында туулган.

Член Центральной комиссии по выборам и проведению референдумов Акылбек Эшимов
© Фото / пресс-служба ЦИК КР
Акылбек Эшимов

Билими:

  • 2003-жылы Ош технологиялык университетинин юриспруденция факультетин аяктаган, 2015-жылы ТИМдин Дипломатиялык академиясында эл аралык мамилелер факультетин бүтүргөн.

Эмгек жолу:

  • 2003-2006 — "Ош облустук типография" ишканасында продукция реализатору;
  • 2006-2008 — "Ош облустук типография" ишканасында реализация боюнча менеджер;
  • 2011-2015 — Жогорку Кеңештин депутаты;
  • 2012-2013 — Жогорку Кеңеште экономикалык жана фискалдык саясат боюнча комитеттин мүчөсү;
  • 2013-2015 — Жогорку Кеңеште Отун-энергетикалык комплекс жана жер казынасын пайдалануу боюнча комитеттин мүчөсү;
  • 2014-2015 — "Республика" партиясынын лидеринин орун басары;
  • 2016-2017 — Шайлоо жана референдум өткөрүү боюнча борбордук комиссиянын мүчөсү;
  • 2017-2021 — БШК төрайымынын орун басары.
  • 2015-жылдан бери "Алыш" күрөшү боюнча улуттук федерациянын президенти.

2021-жылдын сентябрь айында ал УКМК тарабынан ири суммада пара алган деген шек менен кармалды.

1750
Белгилер:
Өмүр баяны, БШК, таржымал, депутат, пара, Акылбек Эшимов
Тема боюнча
Нарматова Орозайым Көчкөнбаевна — өмүр баяны
Татиков Руслан Сатылганович — өмүр баяны
Эл аралык хоккей федерациясына вице-президент болгон Айваз Оморканов

Эл аралык хоккей федерациясына вице-президент болгон Оморкановдун өмүр баяны

419
(жаңыланган 23:04 25.09.2021)
Айваз Оморкановдун өмүр баяны жана эмгек жолу тууралуу Sputnik Кыргызстан агенттиги даярдаган "Таржымал" рубрикасынан окуңуз.

Кыргызстандык хоккей функционери Айваз Оморканов 25-сентябрь күнү Хоккей боюнча эл аралык федерациянын Азия жана Океания боюнча вице-президенти болуп шайланган

Спорттук уюмдун жетекчилигине шайлоо Эл аралык федерациянын (IIHF) Санкт-Петербургдагы конгрессинде өткөн. Федерациянын сайтындагы расмий маалыматка караганда, кыргызстандык 62, ал эми атаандашы Томас Ву 40 добуш алган.

Посмотреть эту публикацию в Instagram

Публикация от IIHF (@iihfhockey)

Федерациянын президенти болуп 68 жаштагы француз Люк Тардиф болду. Ал IIHF уюмун 1994-жылдан бери жетектеп келген Рене Фазелдин ордуна келди.

Sputnik редакциясы Айваз Оморкановдун эмгек жолу боюнча фактыларды топтоду. Анын өмүр баяны Хоккей боюнча эл аралык федерациянын сайтына жарыяланды.

Оморканов 1996-жылдын 2-июнунда Бишкекте төрөлгөн. Жети жылдай Кытайда жашап, окуган.

Эл аралык бизнес жана экономика боюнча Пекин университетинде эл аралык экономика багытында билим алган. Мындан сырткары, Кыргыз улуттук университетинен бакалавр даражасын алган. Учурда КР ТИМинин Дипломатиялык академиясында магистратурада окуп жатат.

Төрт жылдай Кыргызстандын хоккей боюнча курама командасында ойногон. Триатлон менен дагы алектенип, Ironman 70.3 дүйнөлүк чемпионатына катышуу үчүн квалификациядан өтүүгө жетишкен.

Посмотреть эту публикацию в Instagram

Публикация от Aivaz Omorkanov (@aivazomorkanov)

Азыркы кызмат ордуна келгенге чейин Кыргызстандын хоккей боюнча федерациясынын башкы катчысы жана коомчулук менен байланыш боюнча менеджери болуп иштеген.

Хоккей боюнча эл аралык федерациянын кеңешинин тарыхындагы эң жаш мүчөсү.

Айваз Оморканов кыргызча, кытайча жана орусча эркин сүйлөйт.

419
Белгилер:
Кыргызстан, хоккей, федерация, Айваз Оморканов
Экономика жана финансы министрлигинин алдындагы Мамлекеттик бажы кызматынын төрагасы Самат Исабеков

Бажы кызматынын башчысы Самат Исабеков тууралуу эмне белгилүү

1372
1972-жылы туулган Самат Исабековдун эки жогорку билими бар. Аталган кызматка 2021-жылдын июнь айында дайындалган.

Самат Исабеков 1995-жылы Кыргыз мамлекеттик улуттук университетти "Укук таануу" адистиги боюнча аяктаган. Ал эми 2009-жылы ТИМдин Дипломатиялык академиясынан "Эл аралык мамилелер" адистиги боюнча билим алган.

Бажы органдарында контрабандага, баңги бизнесине жана бажы эрежесинин бузулушуна каршы күрөшүү бөлүмдөрүндө кызмат өтөгөн. Мындан тышкары, болжолдуу көрсөткүчтөрдүн аткарылышына жооп берген бөлүмдөрдү жетектеген.

2021-жылдын июнь айында Экономика жана финансы министрлигинин алдындагы Мамлекеттик бажы кызматынын төрагасы болуп дайындалган.

Үй-бүлөлүү, алты баланын атасы.

1372
Белгилер:
Самат Исабеков, Мамлекеттик бажы кызматы, Өмүр баяны, биография
Кыргызстандын президенти Садыр Жапаров телефон менен сүйлөшүү учрунда. Архив

Садыр Жапаров чемпиондук наамын коргогон Валентина Шевченкону куттуктады

0
(жаңыланган 19:46 26.09.2021)
Кыргызстандык спортчу ушуну менен алтынчы ирет чемпиондук наамын коргоду. Беттешке кыргызстандыктар бүгүн эртең менен күбө болду.

БИШКЕК, 26-сен. — Sputnik. Президент Садыр Жапаров телефондон кыргызстандык мушкер Валентина Шевченкону бүгүнкү жеңиши менен куттуктаганын өлкө башчынын маалымат кызматы кабарлады.

Эскерте кетсек, UFC уюмунун кезектеги беттешинде Шевченко америкалык Лорен Мерфини мөөнөтүнөн эрте ишенимдүү жеңип алган. Ушуну менен ата мекендик спортчу чемпиондук наамын алтынчы ирет коргоду.

Жапаров Шевченконун жогорку чеберчилигин, духунун күчтүүлүгүн жана мүнөзүнүн бекемдигин жогору баалады.

"Жалпы кыргыз элинин жана өзүмдүн атымдан ийгиликтүү жеңишиңиз менен куттуктообузду кабыл алыңыз. Биз баарыбыз Сиздин жетишкендиктериңиз менен сыймыктанабыз. Абройлуу эл аралык турнирлерде Кыргызстандын намысын коргоп жатасыз. Алдыда дагы чоң ийгиликтер жана жаңы жеңиштер күтүп турганына ишенем",— деди президент.

Сөзүнүн соңунда өлкө башчы спортчуга бекем ден соолук жана бакубат жашоо каалады.

Баса, редакция Шевченконун беттешиндеги урунттуу учурлардын видеосун топтогон.

0
Белгилер:
Садыр Жапаров, Валентина Шевченко, беттешүү, жеңиш, чемпион, куттуктоо
Тема боюнча
Силерди жакшы көрөм! Шевченконун Кыргызстанга салам жолдогон видеосу
Кыргыз желегин желбиретип... Шевченко кантип жеңгенин көрсөткөн видеолор
Мен чемпионмун, баарына даярмын! Шевченко кийинки атаандашы боюнча жооп берди